أكبر عملية فتاريخ الأمة
أكبر عملية تهبط الهمة
أكبر عملية فالسلم والحرب
الحلم أتحول لكرب
طلع القايل براءة
وبتتحاكم رموز الثورة

محتاجين لمركب لعبارة
منقذ ينشلنا بطوق
أو حتى بدوبارة
محتاجين نصرخ ويا الرجالة
مظهر ونور ونوارة
عشمونا بالانتصار
قالوا هناخد حق الثوار
وأدوا للشهدا التحية




وإيه أخرة الانكسار
ليه عشمونا بالانتصار

أضرب أهل الشهيد
وأتسحل الأقباط زى العبيد
والعيال ماتت في محمد محمود
وأتهموا ثوار مجلس الوزرا


وإيه بعد كدة اللى جاي
إيه اللى هيحصل فعيد الثورة

يا خوفي يا نلقى المخلوع
من تانى الرئيس
والكل يقع في حيص بيص
ونلاقي حستى ويا المشير
بيراقبوا تاني ميدان التحرير

ويقول له حافظ عليهم حبهم
من الصغير للكبير
من أكبر موظف للغفير
دول ولادى كلهم
يهمنى حالهم ومالهم وأكلهم
لمهم لمهم
وحطهم في أأمن مكان
في السجن عندى فى الأمان



ونلاقي ثوار التحرير
بيتحاكوااااااااااااااا
بتهمة الخيانة العظمى
ويكون دة
أكبر إحتفال بعيد الثورة


اللى أتسرقت من أصحابها
عشان ملهاش قائد
ملهاش رائد
ملهاش صوت واحد
يتكلم عن أهدافها

محتاجين قائد واحد
يجمع الثوار الأحرار
يجمع الكلمات المبادئ الأفكار
يتكلم بلسان
البطل المغوار

محتاجين قائد واحد
مصري بجد
مش أي حد
مش مهم يكون مين
مش مهم يكون منين
من كوم الدكة ولا البدرشين
من النوبة ولا الحسين

أنشاله يطلع من تحت الأرض