1- المرشح المنسحب : محمد البرادى
2- الاستاذ / ايمن نور
3- المذيعة السابقة / جميلة اسماعيل
4- المذيع معتز مطر
5- المذيعة هالة سرحان
6- الشيخ حازم صلاح ابواسماعيل
7- احمد المسلمانى
8- ثوار مصر الحقيقين
9- بلطجية الشوارع
10- قناة الجزيرة
11- امير قطر
12- حكام العرب
13- امريكا

1- المرشح المنسحب : محمد البرادى
2- الاستاذ / ايمن نور
3- المذيعة السابقة / جميلة اسماعيل
4- المذيع معتز مطر
5- المذيعة هالة سرحان
6- الشيخ حازم صلاح ابواسماعيل
7- احمد المسلمانى
8- ثوار مصر الحقيقين
9- بلطجية الشوارع
10- قناة الجزيرة
11- امير قطر
12- حكام العرب
13- امريكا

محمد البرادعى ... كله كلام كلام مفيش فعل خالص:p
وقت الجد اول واحد بيخلع


أيمن نور ...... شخصية محترمة جدا بس مش بيعرف يكمل حاجه بدأها عشا كده كان استحاله ينفع رئيس جمهوية


جميلة إسماعيل ....... مش اى حد ظهر فى التليفزيون شويه يترشح فى مجلس الشعب

معتز مطر ....... مش سمعت عنه

هاله سرحان ..... أفشل مذيعة فى مصر
( ده مش تجريح ده وصف )
اتقى ربنا وبطلى تجريح وتشويه صورة الإسلامين
وبلاش تبانى انك اكتر واحده خايفه على مصر وعلى مصلحتها


الشيخ حازم صلاح أبو اسماعيل ....... عقلية كويسه لحد دلوقتى


أحمد المسلمانى ........ الرايق الوحيد فى مصر
تبقى مصر بتولع وهو بيرسم خرايط :d
بجد أحمد المسلمانى شخصيه أكتر من رائعه محترم مثقف بيحترم و بيقدر العلم
من الشخصيات فعلا اللى بحترمها جدا وبحترم كلامها وأراءها

ثوار مصر الحقيقين ......... أنا أقل من إنى أقول رأيى فيهم
وأقل كلمة أقدر أقولها ربنا يبارك فيكم
وأكتر إنجاز إنتم عملتوه إنكم عرفتم العالم كله
تانى يعنى ايه مصر ويعنى ايه مصريين

بلطجية الشوارع .......... لو كانو لقو ظروف احسن من كده .........كتير منهم مكنش هيبقى اسسمه دلوقتى بلطجى

قناة الجزيرة ..أكتر قناة محايده محايده محايده :slap1qk6:
تنقل اخبار العالم كله الا قطر
الدول العربيه كلها عميله لأمريكا إلا قطر
بتحب مصر جدا :d:d وبتتوصى بأخبارها شوية
لو مات واحد تقول 20 قتيل و100 مصاب
وأكتر حاجه تميزها إنها فعلا الرأى والرأى الأخر :d

حكام العرب ....... من شابه أخاه فما ظلم


أمريكا ......... ما طار طير وارتفع إلا كما طار وقع


حلو اوى الموضوع

محمد البرادعى ... كله كلام كلام مفيش فعل خالص:p
وقت الجد اول واحد بيخلع


أيمن نور ...... شخصية محترمة جدا بس مش بيعرف يكمل حاجه بدأها عشا كده كان استحاله ينفع رئيس جمهوية


جميلة إسماعيل ....... مش اى حد ظهر فى التليفزيون شويه يترشح فى مجلس الشعب

معتز مطر ....... مش سمعت عنه

هاله سرحان ..... أفشل مذيعة فى مصر
( ده مش تجريح ده وصف )
اتقى ربنا وبطلى تجريح وتشويه صورة الإسلامين
وبلاش تبانى انك اكتر واحده خايفه على مصر وعلى مصلحتها


الشيخ حازم صلاح أبو اسماعيل ....... عقلية كويسه لحد دلوقتى


أحمد المسلمانى ........ الرايق الوحيد فى مصر
تبقى مصر بتولع وهو بيرسم خرايط :d
بجد أحمد المسلمانى شخصيه أكتر من رائعه محترم مثقف بيحترم و بيقدر العلم
من الشخصيات فعلا اللى بحترمها جدا وبحترم كلامها وأراءها

ثوار مصر الحقيقين ......... أنا أقل من إنى أقول رأيى فيهم
وأقل كلمة أقدر أقولها ربنا يبارك فيكم
وأكتر إنجاز إنتم عملتوه إنكم عرفتم العالم كله
تانى يعنى ايه مصر ويعنى ايه مصريين

