لم أحصل على أى دورات تدريبية منذ بداية عملى،
كيف يمكن أن أحصل على دورة تدريبية أستفيد بها؟


- هل بالدور والأقدمية ..

- أم التقدم بطلب فى المنطقة ..
- أم بالترشيح من شيخ المعهد أو التوجيه مثلاً؟


وماهى مواعيد هذه الدورات ومدى فائدتها؟

أرجو الإفادة والتوضيح من أهل الخبرة، وجزاكم الله كل خير.

فيلسوفنا الحبيب مستر محمد

أنا بالفعل حصلت على هذه الدورة

وعلى حضرتك التوجه إلى المنطقةالأزهرية

وتسجيل اسم حضرتك فى قسم التدريب

ثم بعد ذلك يأتى لحضرتك خطاب بموعد الدورة فى الاسكندرية

وهى اسبوع والاقامة فى ميامى على نفقة الأزهر

وبها محاضرات ادارية تدريبية ويحاضر فيها كبار المسئولين فى الازهر

مثل مدير مكتب شيخ الازهر

ومدير عام الامتحانات
ورعاية الشباب ...........الخ
وهى تعطى فرصة للخبرات الادارية

واللقاء بكبار المسئولين فى الأزهر

ورفع الشكاوى اليهم والحصول على أرقام تليفوناتهم

والفسحة والبحر الجميل فى الاسكندرية

وبعد الاسبوع تأخذ كتاب فى الشئون الادارية

وشهادة باجتياز الدورة بتقدير ممتاز

وأى استفسار أنا تحت أمر حضرتك

وعلى استعداد لأن أقدم لحضرتك أدق التفاصيل عن كل شئ

والدورات مستمرة على مدار العام

وهى ليست بالأقدمية ولا بالدور ولا بترشيح شيخ المعهد
ولكن بالعلاقات القوية مع ادارة التدريب فى المنطقة
وهناك من الزملاء من حصل على هذا التدريب 3 مرات !

الله اكبر عليك استاذ عوض بسم الله ما شاء الله
زادك الله علما ونفع بك وجعله فى ميزان حسناتك إن شاء الله
انا كدة هاروح قسم التدريب واطلب منهم تسجيل اسمى
والله المعارف والحبايب كتير يا استاذ عوض جوة وبرة المنطقة
بس مش بحب احرج حد او اتقل عليه وكمان لحفظ ماء الوجه
ادعو الله تعالى ان يكرمك ويبارك فى صحتك واهلك ومالك
وان يجعلك دوما غوثا للملهوفين
تحياتى العطرة لحضرتك عملاق المبدعين

بالتوفيق لحضرتك
وأنا تحت أمر حضرتك دائما
حتى فى أدق أدق التفاصيل

بالواسطة والمحسوبية والكوسة وحسبي الله ونعم الوكيل

بالتوفيق لحضرتك
وأنا تحت أمر حضرتك دائما
حتى فى أدق أدق التفاصيل

http://2.bp.blogspot.com/-dPTF8imPAng/TeP4a-1x5bI/AAAAAAAABN0/F2ampur2cTY/s1600/yaY95809%255B1%255D.jpg

بالواسطة والمحسوبية والكوسة وحسبي الله ونعم الوكيل

ربك يصلح الحال يا استاذ احمد، لكنى ساذهب واسجل اسمى فى قسم التدريب
وربنا يجعلنا ابعد الناس عن الكوسة والمحسوبية

كلام الاستاذ عوض صحيح : الموضوع لا علاقة له بالكوسة والمحسوبية ، بقدر السؤال والمتابعة ، فقد قمت بالسؤال عن الدورات التدريبية فى مركز التدريب من باب المعاتبه ، حيث اننى لم تأتنى رغم تعيينى من 11 سنة ، و بعدها جائتنى ولظروف خاصة واعتذرت ، وامس فقط وصل للمعهد خطاب بتدريبى بميامى من 13/1 الى 19/1 ........... اسف على الاطالة
واكيد هسأل الاستاذ عوض عن مكان الدورة وكيف اصل اليه وخلافه

ممكن تكون الكوسة فى ميعاد التدريب ، الاسكندرية فى الصيف غير فى عز الشتا ههههههههههههههه

