اخوانى الاعزاء :

اولا :- لقد اعلنت محافظة القليوبيه والشرقيه واسوان وقنا والدقهليه والقاهره وكل محافظات مصر ان شاء الله الخروج فى 22 / 1 / 2012 القادم من اجل التثبيت وليس التعاقد حتى يتم اصدار قرار فورى بالتثبيت وصرف جميع مستحقاتنا ( فكم سئمنا من وضعنا الحالى وهو نظام المكافاة الشاملة ) فالمفروض انه بعد الثورة ان تصبح هذه المسميات فى صندوق الزبالة لانها غير ادمية ولا تعترف بادمية الانسان فوالله لو صرف انسان على كلب لدية سوف يضع له ميزانية اكبر من مرتبنا ( 115 جنية )

ثانيا : لقد سمعنا انه سوف يتم تطبيق الحد الادنى للاجور على المعلمين بالعقود المميزة فقط

اذا لا بد من التوصل الى الحالة التى ترضى معلمى مصر الشرفاء ( معلمى المكافاة الشاملة ) الذين كانوا يعملون من قبل وتم استبعادهم لاسباب وهمية وظالمة فى مقابل مادى بسيط جدا جدا

فهذة الوقفة هى مسالة تحديد مصير فكم صبرنا واهدرنا من عمرنا فى سبيل العملية التعليمية فلابد من وضع النقط على الحروف وليعرف الجميع اننا لسنا من المستغلين للثورة ولكننا قد عملنا من قبل الثورة بمبالغ زهيدة جدا لسنوات طوال ...

ثالثا : * مرفق مع هذه الرسالة صورة من الوقفة التى سوف تقوم بها محافظة الشرقية وغيرها من المحافظات الاخرى .

اتقو الله انتو نص الى راجعين نصابين وعمرهم مكانو اشتغلو قبل كده وانا متأكد من ذلك وانتو يادوب بقالكو شهرين وعاوزين تتثبتو علطول واحنا الى عشر سنين طفحنا الدم ب40 جنيه فى الشهر ارحمو مصر يرحمكم من فى السماء

لا ياحبيبى الاربعين جنيه دول تمن الحصه ام جنيه وربع وكنت زيك برضو بعمل ماجستير

الله الله عليكم وانتوا بتتخانقوا سوا وسايبين المهم وهو العيشه الكريمه ( فى الإتحاد قوه وفى التفريق ضعف )

ياباشا مش كل اللي راجعين نصابين
انا واحد من الناس دفعة 2004 واشتغلت 3 سنين بالحصة وانقطعت ورجعت بــ 180 جنيه في الشهر
لما اطلب حقي في التثبيت يبقي انت انسان ظالم لما تقول الكلام ده
حسبي الله ونعم الوكيل في هذه الفئة الظالمة والحاقدة من الشعب المصري

بسسسسسسسسسسسسسسسسسسس
هدوووووووووووووووووووووووء لو سمحتم
أخوانى فى الله احنا انتظرنا لمدة سنتين مكافاة شاملة ولسه متعاقدين مميز 1/10/2011 فاصبروا شوية وبعدين احمدوا ربنا انكم رجعتم على خير وبعدين لسه ياجماعة نتيجة التقديمات لسه هتظهر الشهر ده انشاء الله
اصبروا ع المحافظ وكده كده انشاء الله هتتثبتوا وتاخدوا مميز بس مش كل حاجة مرة واحدة ربنا يهديكم للخير

بالنسبة للعضو الفاضل الى بيقول اننا نصابيين .. !! لا والله فنحن عندما رجعنا لم يتم الرجوع الا لمن كان يعمل سابقا بنظام الحصة ( 2 جنية ) وقد قمنا بتقديم جميع الاثباتات التى تثبت اننا عملنا من قبل مثال ذلك
( جواب التوجيه الموجهه للمدرسة + اقرار القيام بالعمل من جميع المدارس التى قمنا بالعمل فيها + اثبات من الماليات فى الادارة التعليمية يفيد اننا قمنا بالصرف المالى فعلا )

فبرجاء التاكد من صحة كلامك قبل ان ترمى الناس بالباطل فمن الممكن ان اسامحك على ذلك ولكن ربما اخ فاضل اخر لا يسامحك فى هذا الظلم .

الاهم من هذا :- هو الرجوع للموضوع الاصلى وهو الوقفة للمطالبة بحقوقنا فعلا ونحن لا نطالب باكثر من حقنا

اتقى الله يامن تتهم زملائك بالنصب وتذكر ( مايلفظ من قول الا لديه رقيب عتيد) الناس عاوزة تاكل وتعيش مش حرام لما يطالبو بحقهم المحكمة بتعين الناس اللى واخدة دبلومات باكتر من 2500 جنيه فى الشهر ولسه بيطالبواعاوزين اكتر وغيرهم اللى بيشتغلوا فى الكهرباء والبترول وهما مش متخصصين يبقى احنا لما نطالب باقل حقوقنا نبقى نصابين اتقى الله

