السلام عليكم

انا عايز احكيلكم مشكلتى
اولا انا فى 2 ثانوى علمى
و نفسى اخش طب بشرى كنت داخل اول السنة و انا فرحان انى هحقق حلمى و كنت حاطط املى على 100 فى المية
كنت بذاكر 4 او 5 ساعات فى اليوم
لما دخلنا على شهر 10 و 11
بدات اسرح جامد اوى فى المزاكرة و مبقيتش منتظم فى الحل و التحصيل
يعنى بقيت اقعد ساعتين مثلا بس فى كل اليوم
مش عارف ايه اللى بيحصلى اول ما بقعد على الكتاب مع انى بقرا قران قبل ما اذاكر
بيبقى عندى احساس قوى بيقولى انت مهما عملت و ذاكرت مش هتجيب مجموع و الاحساس ده بدا يسيطر عليا يوم بعد يوم
لحد ما بقينا فى نص 12 و مذاكرتى متتعداش 2 ساعة فى اليوم
فى مواد كنت بحبها و ضامنها زى العربى و الالمانى و بعدم المزاكرة بدءو يضيعو من ايدى

ارجوكم يا جماعة حد يشوفلى حل فى الموضوع ده عشان انا مدمر تماما و مش عارف اعمل ايه السنة بتجرى بسرعة و مزاكرتى زى الزفت

انا اسف انى طولت عليكم
فى رعاية الله

عادى جدا كل واحد بتمر بيه ايام بيحس ان حماسه وقوته مش بتكون بنفس القوه اللى بدا بيها
مرحله وهاتعدى وبجد سنه تانيه سنه سهله بجد
استغل وقتك فيها صح وانت هاتوصل للى انت عايزه
وافتكر انك دلوقتى كل شغلانتك انك تزاكر وارمى اى حاجه تانيه وراك لحد لما تاخد الاجازه ابقى اعمل اللى انت عايزه
وابقى افتكر الكلام ده يوم النتيجه وساعتها وانت بتحس بمجهودك بجد
احلى لحظه فى حياتك يمكن تعيشها لما توصل للى نفسك فيه بجد
وكل الحاجات اللى بتشوش عليك دلوقتى ملهاش اى قيمه
واسأل نفسل انت بجد عايز تحقق هدفك ولا هاتدور على شماعه تعلق عليها أخطاءك
سنه تانيه بجد كانت اجمل سنه نفسى ارجع اعيشها كل لحظه
حاول تعمل افضل جهد عندك لأن سنه تالته بجد قويه فانت محتاج من وقتك كل دقيقه
حاليا اتوكل على ربنا واستغل وقتك صح
وافتكر دايما ان الله لا يضيع اجر من احسن عملا

حضرت محاضرة لطبيب نفسى قال ان العقل لا يستوعب اكثر من 3.5 ساعة لاتشد اعصابك وسلم امرك لله ورفه عن نفسك الله المستعان

شكراااااااااا خااااااااااااااااااااااالص ليكم لكن اعمل ايه فى موضوع السرحان؟؟؟؟؟؟؟؟؟

انا كمان زيك ومليش نفس للمزاكرة انا كنت بذاكر اكتر من 16 ساعة فى اول شهر بعد كدة قلوا قلوا لحد ما بقيت مبزاكرش ومقضيها مع صحابى ياااااااااااااااااااااارب ارحمنا برحمتك

ربنا يرحمنا كلنا ياريت يا جماعة حد يقولنا حل او طريقة عشان نجيب مجموع

تفتكر لو فيه حل او طريقه معينه كان فيه ناس سقطت ؟؟

هههههههههههههههههه حلو كلامك اوي يااحمد

انا مش قصدى طريقة انا قصدى نهج او نظام معين مش كل حاجة ناخدها هزار لو سمحتو

اوك,,,

تفتكر لو فيه نهج او نظام معين كان فيه ناس برضو سقطت؟؟

يابنى يا حبيبى قوم ذاكر اللى وراك وانت ساكت ولو حاجه متاخره عليك حاول تذاكرها

ذاكرت هتجيب مجموع ماذاكرتش مش هتجيب نقطه ومن اول السطر......... هو انت هتحضر عفاريت يا عمونا ؟!!:bosyht9:

ايه ده؟يعنى مش وحدى ف الدنيا دى؟ وبالنسبه لصاحب السؤال هدفك هوا اللى هيدفعك ومتخفش اشطه اول ما تخلص المناهج هتذاكر وبنفس كمان

يبقى يا كابتن لازم تغير جو او تغير المود يعنى تقاضيها يومين بالظبط خروج وفسح وكده اوعى تلمس كتاب از تروح درس هترجع كانك لسه داخل اول السنةاخويا قالى كده وان شاء الله هعمل كده انا بقى مش بذاكر ساعتين انا بقيت اسهل حاجة عندى كلمة بكره هظبط الكلام بس دلوقتى لازم انام والكلام ده بالظبط من عيد الاضحى

:wub::028ja7:هههههههههههههههههههههههههههههههههه نفس مشكلتى برده انا فى تانية ثانوى وبرده كنت بذاكر كويس وبعدين حاليا عندى نفس الشعور ونفسى اخش طب اسنان بس شكلى مش هحصلها باستهتارى ده

ربنا معاكم