سلام عليكم..
طارق الخولي هو المتحدث الرسمي لحركة شباب 6 ابريل خلفا لمحمد عادل اللذي يقضي فترة الخدمة العسكرية حاليا.
حركة 6 ابريل معروف انها كانت جزء اساسي من الثورة (اللي البعض بيعتبرها مؤامرة امريكية).
و 6 ابريل تعرضت لاشاعات انها بتاخد تمويل و ان اعضائها خونة و ماسونية.
النهاردة جبتلكم الدليل القاطع ان شباب 6 ابريل دول ولاد تيت.
و تركيبتهم العائلية لا يمكن ان تفرز الا خونة و مخربين و ماسونيين.
http://www.500images.com/uploads/318102584tarek.bmp (http://www.500images.com)
اخييي ام محجبة و اب ملتحي و عنده علامة صلاة؟ اخييي
انا مكسوف من نفسي او اني كنت بدافع عن 6 ابريل و اني لسه هدافع عنهم.
ربنا يتوب عليا.
سلام عليكم..

وأم لديها ثلاثة أولاد فى الميدان والحرب مشتده

ومع ذلك تقول أنها نامت نوما عميقا فى هذه الليلة !

وأخ عاد من ألمانيا يوم 4فبراير ليشارك فى الثورة واستشهد

هو احنا مش قلنا الشعب طير العصافير

الصورة دى من برنامج لازال على الهواء مع حافظ مرازى واستمع إليه الأن ( إعادة )

فين والدته وفين والده ؟؟؟؟؟؟؟

يمكن -- هراجع نفسى - يمكن


ومع ذلك

تعرف (محمد عطا ) ؟

كانوا والده رجل دين ووالدته تعطى دوس دينية للبنات والسيدات

وفعل مافعل وبفعلته راح ضحيتها الملايين فى العراق وأفغانستان

وهو يعنى الظواهرى مش من أسرة دينية أبا عن جد

لاتبرر فلا أحد طلب منك هذا التبرير

فكلنا مصريون ولكن بعضنا يعيبهم بعض الغرور وفرض الرأى


ربنا يهدينا جميعا



شكرا يافوكس

جزاك الله خيرا و بارك الله فيك

جزاك الله خيرا

المهم هو بيقول ايه و يعتقد ايه
ده الاسلوب المنطقى اما حكاية امه و ابوه فدى مسألة عبيطة اوى
طب ما علاء عبد الفتاح أبوه احمد سيف الاسلام و كاتب فى خانة الديانة null
و جمال البنا اخوه حسن البنا و هو اجهل من دابة
سيدنا نوح نبى و ابنه كافر و مات كافر
ده مش مقياس نقيس بيه
انا معرفش الشخص ده بس يمكن ابوه و امه متدينين و هو غير ذلك
بعدين 6 ابريل عليها الف مليون علامة استفهام و من حقنا بل واجبنا نشك فى اى حد بيتمول من برة
و يهبش فلوس من ماما امريكا
و مش لاقيين حاجة تنصفه غير صورة امه و ابوه

انا رئيس مجلس ادارة جمعية اهلية وباخد منح من امريكا ومن المانيا ومع ذلك باحب بلدى وشاركت فى الثورة وموش باهبش الفلوس دى بالعكس بنعمل بيها مشروعات شغلنا بيها شباب والجهات المانحة مبتطلبش مننا اى حاجة تضر بالبلد واحنا انظف من ناس كتير لحيتها قربت تلامس الارض.موش عاوزين تخوين لبعض ايللى عنده دليل على خيانة شخص او على تمويله بشكل غبر قانونى يروح النيابة ويبلغ فيه .يجب ان نحسن الظن ببعضنا .احنا تعاملنا مع شباب 6 ابريل فى الثورة وكل ايللى تعاملت معاهم شباب برىء طيب وبيحب بلده