الموضوع باين من عنوانه طبعا :028ja7:
انا من حكم خبرتي في الثانوية العامة -سنة ونص :p- هحاول اتكلم عن طرق الطلبة المختلفة في المذاكرة
طبعا نوعية الطلبة اللي بتكلم عنها هي الطلبة اللي بتذاكر و عايزه تجيب مجموع كويس

اولا:طريقة الحفظ
اشهر طريقة في الثانوية العامة بين الطلبة اللي بتذاكر خصوصا البنات -علي اساس ان اغلب الولاد مبيعرفوش يقعدوا علي الكتاب كتير :cool:
الطريقة ديه بتطبق مثل تعليمي مشهور اوي في مصر اللي هو "احفظ زي الجاموسة تعدي زي الناموسة "
بصراحة النظام التعليمي في مصر يساعد علي كده سواء بسبب طريقة التعليم نفسه او طريقة وضع الامتحان
و انت لو هتطبق الطريقة ديه و نجحت في تطبيقها بحذافيرها هتنجح في انك تجيب مجموع حلو و تدخل الكلية اللي انت عاوزها و لو الامتحانات جت سهلة ممكن تبقي من الاوائل كمان لانك اللي انت حفظه هتلاقيه في وشك
بس طبعا ديه ليها عيوب كتير منها مثلا ان السنتين بتوعك هيبقوا جحيم و هتبقي من الدرس للكتاب و من الكتاب للدرس:006et4: و لو الامتحانات جت صعبة او لفة شويه انت اول واحد هتطلع تعيط من اللجنة ممكن تجيب مجموع كويس بس اكيد مش هيكون اللي انت حطه في دماغك لانك بتكون بذلت مجهود خيالي :bosyht9:


ثانيا:الاعتماد علي الفهم فقط
العنوان ممكن يخليك تحس بالاعجاب كده و تقول " يااااااااااااااه انا عايز ابقي من العباقرة دول ايوه كده هو فيه احسن من الفهم و انا احفظ ليه ما اشغل دماغي احسن"
للاسف دول اكتر ناس بيدفعوا التمن في الثانوية العامة لسببين الاول انك في نظام التعليم المصري ثانيا ان الطريقة ديه بصفة عامة مش صح, و بتقابلهم مشاكل في اي نوع من الامتحانات مثلا لو جت سهلة هما مبيبقوش مذاكرين كويس اوي فبيخسروا درجات في حين ان اخوانهم الحفيظة بيبقوا شبه مقفلين و في الصعب بالرغم انهم ممكن يحلوا الاسئلة الصعبة الا انهم برضه الاسئلة الروتنية مبتبقاش ماشية كويس اوي معاهم فبيخسروا درجات كتير و بيضيع ده من الوقت في محاولة لتذكر الحاجات اللي مش ثابتة في الدماغ
اجمالا دول كانوا ممكن يعملوا نتائج كبيرة اوي في الثانوي و مجاميع قوية جدا بس لو كانوا اضافوا التغييرات البسيطة اللي هقولها في الطريقة التالته


ثالثا:المزج بين الحفظ و الفهم
لو حبينا نوضح قصدي اكتر يبقي انك لازم تفهم كويس الكلام اللي انت واخده حتي الادب بتاع العربي:d
انا عارف طبعا انكم بتضحكوا عليا دلوقتي و يمكن فيه اللي وقع تحت الكيبورد ;)
بس انا بتكلم بجد اه الادب بيتفهم لان لو لاحظت هتلاقي انه كلام له معني _اه و الله _ يمكن ناس كتير ماخدتش بالها من ده قبل كده بس حاول تفهم الكلام و معناه و بعد كده ذاكره هتلاقي انه بياخد منك اقل من نص الوقت اللي بتحتاجه لو قعدت تحفظ كده و خلاص مواد زي الكيميا مثلا ايه اللي يخليك تحفظ المعادلة كده و خلاص ما تفهم ايه اللي حصل فيها هتلاقيك بتتوقع المعادلة لوحدك , معادلات العضوية مثلا انا عمري ما حفظتها لان كلها بتتفهم و ليها طريقة معينة بتمشي عليها ,هي الناس بتخاف من الفيزيا ليه ؟؟؟؟؟ عشان بيحاولوا يحفظوها مش يفهموها
انا ليا قرايبي في الثانوية البريطانية و منهج الكيميا بتاعهم ميختلفش كتير عن بتاعنا و بيسالوني كتير في حاجات انا اخدتها و بجاوبهم بس الفرق انهم بيتعلموا ازاي يفكروا مش يحفظوا ليه انت متحاولش تبقي زيهم ؟؟؟ تفهم المعلومة و بعد كده تحفظها بسهولة
اولا الاسلوب ده مفيد في جميع انواع الامتحانات في السهل انت هتحل كله بمنتهي الثقة لانك مذاكر كويس ولو صعب حتلاقي نفسك بتخلص السهل بسرعة و ثقة و تفكر في الصعب اللي باذن الله هتغرف تحله لانك عودت نفسك تفكر و لانك فاهم اللي انت مذاكره فبيبقي عندك مرونة في حل الاسئلة