الأخ الفاضل الأستاذ / محمد

أنا عن نفسي ذهبت لهذه الدورات عدة مرات لا أذكر عددها من كثرتها

دون أن أعرف مسئول التدريب في المنطقة أو هو يعرفني

وهذه الدورات اما تكون فنية خاصة بالمادة وما حدث فيها من تطورات

او تغيير منهج أو كتاب معلم جديد

واما دورات ادارية وهذه تكون للكتاب والاداريين

أو أحيانا عند الترقية لدرجة أعلى ، مدرس أول ، وكيل ، شيخ معهد .... ألخ

كل الدورات التي حصلت عليها فنية

أولها كانت زمان جدا في الثمانينات من القرن الماضي في القاهرة (قديم من أيام الفراعنة):d

وبعد ذلك كل الدورات في ميامي وفي الصيف وبدون واسطة كما ذكرت

لدرجة ان أول خطاب أتاني لدورة في الاسكندرية حاولت الاعتذار بشتى الطرق

وعندما فشلت كل المحاولات اضطررت للذهاب مرغما

وهي فعلا فرصة لمقابلة المسئولين بالأزهر والتعرف على الزملاء من مختلف المناطق

الرجل مسئول السكن هناك بلدياتك من أسوان ماحضرتك عارف ان

اسكندرية مليانة اسوانلية عايشين هناك من زمان

هو رجل ظريف كده أسمراني كنت أناديه الحاج محمد

لكن لا أعرف ان كان موجود حتى الآن أم أحيل الى التقاعد (معاش)

لأن أخر مرة كنت هناك في صيف 2007

و هناك مكانين للتدريب في الاسكندرية أحدهما في ميامي الذي أتكلم عنه

والآخر في سموحة لم أذهب اليه

عموما أنت ستفعل الخطوة الصحيحة بالتوجه الى مسئول التدريب في المنطقة وتسجيل اسمك

والموضوع ليس به واسطة ولا يحزنون ومثل ماتقول

والله المعارف والحبايب كتير يا استاذ عوض جوة وبرة المنطقة
بس مش بحب احرج حد او اتقل عليه وكمان لحفظ ماء الوجه

تمناتي لك بالتوفيق وأي استفسار أنا في الخدمة

ليست كل المناطق كما يقول الاستاذ نزيه فمثلا في منطقة سوهاج الدورات التدريبية بالوساطة والكوسة والمحسوبيات والهداية والقرابة .... الخ
ولا تاتي لاي احد كده وخلاص الا النادر او معلمي الرياضيات والانجليزي اما غيرهم فكما ذكرت واكثر
فمعنا شخص في المعهد تقريبا تاتيه الدورات كل عام او عامين اسكندرية والعريش وغيرهما هذا لانه قريب مدير عام الامتحانات وله معارف بالمنطقة وساقول امرا غريبا قد لا يصدقه البعض فهذا الشخص على الدرجة الثانية فقط ومع ذلك بيطلع في امتحانات الشهادة الثانوية رئيس لجنة ( رئيس على من درس له ومن هو اكبر منه سنا واقدم تعينا ) والعلاوات التشيجعية بعد مرور ثلاث سنوات من التعيين والترقية ويذهب الى امتحانات شئون القران الكريم كل عام والتصحيح يكون فيه رئيس غرفة وغير ذلك كثيرررررررررررررررررررر كل كبيرة وصغيرة فيها اموال يشارك فيهااااااا
اما غيره فله الله
ااااسف للاطالة وان كان هناك الكثير والكثير الذي يقال الا انه يفهم من خلال الكلام
فمتى يتم رجوع الازهر الى عصره الحقيقي ازهر النهضة والعلم والمباديء

كلام الاستاذ عوض صحيح : الموضوع لا علاقة له بالكوسة والمحسوبية ، بقدر السؤال والمتابعة ، فقد قمت بالسؤال عن الدورات التدريبية فى مركز التدريب من باب المعاتبه ، حيث اننى لم تأتنى رغم تعيينى من 11 سنة ، و بعدها جائتنى ولظروف خاصة واعتذرت ، وامس فقط وصل للمعهد خطاب بتدريبى بميامى من 13/1 الى 19/1 ........... اسف على الاطالة
واكيد هسأل الاستاذ عوض عن مكان الدورة وكيف اصل اليه وخلافه

سهل جدا
بأى وسيلة من محافظة حضرتك الى الاسكندرية
ومن الموقف
وسيلة نقل داخلى الى ميامى

