الحمد لله رب العالمين انا خلصت الا قتصاد وحليت النماذج و خلصت فيها معظم الكتب فأتمنى لو حد عاوز حاجة يسألنى لانى والحمد لله طحنتها

وارجو ان تتقبلوا مرورى

ماشاء الله يارب عقبالنا يارب

عبالى يارب

حدد اى العبارات الاتيه صحيحه وأيهما خطا :
1-الموارد النادره يكون بالضروره قليل الكميه .
2-يهم علم الاقتصاد بكل انواع الموارد .
3-تختلف النظم الاقتصاديه فيما بينها بالنسبه الى الحاجات المؤثره فى النشاط الاقتصادى .
4-يتم اشباع الحاجات عن طريق استخدام مورد معين او عنصر معين من عناصر الانتاج .
5-تتميز الحاجات بالندره النسبيه .
6-الموارد النادره لا تكون بالضروره قليله .

بم تفسر :
1-الارض هبه من الله ولكنها محدوده .
2-العمل نشاط واع وارادى.
3-لتقسيم العمل و التخصص مزايا عديده .
4-من خصاءص العمل انه يصاحبه متعه والم .

جاوب وابعتلى على بريد الموقع او الالكترونى mahmoud_hafez66@yahoo.com بجانب الرد على الموقع .

يا عمر انت فى كل موضوع فى المنتدى تقول ابعتللى على ايميلى الرد هيكون من المنتدى على اسالتك ومحدش هيبعتللك على الايميل

اولا شكرا جدا يا romio_elmasry * انا بشكر تقديرك ولكن مش مشكله اللى يبعت يبعت او المنتدى عادى * وشكرا جدا لك * وثانيا انا مش اسمى عمرو ده بس اسم الدخول انما انا أخوك محمود حافظ من القاهره .

شكراااااااااا على ردودكم واتمنى اكون عند حسن ظنكم
وان حليت الاسئلة بتاعت محمود حافظ

الاجــــــــــــــــــابة فى المرفقات واتمنى تكون كل الاجابات صحيحة , انا حليتهالك حل نموذجى

او حملها من الرابط المباشر ده

شريف البرنس (http://www.thanwya.com/vb/attachment.php?attachmentid=1112&d=1206400371)
اطلبوا اى اسئلة تانى , انا فى الخدمة

sherifibrahim44@yahoo.com

بص بقه انا هغيظك اى حاجه تقف امامى هجيبهالك * ولو حبيت كمان واجب الدرس* هى عناد بقا * :D :D :D :D ;) ;) ;) :lol:

الاول عايزة اشكرك ع فكرتك و مجهودك الجميل و ربنا يكرمك يارب و تدخل الكلية اللى انت عايزها

ثانيا بقى ادى الاسئلة:ما المقصود ب : توازن الموازنة

**ماذا يحدث اذا:1- لم تدخل الدولة فى توفير الخدمات العامة
2-توفرت الخدمة او السلعة فى المجتمع
3-لم تستخدم الدولة سلطتها او القهر القانونى فى اشباع الحاجات العامة و الاجتماعية


**اى العبارات الاتية صحيحة و ايها خطا و طبعا مع ذكر السبب:
1-الانفاق القومى يستوعب الناتج القومى

**بم تفسر :
عدالة توزيع الدخل القومى مسئولية الدولة

سورى كترت الاسئلة بس معلش اصل عندى اسئلة كتير مش عارفاها

أسئله حلوه بجد يا أرق ملاك

محمود انا انصحك بانك تحل لوحدك ولو معرفتش حاجة اقولهالك . انما متقوليش حللى الواجب .....

وده علشان مصلحتك .

اما بخصوص ارق ملك اللى انا مش عارف اسمهـــــا .

انا جاوبت على الاسئلة , وهى صحيحة ان شاء الله .

ههههههههههههههههههههه

انا كنت بهزر لعلمك اناحبيتك شكلك انسان كويس * mahmoud_hafez66@yahoo.com

ربنا يخليك والله انت اللى انسان كويس .

ولو عاوز اى حاجة قوللى مش شرط الاقتصاد وبس .

شكراااااااااااااااااااااا جداااااااااااااااااااااا يا شريف بجد مش عارفة اشكرك ازاى
و ع فكرة لو احتجت اى حاجة انت كمان كلنا تحت امرك مش انا بس
و انا علمى علوم لو احتجت اى حاجة

شكرااااااااا يا ارق ملك ..

