انا بكتب الاستمارة ^_^ [الأرشيف] - بوابة الثانوية العامة المصرية

مشاهدة النسخة كاملة : انا بكتب الاستمارة ^_^

هارى12345

07-01-2012, 09:48 AM

السلام عليكم
انا بكــــــــــــــــــــــــــــتب الاستمارة دلوقتى
ومش عارف اعمل فيها حــــــــــــــــــاجة
بالنسبة لمواد 3 ث
انا كتبت
المادة الاختيارية 2 >> احياء
الماده الاختيارية3 >> اقتصاد واحصاء
الماده الاختيارية 4 >> فيزياء
المستوى الرفيع >> لغه عربية

والمطلـــــــــــــــوب الان
1- اللى انا كاتبه صح ولا لا؟
2- ايه الاحسن اقتصاد واحصاء ولا فلسفة ومنطق ولا علم نفس واجتماع
والنبى محدش يقولى حسب رغباتك انت
من الاخر معنديش رغبات انا عايز ماده سهله وال50 فيها مضمونة وكمان تكون قصيرة
3- المستوى الرفيع لغة عربية كويس ولا لا اضمن فيه ال10 ولا محتاج حرت ودح جامد والدرجة بتبقى بالحظ؟
4-مينفعش ااخد جغرافيا ؟ بيقولوا سهله
وشــــــــــــــــــكرا

libero

07-01-2012, 11:05 AM

اقتصاد واحصاء ...
جغرافيا ...

NeVeR CoMe BacK

07-01-2012, 12:52 PM

مش لما تبقى تعدى من تانية الاول يابنى لا اله الا الله :(
ايه وجع البطن اللى عالصبح ده بس توءتوءتوء :(

ahmed doula

07-01-2012, 01:04 PM

ده شكل الاستمارة بتاعتى و ده الترتيب الصح

http://a1.sphotos.ak.fbcdn.net/hphotos-ak-ash4/395313_2725631472869_1619613400_2474129_971332879_ n.jpg

كلهم كويسين اللى يعجبك اكتبه وخلاص وريح دماغك ... دول مادتين (الادبيه والمستوى) معمولين عشان تاخد درجات متخافش

هارى12345

07-01-2012, 02:38 PM

الله يخليك يا باشمهندس أحمد
طيب حضرتك جربت الاحصاء اكيد
ايه رأيك فيها سهله ولا لا ولا علم نفس اسهل ؟

nagar3321

07-01-2012, 05:17 PM

طالما انت غاوى علمى رياضة

فانا افضل لك الاحصاء

ولكن عن تجربة علم النفس اسهل

والمستوى الرفيع لغة عربية

وربنا يوفقك

ولاحظ لو انت حفظت مش هتعرف تغير الا عن طريق المدرسة

محمود النجار

مرشد تعليمى مدرسة ابشواي الثانوية ادارة قطور

هارى12345

07-01-2012, 05:42 PM

قلبي ملك لربي

07-01-2012, 07:09 PM

طيب ياجماعه انا مش فاهمه حاجه كده انتوا خوفتوني يعني انا مممكن مش اعمل الاستماره من النت ولو حفظتها ايه اللي يحصل يعني ايه مش هينفع اغيرها غير من المدرسه

ahmed doula

07-01-2012, 09:59 PM

الله يخليك يا باشمهندس أحمد
طيب حضرتك جربت الاحصاء اكيد
ايه رأيك فيها سهله ولا لا ولا علم نفس اسهل ؟

انا مقدرش اقولك مثلا خد كذا فتاخدها ... لازم فى حاجت بتاخد فى الاعتبار

مثلا الماده الادبيه

الفلسفه فيها ميزه انك هتبقى عارف فيها حاجات عشان خدناها فى اولى

علم النفس على راى صحابى سهل جدا مع انى الصراحه وناس كمان شايفينه صعب لكن بردو هيبقى ماده ادبيه فى كليه الطب فهتحتاجه بس مش هيفرق كتير

الاقتصاد سهل جدا وصغير جدا نص المادتين التانيين تقريبا رغم انه فرعين لكن عايز فهم عشان الاسئله بتيجى معتمده على الفهم يعنى لو مش فاهم السوال مش هتعرف تحله حتى لو حافظ الكتاب م الجلده للجلده

وكلهم سهل جدا تجيب فيهم ال 50

المستوى كمان عندك الاحياء ميزته انك هتحتاجه فى الكليه بس طبعا مش هيفرق كتير بردو وكمان صعب شويه لكن زيه زى الاحياء العادى لو حفظت وزاكرت كويس مفيش مشكله فى ال 10

العربى والانجليش ال 10 مضمونه لو ذاكرت كويس لكن بيبقى حب بقى للماده يعنى لو بتحب العربى اكتر خد عربى كمان العربى اكبر من الانجليزى فى المنهج لكن مش بتفرق يعنى اعتقد :blush:

كل ماده ليها ميزه وليها عيب فانت شوف انهى انسبلك وخلاص

انا خدت الاقتصاد عشان بحب الماده دى ومبحبش الحفظ والدش الكتير اللى ملوش معنى - بالنسبالى - وخدت انجليش مستوى عشان بكره العربى وطبعا مش هاخد رياضه مستوى كفايه الرياضه 2 :d

:excl::excl::excl::excl:

بخصوص الاستماره افتكر انك كده كده لازم تطبع الاستماره اللى كتبتها وتوديها المدرسه لو انت حفظت بقى مش عارف لكن افتكر انك هتدفع رسوم عشان تغير المواد اللى عايز تغيرها وبردو هتطبع الاستماره وتوديها المدرسه

بس طالما والدك المدير اقترح عليه النظام بتاع مدرستى ... كان عندنا مدرس (اللى ماسك البوابه الالكترونيه فى المدرسه) كان بيطلب صور شخصيه وفلوس الاستماره و تقوله عايز كذا وكذا وهو يختارلك قدامك وبعدين تروح تاخد فى يوم تانى صوره من الاستماره وهو بياخد الاصل بعد ما يطبعه بمعرفته والصوره دى هى اللى هتاكدلك المواد اللى اخترتها + ممكن تدخل على النت تتاكد بردو من على موقع الوزاره + لو لعبلك فيها والدك هيرفده طبعا فمتخافش:bosyht9:

nagar3321

08-01-2012, 01:52 PM

التغيير مجانا بس لازم عن طريق المدرسة

واطمانوا فلكل طالب مرة واحدة يغير عن طريق المدرسة

وبعد ذلك المدرسة بتغير عن طريق لجنة النظام والمراقبة

ويا أبنائي

اسهل المواد كالاتى

علمى بجميع انواعه

كيمياء فى الصف الثانى وليس أحياء الا لو كنت ضامن 204 من 205

بعدذلك الفيزياء اجباري

احياء علمى علوم رياضة 2 رياضيات

اسهل المواد الادبية علم نفس ثم اقتصاد واحصاء
المواد الاختيارية للعلمى عريى

اما بالنسبة لطالب الادبى

تاريخ سنة تانية

اما سنة تالثة

ثم علم نفس

فلسفة

جيولوجيا

المستوى الرفيع جغرافيا
جيول

nagar3321

08-01-2012, 04:22 PM

لطالب الادبى

اسهل المواد بالنسبة للمرحلة الاولى تاريخ طبعا
المرحلة الثانية علم نفس فلسفة جيولوجيا

المستوى الرفيع جغرافيا

وفقكم الله

nagar3321

08-01-2012, 04:23 PM

انا قولت الاقتصاد والاحصاء لانهم مادة واحدة بالنسبة لطالب العلمى ارشحهم بعد علم النفس

SwOrD OF JusTice

09-01-2012, 12:03 AM

ايه ده هى الاستمارات بدات ؟؟

لو بدات اجيب الايميل والباس منين ؟

omar.ahmed3

09-01-2012, 01:51 PM

محتاج مساعدة انا اختارت علم نفس فى المرحلة الاولى
انا كنت عارف انى لازم اخذ تاريخ فى المرحلة الاولى علشان فى المرحلة التانية متكنش المواد صعبة
انا هعمل الاستمارة اليوم
اختار اية فى المرحلة الثانية
وهل التاريخ اجبارى
انشاء الله هختار فى المرحلة الثانية
لو التاريخ اجبارى هختارة و فلسفة وجيولوجيا
والمستوى الرفيع فلسفة ؟
.. تمام ؟
هل هذة المواد سهلة لطالب ادبى ؟
ولازم اطبع الاستمارة انا معنديش طابعة !

omar.ahmed3

09-01-2012, 03:53 PM

ارجو الرد .....................

Asa7be Wawa

31-01-2012, 10:32 AM

Asa7be Wawa

31-01-2012, 10:34 AM

شكرا لحضرتك
بس انا علمى علوم واخترت اقتصاد واحصاء لانهم قالوا المنهج صغير وانا كنت بكره الفلسفه فى 1 ث وحسيت ان علم النفس هيبقى وحش بردو
انا كتبت الاستمارة ويا ريتنى ما كتبتها
اختارت المحافظة ونسيت اختار المركز والمصيبة عملت حفظ
اعمـــــــــــــــل ايه؟
علما ان بابا مدير المدرسة اصلا فممكن نغيرها من هنا؟
وايه المفروض نعمله ؟

المركز على حسب شهادة الميلاد مكتوب فيها ايه يا هانى

أنا أصلا مش مكتوب المركز فى الشهاده مكتوب المركز الرئيسى فسبتها المركز الرئيسى فى الأستماره :d