ممكن تكون الكوسة فى ميعاد التدريب ، الاسكندرية فى الصيف غير فى عز الشتا ههههههههههههههه

شكرا جزيلا لحضرتك على التوضيح، وعلى فكرة اسكندرية فى الشتاء احسن 100 مرة من الصيف ده لو عايز تستمتع بالبحر وبشوارعها وتلف براحتك وانت رايق لكن فى الصيف انسى من الزحمة والزحف الرهيب من كل المحافظات

الأخ الفاضل الأستاذ / محمد

أنا عن نفسي ذهبت لهذه الدورات عدة مرات لا أذكر عددها من كثرتها

دون أن أعرف مسئول التدريب في المنطقة أو هو يعرفني

وهذه الدورات اما تكون فنية خاصة بالمادة وما حدث فيها من تطورات

او تغيير منهج أو كتاب معلم جديد

واما دورات ادارية وهذه تكون للكتاب والاداريين

أو أحيانا عند الترقية لدرجة أعلى ، مدرس أول ، وكيل ، شيخ معهد .... ألخ

كل الدورات التي حصلت عليها فنية

أولها كانت زمان جدا في الثمانينات من القرن الماضي في القاهرة (قديم من أيام الفراعنة):d

وبعد ذلك كل الدورات في ميامي وفي الصيف وبدون واسطة كما ذكرت

لدرجة ان أول خطاب أتاني لدورة في الاسكندرية حاولت الاعتذار بشتى الطرق

وعندما فشلت كل المحاولات اضطررت للذهاب مرغما

وهي فعلا فرصة لمقابلة المسئولين بالأزهر والتعرف على الزملاء من مختلف المناطق

الرجل مسئول السكن هناك بلدياتك من أسوان ماحضرتك عارف ان

اسكندرية مليانة اسوانلية عايشين هناك من زمان

هو رجل ظريف كده أسمراني كنت أناديه الحاج محمد

لكن لا أعرف ان كان موجود حتى الآن أم أحيل الى التقاعد (معاش)

لأن أخر مرة كنت هناك في صيف 2007

و هناك مكانين للتدريب في الاسكندرية أحدهما في ميامي الذي أتكلم عنه

والآخر في سموحة لم أذهب اليه

عموما أنت ستفعل الخطوة الصحيحة بالتوجه الى مسئول التدريب في المنطقة وتسجيل اسمك

والموضوع ليس به واسطة ولا يحزنون ومثل ماتقول



تمناتي لك بالتوفيق وأي استفسار أنا في الخدمة

شكرا جزيلا استاذى الفاضل الكريم على التوضيح المفصل، واعتقد سيرتك الذاتية قوية جدا بسم الله ماشاء، لكن هل فعلا هذه الدورات مفيدة لو تم وضعها فى السى فى فى حالة السفر الى الخارج؟ يعنى حضرتك استفدت بها فعليا فى سفر او ترقية او اولوية لاى شئ؟ ام كانت مجرد فسح وتغيير جو؟ وهل كل دورة لها شهادة مستقلة يمكن الاحتفاظ بها وتقديمها عند الحاجة ام هى شئ روتينى لا فائدة له؟

ليست كل المناطق كما يقول الاستاذ نزيه فمثلا في منطقة سوهاج الدورات التدريبية بالوساطة والكوسة والمحسوبيات والهداية والقرابة .... الخ
ولا تاتي لاي احد كده وخلاص الا النادر او معلمي الرياضيات والانجليزي اما غيرهم فكما ذكرت واكثر
فمعنا شخص في المعهد تقريبا تاتيه الدورات كل عام او عامين اسكندرية والعريش وغيرهما هذا لانه قريب مدير عام الامتحانات وله معارف بالمنطقة وساقول امرا غريبا قد لا يصدقه البعض فهذا الشخص على الدرجة الثانية فقط ومع ذلك بيطلع في امتحانات الشهادة الثانوية رئيس لجنة ( رئيس على من درس له ومن هو اكبر منه سنا واقدم تعينا ) والعلاوات التشيجعية بعد مرور ثلاث سنوات من التعيين والترقية ويذهب الى امتحانات شئون القران الكريم كل عام والتصحيح يكون فيه رئيس غرفة وغير ذلك كثيرررررررررررررررررررر كل كبيرة وصغيرة فيها اموال يشارك فيهااااااا
اما غيره فله الله
ااااسف للاطالة وان كان هناك الكثير والكثير الذي يقال الا انه يفهم من خلال الكلام
فمتى يتم رجوع الازهر الى عصره الحقيقي ازهر النهضة والعلم والمباديء

