انا شغال بالعقد العادى فى محافظة القاهرة منذ ثلات سنوات وحاصل على بكالوريوس تربية نوعية وحاصل على الاى سى دى ال والقرار 75 اطبق فى كل المحافظات الا محافظة القاهرة فاية اللى ممكن اعملة قانونى بروح الادارة يقولوا مفيش حاجة جت لينا ومالناش دعوة بالمحافظات الثانية انا عاوز اعرف حاجة ازاى قرار يطبق فى محافظة ومحافظة لا
واللى فى المحافظة اللى اطبق فيها القرار هو كمل ثلاث سنوات وانا كملت ثلات سنوات هو اتعين معلم مساعد وانا لسة بالعقد هو جت لة حوافز وانا لا ارجو المساعدة من اعضاء الموقع اعمل اية قانونى اجيب بية حقى كمان يا ريت اى حد تعاقد فى محافظة القاهرة كمل ثلاث سنين يشاركنى نحاول ناخذ حقنا

حضرتك ابعت فاكسات للوزير واعرض عليه المشكلة

وكمان شوف محامى كويس يرفعلكوا قضية اسوة بالمحافظات الاخراى

وبالقرار الوزارى برقمه

وربنا يوفقكم

انا كمان عقد عادي في القاهرة وبقالي 4 سنين ولا يوجد جديد كل ما نسال يقولوا مفيش حاجة جت

استاذ شريف شكرا على سرعة الرد وانا هاحاول ابعت فاكس فعلا للوزير
بيتر اية رايك لو نحدد ميعاد انا وانت ولو معاك حد تعرفة بالعقد ونروح المديرية نسأل يمكن يعرفونا حاجة

ربنا يوفقكم للخير انشاء الله ويحولوكم عقود مميزة

مفيش مشكلة ياسامح شوف امتي ونروح مع بعض

فى لقاء لوزير التربية التربية والتعليم على قناة الرحمة أكد الوزير على أن تعيينات وتعاقدات المحافظة مع معلمين هى من إختصاصات المحافظ ثم يتم الموافقة عليها نهائيا من خلال الوزير ولكن سأله مقدم البرنامج على أن هناك معلمين بياخدوا ( 110 جنيه )فرد عليه قائلا أنه لايوجد مرتب معلم أقل من 700 جنيه وبالنسبة لهؤلاء فهم بالأجر وقال أنه تم التعاقد معهم لسد العجز فى المحافظة وانه جارى حل مشكلتهم وأنه فى السنة الماضية تم تعيين وتثبيت عدد هائل من المعلمين فأخذوا غالبية الميزانية وبالتالى (لايوجد ميزانية لنا كمعلمين بالتعاقد المؤقت)هذا ماأشار إلية الوزير لذلك : *** (أدعو كل معلم إلى عدم السكوت بعد كل هذا والخروج يوم 21/1/2012 لنطالب بحقنا كمعلمين ومساواتنا بباقى المعلمين ) *** هذا هو وزير التربية والتعليم

بيتر احنا ممكن ننتظر لحد اسبوع الاعدادية الجاى ما يخلص ونروح فى اجازة نصف العام وهاظبط معاك الميعاد ونفسى حد يشوف الموقع ويشترك معانا عارف يا بيتر لو نبقى بس عشرة افراد هنبقى مؤثرين وصوتنا لية فعالية ربنا يدبر وحد من متعاقدى القاهرة يشارك معانا من خلال المنتدى دة الغريب ان المنتدى دة بيشارك فية بفعالية كل المحافظات خصوصا الصعيد الا القاهرة مش عارف فين متعاقدين القاهرة

بيتر احنا ممكن ننتظر لحد اسبوع الاعدادية الجاى ما يخلص ونروح فى اجازة نصف العام وهاظبط معاك الميعاد ونفسى حد يشوف الموقع ويشترك معانا عارف يا بيتر لو نبقى بس عشرة افراد هنبقى مؤثرين وصوتنا لية فعالية ربنا يدبر وحد من متعاقدى القاهرة يشارك معانا من خلال المنتدى دة الغريب ان المنتدى دة بيشارك فية بفعالية كل المحافظات خصوصا الصعيد الا القاهرة مش عارف فين متعاقدين القاهرة

