يا جماعه هل يعقل ان يكون راتب المدرس بعقد المكافاه الشامله 115 جنيه او اكثر قليلا
على حسب كل محافظه

ارجو فى هذا الموضوع من جميع اصحاب هذه العقود الاتحاد حتى نتحول الى عقود مميزه
وذلك من خلال توصيل اصواتنا الى الوزير والنقابات التعليميه التى لا تهتم بنا على الاطلاق

وتوصيل اصواتنا الى نواب الامه فارجو الاتحاد

115 جنيه!!!!!!!!!!!حرام

يا ريت واي حد يجمعنا علي ملتقي واحد علي الفيس بوك ويعرفنا بنفسه ومحافظته عشان نعرف هنعمل ايه ؟

اى حد معاه تربوى والرخصة الدولية لقيادة الكمبيوتر المفروض يدخل امتحان الكادر على طول

لا يوجد جديد حتى الان

اى حد معاه تربوى والرخصة الدولية لقيادة الكمبيوتر المفروض يدخل امتحان الكادر على طول
ازاى هما قايلين المعلم المساعد الى قبل 31/10/2009 هو دة الى هيدخل كادر شهر 2
انا معلم مساعد من 1/7/2011
وتربية ومعايا اى سى دى ال هينفع ادخل امتحان كادر شهر 2 ؟؟ وهما قايلين لازم يعدى سنة ع الاقل عليا وانا معلم مساعد؟؟
ارجو التوضيح

سلام عليكم والله حرام اكبر حرام الوزبر جاب سيرنتا فى اى حاجة اساسا لازم نقف معا بعض لازم نطالب بالتثبيت ممكن او عقود مميزة حاجة محترمة ومافيش اى امتحانات فى الاكاديمية زى ماالوزير قال وبيقوله الرخصة الدولية اتلغت والوزبر يقول اللى معاه تربوى ورخصة دولية ومش حقيقى الكلام ده الوزير يجب ان ينظر الينا ولازم نقف معا بعض ........

ادارة جروب المعلمين المنقطعين بالشرقيه
رسالة لكل معلم متعاقد 110 جنيه وعائد من التظلمات
شارك في الإعتصام والوقفة الإحتجاجية يوم الأحد 22 يناير 2012 م الساعة 9 صباحا أمام مديرية التربية والتعليم بالزقازيق
لماذا ستشارك ولن تكون سلبيا وتنتظر في المنزل أن يأتي إليك التثبيت أو العقد المميز ؟
أنا سأشارك للأسباب الآتية :
> أستاذي الفاضل يقولون عنك في المديرية والإدارة بأنك عائد من التظلمات فهل رفعوا الظلم
عنك حتى الآن
> أستاذي الفاضل كنت تعمل منذ عشر سنوات أو أكثر أو أقل بمرتب 110 جنيه فهل تقبل أن
تعمل به الآن؟
>أستاذي الفاضل الدولة تستطيع وبكل سهولة تدبير موارد لتحويل العقد إلى مميز أو تثبيت؟
> أستاذي الفاضل الدولة والحكومة والوزير والمجلس العسكري لا يعلمون عنا شيئا حتى الآن ؟
> أستاذي الفاضل المحافظ ووكيل الوزارة قالوها لنا صريحة ليس لكم تثبيت أو مرتب أكثر
من 110 جنيه واحمدوا ربنا إنكم رجعتم الشغل
> أستاذي الفاضل لقد تركت عملك وعدت لتأخذ حقك كاملا وأنت الآن ليس لك مصدر دخل آخر
فهل ستصبر ثلاث سنوات حتى تثبت أو يتحول عقدك إلى مميز ؟
> أستاذي الفاضل المحافظ قام بزيادة حوافز الإداريين إلى 250% ورفض زيادة راتب
العقد 110 جنيه بحجة عدم وجود موارد
أنا سأشارك لأني أريد الحصول على حقي كاملا لقد ظلمت قبل ذلك ولن أقبل بأقل من حقي كاملا

شارك معنا يوم الأحد 22 يناير 2012 ولا تكن سلبيا ولا تجلس في المنزل وتقول من سيذهب يكفي لن يسمع صوتنا ولن يصل للمسؤولين إلا بإتحادنا جميعا

جروب معلمون ثائرون على الفيس بوك

انا اضحك عليا يارجاله انا الشيك اللى جالى 114 و نص فين النص جنية التانى و لازم نعمل وققة احتجاجية فى الغربية

