بيان هام من اداره جروب معلمين التعاقد فى محافظه الشرقيه
نظرا لعدم الاعتراف بنا نحن المعلمون المتعاقدون فى محافظه الشرقيه واهمال مطالبنا وحقوقنا فقد قررنا الاعتصام وعمل وقفة احتجاجية يوم 2012/1/22 امام مديرية التربية والتعليم بالزقازيق وامام مبنى محافظة الشرقية بالزقازيق ولن يتم فض اعتصامنا حتى ننال مطالبنا المشروعة فنرجوا المساندة حتى ننال مطالبنا

اولا:- لم نتسلم اى راتب شهرى منذ 2011/10/1 حتى الان
ثانيا:- تغيير الراتب الذى لا يكفى لكى نأكل عيش فقط وهو 110 جنية فقط لا غير
ثالثا :_ التثبيت

معا حتى النهاية

ياراجل حرام عليك عملنا ثماني سنوات بالعقد حتى تم تعييننا وأنتم لم تكملو 8 أسابيع وتطالبون بالتثبيت !!!!!!!!

ربنا ينتقم من المحافظ عزازى وانتم عارفين ليه ...............................14سنة زل ومهانة وعمل بالحصة والعقد بكافة انواعة وساوى بيننا وبين الى اشتغل اول امبارح

ياريت نبطل نحقد على بعض 110 امبارح غير النهارده غير بكره...وكمان لسه مطلعش اي قرار بالتثبيت ولا حتى زيادة جنيه واحد لهذا الراتب المخجل اللي مايكفي حتى المواصلات ... كمان انت لما اتعينت اتعينت بملغ وقدره .............. غيرك يوم ماتعين اتعين ب300 بس
تعرف ان في ناس معاها ماجستير ولسه بالعقد ... رحمة ربنا واسعه ياخي ليه تضيقها وكأن المرتب هيطلع من جيبك ....
انت نفسك بتعترف انه ذل وما كنتش راضيه على نفسك ودلوقتي ترضاه لغيرك .... 110 دلوقتي اذاكان واحد جنب المدرسه ماتكفيش عيش وطعميه فمابالك بأسره كامله والتزامات ... فمابالك باللي بيركب مواصلتين وتلاته
كان نفسنا تقفوا جنبنا ومعانا لأنكم حسيتوا بالظلم زينا لكن احنا معانا ربنا ...
حسبي الله ونعم الوكيل

ماشى تتظبط مرتباتكو لعقد مميز وبعدين تفضلو كزى سنه بعدين تتثبتو لكن تثبيتكو محتاج ميزانيه كبيره جدا والبلد مفيهاش فلوس

وبعدين الى بجد يحرق الدم ان حتى الى رجعو فى التظلمات دبلومات راجعين معلم مساعد وواخدين مسمى وظيفى زى المؤهل العالى

الاستاذالمحترم هشام انا لااحقد عليك ولكن مظاهرة علشان التثبيت حرام دقنا الظلم ونشعر بكم لكن هناك اصول فرض علينا الرخصة الدولية وامتحان انجليزى ضمن امتحانات الكادر لو هيعملوكم بالمثل هتذوك الظلم الى احنا ذقنا لو هتقعد بالخمس شهور من غير قبض وكان البلد فيها فلوس مش زى دلوقت
وانا اسف ياسيدى

كلامك صح ياستاذ عبدالفتاح

و مين قال ان حد قبض في إدارة غرب من 3 شهور ... هو العقد اعتمد أصلا يعني ممكن أي حد يقولنا مع السلام في أي وقت ومش كلنا دبلوم أنا خريج تربيه أساسي من 7 سنوات ومعايا دراسات عليا ومأخدناش ولا مليم من ساعة ماشتغلنا . وبنشتغل نفس شغلكم ويمكن أكتر لو واحد معندوش دخل تاني قولي حيعيش إزاي .... ؟؟؟؟؟؟؟؟؟ يعني شغالين ببلاش و في ناس سابت أشغلها بمرتبات أحسن في التعليم الخاص في ناس كانت في الخارج وسابتها عشان التظلمات وغيره...

