حقيقى انشغلت اليوم بهذ السؤال : ماذا لو تم تبرئة مبارك؟؟

وماذا سيكون رد فعل الشارع المصرى؟؟؟

** فى كثير من الأحداث والقضايا فى السابق خصوصا فى

عهد المخلوع كانت هناك سيناريوهات تجرى وبعدما تحدث

نجد الكثير يضرب كفا بكف ويقولون كنا نتوقع ذلك

حتى فى مباريات الكورة مع فرق شمال أفريقيا بعد ما ييجى

فينا جول أو يكون التعادل من مصلحتهم يحرقوا فى دمنا

بتضييع الوقت وكان الكثيرين يقولوا كنا عارفينهم هيعملوا

كده ... ولو أحرزنا إحنا هدفا فى البداية - مثلا يعنى - ما

نعرفشى نضيع الوقت زيهم وبعد ما يجيبوا فينا جول ونتعادل

أو نخسر نقول ياريتنا كنا ضيعنا فى الوقت زى ما هم بيعملوا

... أصل إحنا مش بنتعلم

وبالنسبة للمحاكمات: أنا أتصور أن هناك سيناريوهات

محتملة

1- الحكم على العادلى بالإعدام - ويكون كبش الفداء - ثم

الحكم على جمال بالسجن 10 سنوات والحكم على علاء
ومبارك بالبراءة

2- الحكم على العادلى بالإعدام - ويكون كبش الفدا -

والإفراج عن مبارك بعد ترضية أهالى الشهداء بدفع مليون

جنية لكل أسرة شهيد على سبيل الدية - واستمرار محاكمة

جمال وعلاء لحين آخر ومصيرهم على رد الفعل

3- الحكم على العادلى بالأشغال الشاقة المؤبدة وعلى

جمال بالسجن 10 سنوات وعلى علاء بالسجن 5 سنوات

والحكم على مبارك بالسجن لمدة 3 سنوات على أن يدفع

مليون جنية لكل أسرة شهيد مع الإقامة الجبرية بعد الإفراج عنه

فى كل هذه التصورات كما تعلمون ستكون هناك مقدمات

إعلامية وغير ذلك لمعرفة صدى الشارع المصرى ورد فعله

وهذا ما سيقوى أحد التصورات أو غيرها... وصفقة الأسير الإسرائيلى ليست منا ببعيد

أرجو مشاركتكم لأننى أشعر بعد صدور الحكم ... سنسمع

الكثيرين يقولون : كنا عارفين إن ده هيحصل

قدر الله وماشاء فعل ويجب علينا احترام القضاء

انا عن نفسي هحترم الحكم اللى هيصدر ...

وانا ايضا اثق فى قضاء مصر ان شاء الله هيكون عادل لجميع الأطراف وخصوصا اهالى الشهداء


وانا اعلم علم اليقين ان هناك من يريدون حربا أهلية فى مصر

وبعدين احس فى نفس الوقت ان المحامين مزويدنها شوية

فهناك فئة من المتهمين يكونوا عارفين ان المتهم ه]اخذ اعدام مثلا فى قضية قتل ولكن من اجل المال يقول لأاهله انه هيأخذ براءة اللهم جنب مصر شر الفتن يارب العالمين وفى هذا اليوم المبارك

فهناك فئة من المحامين يكونوا عارفين ان المتهم هياخذ اعدام مثلا فى قضية قتل ولكن من اجل المال يقول لأاهله انه هيأخذ براءة اللهم جنب مصر شر الفتن يارب العالمين وفى هذا اليوم المبارك

http://files.fatakat.com/2010/6/1277547429.gif

هطلب إعدام الديب
هههههههههه

حسبى الله ونعم الوكيل فى الديب واللى على شاكلته

حسبنا الله ونعم الوكيل

كل شىء وارد ونحن نثق فى القضاء المصرى

كل واحد بياخذ نصيبه............
والرضا بحكم القضااااااااااااااء
قدر اللع وما شاااااااااااااااااااااااااااء فعل

اكيد هتحصل فوضى وقلق و شغب ومظاهرات

ولكن الله معنا ولن يحدث ذلك

والله أنا أكتر حاجه استفزتنى فى الموضوع ده

الردود :mad::mad:

يعنى ايه لو تم تبرئة مبارك هنحترم حكم المحكمه لإن عندنا ثقه فى القضاء المصرى !!!!