ايه ده كلوووو ايه ده كلوووو (زى محمد صبحى فى مسرحية لعبة الست) :d
الراجل ده سوبر مان ياعم ولا اييييييه.... ده مش حسد ده قر ههههههههه
الراجل شكله واصل ومضبط نفسه الله يسهل له ويسهل لنا

شكرا جزيلا استاذى الفاضل الكريم على التوضيح المفصل، واعتقد سيرتك الذاتية قوية جدا بسم الله ماشاء، لكن هل فعلا هذه الدورات مفيدة لو تم وضعها فى السى فى فى حالة السفر الى الخارج؟ يعنى حضرتك استفدت بها فعليا فى سفر او ترقية او اولوية لاى شئ؟ ام كانت مجرد فسح وتغيير جو؟ وهل كل دورة لها شهادة مستقلة يمكن الاحتفاظ بها وتقديمها عند الحاجة ام هى شئ روتينى لا فائدة له؟

هل فعلا هذه الدورات مفيدة لو تم وضعها فى السى فى فى حالة السفر الى الخارج؟ليس لها أي فائدة تذكر في الداخل ، فما بالك بالخارج!!!
يعني داخلياً ، لو وضعتها في ملف خدمتك ، مجرد ورقة زيادة في الملف
لاتصلح في ترقية ولاشيء ولا لها أي ميزة عن زملائك الذين لم يذهبوا دورات.
لكن وللعجب لها عيب !!:( مثل كل شيء في الأزهر.
عيبها انك لو لم تذهب (لاسمح الله) اذا أتى لك خطاب بالدورة
أولاً يوقع عليك جزاء ... :angry2: ثانيا التقرير السنوي ينزل
لأنك لو قرأت التعليمات على التقرير السنوي أن من ضمن أسباب نزول التقرير
عدم الذهاب أو الامتناع عن الدورة
لكن وللعجب لها عيب !!:( مثل كل شيء في الأزهر.مثال : اذا طلب منك وضع أسئلة امتحان للمنطقة (ترم أول أو ثاني أو دور ثاني)
تأخذ مكافاة في حدود + أو - 30 40 جنيه كلام فاضي !!
ولو حدث خطأ لاسمح الله ، يخصم منك نصف الراتب!!:excl::excl:

استفدت بها فعليا فى سفر او ترقية او اولوية لاى شئ؟لاشيء من كل هذا ، مثلما ذكرت لك
لكن يمكن أنا كان حظي ان وقعت مع مديرين من الفلول
الكل عارف كيف كان الوضع في النظام السابق
شهادة تقدمك هي الولاء والطاعة العمياء وعدم الضمير قبل كل شيء
هذا طبعاً غير الرشوة ظاهرة وباطنة
لكن تريد أن تفكر وتقترح وتشغل مخك (ليس لك مكان بيننا)
مثلما قال الشاعر:-
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال


لكن ولله الحمد عن نفسي واخد حقي وفي نفس الوقت ( أمشي اللي في دماغي)
بدون رشوة و لانفاق ولا تلميع نعال

ام كانت مجرد فسح وتغيير جو؟ وصف جميل لواقع الحال
لكن ممكن أزيدك
لو أردت أن تستفيد فهذا يعود اليك
هناك مادة علمية عملية يتم تقديمها والكل يستفيد منها على قدر طاقته واستعداده
وهناك من (يكبر دماغة ومش فارقة معاه) أهم شيء الفسحة والبحر وتغيير الجو

وهل كل دورة لها شهادة مستقلة يمكن الاحتفاظ بها وتقديمها عند الحاجة ام هى شئ روتينى لا فائدة له؟إذا كان قصد حضرتك شهادة محترمة ممكن تعلقها في البيت أو تضعها في دوسيه
لايوجد!!
وهذه الشهادة بهذه المواصفات نحن نعملها بأنفسنا ويتم توقيعها وختمها من المركز (مركز التدريب)
لكن هذا يتوقف على زملائك في الدورة .
يعني يكون فيه حد (حرك) يلم الفلوس ويعرف مكان لعمل هذه الشهادات بالصيغة المطلوبة.

