|
مشاهدة النسخة كاملة : البكاء يستحوذ عليا mai55 25-12-2011, 12:09 PM انا مدرسى بتاع اللغه الفرنسيه مات وكنت بحبه جدا وكنتى باعتبره بابا على العلم ان بابا متوفى ولاعارفه انساه ولا عارفه ازاكر اى ماده وكل ماشوف كتب الفرنساوى اقعد اعيط و ماعملش حاجه خالص بعدها بقالى 15 يوم على كده مافيش الا النهارده اللى قلت اشوف ارائكم وياريت تساعدونى ومعلش شغلتكم بمشكلتى وشكرا khalizaher 25-12-2011, 12:59 PM ادعو له بالرحمه فذاك عزائنا الوحيد له وانا كمدرس امني من الله ان اكون زكري حسنه لمن اعلمهم وليتني مثل معلمك وليتك انت تلميذ لي sanawyastudents 25-12-2011, 02:13 PM أنا مقدر جدا الوضع اللي إنتي فيه ده لأني بردو حصل معايا نفس الموقف مع مدرس الألماني لما كنت في تانية ثانوي حقك تزعلي عليه لأننا بشر ... بس متخليش الزعل ياخد أكبر من وقته ويأثر عليكي وعلي مذاكرتك هقولك علي قصة إتحكيتلي ... في سنة من السنين كان فيه طالب في تالتة ثانوي، كان في آخر السنة في فترة الإمتحانات وكان فاضله إمتحان واحد، كان إمتحان الأحياء آخر إمتحان، وطبعا معروف أد إيه الأحياء بتبقي صعبة وعاوزة تركيز ليلة إمتحان الأحياء والدته توفت، لك أن تتخيلي حالته النفسيه عاملة إزاي ؟! دي مش مدرس الفرنساوي بتاعه، دي والدته.. ومع ذلك الولد إتصرف صح، تمالك نفسه وكان عارف إنها لو كانت عايشة كانت هتعوزه يذاكر عشان الإمتحان، وبالفعل الولد ذاكر وراح الإمتحان تاني يوم رغم حالته النفسية المتدمرة، والحمد لله قفل الإمتحان وجاب الدرجة النهائية ... الولد ده كان من أوائل الثانوية العامة في السنة دي ... فكري كويس في موقف الولد ده، شوفي الموقف أصعب من موقفك إزاي ومع ذلك الولد إتصرف إزاي ؟؟ وربنا معاكي ويوفقك في المذاكرة والإمتحانات إن شاء الله mai55 26-12-2011, 08:20 PM شكرا والله على النصائح وربنا يلهمنى الصبر رانيا رانيا رانيا 03-01-2012, 01:03 PM البقاء لله engi11 04-01-2012, 06:31 PM انا لله وان اليه لراجعون صوت العقل 12-01-2012, 02:20 PM انا لله وان اليه لراجعون.. حاولى تركزى حبيبتى .. وتقبلى الامر الواقع .. ده شئ معرض له الجميع .. ان شاء الله خير .. MR : ABO BATTA 14-01-2012, 10:12 AM رحم الله الأستاذ الراحل وتغمده برحمته وأسكنه فسيح جناته ام انت فهذا منتهى البر والوفاء الذي قلما نجده اليوم من تلميذ تجاه معلمه فبارك الله لك على صنيعك هذا والهمك الله الصبر والسلون على فراق هذا المعلم الذي بكل تأكيد كان مثالا يحتذى به للمعلمين واطلب منك ان تستغفر الله له وتدعوه له بالرحمة والمغفرة وكان الله في عونك وجزاك خيرا مرة ثانية في كونك شاركتنا معك بالدعاء له فاللهم تقبل دعاءنا |