بلطجية الشوارع .......... لو كانو لقو ظروف احسن من كده .........كتير منهم مكنش هيبقى اسسمه دلوقتى بلطجى

قناة الجزيرة ..أكتر قناة محايده محايده محايده :slap1qk6:
تنقل اخبار العالم كله الا قطر
الدول العربيه كلها عميله لأمريكا إلا قطر
بتحب مصر جدا :d:d وبتتوصى بأخبارها شوية
لو مات واحد تقول 20 قتيل و100 مصاب
وأكتر حاجه تميزها إنها فعلا الرأى والرأى الأخر :d

حكام العرب ....... من شابه أخاه فما ظلم


أمريكا ......... ما طار طير وارتفع إلا كما طار وقع


حلو اوى الموضوع

رأى جدير بالاحترام ، شكرا لك
و كل الشكر لصاحب الموضوع

1-
المرشح المنسحب : محمد البرادعى
( اللى أنشغلت عليه -مش قادر أنسى ألاعيبه )

2- الاستاذ / ايمن نور
( حلو وكداب عمرى ما صدقته)

3- المذيعة السابقة / جميلة اسماعيل
( مالك ومالى يا أبو قلب لالالى )

4- المذيع معتز مطر
(بلاش عتاب يا أكبر كداب )

5- المذيعة هالة سرحان
(ضى القناديل واللسان الطوييييل )

6- الشيخ حازم صلاح ابواسماعيل
( بكره وبعده والمحروس هيلْقى وعده )

7- احمد المسلمانى
(راح خد عقلى وراح والساقط عمره ماهيشوف نجاح وراح رااااااااااح )

8- ثوار مصر الحقيقين
( يا صحابى يا أهلى ياجيرانى أنا عايز أخدكم ف أحضانى )

9- بلطجية الشوارع
(جئت لا أعلم من وين ولكنى متأجر بألفين )

10- قناة الجزيرة
(نار ياحبيبى نار وأخرتكم معانا مرار فى مرار)
11- امير قطر
(خساره خساره فضايحك يا نواره )
12- حكام العرب
(الدور الدور الدور موعوده ياللى عليكى الدور )
13- امريكا
(جباااااااااااار حزبكم الحاكم جباااااار
وإيه الغريب وشعار حزبكم حماااااار )



شكرا على الموضوع ويارب يعجبك تعليقات العندليب

1-

المرشح المنسحب : محمد البرادعى
(الهروب الكبير )
2- الاستاذ / ايمن نور
( الشيطان يعظ)
3- المذيعة السابقة / جميلة اسماعيل
(سمااااااره)
4- المذيع معتز مطر
(أحلام الفتى الطائش )
5- المذيعة هالة سرحان
(شباب امرأة)
6- الشيخ حازم صلاح ابواسماعيل
( ومضى قطار العمر )

7- احمد المسلمانى
( الأطلال )

8- ثوار مصر الحقيقين
(يوم سعيد )

9- بلطجية الشوارع
(جعلونى مجرما )

10- قناة الجزيرة
(حدائق الشيطان )

11- امير قطر
( السفارة فى العمارة )

12- حكام العرب
(الحرام )

13- امريكا
(الفتوة )




شكرا جزيلا

1- المرشح المنسحب : محمد البرادى
2- الاستاذ / ايمن نور
3- المذيعة السابقة / جميلة اسماعيل
4- المذيع معتز مطر
5- المذيعة هالة سرحان
6- الشيخ حازم صلاح ابواسماعيل
7- احمد المسلمانى
8- ثوار مصر الحقيقين
9- بلطجية الشوارع
10- قناة الجزيرة
11- امير قطر
12- حكام العرب
13- امريكا
المرشح المنسحب محمد البرادعى/بيتهيقلى لوكان لسة مرشح مكنتش هنتخبه كل حياته اقوال مفيش افعال وبعدين ده علمانى يفص السياسة عن الدين ونحن دولة اسلامية فمش هينفعنا
الاستاذايمن نور/شخصية محترمة جدا انسان واعى ومثقف بما يجرى فى بلده
المذيعة السابقة جميلة اسماعيل /مش اى حد ماشى فى الشارع يرشح نفسه لمجلس الشعب
المذيع معتز مطر/لا اعرفه
المذيعة هالة سرحان /دى متستهلش انها تكون مصرية والمفروض متخشش مصر تانى وهى مذيعة فاشلة بمعنى الكلمة
الشيخ حازم صلاح ابو اسماعيل/من افضل الشخصيات اللى اعرفها انسان محترم جدا ربنا يوفقه
احمد المسلمانى/ انسان مثقف ومحترم بس فى مواضيع مش واخدها بجدية اوى
ثوار مصر الحقيقيين/لن استطيع ان اوصف مدى حبى واحترامى لهؤلاء الاشخاص هم دول اللى يستهلوا انهم يعيشوا على ارض مص وانا بدعيلهم ربنا يوفقهم
بلطجية الشوارع/انا شايفة انهم مزقوقين منهم لله همه واللى زقينهم
قناة الجزيرة/لاتعرض الحقيقة كاملة بل تعرض المساوىء من كل جهة واتمنى ان احنا نقاطعها
امير قطر/ مش لما نشوف بلدنا الاول نبقى نحكم على البلاد التانية
حكام العرب/فالحين بس فى عقد المؤتمرات وحل المؤتمرات
امريكا/راس الفساد الكبير واسرائيل الدرع اليمين
ده رايى وبكل صراحة

