ana mesh hage

:excl:

ده بقى نموذج من اللغة الجديدة لشباب الفيس بوك:cool:

وكأن ده هو التطور الطبيعى للحاجة الساقعة:028ja7:

طبعا اعذرونى لركاكة أسلوبى:rolleyes:

لأنى شخصيا عمرى ما فكرت اتعلم اللغة الجميلة خالص جدا دى:d

وعمرى ما توقعت انها انتشرت لهذه الدرجة لحد امبارح

لما لقيت زميلتى كاتبه اسمها بارقام وحروف انجليزى

انتوا مش شايفين ان اللغة دى بتهدد اللغة العربية وللا حاسين انى مكبرة الموضوع ؟

آه فعلا و الله اللغة دي بتستفزني جدااااااااا

ماهو يا يكتبوا انجليش بجد يا يكتبا عربي لكن كده عملوا زي اللى وقفوا ع السلم :d

و كلامك سليم 100 %

و ربنا يهدي و يستر من اللى جاي

حاجة كده فجأة طلعت بدون مفاجأة ف وقت مش فجأة

الفرانكو ده حاجة غبية اوى وعاملين خليط بين الانجش والعامية
يعنى شغل فزلكة :blush:

لما احنا بنعمل ده دلوقتى اومال الاجيال الجاية هتعمل ايه

الفرانكو هى لغة مختلطة بين العربية والانجليزية بالتحديد تستخدم فى مصر اكثر ..
وبالمثل فى بلاد المغرب العربى نجد ان العربية مع خليط الفرنسية !
..وهكذا فى باقى البلدان ..
وللاسف امر مغزى ان نترك لغة القران التى كرمها الله واختصها لكتابة الكريم ..
ونهينها بهذا الشكل ..وللاسف ضررها الاكبر (تدمير لغتك العربية والاجنبية الاخرى ) والاكثر تاثيرا الاجنبية لكونها مستحدثة
...وهكذا لا حصلت لغة عربية او اجنبية ..
وانا انصح الجميع انهم يستخدموا اللغة العربية والاجنبية بكل قواعدها افضل كثيرا من الخلط بينهم ..
على الاقل تستفاد من تمرير اللغة وكثرة استعمالها بدلا من استحداث لغة غريبة تدمر الاثنين !


...شكرا على موضوعك الرائع وتسليطك الضوء علية ..
..جزاك الله كل خير ..

هذا أحد أسلحة الهدم التى يجب الإلتفات إليها
ولكن لا تخشوا على مصر
فرغم تناوب المحتلين عليها ماذا زالت تحتفظ بشخصيتها وسماتها وثقافتها
أعنى يجب أن ننتبه وإن كان لايعدو كونه فرقعة وإلى زوال

انا من وجهة نظري انه الموضوع بسيط جدا و مش مستاهل ده كله ..مع احترامي طبعا لوجهة نظرك :)

"انا نحن نزلنا الذكر و انا له لحافظون" صدق الله العظيم ...

اللغة العربية هي لغة القرآن و ربنا سبحانه و تعالى تعهد بحفظ القرآن الكريم فأكيد ده معناه حفظ اللغة العربية كمان ..

ده رأيي المتواضع وأتمنى تقبله :)

:d
nawarto

سعيدة بوجودكم جميعا
بس ياريت الرسالة توصل