مشاهدة النسخة كاملة : طالب يشنق نفسه لرسوبه في كلية الطب
كركركوكو 19-03-2008, 02:33 PM أنهي طالب في طب طنطا حياته مساء أمس الأول، صنع لنفسه مشنقة بسلك التليفون، بسبب إصابته بحالة نفسية سيئة لرسوبه في الفرقة الثالثة، عثر والده علي الجثة، أبلغ رجال المباحث وأمر أحمد غنيم، وكيل أول نيابة أول المحلة، بإشراف فتحي سالم، رئيس النيابة، بسكرتارية كمال أبورمضان، بتشريح الجثة، وكلف رجال المباحث بعمل التحريات اللازمة.
أبلغ محمد صلاح محمد ترك، موظف بمدينة المحلة الكبري، بعثوره علي جثة ابنه زياد «٢٤ سنة» طالب بكلية الطب جامعة طنطا، معلقة في سلك مربوط بسقف حجرته، وتبين أن الضحية صنع لنفسه مشنقة وتخلص من حياته.
أكد الأب أن ابنه كان يمر بحالة نفسية سيئة لرسوبه في الفرقة الثالثة، وأنه قدم له الطعام في المساء، وعندما طرق بابه في الصباح وجده جثة معلقة، قررت النيابة نقل الجثة إلي المشرحة وصرحت بدفنها بعد عرضها علي الطبيب الشرعي.
mR . mOstafa Fathi 19-03-2008, 02:42 PM لاحول ولاقوة الا بالله
ربنا يرحمه ويغرفله ذنبه
طمعانة فى رضاك يا رحمن 19-03-2008, 02:48 PM يعني هيه الدنيا وقفت لما هو رسب
هو دلوقتي استفاد ايه لما مات منتحر
ربنا يغفرله ويصبر اهله
ضيع سنين عمره عشان ولا حاج
ضيع تعب كل سنه مره عمره حتي وصل الي طب
ربنا يهدينا جمعيا
الفتاة الحائرة 19-03-2008, 02:59 PM ربنا يرحمه ويغفر له بس انا كده هقلق من كلية الطب هى للدرجة ده ممكن تؤدى الى الانتحارربنا يستر ده انا حلم حياتى ادخل كلية الطب
Sharp Nails 19-03-2008, 03:02 PM ربنا يرحمه ويغفرله
وربنا يستر على اختى
FRANKENSTEIN 19-03-2008, 07:46 PM ربنا يرحمه ويرحمنا ويريخنا من الكلية الزفت دي :d
ربنا يغفرله ويكفرله عن سيئاته
واحـد من النــاس 19-03-2008, 07:53 PM ربنا يرحمه ويهدي الناس اللي زيه كده
ده مصر هتنافس سويسرا والسويد في نسب الانتحار :(
طب هما معندهمش دين .. بالاسم بس .. انما احنا
شكرا يا كركر ع الخبر
midoxp 20-03-2008, 01:56 AM لا حول ولا قوة الا بالله
ربنا يرحمه ويغفرله
لا تعليق لان كل دة بسبب بعد الناس عن الدين
نسبة الانتحار فى ارتفع كبير
مروج البحر 20-03-2008, 02:20 AM ربنا يرحمه ويغفر له
انا الحمد لله ادبي يعني مش هخش كليه الطب خالص
عاشقـــ الانمى ـــة 20-03-2008, 02:28 AM لا حول ولا قوة إلا بالله
أنا أختى برضه من نفس الكلية كلية طب طنطا لكن الحمد لله لسه متخرجة ودلوقتى فى الإمتياز
أسيل رزق 20-03-2008, 12:50 PM لا حول ولا قوة إلا بالله
مش عارفة أقول إيه
توصل لدرجة الانتحار
ايه يعنى الدنيا خربت
كان أول ولا أخر واحد يعنى
اهو دلوقتى الله أعلم إيه اللى بيحصله فى القبر
ربنا يكفينا شر النفس واللى بتعمله فى الانسان
الله يرحمه ويغفرله ويصبر أهله الغلابة دول :(
كان نفسى أقول عليه حاجة بس مش هتفيد بحاجة :mad:
يلا ..