سبحان الله ،، الأخ اللي مش عاجبه كلام صاحب الموضوع ؟؟؟

أنا اشتغلت اربع سنوات بالحصة وانت عارف طبعا اربع سنين الراتب بالشهر كام 40 جنيه ،

وانقطعت عن العمل اربع شهور بس من حقنا طبعا نطالب بالتثبيت أو عقد مميز لأن 110 هيعملوا ايه في الزمن ده ؟؟؟؟

السلام عليكم يا جماعة لو سمحتو انا خريجة اداب انجليزي 2011 و من الزقازيق هو انا عايزة اعرف ازاي اشتغل بالحصة مش مشكله لكن مش عارفة اقدم ازاي و لا اروح فين ممكن حد يساعدني و الله يكون في عونا عل 110 جنيه

واحد ياخد 110 واحد 1000مش حرام

ماشى تتظبط مرتباتكو لعقد مميز وبعدين تفضلو كزى سنه بعدين تتثبتو لكن تثبيتكو محتاج ميزانيه كبيره جدا والبلد مفيهاش فلوس



امال جاب فلويس الاداريين منين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

:078111rg3:اولا :يا جماعة استهدوا بالله انتو اشتغلتوا ب110 احنا بقى اشتغلنا ب40 وتعبنا جدا علشان نوصل للتثبيت وعلى فكرة لو ما قامت الثورة لا كونا هنتعين ولا انتم هتشتغلوا اصلا لان الرئيس المخلوع كان بيقول ما فى تثبيت البلد كلها هتشتغل تعاقد فياريت نقرأ الفاتحة لشهداء الثورة
ثانيا :بتمنى من الله انكم تتعينوا انتم كمان وما تتعبوا تعبنا ويطبق الحد الادنى للاجور علشان ما فى حد يزعل
وياريت كل واحد فينا يدعى لمصر تمر من الفترة دى على خير ويصلح حالنا جميعا

إلى الذين تم تثبيتهم ويقولون علينا الانتظار ثلاث سنوات أو ثمانية حضراتكم اشتغلتم بالعقد بالواسطة اللي مشتنا علشان انتم تتعينوا ونحن كنا أحق بالتعيين منكم لانكم اتعينتم بالواسطة فأرجوا مسانتدتنا بدلا من مهاجمتنا

اية الفتي والقرف دة
انتم ناس حسين بحد الكل ياخد حقة معلمي الحصة استبعدوا عشان الكوسة والقرع والمسخرة وكمان عايزين تحرموهم من الاعتصام او المظاهرات السلمية

يا راجل دة نصكم مزورين والدليل فى ابو كبير وعايزين تثبيت هههههههههههههههههههههههههههههههههههههههههههههههههه هههههههههههههههههههههههههههههههههه

طيب في ناس زورت إيه ذنب الناس التانيه انا خريج تربيه أساسي رياضيات 2003 تقدير جيد و معي دراسات عليا

ربنا معاكم ............و لكن مشكلتكم لا شأن لمديرية التربية بها لذلك اعتقد ان الاعتصام امام المحافظة يكون اكثر فائده لان المديرية هي جهة تنفيذ قرارات و ليس اصدار قرارات لكن المحافظ هو من يصدر القرارات

راعوا انكم مربيين اجيال وقدوه لاولادنا ....ولما المدرسين يتسببوا فى فوضى فى منطقه حيويه زى شارع المحافظفه ويقوموا بوضع حواجز فى الشارع لمنع مرور السيارات ....وتركتهم وهم على وشك الاشتباك مع احد افراد القوات المسلحه الذى تعاطف على حال الطريق واستسمحهم بازاله الحواجز الا ان البعض اعترض ..لم انكر وجود مجموعه من المدرسين ذات النخوه والشهامه الذين لم يبدوا المصلحه الخاصه عن مصلحه الشعب تلك المصلحه العام .....الاعتصام حق مشروع ولكن دون الاضرار بالمصلحه العامه ....طالبوا بحقكم بالطريقه السلميه ونحن معكم ...مصر فوق الجميع ..حماها الله وحفظها بشعبها ..........سمير طنطاوى

فعلا نصهم مزورين حسبى الله ونعم الوكيل فى المحافظ فى الشرقيه الى سايبها مفتوحه على البحرى للمزورين والمرتشيين للمؤهلات الغير تربويه والى كان متعاقد وعندو 50 سنه وبتوع المؤهلات التربوى قاعدين فى الشارع

انتم عرفتم تعملو لمده ثمانيه عام نحن لم نتمكن من العمل وعندما عملنا تم فصلنا هل هذا بايدينا نتخرج من تسع اعوام ونجلس ثمانيه حتى نتثبت
على ما اعتقد ده حرام

[quote=هشام جيل;4234904]طيب في ناس زورت إيه ذنب الناس التانيه انا خريج تربيه أساسي رياضيات 2003 تقدير جيد و معي دراسات عليا[/quote

يارب الناس تكون بتعرف تقراء وتعرف احنا متخرجين منذ متى علشان يعذرونا

فى ناس زوره دة مش اختصاصنا هناك من هم اوراقهم سليمه ايه ذنبهم يعنى هناك بعض الادرارات تسهلت وهناك بعض الادرارات اتعبتنا فى تخليص اوراقنا