ايوه كده يا شبا ب نساعد بعض عشان نخلص بقه


وان شاء الله يا اخ شريف لو احتجت اي حاجه هقولك علطول وانا برده في الخدمه في اي حاجه

جزاك الله خير وربنا يوفقك

شكرااااااااا ليكى ولتمنى ان ربنا يوفقكم كلكم
وده ايميلى لو حد عاوز اى حاجة sherifibrahim44@yahoo.com

شريف متنشرش ايميلك كدا عشان انا ايميلى اتسرق بسبب كده*هوانت علمى ياشريف*

معلش يا جماعة عندى شوية اسئلة تانى فى النماذج

**ما مقترحاتك لكى يصل الاقتصاد المصرى المعاصر الى مكانة مرموقة فى عصر العولمة

**ماذا يحدث اذا :
1-اصبحت واحدا من المسئولين عن الاقتصاد المصرى

**(تتميز حاجات الانسان بالتعدد و التنوع و التطور)فى ضوء ذلك وضح:
1-تصور لاهم حاجات المجتمع المصرى مع مطلع القرن21

2-مقترحاتك لاشباع هذه الحاجات**اكتب باسلوبك عن اذا قلت الموارد فى الدولة بالنسبة لزيادة سكانها
**طلب منك صديق مشورتك فى كيفية استثمار بعض امواله.فما النصيحة التى تسديها اليه

**بم تفسر:
عناصر الانتاج غير متجانسة الاستخدام

يا جماعة معلش هو فى ناس قالولى مش اتعب نفسى كتير فى الاحصاء و كفاية اسئلة كتاب المدرسة و الامتحانات ايه رايكم

كل دى مقترحات ومعتقدات يعنى من عندك انت * والله اعلم * لوانت فى المكان ده *صح ولا انا غلطان
* لا اعتقد انها تاتى فى الامتحان*

شكراا على الاسئلة الجميلة .. وفعلا محمد معه حق دى اسئلة تعبير عن رأيك ..

لكن لو عاوزانى اقولهالك مافيش مانـــــــــــــع والله !!!!!!!!

وانا مشغول لانى عندى امتحان فىزياء يو الجمعة على النهج كله ...

فممكن اغيب شوية عن المنتدى ببس اوعدك انى هارجع بلاجابات لو انتى عاوزاها ..

لذلك ارجو الرد فى اسرع وقت ....

وشكراااااا ليك يا محمد واوعدك انى مش هنشر ايميلى تانى .. فالوقاية افضل .. والله خير حافظ ..

وانا علمى رياضة .. وبعشق رياضة 2 خاصة الديناميكااااااا ....

حد يحل ده ويبعته يجماعه بس ياريت بسرعه .

انا والحمد لله ماعملتش فيها غير انى ذاكرت نصها بس

حد يجاوب بسرعه

انا بحله.
قريباااااااااا يصلك .

شريف الامتحان كان فى اخطاء انا صححتها فى العربى هتلاقيها شكرا شريف

شكراا على الاسئلة الجميلة .. وفعلا محمد معه حق دى اسئلة تعبير عن رأيك ..

لكن لو عاوزانى اقولهالك مافيش مانـــــــــــــع والله !!!!!!!!

وانا مشغول لانى عندى امتحان فىزياء يو الجمعة على النهج كله ...

فممكن اغيب شوية عن المنتدى ببس اوعدك انى هارجع بلاجابات لو انتى عاوزاها ..

لذلك ارجو الرد فى اسرع وقت ....

مش عارفة و الله يا شريف اصلى موسوسة اوى فى موضوع الاجابات يعنى بخاف مش تكون زى ماهما عايزين

و كمان يا سيدى فى سؤال بم تفسر و سالتكم عن الاحصاء:D

معلش يا جماعة و الله انا عارفة انى تعبتكم

و ربنا يوفقك فى الفيزيا

مش عارفة و الله يا شريف اصلى موسوسة اوى فى موضوع الاجابات يعنى بخاف مش تكون زى ماهما عايزين

و كمان يا سيدى فى سؤال بم تفسر و سالتكم عن الاحصاء:D

معلش يا جماعة و الله انا عارفة انى تعبتكم

و ربنا يوفقك فى الفيزيا

عناصر الانتاج غير متجانسه الاستخدمات لان :
*العمل متعدد ومختلف *الطبيعه متنوعه * راس المال غير متجانس .