وفي كل الأحوال يتم اعطائك خطاب بأنك حضرت الدورة في الفترة من كذا إلى كذا
وهذا الخطاب تصوره وتحتفظ بالصورة
لأن الأصل يؤخذ منك في المنطقة لعمل بدل السفر.



أرجو أن أكون قد أفدتك.



نكتة بمناسبة الدورة : مرة كنا في المنطقة في حجرة المدير العام
وكان هناك كاتب معه أوراق يعرضها على المدير
هذا الكاتب دمه خفيف وسريع الرد وابن نكته
في هذه الأثناء دخل احدهم فرحا إلى المكتب وقال:
يامولانا يامولانا جاتني الدورة (يقصد خطاب الدورة)
فرد عليه هذا الكاتب وقال له:
بطل البرشام (الحبوب) .


وحضرتك استننتج الباقي:d


دمت بألف خير وعافية




.

ليس لها أي فائدة تذكر في الداخل ، فما بالك بالخارج!!!
يعني داخلياً ، لو وضعتها في ملف خدمتك ، مجرد ورقة زيادة في الملف
لاتصلح في ترقية ولاشيء ولا لها أي ميزة عن زملائك الذين لم يذهبوا دورات.
لكن وللعجب لها عيب !!:( مثل كل شيء في الأزهر.
عيبها انك لو لم تذهب (لاسمح الله) اذا أتى لك خطاب بالدورة
أولاً يوقع عليك جزاء ... :angry2: ثانيا التقرير السنوي ينزل
لأنك لو قرأت التعليمات على التقرير السنوي أن من ضمن أسباب نزول التقرير
عدم الذهاب أو الامتناع عن الدورة
مثال : اذا طلب منك وضع أسئلة امتحان للمنطقة (ترم أول أو ثاني أو دور ثاني)
تأخذ مكافاة في حدود + أو - 30 40 جنيه كلام فاضي !!
ولو حدث خطأ لاسمح الله ، يخصم منك نصف الراتب!!:excl::excl:

لاشيء من كل هذا ، مثلما ذكرت لك
لكن يمكن أنا كان حظي ان وقعت مع مديرين من الفلول
الكل عارف كيف كان الوضع في النظام السابق
شهادة تقدمك هي الولاء والطاعة العمياء وعدم الضمير قبل كل شيء
هذا طبعاً غير الرشوة ظاهرة وباطنة
لكن تريد أن تفكر وتقترح وتشغل مخك (ليس لك مكان بيننا)
مثلما قال الشاعر:-
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال


لكن ولله الحمد عن نفسي واخد حقي وفي نفس الوقت ( أمشي اللي في دماغي)
بدون رشوة و لانفاق ولا تلميع نعال

وصف جميل لواقع الحال
لكن ممكن أزيدك
لو أردت أن تستفيد فهذا يعود اليك
هناك مادة علمية عملية يتم تقديمها والكل يستفيد منها على قدر طاقته واستعداده
وهناك من (يكبر دماغة ومش فارقة معاه) أهم شيء الفسحة والبحر وتغيير الجو

إذا كان قصد حضرتك شهادة محترمة ممكن تعلقها في البيت أو تضعها في دوسيه
لايوجد!!
وهذه الشهادة بهذه المواصفات نحن نعملها بأنفسنا ويتم توقيعها وختمها من المركز (مركز التدريب)
لكن هذا يتوقف على زملائك في الدورة .
يعني يكون فيه حد (حرك) يلم الفلوس ويعرف مكان لعمل هذه الشهادات بالصيغة المطلوبة.

وفي كل الأحوال يتم اعطائك خطاب بأنك حضرت الدورة في الفترة من كذا إلى كذا
وهذا الخطاب تصوره وتحتفظ بالصورة
لأن الأصل يؤخذ منك في المنطقة لعمل بدل السفر.



أرجو أن أكون قد أفدتك.



نكتة بمناسبة الدورة : مرة كنا في المنطقة في حجرة المدير العام
وكان هناك كاتب معه أوراق يعرضها على المدير
هذا الكاتب دمه خفيف وسريع الرد وابن نكته
في هذه الأثناء دخل احدهم فرحا إلى المكتب وقال:
يامولانا يامولانا جاتني الدورة (يقصد خطاب الدورة)
فرد عليه هذا الكاتب وقال له:
بطل البرشام (الحبوب) .