يد الله مع الجماعة

ياريت نبطل نحقد على بعض 110 امبارح غير النهارده غير بكره...وكمان لسه مطلعش اي قرار بالتثبيت ولا حتى زيادة جنيه واحد لهذا الراتب المخجل اللي مايكفي حتى المواصلات ... كمان انت لما اتعينت اتعينت بملغ وقدره .............. غيرك يوم ماتعين اتعين ب300 بس
تعرف ان في ناس معاها ماجستير ولسه بالعقد ... رحمة ربنا واسعه ياخي ليه تضيقها وكأن المرتب هيطلع من جيبك ....
انت نفسك بتعترف انه ذل وما كنتش راضيه على نفسك ودلوقتي ترضاه لغيرك .... 110 دلوقتي اذاكان واحد جنب المدرسه ماتكفيش عيش وطعميه فمابالك بأسره كامله والتزامات ... فمابالك باللي بيركب مواصلتين وتلاته
كان نفسنا تقفوا جنبنا ومعانا لأنكم حسيتوا بالظلم زينا لكن احنا معانا ربنا ...
حسبي الله ونعم الوكيل

وبالنسبة لينا احنا كمان اداريين المكافأة الشاملة اللى استلموا بالمدارس والادارات التعليمية لازم يكون لينا وقفة لان المعاملة اللى بنتعاملها مش مظبوطة واقرب حاجة بتتقال من مدير الادارة ممكن افسخ عقد اى واحد وفى اى وقت لنا اللــه
امضاء/اداريون المكافأة الشاملة بمحافظة الغربية

اولا :السلام عليكم
ثانيا: ربنا معاكو ويقدم لكم الخير وفى حاجة مهمة انكم تتحدوا علشان تحققوا الهدف و بالتوفيق ان شاء الله
ثالثا: ياريت يا جماعة ما تزعلوا من الاستاذ اللى قال نصابين لانه بالفعل فى ناس كتيييير جدا اشتغلت ومش من حقها مع العلم انه فى ناس كانت بتعمل بالحصة ومش عارفة تشتغل وفى الادارة بيقولوا مش هناخد حد تانى والكلام دا فى الادارة المحترمة جدا وهى ادارة كفر الزيات ماشين بافلوس والرشاوى انا عايزة اعرف فى ناس دفعة 2004 اشتغلوا ودول كانوا اشتغلوا بالحصة امته حرام عليهم بجد لانهم اخدوا حق غيرهم وكل دا بسبب الموظفين اللى باعوا ضمائرهم ,انا عن نفسى عايزة اشتكى كل واحد عنا فى الادارة اشتغل واخد حق ناس تانية احق منه ,وحسبنا الله ونعم الوكيل فى بعض موظفى ادارة كفر الزيات الحرامية,

شكرا يارهوفه على تعليقك ودا الى اقصدوا احنا كمان فى الشرقيه عندنا ناس دافعه بالالفين وال3 الاف جنيه علشان تاخد مكان ناس والمشكله انهم مؤهلات متوسطه

يا نهار ابيض هو الشعب المصري ده ما يتفقش علي حاجة واحدة خالص اما بالنسبة للعضو المحترم اللي بيشبهنا بالنصابين فلقد اثبتنا بالإادادت والورق الرسمي اننا انقطعنا لوجودالظلم اما انت فاستجبت للظلم وبوست الأيادي علي شان تكمل ب 100 جنيه لكن حان الوقت لكي ندافع عن حقوقنا بجد ونتحد جميعا

انا دفعة 2004 واشتغلت 3 سنين بالحصة مدرس مواد قانونية
وانقطعت لأن مفيش أمل ان المرتب يزيد
وبعدين رجعت مع الناس اللي رجعت
ايه المشكلة في كده يعني وبطالب بالتثبيت دلوقتي لأني أحق من ناس كتير جدا جدا مثبتة

اتقو الله انتو نص الى راجعين نصابين وعمرهم مكانو اشتغلو قبل كده وانا متأكد من ذلك وانتو يادوب بقالكو شهرين وعاوزين تتثبتو علطول واحنا الى عشر سنين طفحنا الدم ب40 جنيه فى الشهر ارحمو مصر يرحمكم من فى السماء



حسبى الله ونعم الوكيل

احنا قدمنا الورق الرسمي اللي يثبت اننا اشتغلنا بالحصة ايام ما كانت الحصة ب 75 قرش يعني مش نصابين ولا حاجة وكمان قدمنا تظلمات لانه طبعا حصل ظلم لبعض الناس لكن انا شايفة ان من حقنا نطالب بزيادة الراتب لان فعلا 130 جنيه حتي مش بيكفوا مواصلات انا معاكم في الوقفة بتاعتكم بس رايي ننتظر شوية لان في اخبار ان فعلا ممكن نتثبت وراتبنا يزيد الفترة اللي جاية وربنا معانا ومعاكم والحمد لله ان الحق رجع لاصحابه

السلام عليكم لية ياجماعة كل مدرسين المكافئة الشاملة مايعملوش وقفة امام المحافظة بطنطا