وبالنسبه للاحصاء مدرس فعلا قالى حل تمارين الكتاب المدرسى والامتحانات (هتبقى تمام ) ولو عيزه تحلى اكتر حلى من كتاب الماهر ولاى استفسار اخوكى محمود :)

حولى تطردى الوساوس دى * خليكى وثقه من نفسك*

لو عزتى اى حاجه احنا تحت امرك

انا عضو جديد معاكم

اسمها لو عزتو مش لو عزتى صح طائر

ايه يا اخوانى ده ميصحش كده عيب .. وشكراا ليكم جميعا .

واهلا بيك يا طائر- الحزن . انت جبت كام السنة اللى فاتت ..

بخصوص اسئلتك انا حجيبهالك بس زى ما قلت على يو الجمعة علشان عندى امتحان ..

وبالتوفيق لينا كلنا ..

ممكن اعرف انتوا جبتوا كام السنة اللى فاتت

انا الحمد لله على كل حال 70% وبطلب من الله التوفيق *الحمد لله على كل شىء * وباذن الله بحاول التغير*

ياريت محدش ياخد موقف *

انتو بجد كلكم اخواتى وده عشان انا اعتبر ماليش اصحاب ولا اخوات

شكرااااا جدااااااااااااااااااا يا جماعة بس انا مش موسوسة انى مش واثقة فى نفسى لا انا اقصد انى بحب اخد الاجابة النموذجية اللى ماحدش يقدر يقولى فيها كلمة

و انا الحمد لله جبت السنة اللى فاتت 98% ادعولى بقى تزيد

يارب يوفقكم كلكم .. وايه يعنى يا مخمود مش انت عاوز تتغير خلاص .. كده كويس .

بس نصحتى ليك تذاكر لوحدك وماتضيعش وقتك فى المنتدى هنا ..

ايه يابني هاتعملي فيها طلعت حرب ولاعبد الفتاح قنديل انت طالب ياحبيبي
مش استاذ بلاش غرور وتلاقيك راسب اقتصاد واحصا عشان كده عندك خبره ذاكر يابابا وسيب الكلام ده للكبار

انا مش هارد عليكى لانى بنى أ دم متربى ومحترم .. بس هارد عليكى بطريقتى لانك انسانة مريضة ..

دى طلعه فى الصوره معوقة *ههههههههههههههههههه*وبعدين انتى مالك احانا اصحاب*

ايه يابني هاتعملي فيها طلعت حرب ولاعبد الفتاح قنديل انت طالب ياحبيبي
مش استاذ بلاش غرور وتلاقيك راسب اقتصاد واحصا عشان كده عندك خبره ذاكر يابابا وسيب الكلام ده للكبار

انا اعرف طلعت حرب انا عبد الفتاح قنديل لسه معرفتوش *هههههههه*:D

وربنا يوفقك يا شريف انتا وملاك وتجيبو مجموع اعلى من كده وتخشو الكليه اللى نفسكى فيها

شكراااااا ليك يا محمود .. وانا مش هاسيبها اللى وهى بره المنتدى ..
علشان تبقى تعرف .. تتكام كويس ..
لاننا بنساعد بعضنا ..
بعيداا عن تفكيرها المريض ..

شدوا حيلكو شباب وربنا يبارك فيكم
بس خلو وقتكم مفيد اكتر
براااااااااااااااااااافو

شكرا استاذ طلعت

الي متصفحين هذه الصفحه البيه المحترم فضل يرجع قاذوراته في رساله خاصه لي ارسلها لكم عشان تعرفوا انه مثقف ومتعلم بس مش عارفه ايه الجامعه اللي متخرج منها مش موجوده علي خريطه الاخلاق والعلم والادب ومثل هذاالنموزج يسئ الي هذا المنتدي الراقي

اليكم رده لي علي الخاص


انا هارميكى بره المنتدى كله يا غبية انتى
علشان تعرفى تتكلمى معاى كويس
وانا يا بت انتى
مش ساقط احصاء واقتصاد
انا فاشخ احصا واقتصاد وجايب 97 ونص فى تانية
ولو متى عمرك ما تجيبى زيها يا معفنة
ولو قلتى أدبك تانى
انا هامدك على رجليكى بالفلكة لحد اما يورموا


