أنا نفسي اسمع حد أخدت رياضة 2 دى وعمل فيها أيه وكان بيحل منين وبيذاكرها قد ايه؟

أنا بستمتع بيها فعلا لما بذاكرها..بس فى فترة الوقت سرقنى وأتأخرت عليا دروس فى الجبر والاستاتيكا...أنا لحد دلوقتى بذاكر اللى باخده وبحاول اخلصه واللى متأخر سيباه لأول فرصة ..بس شكل الفكرة دى فكساانه أوووى..والمفروض أنى آجى على نفسي دلوقتى..يعنى اصنع فرصتى بنفسي..مستناش الفرصة تجيلي :romarioxp6:

أنا فعلا محتاجة أجيب 50 فى الرياضة...أنا محدش عندنا فى البيت ولافى قرايبنا ولا فى الناس اللى اعرفهم كان شايف أنى المفروض أدخل علمى رياضة عشان كدا المفروض أجيب فيها 50 وأجيب مجموع هندسة القاهرة عشان محدش يشمت فيا:giljotiiniug3:

اســـــــأل مجــــــرب فعلا
حضرتك لو عايزة تجيبى 50 فى الرياضة
تحلى كتاب لامى كله
احلى كتاب فى الرياضة
والنماذج بتاعة الوزارة
انا الحمد لله جبت فى الرياضة 50
ربنا يوفقك ويوفق جميع الطلبة

اهم حاجة و عن تجربة
حل كتاب المدرسة
حل دليل التقويم ( هو صعب كلة بس على قد ما تقدرى )
امتحانات السنين اللى فاتت
و عيشى بقى مع الكتب بعد كدة عندك المعاصر و الماهر و 100 فى 100 و لامى
لامى صعب نصيحة خلى فى الاخر بعد ما تفهمى الدرس كويس عشان متتعقديش
حل كتير

انا اختلف معاك يا باشمهندس
لان كتاب لامى احسن كتاب
وبيبتديها تدريجى ومش صعب ولا حاجة
وانا الحمد لله حليته وحليت النماذج والحمد لله جبت 50
يعنى احسن كتاب الصراحة هو لامىاهم حاجة و عن تجربة

حل كتاب المدرسة
حل دليل التقويم ( هو صعب كلة بس على قد ما تقدرى )
امتحانات السنين اللى فاتت
و عيشى بقى مع الكتب بعد كدة عندك المعاصر و الماهر و 100 فى 100 و لامى
لامى صعب نصيحة خلى فى الاخر بعد ما تفهمى الدرس كويس عشان متتعقديش
حل كتير

لـــــــــو حليــــــــــــتى بعض نماذج الامتحانات السابقة ضمنتى 40 من 50 ...

ذاكرى زى ما البشمهندس قال من لامى لأن أسئلته مدرجة وجميلة .. أى نعم فيه أسئلة غير متوقعة فى اى امتحان خلقه ربنا وأرجوكى طنشيها لأنك زى ما قلتى ( اسأل مجرب ) ..

والامتحان يعنى مش بييجى دبح .. امتحانات رياضة 2 أسهل امتحانات بس عايزة تركيز فى اللجنة ..


نصيحة هامة ..
أى مســـــــألة صعبة ( معقدة ) مش هتييجى فى الامتحان ..
أى مسألة سهلة وتافهة وتكسلى تحليها بايدك هتييجى فى الامتحان ..
أى مسألة طويلة مش هتييجى ..
وهكــــــــــــذا ...



الحمد لله ( 50 فى رياضة 1 وووو 50 فى رياضة 2 ) .. ولو كانوا حطوا رياضة 3 كنا بعون الله هنجيب 50 لأننا كنا بنلعب على الامتحان وبنتعب وبنعتمد على ربنا سبحانه وتعالى ...

يااه مش مصدقة كل دى ردود فى اقل من 24 سااعة...الدنيا لسة بخير :)
أنا كدا متفائلة ..وأنا فعلا بحل من لامى بس المشكلة مش بكمله كله..ومن دليل التقويم..بس بردو مش كله..وكتاب الوزارة هو اللى بقدر اخلصه..بس هكمل كل دا بإذن الله وهشتغل عشان أجيب 50 ^_^

شكراااا جداااا :d

انا بحل من 100 فى الميه ولامى
بس المشكله مش بعرف اخلص كل الاسئله وحاسه انى فى حاجات كتير ناقصنى
المستر بيدخل فى درس جديد ومش بلحق اكمل حل على القديم
وعايزة اراجع مش عارفه ازاى ؟

انا زميل فى الكفاح معاكى بردوا و على فكرة المسائل اللى تلاقى فكرتها غريبة عمرها ما تيجى لانها بتبقى اسئلة عشان الكتاب ياخد صيت زى النماذج كده فيها اسئلة دبح و عمرها ماجت

كتاب المدرسة بردوا فيه اسئلة حلوة
كتاب لامى احسن كتاب فعلا لأنه مدرج فى لاسئلة
كتاب النماذج طبعا ده التوب بس ما تدوسيش فيه اوى ان فيه اسئلة وهم
الامتحانات ما تقلقيش منها ان حليت كل امتحانات التفاضل والتكامل و نص امتحانات الجبر و كلها ماشية بنمط واحد بيبقى فى سؤال كده فيه حتة ذكاء بس بتبقى عادية بس بيعتمد على ان الطالب متوتر مش هيعرف يركز

وان شاء الله توصلى للانتى عايزاه و تجيبى 50 و احنا كمان

انا بحل من 100 فى الميه ولامى
بس المشكله مش بعرف اخلص كل الاسئله وحاسه انى فى حاجات كتير ناقصنى
المستر بيدخل فى درس جديد ومش بلحق اكمل حل على القديم
وعايزة اراجع مش عارفه ازاى ؟


أنا مش بلحق اخلصها بردو..بس للأمانة أنا لو ركزت أكتر أقدر أخلص مثلا مسائل لامى على الدرس اللى خدناه قبل ما المستر يبدأ درس تانى لأن كنت بعمل كدا فى الاول..وعملت كدا الحصة اللى فاتت ..وباخد حصتين فى الاسبوع..أما المراجعة دى بقى فإن شاء الله هتبقى بسيطة..يعنى خلاص أكيد فى نص السنة هناخد أجازة من بعض الدروس او كلها وهيبقى فيه وقت فااضى ممكن نراجع فيه
:)
انا زميل فى الكفاح معاكى بردوا و على فكرة المسائل اللى تلاقى فكرتها غريبة عمرها ما تيجى لانها بتبقى اسئلة عشان الكتاب ياخد صيت زى النماذج كده فيها اسئلة دبح و عمرها ماجت

كتاب المدرسة بردوا فيه اسئلة حلوة
كتاب لامى احسن كتاب فعلا لأنه مدرج فى لاسئلة
كتاب النماذج طبعا ده التوب بس ما تدوسيش فيه اوى ان فيه اسئلة وهم
الامتحانات ما تقلقيش منها ان حليت كل امتحانات التفاضل والتكامل و نص امتحانات الجبر و كلها ماشية بنمط واحد بيبقى فى سؤال كده فيه حتة ذكاء بس بتبقى عادية بس بيعتمد على ان الطالب متوتر مش هيعرف يركز

وان شاء الله توصلى للانتى عايزاه و تجيبى 50 و احنا كمان


الحمد لله أننا ماشية كدا فعلا بس اكمل المسائل المتبقية دى بس...ربنا يكرمنا كلنا ونعدى على خير إن شاء الله :)