السلام عليكم
انا اخصائيه بالعقد المؤقت العادى وليس المميز موجهتى كلمتنى من شويه وقالتلى انا وقفتلك النقل بتاعك اصلى عقبال عندكم عايزه انقل من مدرسه الى مدرسه اخرى بجانب سكنى المهم سألتها عن سبب وقف قرار النقل قالتلى : اصل ليكم دوره تدريبيه هتاخدوها فى العباسيه يوم 28/1/2012 وطبعا جواب التدريب هيجيلك ع المدرسه اللى انتى فيها دلوقتى ووعدتنى بقا انها هتنقلنى بعد مالدوره التدريبيه تنتهى وسألتها : طب هتنتهى امتى قالتلى : العلم عند الله
حد بقا فهم حاجه من اللى قالتهولى ده ؟؟؟؟؟؟ يعنى حد سمع حاجه عن الدوره التدريبيه للمتعاقدين ؟؟ ياريت اللى تعرف تقولى لانى خايفه تكون بتثبتنى ومش هتنقلنى رغم انها موعدانى

قوليلها نفذي امر النقل والا هشتكي للبوليس الدولي

هاتيها من الادارة رسمي فهمي نظمي

ههههههههههه والله ضحكتنى يامصرى لأ بجد هل فعلا فيه تدريب للمتعاقدين ولا ؟

ههههههههههه والله ضحكتنى يامصرى لأ بجد هل فعلا فيه تدريب للمتعاقدين ولا ؟

ياسيدتي لو عايزة تتنقلي قبل او بعد او اثناء التدريب اتنقلي وغصبن عنهم يمضولك اخلاء

انتي مش بالعقد العادي يعني اخصائية بالحصة مسموح ليكي بالنق غصبن عن عين التخين

ولو عكت معاكي اطلعي هاتيها من الادارة وخلي مديرة الادارة تمضيلك علي الطلب

ولو عكت معاكي في الادارة اطلعي علي وكيل الوزارة دي ناس بتستهبل ومتبقيش طيبة كده

السؤال هنا هو يعنى ايه التدريب هاينتهى والعلم عند الله لكل دوره تدريبيه نهايه محدده ومش بعيده كمان يعنى 3-7 ايام كبيرها

اللى انا فهمته انكم معاكم موبيلات ههههههههههههه

سبحان الله وبحمده سبحان الله العظيم

المعروف يا أستاذتنا إن الموضوع ما فيهوش وعد الموضوع بيبقى فيه ورق وطول ممعاكي ورق تقدري تتصرفي لأنها لو ما نفذتش اللي مكتوب يبقى منك للنيابة الادارية بشكوى ضدها ولو هيا جدعة تفتح بقها لأنها ما تعرفش الدورة التدريبية هتبدأ إمتى و لا تنتهى إمتي لأن للأسف موجهينا كلهم الظاهر عليهم كبار في السن و......... إنتي عارفة بقى