ربنا يهدينا ويسترها معانا دنيا وآخرة
إنا لله وإنا إليه راجعون
وشكراً على الخبر
7elm_el7aia 21-03-2008, 01:52 AM ربنا يرحمه ويغفر له ذنبه ويسترها معااااااااااااناااااا
nisreen 22-03-2008, 07:57 PM ربنا يرحمه يا جماعة ادعوله بالمغفرة وربنا يغفرله
بس حقول اية هو دة التعليم
معلش بس كان لازم يفكر انه خلص سنتين وثانوية عامة
دة اللي يخلص ثانوية عامة يبقى بطل مش اللي يخلص جامعة
مشتاقة لرضا الله 22-03-2008, 08:05 PM ربنا يغفر له
لازم الناس يبقى عندها ايمان اكتر من كده
لاحول ولا قوة الا بالله
يعنى هو ماخفش من ربنا لما جه يعمل كده
يلا ربنا يرحمه ويهدى الجميع
شكرا على نقل الخبر
julet 27-03-2008, 04:43 AM لاحول ولا قوه الا بالله
الرهينه 29-03-2008, 08:48 PM لا اله الا الله
مش رسوب اللى يخليه ينتحر ولا غيره
وده بيرجع للبعد عن ديننا :(
ميرسى يا كركر على الموضوع
دكتور شريف حمدى 29-03-2008, 08:52 PM لا اله الا الله سبحان الله وبحمده ماحنا ياما رسبنا معنى كده نتتحر ربنا يعيفينا يارب وربنا يرحمه
قمر احمد 08-04-2008, 10:07 PM طب ما انا شلت السنة ورجعت البيت عاااااااااااااااااااااااااااااااااااااااادي جدا فتحت النت وجبت نكت وقعدت اضحك واضحك
ووعملت اجمل الاكلات اللي بحب اكلها وخرجت واتفسحت ونزلت اشتريت هدوم وتاني اسبوع من نتيجتي دي طلعت رحلة تبع الكلية
فيها ايه يعني لما اشيل سنة هو الشغل مستني وبيتوسلنا عشان نتخرج بسرعه ولا ايه
اكييييييييييييييييييد كان في سبب تاني غير انه شال السنة - مش معقول يكون في طالب بالذكاء ده وينتحر عشان كده بس
ربنا يغفرله - ياريته كان فكر فربنا قبل ما يعمل كده - استعجل على رزقه
اسفه عالاطالة بس اصلها حاجه تفرس وتنرفز
تقبلو مروري
LA STELLA 25-04-2008, 12:05 PM ليه يعنى !!!؟ مش مستاهلة الانتحار !!
زى اللى بينتحر عشان امتحانات الثانوية وغيره
مش الشهادة دى اللى هتدخلنا الجنة ولا هى اللى هتغفر ذنوبنا !!!!!!!!!!!!!!!!!!!!!! زى واحدة عندنا عندها استعداد تام انها تنتحر لو مجابتش هندسة !!!! لا حول ولا قوة الا بالله
ونفس البنت دى خالها يا ماشاء الله ساقط للسنة التالتة باين المفروض دلوقتى فى رابعة بس لسة فى اولى :D:D
ازهرى
دخل اول كلية سقط مرتين وحول
ولما حول سقط مرة ولسة اما نشوف السنةدى ،، والدنيا ماشية معااااااااه عااااااااااااااااادى
mody2030 01-05-2008, 07:01 PM ربنا يرحمه ويغفرله ويعفو عنه
ويصبر اهله ويقويهم
تعددت الاسباب والموت واحد
إنا لله وإنا إليه راجعون
sun rays 2010 01-05-2008, 07:05 PM لاحول ولا قوة الا بالله بس انا لو دخلت طب اسقط انجح مش مشكلة بس ادخلها
طالب الهدى 10-05-2008, 04:05 PM ان لله وان اليه لرجعون .
لاتعليق . ( مات كافرآ ) .
عمر جمال جلال 10-05-2008, 05:37 PM حسبي الله ونعم الوكيل يموت كافر
alitaha 12-06-2008, 09:31 AM انتم السابقون ونحن اللاحقون باذن الله وان شاء الله نتقابل فوق كلنا
meram 12-06-2008, 05:02 PM االا[/ا الله يرحمه والله ده جهل بالدين احنا لو فاهمين معنى التوكل على الله صح مكناش نسمع عن الانتحار والانهيار والصراخ والعويل خاصة مع موجة امتحانات الثانويه العامه المفروض اننا نعمل اللى علينا صح والنتيجه دى بتاعة ربنا نفسى نفوق بقى ونفهم دينا صح يا جماعه.
