بيقولولى لية مابتحبش مصر؟؟؟؟؟؟؟

وعلى طول بتشتمها

شكلك قليل الاصل
.........
وناسى جميلها

انكشح برة وغور

و أتفضل من غير مطرود سبها

ساعتها بس هأتعرف قيمتها

وترجع ذليل تتمنى رضاها

وتطاطى تبوس أيدها

طالما مصر تعباك قوى كدا

أيه اللى جبرك تقعد فيها

أرحل وفارقها

لا هى عجباك

ولا انت بسلامتك عاجبها

رديت وقلت مصر حتة منى

وأنا منها

وأزاى محبش مصر

وسبحانة اللى خلقها

بس كل المشكلة

ان مش عاجبنى يا ناس حالها

راجعوا وقولوا مصر أم الدنيا

رديت وقلت ياناس

هو فية فى الدنيا أم بتقتل عيالها

الشاعر
عبد الحميد بدوى

هو فية فى الدنيا أم بتقتل عيالها




احنا اللى بنقتلها مش هى اللى بتقتلنا :(

امتى بامارة السحل ولا القتل ولا الظلم ولا الضرب بامارة الرشوة اللى بقت زى سلاموا عليكم ولا بأمارة الواسطة والمحسوبية اللى بيعتبر قانون اهم قانون فى الدولة