مشاهدة النسخة كاملة : الكنبه.... والثوار


osama_mma14
21-12-2011, 06:28 PM
منقول
===ثائر أفندى: دول ثوار..





كنباوى: لا بلطجية ..

ثائر أفندى: طب تقدر تقول لى تاخد كام وتضحى بعينك أو تضحى بحياتك فى لحظة؟

كنباوى: بس دول معطلين الدنيا وموقفين حال البلد

ثائر أفندى: عشان يجيبوا لك حقك

كنباوى: ياسيدى أنا اشتكيت لهم

ثائر أفندى: ما هم مارضيوش بالحال المايل زيك

كنباوى: يقوموا يعتصموا ويباتوا فى الشارع ما يتظاهروا ويروحوا!!

ثائر أفندى: ليه هم حزب كنبة زيك؟

كنباوى: طب يعتصموا بس بلاش يقطعوا طرق

ثائر أفندى: أمال المسئولين يحسوا بينا ازاى؟ مش لازم نقرفهم عشان نجبرهم
يسمعونا وينفذوا طلباتنا

كنباوى: بس عددهم قليل ولا يعبرون عن الشعب المصرى

ثائر أفندى: لكن الميدان له شرعية وأى حد عنده الجرأة ينزل الميدان يبقى من حقه
يأمر والمجلس ينفذ

كنباوى: طب لو مطلبهم مش بيرضى بقية الناس

ثائر أفندى: اللى مش عاجبه ينزل التحرير

كنباوى: طب هم عايزين ايه؟

ثائر أفندى: مجلس رئاسى

كنباوى: ومين رئيسه؟

ثائر أفندى: البرادعى طبعا

كنباوى: بس فيه مجموعة تانية رفضت ورشحت أسامى تانية

ثائر أفندى: لالا احنا عملنا انتخابات وهو اللى فاز

كنباوى: طب طالما انتخابات ما تشاركونا معاكم ولا احنا مش من البلد دى

ثائر أفندى: ما احنا قلنا اللى ينزل التحرير بس هو اللى من حقه يقرر مصير البلد

كنباوى: والديمقراطية؟؟

ثائر أفندى: فى التحرير.. احنا اللى جبناها واحنا بس اللى من حقنا نستخدمها

كنباوى: !!!!!! طب ليه الاعتصام قدام مجلس الوزراء؟

ثائر أفندى: عشان رافضين الجنزورى

كنباوى: يقوموا يمنعوه من دخول مقره؟ وده يبقى تصرف حضارى أو محترم؟

ثائر أفندى: طبعا لأنه جه غصب عننا واحنا مش راضيين عنه

كنباوى: بس احنا راضيين

ثائر أفندى: مش مهم! المهم التحرير

كنباوى: طب ليه يحدفوا طوب أو مولتوف؟

ثائر أفندى: دول بقى بلطجية تبع الفلول والنظام السابق والحزب المنحل

كنباوى: أنت مش لسه قايل لى تاخد كام وتضيع منك عينك أو روحك !!!!

ثائر أفندى: أيوه بس دول محترفين ومتعودين على كده

كنباوى: ما علينا نفوت دى.. طب أنت مش لسه قايلى إن الثوار هم اللى معتصمين
هناك

ثائر أفندى: أيوه.. بس دول مندسين وسطنا.. بلطجية النظام السابق ياسيدى

كنباوى: طب ما أنا شايف بعينى الكل بيضرب الأمن؟

ثائر أفندى: لأ.. هم بس بيردوا على الضرب

كنباوى: طب ما هو الضرب على المأجورين!! لما بيضربوا الأمن بينضربوا.. يبقى
المعتصمين بيردوا ليه؟

ثائر أفندى: مش بيتعرضوا لهجوم؟

كنباوى: كويس قوى.. يبقى كفاية يدافعوا عن نفسهم, لكن ليه يحرقوا ويكسروا؟

ثائر أفندى: ما أنا قلت لك. دول الفلول

كنباوى: يعنى كل اللى بيضرب فى العساكر وبيرمى مولوتوف ويكسر ويسرق
ممتلكات من الفلول؟

ثائر أفندى: طبعا

كنباوى: طب وأنت نازل تعمل ايه دلوقتى؟

ثائر أفندى: نازل أشارك, أمال أفضل على الكنبة زيك؟

كنباوى: ومطالبك ايه؟

ثائر أفندى: يسقط حكم العسكر

كنباوى: ليه؟؟

ثائر أفندى: عشان بيستخدم القوة مع المتظاهرين

كنباوى: أنت مش لسه قايل دول فلول؟ ما تسيبهم يولعوا

ثائر أفندى: ازاى يعنى ونضيع حق الثوار ودم الشهداء؟؟؟


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ومازالت علامات الاستفهام الكبيرة تدور حول رأس الكنباوى أفندى
</h6>http://a8.sphotos.ak.fbcdn.net/hphotos-ak-snc7/394810_261499657242691_154945224564802_700607_3226 29837_n.jpg

aymaan noor
21-12-2011, 06:35 PM
جزاك الله خيرا أستاذى الفاضل و بارك الله فيك

osama_mma14
22-12-2011, 03:43 PM
http://a7.sphotos.ak.fbcdn.net/hphotos-ak-ash4/405718_267842293270086_157131084341208_675156_6098 4276_n.jpg

raf11111
22-12-2011, 04:21 PM
http://a6.sphotos.ak.fbcdn.net/hphotos-ak-ash4/s720x720/379879_2636529105314_1018059453_2817226_1396443521 _n.jpg

أ/رضا عطيه
22-12-2011, 06:27 PM
هو انت ماتعرفش

هو انت ماتعلمش

الكنبة كسرناها وهناخدها نولع فيهافى الميدان

مش عشان نولع فى تراثنا وتاريخنا زى غيرنا

ولانلف حواليها ونغنى

لا علشان ندفى بيها لأننا ناوين نطول شوية

لحد مانطهر الجرح تماما ليطيب على طيب

دى مصر ياعمناوطن المؤمنين بالله الحى القيوم
مش فنزويلا ولاكولومبيا

شكرا جزيلا

د.عبدالله محمود
22-12-2011, 06:50 PM
اللهم اهدى للبلاد استقرارها
ورد كيد المتربصين بها