لاء مش ملاك

أصل صعب الطيبة

تتصنع وتتباع ... وكمان

الحنان .. مش مجرد

همس ع شفايف ولسان

وكمان .... إحساس

من غير أمل ملموس

ولا بر للوقوف .. ميبقاش


واللي فات واللي جاي

يقول عنه غرام

مالوش معني غير دموع
وإحساس ع رف ..
م الترابه مش موجود



مش ملاك ..

وبقول كمان هلاك

ومش كفايا ... ده كمان

خيانة وعذاب وقلة ضمير

ألوان م الطيبة ...

يشكلها بهواه

ولكل لون وقت وميعاد

لاء مش ملاك

ولاء مش كلام

الإحساس بالحب والحنان

والسنين اللي معاه

والضياع من بعده

مش كلام



عشان الحقيقة ...

إني امنت وسلمت

روحي ليه ... وقلت

انه قلبي اللي عايش بيه

بس الحقيقة كانت غير

والايام هي الدليل

والحب ستارة للعين

مش بتشوف منه غير

الاحساس الجميل ..

اللي ف الاصل مفيش

بس الغلطة مش فيا

والكدبة كانت عليا

بس ف الحقيقة

مفيش لوم .. اصله

مش بأيديه يبيع ويخون

والغلطة كانت الطيبة

اللي خلتني ليه

أعيش مجنون

مش عارفة ليه كل ما نحب حد ونعامله بطيبة بناخد فى المقابل خيانه وغدر منه
بس بجد الكلمات معبرة
سلمت يداك
وفأنتظار المزيد ....


تحيااااااتى

إن أحببت فلا تترك كل مشاعرك تتحرك تجاه محبوبك
فنحن في زمن
تتكاثر فيه الكلمات
تتساقط منه الأوراق
لن يشعر بحبك أحد
والقلب يناشد أهات


تلك هي الأحداث الموجودة الأن
ولذا
لا تدع كل ما بداخلك أمام من تحب حتى لا تفقد ما تحب


تجربة شعرية جميلة
نتمنى المزيد


تقبل مروري وتحياتي

حلوة اوى الاحاسيس والمشاعر اللى بتطلع بعد الاحساس بالجرح والخيانة بتكون صادقة

إسلوب مميز ..
يروق لي كثيراً
سلمت يمناك ..
ننتظر جديدك