دكتور خشبة 12-06-2008, 08:47 PM االا[/ا الله يرحمه والله ده جهل بالدين احنا لو فاهمين معنى التوكل على الله صح مكناش نسمع عن الانتحار والانهيار والصراخ والعويل خاصة مع موجة امتحانات الثانويه العامه المفروض اننا نعمل اللى علينا صح والنتيجه دى بتاعة ربنا نفسى نفوق بقى ونفهم دينا صح يا جماعه.
اصل انت ما تعرفش يعنى ايه 3 طب
دماااااااااااار فعلا
اناالمصرى 13-06-2008, 12:31 AM لا لا اله الا انت سبحانك انى كنت من الظالمين
قل لن يصيبنا الا ماكتب الله لنا
Kassar1001 21-06-2008, 03:12 PM انا في اولي طب و فكرب في الانتحار كذا مره امال هوا كمل ل 3
زنداح 23-06-2008, 12:09 PM الله يرحمه ويغفر له بس الدنيا مش مستاهلة ان يقابل ربه وهو متحر بجد دى قلة ايمان
اسامه صبري 26-06-2008, 03:23 PM استغفر الله العظيم مات كافر
meram 26-06-2008, 05:57 PM اصل انت ما تعرفش يعنى ايه 3 طب
دماااااااااااار فعلا
يادكتور انا طالبه فى خامسه طب وتعبت جدا فى 3طب وعارفه انها دمار بس ده مش معناه اننا ننتحر
ايللا المسحورة 30-06-2008, 09:33 PM لاحول ولا قوة الا بالله العلي العظيم
ربنا يغفرله ويرحمه رحمه واسعة
ويصبر اهله
كان لازم الاهل تفهم ابنائها ان الرسوب مش نهاية المطاف
وان الدنيا مش بتقف عند رسوب سنه ولكن قدر الله وما شاء فعل
ولكن الله مش بيقول اننا ننهى حياتنا بايدينا لمجرد رسوب سنه ايه يعنى سنه فداهيه
منار محمد الفحام 03-07-2008, 05:08 PM يعنى لو بقى دكتور كان حيعمل أه كان برده حينتحر بسبب المرتب 185جنيه
مخنوق 05-07-2008, 11:43 AM ربنا يرحمه ويغفر له بس انا كده هقلق من كلية الطب هى للدرجة ده ممكن تؤدى الى الانتحارربنا يستر ده انا حلم حياتى ادخل كلية الطب
ما تقلقيش ربنا يوفق وتخشيها انا في كلية طب القاهرة وهي صعبة اه ولكن مش للدرجة ديه
Dr.MRADI 17-09-2008, 08:24 AM يا ريت يا جماعه تعرفوا ان هدفنا من الكليه اننا نساعد العيانين و نشفيهم بمشيئه الله
يعنى خلى مذاكرتك هدفها تطلع دكتور شاطر او على الاقل ماتموتش العيان
و سواء بتنجح او بتسقط صدقونى معظم اللى فلحوا فى دفعتى كان اساسهم من البدايه فشل و بعد كده فاقو
و فيه بيشتغلوا وهم لسه فى الكليه
ده كمان من المهازل ان فيه طلبه بتدى كورسات
و فيه بيروحوا شركات ادويه
و فى النهايه الرزق مكتوب عند الله و مسيره يوصللك
يبقى ليه زميلنا يموت نفسه(انتم مش عارفين ان الانتحار كفر و العياذ بالله لانه معناه فقدانك الثقه برحمة الله الواسعه؟)
ربنا يرحمه و يغفرله لان اكيد حالته النفسيه حاتشفعله لانه ليس على المريض حرج
و ارجوكم قووا صلتكم بالله و اعرفوا ان سواء جالكم خير او شر ففى ذلك حكمه منه و لازم هاتكون فى مصلحتك
وياما ناس اتقفلت فى وشهم سكه و بعدها يجدوا سكه اخرى افضل لبكثير كانت غايبه عنهم
قطرات ندى 18-09-2008, 09:40 AM البقاء لله احنا لسه داخلين برجلينا اليمين وهنروح السبت بلاش المواضيع المنفرة ديه يا رب ندخل على خير ومنخرجش على المشرحه!!!!
|