وحضرتك استننتج الباقي:d


دمت بألف خير وعافية




.




والله يا استاذ نزيه مش عارف اشكر حضرتك ازاى،
حضرتك شرحت ورديت على كل نقطة بالتفصيل ربنا يبارك فيك،
وواضح ان عند حضرتك تجارب كتير وخبرات وشجون ايضا من العمل فى الازهر،
لكنى اشكرك كثيرا على الشرح الوافى اللى بصراحة خلانى اعيد تفكير
فى مشوار التدريب فى المنطقة،،

اللى كنت بدور عليه هو انى اثرى السى فى بتاعتى بدورات أوخبرات
ممكن يكون ليها فايدة فى المستقبل فى سفر او ترقية او اى شئ مفيد،
لكن واضح ان الدورات التدريبية الازهرية ملهاش تقل او فايدة عملية فى الداخل
وبالتالى فى السفر مش هيكون ليها قيمة برضه للاسف !
اما الفايدة العلمية فاكيد مش متوقفة على هذه الدورات
لان العلم متاح فى كل مكان والنت سهل كل شئ

وعجبنى جدا الشعر اللى حضرتك استشهدت بيه
بس الحمد لله انه لم يكتمل بالحتة الخالدة بتاعة
"هتطلع هتنزل هجيبلك جمال" ههههههههه

وموقف الدورة ده تقريبا حصل معايا بس بشكل تانى،
كنت فى الجامعة فى قنا وانا من اسوان
فبعض الزملاء كانوا عايزنى ابات معاهم واسافر تانى يوم
فقولتلهم والله ما ينفع الدورة جاية بكرة (طبعا قصدى الدورة الفنية)
والاقى دول وقعوا فى الارض من الضحك وعنيهم دمعت من كتر الضحك
والناس بتتفرج علينا وانا مش فاهم حاجة ومستعجب فيه ايه ههههههههه
بس فهمت بعدين يا ريس ومسكوها عليا لفترة لحد ما نسوا وانا مش ناسيها :d

وأخيراً
الدورة تجربة (موش بطالة) ولو أتت لك اللفرصة اذهب واحكم بنفسك
ولن تخسر شيئا
وفي كل الأحوال
(اسكندرية حلوة برضة)
وزي مابيقولوا الاسكندرانية
اسكندرية ماريا وترابها زعفران

اهى فسحة يا جماعة

انما تاخد منها افادة ليك او لشغلك ماعتقدش

اهى فسحة يا جماعة

انما تاخد منها افادة ليك او لشغلك ماعتقدش
دائما هناك فائدة مستر أحمد
لكن المطلوب منك هو البحث عنها
واستشهد بكلام ابن تيمية عندما خاض معارك متعددة في مجتمعه
سواء من الأعداء الغازين أو من العلماء المتخاذلين
وتم اعتقاله وسجنه ومحاكمته بتهمة إشاعة الفساد بين العباد
وقال كلمته الخالدة (مايفعل بي أعدائي إن سجني خلوة ونفيي سياحة وقتلي شهادة )

وأخيراً
الدورة تجربة (موش بطالة) ولو أتت لك اللفرصة اذهب واحكم بنفسك
ولن تخسر شيئا
وفي كل الأحوال
(اسكندرية حلوة برضة)
وزي مابيقولوا الاسكندرانية
اسكندرية ماريا وترابها زعفران




اشكرك كثيرا استاذ نزيه على النصيحة وسوف اذهب بمشيئة الله الى قسم التدريب واسجل اسمى وان شاء الله لن يكون هناك خسارة بل فائدة كبيرة ما دامت النية خير

اهى فسحة يا جماعة

انما تاخد منها افادة ليك او لشغلك ماعتقدش

باذن الله لو كان لى نصيب فيها هعمل تقرير مفصل وهقول رايى فيها بكل موضوعية

اشكر جميع الاخوة الذين مروا بالموضوع. اليوم ذهبت الى المنطقة لتخليص بعض الاوراق وقابلت الاستاذ علاء عبدالعظيم مدير مكتب التدريب رجل قمة فى الذوق والاحترام، سجل بياناتى ولما سالته عن مكان الدورات قال ان تدريب مدرسى الانجليزى دايما بيكون فى العريش ونادرا لما يجى فى اسكندرية، قلت عريش عريش اهو احسن من مفيش :d ياريت لو حد راح العريش يفيدنا يا جماعة بارك الله فيكم