اتفضلو اتفرجو علي النمازج

شريف انتا بجد سقط من نظرى * ايه الكلام ده *فاشخ.معفنه.هارميكى.هامدك.*ألفاظ بيئه جدا . وبعدين انتا بتفتخر بمجموعك* مفيناش من التكبر * فى حاجه اسمها الحمد لله مش97 ونص فى تانية
ولو متى عمرك ما تجيبى زيها يا معفنة * عيب كده*

انا أسف .. ومش هادخل على المنتندى تانى

خش براحتك بس احترم الاخرين * ومن تواضع لله رفعه*ولا انا غلطان ياجماعه.

زملائي واخوتي الاعزاء
الامانه تحملني ان ارد وانا لا اقصد حدوث تفرقه بين الاصدقاء وانا منكم
اما صديقه او زميله او اخت اي منهم هي شرف لي وانا لا اقفصد احراج من كتب لي الرساله ولكن نحن نتكلم علي العام واختلاف الراي لا يفسد للود قضيه قدنتقابل في الجامعه او في مكان عملوها نحن متقابلين في بوابه تعليميه محترمه يتصفحها كل العرب المهتمين فرجائي الا ينسحب احد من هذه الصفحه ونتواصل من خلالها وقد ارسل لي الزميل اعتذار وانا قبلته وان كان قد فهمني غلط فانا ايضا متاسفه وهذا نص اعتذاراولا .. انتى اللى بدأتى وشتمتبنى واتريقتى على ..
وده من مشاركتك السيئة وانا معملتش حاجة ..
انا مبحبش ازعل حد بس لما حد يشتمك علنى لازم تتجرح وترد عليه ..
ولانى ابن ذوق رديت عليكى فى رسالة خاصة ..
وانا بقولك انت البادية والغلطانة وانا عامل الموضوع عشان افيدكم ,,
ومعذلك ربنا يغفر لنا ويسمحنا ويوفقنا ..
احنا فى سنة حرجة فى وقت حرج ومش وقت المشاكل ده وقت المراجعة والامتحانات ..
مش وقتالكلام الكتير والتعدى على الغير
احنا ىالمفروض ندعى لبعض ونساعد بعض ..
مش نشغل بالنا بتفهات ..
لذلك انا أعتذر وأرجو ان تقبلى اعتذارى لانى كنت فى ساعة غضب وجت كده بقى ..
وانا اعتذر تانى ..

بسم الله الرحمن الرحيم (والعافين عنالناس والله يحب المحسنين )

ياريت ما تكونيش زعلانة ..
وياريت تردى عليسه فىرسالة هنا ..
وشكرررررررررررررررررررررررااااااااا .....

ولو عاوزانى أعتذرلك فى المنتدى ادام كل الناس انا موافق
وانا متاسفه لكم جميعا علي الازعاج واشكر كل من اهتم بهذا ونحن جميعا اخوه وزملاء واتشرف بالانتساب لكم
مريم طارق

زملاءي الاعزاء
الامانه تحملني ان اكتب هذه الرساله اولا انا فخوره بكم واتشرف بالانتساب لكم فانتم اخوه وزملاء اعزاء ولست اقصد من نشر الرساله السابقه ان تحدث فرقه بين الاصدقاء ولكن من باب العتب ولا عتاب الا من باب المعزه
وقد ارسل لي الاخ الكريم اعتزاره وانا قبلته واعتذر انه ساء فهم رسالتي وان كان جزءا كبيرا منها علي سبيل المزح اسفه لكم جميعا علي الازعاج وارجو منكم كاخت وزميله ان تتقربوا اكثر ولا تفترقو فختلاف الراي لا يفسد للود قضيه

مريم حرام عليكى * خلاص بقى يا شريف متزعش . نفض للى حصل .

ماشاء الله خناقات ع المنتدي ومفيش مشرف تكرم ومسح حتي الردود غير اللائقه
يا جماعه عيب كده انتو مش صغيرين ع الكلام ده
وارجو من المشرفين يحذفو الردود دي عشان شكل المنتدي
ربنا معانا كلنا