مش ناقصة حرقة دم :mad:

إذا كان المخلوع أصدر قرار بقتل الثوار المفروض يتعدم

وإذا مكنش قال كده وميعرفش حاجه عن الموضوع
وده كله تخطيط الحاشيه بتاعته

المفروض يتعدم مرتين

وإذا تم تبرئته
يبقى احنا أقل بكتييير من إن أى شهيد أو مصاب ضحى بنقطة دم عشانا

من قتل رجال الشرطة ؟
من قتل رجال الجيش ؟
من أحرق الآليات العسكرية ؟
من أحرق مقرات الحزب الوطنى فى نفس الوقت على مستوى البلاد رغم أنها كلها آثار ؟
من أحرق المجمع العلمى ؟
من المستفيد مما يحدث فى البلاد من عدم استقرار ؟
أليس رجال الشرطة و الجيش شهداء ؟
أليس رجال الشرطة و الجيش من المصريين ؟ أم من كوكب آخر ؟

انا مش بثق بالقضاء المصري لان ضباط قسم السويس وقسم السيدة زينب خادو براءة


والإفراج عن مبارك بعد ترضية أهالى الشهداء بدفع مليون

جنية لكل أسرة شهيد على سبيل الدية - واستمرار محاكمة


دا مش هيحصل لو مليون واحد اقنعهم بكدا لان دا دم ابنائهم مش هيرضوا انهم يخدوه فلوس
بس لاسف القانون يمنع اعدام من هم اكثر 80 سنة مثل المخلوع
بس الباقي مفروض يتعدموا اعدام عادل

انا اديقت اوى من الردود ماذا لوتم تبرئة مبارك يعنى ايه هترضوا بالحكم وواثقين فى القضاء المصرى ده يبقى قضاء ظالم ولو هوه نزيه زى مبيقولوا لازم اول قرار يخدوه اعدام مبارك اعدام مبارك والعادلى والديب يقولك دمبارك برىء والجيش والشعب هم اللى يتحاكموا برىء ايه والديب اساسا لازم يتحكم عليه بعقوبة الخيانة لانه بيدافع عن مبارك وعقوبته مؤبد ويقولوا بيدوروا على قضايا له يدوروا على ايه ده كفاية انه كان ممسك الوزارة والبلد لشوية حرامية نهوبنا منهم لله مفيش فرص عمل خلى الشباب يسافروا بره اعرف واحد فى ريعان الشباب سافر السعودية عشان يشتغل عنده 27 سنة مات هناك وهو الولد الوحيد المفروض يحاسب على ارواح الابرياء دول ربنا معانا وهينصرنا ان شاء الله

يا جماعة يعني ايه هترضوا بحكم القضاء المصري يعني هترضوا به حتى لو كان ظالم وعلى حساب الشهداء والشعب المصري كله لأ ده كده يبقى حرام المفروض يكون فيه وقفة صارمة لو الحكم ده ظالم لأنه هيكون ظالم لمصر كلها في الوقت ده المفروض مايكونش فيه حاجة اسمها ثقة في القضاء المصري مينفعش تعطي ثقتك لحاجة ظالمة وفاسدة ده خطأ لازم كلهم يتحكم عليهم بالاعداااام
يا رب تنصر مصر وترحم الشهداء يا رب

سيتم محاكمته محاكمة ثورية

وجهة نظر قد نتفق عليها وقد نختلف أن مايحدث في مصرنا كان أمراً غير متوقع بعد أن نجح النظام البائد في قتل روح الإنتماء الوطني وتفشي اللا مبالاه علي مدي ثلاثين عاما ولقد تعودنا من هذا النظام اطلاق الشائعة وانتظار رد فعل الشارع المصري فإذا كان سلبيا أصبحت حقيقة وإذا كان إجابيا يفكرون في صياغتها بطريقة أخري وهكذا والأمر الآن ليس بأيدينا ولكن بالحلول المطروحة لإخماد تلك الثورة ؟؟؟