وايه اخر اخبار مدرسى الحصة بالدقهليه

ادينا مستنين الفرج

ادينا مستنين الفرج

ان شاء الله الفرج قريب بس الناس تتحرك ولا يضيع حق وراءه مطالب

أنا شغال من شهر 10 في قنا على المكافأة الشاملة ومش باخد أي مرتب ومش عارف مرتبي كام ناس تقول 200جنيه و10 قروش تخيلوا وعشر قروش والموجه بتاعي يقولي لأ انت مرتبك 243 جنية و60 قرش يعني لازم يكون فيه كسور أما 10 أو 60 قرش . وسمعت عن عقود جاية للمكافأة الشاملة مش عارف مميزة يعني تبدأ من 317 إلى 600 جنيه أو عقود عادية يعني ب 243 جنيه و60 قرش
أرجو الإفادة وأنا معاكم في أي مظاهرة

ياجماعة العقد العادى ب 420ج
ومعتش فى عقود مميزة اتلغت
بقا العقد العادى يكمل 3 سنين يتثت على معلم مساعد كانه عقد مميز بس تثبيت مش تعاقد
واالتثبيت على معلم مساعد او عقد مميز ب 580ج

يا جماعه كل محافظه ولها مرتب خاص بها وذلك لانها عقود المكافاه الشامله
لاتاخذ من وزاره الماليه وانما تاخذ من ميزانيه المحافظه وذلك على حد علمى والله اعلم
فمثلا فى محافظه الغربيه قيمه عقد المكافاه الشامله 115 جنيه

تمام فعلا كل محافظة مرتبها مختلف عن التانية
يعني انا بردو بالمكافأة الشاملة لأني كنت منقطع ورجعت
الراتب للمؤهل العالي 180 جنيه والمؤهل المتوسط 160 جنيه الكلام ده بالنسبة لمحافظة كفر الشيخ
ياريت يا جماعة يبقي فيه حل
يعني مثلا اللي كمل المدة اللي هي 27 شهر بما فيهم المدة السابقة للانقطاع يتثبت ... واللي ما كملش المدة يتعمل له عقد لغاية ما يكمل
ياريت ده يبقي مطلبنا الأساسي والوحيد
في انتظار الردود

انتوا تحمدوا ربنا على مرتباتكم دى انا متعاقد من المنوفية 1/10/2011 ومرتبة 179 جنية بعد الخصم اصلى المرتب الاصلى فى العقد 200 جنية الحكومة لقتة كتير علينا فقالت 179 جنية احسن متفتروش

هناك جرو ب على الفيس بوك اسمه المتعاقدون الجدد في التربية و التعليم newteachers

انا اعمل بالعقد في الشرقية ولم اتقاضي أي مرتب رغم انتهاء الترم ولا اعرف اي شئ عن المرتب حتي العقد الي الان لم يتم اعتماده ومش عارفه مصيرنا ايه اهو شغالين وخلاص

انا قرات ان التعاقد بالنسبه لمدرسى الحصة بالدقهليه اصبح سلطه بيد المحافظ يعنى لازم نقابل المحافظ ونشوف انعمل ايه ............................وعلى فكره انا مثلكم لسه مامخدش ولا مليم من اول مشتغلت فى شهر 10

ويا ريت بجد الى عنده اخبار جديده عن مدرسى الحصه فى الدقهليه يقولها ضرورى ..................وجزاكم الله خيرا

وقفه سوهاج يوم 22 / 1 /2012 برضه مع الشرقيه

ثورة معلمى الحصص والمكافاه يوم 22/1/2012 القادم للتثبيت
اعلنت محافظة القليوبيه والشرقيه واسوان وقنا والدقهليه والقاهره وكل محافظات مصر ان شاء الله الخروج فى 22/1/2012 القادم من اجل التثبيت وليس التعاقد ولم نرجع ولم نترك اماكنا امام دوواين عام المحافظات حتى يتم اصدار قرار فورى بالتثبيت وصرف جميع مستحقاتنا لاننا شباب مصر معلمى الحصص على مستوى الجمهوريه
ومن يمتنع من معلمى الحصص من النزول فهو ليس مصرى ولا يستحق ان يصبح معلما لان هذا حقنا
لان هذا حق معلمى مصر بالتثبيت
التثبيت التثبيت التثبيت التثبيت التثبيت ولا للتعاقد المميز

انا عاوز حد يرد عليه ويفهمني
مش المدرسين اللي كانوا منقطعين ورجعوا بينطبق عليهم بردو انهم بالحصة ولا ايه بالظبط
ولا انتم بتتكلموا علي ناس تانية ولا ايه
ياريت التوضيح يا جماعة بعد اذنكم

انتوا تحمدوا ربنا على مرتباتكم دى انا متعاقد من المنوفية 1/10/2011 ومرتبة 179 جنية بعد الخصم اصلى المرتب الاصلى فى العقد 200 جنية الحكومة لقتة كتير علينا فقالت 179 جنية احسن متفتروش

متعاقد ازاي من 1-10-2011
ولا انت قصدك كنت منقطع عن العمل ورجعت من 1-10-2011