ارجو ان الموضوع يكون عجبكم
شاركونا بارائكم

موضوع جميل ..

أنا تبع 3 :)

وفعلاً أنا بتعامل مع الأدب بالحفظ والفهم ( بس طبعاً الحفظ بيبقى نسبته أكتر ) !

موضوع جميل ..

أنا تبع 3 :)

وفعلاً أنا بتعامل مع الأدب بالحفظ والفهم ( بس طبعاً الحفظ بيبقى نسبته أكتر ) !


طبعا الحفظ اكتر بس لو الفهم 5٪ بس من المذاكره في الادب
ده يخلي 95٪ الحفظ سهلين جدا

شكرا لمرورك :028ja7:

اولا:طريقة الحفظ
اشهر طريقة في الثانوية العامة بين الطلبة اللي بتذاكر خصوصا البنات -علي اساس ان اغلب الولاد مبيعرفوش يقعدوا علي الكتاب كتير :cool:
الطريقة ديه بتطبق مثل تعليمي مشهور اوي في مصر اللي هو "احفظ زي الجاموسة تعدي زي الناموسة "
بصراحة النظام التعليمي في مصر يساعد علي كده سواء بسبب طريقة التعليم نفسه او طريقة وضع الامتحان موافقك تماما
ابسط مثال
فى الرياضة مثلا المدرس يديك طريقة الحل وخلاص محدش بيشرح الجزء النظرى الى بيبقى فى الاول مع انى شايف انه اهم

انا مرة سالت مدرس الرياضة هو ايه المحدد ده وايه معناه .. قالى علشان اشرحلك المحدد لازم تكون فاهم المصفوفة بتاعت اولى ثانوى وريح دماغه وخلاص ...

ومرة برضو سالت مدرس الفلسفة على حاجة فى المنطق اسمها الاستغراق بقوله يعنى ايه قالى ما معناه متحاولش تفكر وتوجع دماغك احفظ النظرية وطبقها فى الامتحان علشان تاخد درجتها وخلاص ..

اعتقد ان اغلب الناس وانا منهم معظم الى بيحلوه فى الرياضة خصوصا بيبقوا مش فاهمين معناه هما عارفين طريقة الحل وخلاص

كلام سليم جدا

:rolleyes::rolleyes::rolleyes:
:romarioxp6::romarioxp6:
TA :078111rg3:

موافقك تماما
ابسط مثال
فى الرياضة مثلا المدرس يديك طريقة الحل وخلاص محدش بيشرح الجزء النظرى الى بيبقى فى الاول مع انى شايف انه اهم

انا مرة سالت مدرس الرياضة هو ايه المحدد ده وايه معناه .. قالى علشان اشرحلك المحدد لازم تكون فاهم المصفوفة بتاعت اولى ثانوى وريح دماغه وخلاص ...

ومرة برضو سالت مدرس الفلسفة على حاجة فى المنطق اسمها الاستغراق بقوله يعنى ايه قالى ما معناه متحاولش تفكر وتوجع دماغك احفظ النظرية وطبقها فى الامتحان علشان تاخد درجتها وخلاص ..