1- المرشح المنسحب : محمد البرادعى
راجل محترم اعتقد انه بيحب مصر بجد وظلم كثيرا بالاشاعات والتهم الباطلة
2- الاستاذ / ايمن نور
كداااااب
3- المذيعة السابقة / جميلة اسماعيل
مثال للوفاء كزوجة وقفت بجوار زوجها الى ان خرج من السجن وانسانة محترمة
4- المذيع معتز مطر
مذيع
5- المذيعة هالة سرحان
كويسة بس اوفر حبتين
6- الشيخ حازم صلاح ابواسماعيل
شخصية هادئة ومثال جيد للشيخ الطيب ولكن لايمكن ان يدير دولة كمصر
7- احمد المسلمانى
صحفى مخضرم وانا بحبه اوى
8- ثوار مصر الحقيقين
ابطال ضحوا بارواحهم من اجل مصر فى وقت كان الكل بيتفرج على ماوصلت اليه البلاد بما فيهم العسكر
9- بلطجية الشوارع
نتيجة طبيعية لعدم تطبيق القانون
10- قناة الجزيرة
قناه ناجحة جدا استطاعت ان يحسب لها الف حساب ولكنها لاتستطيع الاقتراب من قطر
11- امير قطر
واحد عمل انقلاب على ابوه عشان يستولى على الحكم ,,,,سمح بوجود اكبر قاعده امريكية فى الشرق الاوسط على ارض بلاده,,, اعلن انه سيمد اسرائيل بالغاز فى حال توقفت مصر عن دلك,,,, لاتعليق
12- حكام العرب
طالما عروشهم محمية خلاص يبقى مش مهم الشعوب يعنى مجرد طراطير
لم احترم منهم يوما احدا سوى الرئيس صدام حسين الله يرحمه رغم تحفظاتى عليه فى بعض الاشياء
13- امريكا
لا تبحث سوى عن مصالحها فقط وده شئ طبيعى وعلينا ان نجبر الاخرين على احترامنا وليس ان نضع كل اخطائنا على شماعة المؤامرة الامريكية

وبدئت نكات الرئاسة

1- المرشح المنسحب : محمد البرادعى
مرشح امريكا ف مصر
2- الاستاذ / ايمن نور
ورق
3- المذيعة السابقة / جميلة اسماعيل
مش مركز معاها
4- المذيع معتز مطر
بيزيط
5- المذيعة هالة سرحان
بتزيط هههه بس معتز بالنسبه لها بابى
6- الشيخ حازم صلاح ابواسماعيل
بيتكلم كتير و بيغلط اكتر
7- احمد المسلمانى
بحترمه جدا و بحب اتفرج عليه لما تتاح الفرصه
8- ثوار مصر الحقيقين
الثوار الحقيقين نزلو دافعو عن البلد بشرف نزلو ف اللجان الشعبيه و اتجمدو ف التلج وسط ضرب النار شايلين شوم و سكاكين و لا خايفين من بلطجيه متمرسين ع الاجرام مستعدين يموتو عشان محدش يمس شعره من اهاليهم هم دول الثوار انما اللى بيهد ف البلد بحجه او من غير حجه دا لا ثائر و لا شهيد

9- بلطجية الشوارع
ضحيه من ضحايا المجتمع
10- قناة الجزيرة
انا هلتزم بضبط النفس هههه و هعبر عن رايى برضو هى قناه مسيسه شغاله على اجنده سياسيه واضحه و تعتبر اقوى سلاح استراتيجى لقطر
11- امير قطر
واحد متجوز واحده اسمها موزه هههه لا تعليق
12- حكام العرب
نموذج للاخوه الاعداء
13- امريكا
اداه من ادوات اسرائيل


اشكرك على اتاحه الفرصه للتعبير عن رايى و اهو الواحد فش غله شويه

شكرا على هذه الآراء وشكرا على هذه المقالات الرائعة


وانا آسف على التاخير فى الرد عليكم