اشكر جميع الاخوة الذين مروا بالموضوع. اليوم ذهبت الى المنطقة لتخليص بعض الاوراق وقابلت الاستاذ علاء عبدالعظيم مدير مكتب التدريب راجل قمة فى الذوق والاحترام، سجل بياناتى ولما سالته عن مكان الدورات قال ان تدريب مدرسى الانجليزى دايما بيكون فى العريش ونادرا لما يجى فى اسكندرية، قلت عريش عريش اهو احسن من مفيش :d ياريت لو حد راح العريش يفيدنا يا جماعة بارك الله فيكم



أستاذ محمد
بعد التحية
الذي أعرفه أنا أن العكس هو الصحيح
ان تدريب مدرسى الانجليزى نادرا لما بيكون فى العريش ودايما يجى فى اسكندرية،

أستاذ محمد
بعد التحية
الذي أعرفه أنا أن العكس هو الصحيح
ان تدريب مدرسى الانجليزى نادرا لما بيكون فى العريش ودايما يجى فى اسكندرية،

اهلا استاذ نزيه، هو اكد لى ان مدرسين الانجليزى دايما فى العريش ولما سالته ليه؟ ضحك وقال احنا بنهتم ببتوع الانجليزى فبنجمعهم مع بعض، جايز محافظات الصعيد بيروحوا العريش والله اعلم

اهلا استاذ نزيه، هو اكد لى ان مدرسين الانجليزى دايما فى العريش ولما سالته ليه؟ ضحك وقال احنا بنهتم ببتوع الانجليزى فبنجمعهم مع بعض، جايز محافظات الصعيد بيروحوا العريش والله اعلم
في العريش في اسكندرية (ماتفرقش)
ربنا يوفقك في الذهاب للدورة وتستفيد منها إن شاء الله

في العريش في اسكندرية (ماتفرقش)
ربنا يوفقك في الذهاب للدورة وتستفيد منها إن شاء الله




ان شاء الله تعالى

جتنا نيله فى حظنا لهباب ....... ههههههههههههههه

تنظم إدارة التدريب بالأزهر الشريف

دورات تدريبية فى مركز ميامى بالاسكندرية

لتدريب المعلمين والاداريين بالأزهر الشريف على الأعمال الادارية

ومدة الدورة أسبوع للمعلمين وأسبوعان للإداريين أو شيوخ المعاهد

وهى فرصة رائعة لتعلم الشئون الإدارية

وللترفيه فى الاسكندرية مجانا


حيث أن الإقامة والإعاشة وبدل السفر على نفقة الأزهر الشريف

http://img843.imageshack.us/img843/6175/000pgz.jpg

http://img444.imageshack.us/img444/4296/001ank.jpg

http://img255.imageshack.us/img255/3538/002vr.jpg

جتنا نيله فى حظنا لهباب ....... ههههههههههههههه

خليك ايجابى وروح سجل اسمك مثلى والدنيا هتظبط ان شاء الله

http://img255.imageshack.us/img255/3538/002vr.jpg


بارك الله فيك استاذ عوض على تعبك ومجهودك ربنا يجزيك كل خير
بس ايه الفرق بين الشهادة الاولى الورق والتانية اللى فى الاقتباس؟
والشهادة التانية حضرتك اللى عاملها ولا استلمتها من ادارة التدريب؟
وجزاك الله كل خير

الأولى افادة يتم تسليمها الى المنطقة لصرف بدل السفر
والثانية شهادة بالحصول على الدورة التدريبية
وجميع هذه الأوراق صادرة من مركز التدريب فى ميامى
وبالتوفيق لحضرتك

الأولى افادة يتم تسليمها الى المنطقة لصرف بدل السفر
والثانية شهادة بالحصول على الدورة التدريبية
وجميع هذه الأوراق صادرة من مركز التدريب فى ميامى
وبالتوفيق لحضرتك

شكرا استاذ عوض على التوضيح
شئ جميل انك تحتفظ بصور الخطابات والافادات دى لوقت الحاجة