اعتقد ان اغلب الناس وانا منهم معظم الى بيحلوه فى الرياضة خصوصا بيبقوا مش فاهمين معناه هما عارفين طريقة الحل وخلاص


عندك حق في اللي انت بتقوله
انا لما كنت باخد رياضة 1 كان المدرس مبيهتمش انه يفهمنا الجزء النظري
بس في رياضة 2 بحس انه اكتر اهتمام معانا
علي اساس اننا حنبقي مهندسين و كده :rolleyes:
انا اعرف ناس كانوا بيحفظوا مسائل الرياضة
و مش عارف استوعب الموضوع ده لحد دلوقتي :wacko::wacko:

شكرا علي مروركم و اتمني تفاعل اكتر معايا :)

طب انا مشكلتى فى الانجلش اعمل ايه لحد دلوقتى مش عارف احفظة انا القواعد فاهمة يس الكلمات بتاعته كتيرة ومش بحب احفظ نورنى يا كيمو قولى اعمل والاهم من ده يا كيمو لو انته من القاهرة قولى مين بيدرس كميا كويس عشان تعبان فيها اوى اوعى تنسى

موضوع كويس

بس معتقدش ان فيه حد ممكن يعتمد على الفهم فقط فى كل المواد او حتى الحفظ فقط لازم اى حد يكون بيخلط بين الاتنين بس بنسب

تعرف ان لما يجيلك سوال مثلا زى 1+1 = كام وانت تقول 2 بكل سهوله اكتشفوا ان الحساب بيعتمد على الحفظ مش الفهم رغم انها رياضه يعنى :d

موضوع كويس

بس معتقدش ان فيه حد ممكن يعتمد على الفهم فقط فى كل المواد او حتى الحفظ فقط لازم اى حد يكون بيخلط بين الاتنين بس بنسب

تعرف ان لما يجيلك سوال مثلا زى 1+1 = كام وانت تقول 2 بكل سهوله اكتشفوا ان الحساب بيعتمد على الحفظ مش الفهم رغم انها رياضه يعنى :d

لما واحد يكون بيعتمد بنسبة 99٪ حفظ و الفهم ده بيجي بالصدفة
باعتبر ال1٪ بلغة الفزيا negligable

بالنسبة لموضوع الفهم هما غالبا بيبقوا طلبة شاطرة و دماغها نضيفة
بس بلغة اهالينا بيبقوا بيلعبوا زيادة شويه:blush::blush:

الحفظ بيجيب درجات اكبر من الفهم للاسف حتى واللهى فى ناس بتحفظ مسائل الرياضة 2 والفيزياء انا قررت فى 2 ثانوى انى افهم بس جبت 88% قررت فى 3 ثانوى انا احفظ اكتر وافهم اقل بقفل امتحانات الشهر هى الحكاية صح نسبة وتناسب
العربى
20% فهم 80%حفظ
الانجليزى
15%فهم 85%حفظ
علم النفس
5%فهم ده لو غير طريقة السؤال 95%حفظ
الرياضة
30%حفظ قوانين 70%فهم
الفيزياء
50%حفظ 50%فهم
ده بالنسبالى وبتختلف النسبة بين الطلبة

الحفظ بيجيب درجات اكبر من الفهم للاسف حتى واللهى فى ناس بتحفظ مسائل الرياضة 2 والفيزياء انا قررت فى 2 ثانوى انى افهم بس جبت 88% قررت فى 3 ثانوى انا احفظ اكتر وافهم اقل بقفل امتحانات الشهر هى الحكاية صح نسبة وتناسب
العربى
20% فهم 80%حفظ
الانجليزى
15%فهم 85%حفظ
علم النفس
5%فهم ده لو غير طريقة السؤال 95%حفظ
الرياضة
30%حفظ قوانين 70%فهم
الفيزياء
50%حفظ 50%فهم
ده بالنسبالى وبتختلف النسبة بين الطلبة


اخيرا لقيت حد قاهم قصدي :078111rg3::friendsxs3:
هي فعلا كده كل واحد يقسم المادة بالنسب الصح
و اللي ممكن تختلف من واحد لواحد

ربنا معانا

الامتحانات قربت