انا مدرسه تربيه رياضيه تعيين 3 الي فات لسه منقوله مدرسه جديده عشان قريبه من البيت عرفني المدير علي المدرسه الاولي للتربيه الرياضيه وهيه الوحيده في المدرسه يعني بقيت انا وهيه يوم بعد يوم بكتشف فيها سوء الطباع وبيبان بشكل سريع جدا تقريبا انا حاسه انها مديرة عليا انا وبس طول اليوم تحكمات عالفارغه والمليانه وبشكل يسيء لكرامتي كمدرسه واتفاجئت انها مكروهه من كل زملائنا و مدير المدرسه كل الي بيعمله تطييب خاطري بكلمتين لما زهقت ونويت اسيب المكان
المهم اكتشفت عن طريق زملائي التانيين انها دبلوم معلمات وواخده جدول حساب ومن ضمن حصص التربيه الرياضيه انا اتاكدت من بيناتها الي في المدرسه بنفسي الي عاوزة اعرفه هل ده قانوني وهل ليها سلطه عليا باعتبار انها مدرسه اولي اسفه جدا للاطاله وارجو الرد من ذوي الخبرة

ليس لها سلطة عليكى
انت مدرسة وهي مدرسة
انتى لكى نصاب حصص مسؤله عنها فقط
وهي لها نصاب حصص مسؤله عنها
الفرق أن المدرس الأول يخفض له نصاب حصصه "حصتين"
بمعنى أن النصاب القانوني فى مصر هو 21 حصة المدرس الأول يكون 19 حصة
ويحق للمدرس الأول حضور حصة كل شهر للمدرسين فى نفس تخصصة ويقوم بتقييمه ورفع التقييم لمدير المدرسة والموجه دون تدخله فى الحصة

الأخت العزيزة طول ما انت محضرة وسجلاتك تمام ملهاش حاجة عندك ابدا وهى مش بأيدها تعملك اى حاجه حتى لو قالتلك على اى حاجة قولى لها لما تيجى الموجه وتشوف اللى انا عملاه ومتخفيش التربية والتعليم عاوزة القلب الجامد فى المعامله مش الطيبة

فهمت منك انك معلمة بالمرحلة الابتدائية فنصابك 24حصة امانصاب معلمة الاعدادى 21 حصة اما بالنسبة للمعلمة ممكن باسلوبك المحترم تجبريها على احترامك ولا تردى الاساءه بالاساءه واهتمى بحصتك وسجلاتك وبعد فترة سوف تسبتى لها انك لاتتعالى عليها وعودى نفسك ان تصبرى فى اول الامر حتى تصلى للنتيجة المرجوة

بصى يامريم انتى تخصصى وهى تعتبر مدرسة فصل يعنى ماليها اى سلطة عليكى او حتى توجيه وانتى لكى الاولوية فى الحصص يعنى وريها العين الحمرا

اوعى تديها اي اهتمام انتى ليكى حصتك وبس واعلى ما فخيلها تركبه الطيب الايام دى ماينفعش شوطيها

يابننتى انا جربت المشاكل دى الاستاذه دى عندها عقد نقص لانها طبعا دبلوم وركزى على دى فى معاملتك لها لانها هى اللى بدأت بالخطأ وعلى فكرة التوجيه لايسمح بتدريس حصص التربية الرياضية الا للمتخصص ولا يجوز سد عجزها عن طريق الادارة فهذه مخالفة صريحة اولا عليكى بالتوجيه اخيرا افردى عضلات التخصص التى لا تفقه عنه شيء ادارة الطابور تدريس مهارات لا علم لها بها ادخال صيحات وس قفات فى الحصة حاولى ان تقفى ولو من بعد لتتعرفى على حصة لها وربنا يوفقك وعامة الجديد حتى يثبت نفسه غريب

هو مش عندك موجهه ما تضع بينكم الضوابط
بمعنى انتى المفروض هتشيلى كم نشاط وهى تشيل كم نشاطعلشان كل واحد يعرف حدوده من النشاط والسجلات المفروض اللى تعمليها
خططى الملعب كل يوم ان أمكن وجهزى سجدلاتك ولا تجلسى معها إلا للضروره ولا تحتكى بها

انا مدرس اول وبقلك انتي المشرفه عليها