zamalek1
10-01-2012, 11:27 AM
يريت يوم 25 يناير محدش ينزل سمعت من مصادر كتير ان هيكون فى ضرب وتخريب وناس هتلبس زى عسكرى وتضرب فى الناس والبلطجية هيطلعوا من الجحور تانى ياريت ياجماعة محدش يستهون بالكلام وياريت اللى عندو درس فى اليوم ده ميروحش ويذاكر فى البيت خصوصا عندنا فى اسكندرية انا كنت بتفرج على مطش الاهلى والبايرن فى كافيه فى العجمى عندنا وشوفت مجموعة بتتكلم وبيحذرونا من احنا نقف فى اى مظاهرات وقالوا اللى عايز يتظاهر ياريت يكون فى اماكن موثوق فيها وبلاش حد يقف ادام قسم شرطة وخصوصا البنات ياريت محدش يقف يتفرج ويقول انا مش بتظاهر انا بتفرج بس بعد الشر عنكم معظم اللى اصيبوا وقتلوا فى مجلس الوزراء ومحمد محمود وروكسى وماسبيرو وغيره كانوا بيتفرجوا بس وياريت يا جماعة كل واحد يخلى بالوا من نفسه الفترة الجاية انا واللهى كنت واخد عهد على نفسى انا انى ابعد شوية عن النت لحد ملم فى المنهج شوية لكن لما سمعت كده مقدرتش وقلت لازم انبه عليكم
ahmed doula
10-01-2012, 12:08 PM
هناك رجل يقول انه يوجد مظاهرات شريرة ...... فماذا نحن فاعلون يا رجال؟؟
اكييييييييييييييييد ناخد من كل رجل قبيييييييييله هههههههههه
Asa7be Wawa
10-01-2012, 01:00 PM
هههههههههههههههههه
عادى يعنى مانا سمعت ان تنين رع المجنح خرج من يوجى يو و نازل على التحرير عمتا انا نازل و لو حصل ايه ;)
(حتى لو الدنيا بتمطر حجاره نفسى أمارس الأنتخاباااااااات :d:d:d) اللى بيتفرج على باسم يوسف بس اللى حيفهمنى
shahd.
10-01-2012, 03:23 PM
...............ربنا يستر..............
بقايا قلب
11-01-2012, 12:46 AM
اصيل يا ابو رحاب ههههههه .... وحشتنا والله
انا مش خايف ... فاكر يوم ما الشرطه انسحبت
كنا حوالى الساعه 10 بالليل
قالوا فى الميكرفون بتاع الجامع ان طنطا بتولع
والبلطجيه جايين عندنا ع البلد.. انا ساكن جنب طنطا بحوالى 10 ك
طلعت جريت على الكوبرى بتاع بلدنا
لقيت حوالى 5000 واحد واقفين بالشوم والاسلحه
رجعت ونمت ولا اكن فى اى حاجه
فانا ان شاء الله ما اظنش ان اى حاجه ممكن تحصل عندنا
THE CodeR
11-01-2012, 05:58 PM
في واحد صاحبي النهاردة قالي تعال ننزل يوم 25 يناير
نتفرج ولو حصل حاجة نمشي علي طول علي المترو.... كويس انك قلتلي عشان اكتفي بالرفض و خلاص
و احنا لينا مصادرنا برضه ... هبقي اتأكد من الخبر إن شاء الله و اقولكم
highlight
12-01-2012, 11:56 PM
شوفتوا العروض اللى عاملاها شركات الموبايلات بدل قطع الخدمة....!!
بيقولك لو معملتش اى مكالمة من يوم 25 ل 28 يناير..
هتاخد دقايق و بتاع.........
واضح ان الناس دى مبتتعلمش ....
د/نداء الجنة المصرية
15-01-2012, 02:05 AM
في واحد صاحبي النهاردة قالي تعال ننزل يوم 25 يناير
نتفرج ولو حصل حاجة نمشي علي طول علي المترو.... كويس انك قلتلي عشان اكتفي بالرفض و خلاص
و احنا لينا مصادرنا برضه ... هبقي اتأكد من الخبر إن شاء الله و اقولكم
انصحكوا بلاش لان اللى بيروحوا يتفرجوا هم اللى بينضربوا والمتظاهرين الاساسيين بيطلعوا سلام والله اعلم يمكن هم اللى بيضربوا الناس