ربنا معاكم ان شاء الله استاذ سامح وبيتر وكل من يواجه مشكلتكم

وخليكم وراء مطالبكم ولا تملوا ابدا وباذن الله خير

ربنا يوفقكم

استاذ شريف شكرا لمشاعرك
بيتر عاوز اقولك حاجة انة من حوالى شهرين بعتولنا فى الادارة وخلونا نمضى على عقد كبير مكون من ثلاث ورقات وكان فى بدايتة كلمة مجلس الوزراء فى الحقيقة انا فى الاول رفضت ان انا امضى علية لكن بعد كدة الادارة بعتت للموجة وخلانى رحت مضيت على العقد كدة او يتلغى العقد هل انت بردة فى ادارة المرج مضيت على عقد جديد

لا مفيش حاجة زي كده في ادارة المرج اخر عقد كان عقد 1/7/2011 اللي هو عقد عادي بعد كده مفيش جديد , هو العقد بتاعك اللي من 3 ورقات عادي ولا مميز ؟

هو عقد عادى بس هى قالت ان احنا ممكن نعمل كارنية تامين صحى وبيقولوا ان احنا هيطبق علينا الخمسين فى المية بتاعة الاداريين على فكرة يا بيتر دا رقم تليفونى لو عاوز تكلمنى 0125144808

ربنا يوفقكم لما يحبه ويرضاه ولما فيه الخير لكم

يا متعاقدى محافظة القاهرة ارجوكم اللى يقرا الكلام دة ينضم معانا علشان نعرف ناخذ حقنا زى كل المحافظات التانية كل المحافظات ثبتوا كل من كمل ثلاث سنين الا القاهرة واسكندرية ودة علشان ان مفيش حد بيسأل من المحافظتين ويتظاهر ويطالب بحقة زى المحافظات الثانية يا ريت تشاركوا معانا بالرد ومحاولة اخذ موقف

انا معاك ومعايا 3 واحنا بقالنا 6 سنين بس زهقنا فبطلنا نسال احنا ادارة السلام

اخيرا حد رد على من محافظة القاهرة عاوز اقولك ان انا كمان معاى اتنين وارجوك لازم من خلال الصفحة دة نتواصل مع بعضينا علشان ناخد حقنا انشاء اللة لان اللى بيحصل دة دلوقتى مخلى الواحد هيفرقع المحافظات الثانية اللى بالحصة اتثبت واللى كان منقطع اتثبت واحنا تعاقد ومستمر فلازم ناخذ حقنا
الخطوة الاولى احنا هنحدد ميعاد ونروح فية المديرية
ونستفسر هناك لو ملقناش رد مفيد لاما نروح الوزارة او نفوض محامى اسوة بالمحافظات الثانيةلو عندك تعليق او اضافة ممكن نعملها يا ريت ترد

اخير يا جماعة حد رد على من محافظة القاهرة عاوز اقولك ان انا معاى كمان اتنين نفس ظروفنا بردة ويا ريت يا جماعة من خلال الصفحة دة نتواصل علشان نعرف ناخد حقنا زى باقى المحافظات الثانية اللى بالحصة اتثبت واللى كان منقطع فى المحافظات دة اتثبت واحنا احق الناس كملنا ثلاث سنين متواصلة هو المفروض الواحد يقعد عشر سنين علشان يبقى معلم مساعد عاوز اقولك ان بصرف النظر عن قرار 75 كان زمان كدة بردة اللى ماشى انك تكمل ثلاث سنين وتتحول لمميز اللى هو معلم مساعد
الخطوة الاولى يا جماعة هنتواصل من خلال الصفحة دة ونجمع بعضينا ونروح المديرية الاول ونعرف منهم الموضوع اية لو ملقيناش حل نطلع على مكتب الوزير او نفوض محامى ارجو الرد ولو حد عندة تعليق او اضافة على اللى ممكن نعملة يرشدنا هنتظر روددكم

مفيش حد شاركنى بردة بالرد يا جماعة

انا معاك ولكن المشكلة مش فى المدرية المشكلة فى المحافظ والتنظيم والادارة لازم الاتنين يوفقوا وعلى العموم معاك انا واللى معايا بس ياريت نحدد معاد ونتفق

اية رايكم يا جماعة لو حددنا ميعاد يوم الاربعاء الجاى نروح فية المديرية نسأل وتكون دة بداية الخطوات يمكن يدلونا على حاجة انا معاى اتنين نفس الظروف وانتم يا ريت تردوا عاوز اقولكم حاجة دلوقتى من الواضح فى مصر انة كلة بيأخذ حقة عن طريق الاعتصامات

معلش هو حضرتك بقالك كام سنة عقد لان شكل حضرتك مش متابع علشان حكاية المدرية مفيش فيها فايدة وانا قلت لحضرتك ان المشكلة فى المحافظة مش فى المدرية