بعد قيامى انا والعديد من اخوانى المعلمين المتعاقدين بـ 175 جنيه شهرى بالعديد من الشكاوى طوال شهر يناير فى التنظيم والاداره والنيابه الاداريه ومحافظه المنوفيه يجب على إخباركم بالاتى:-
اولا: هناك تجاهل تام لهذه العقود الوهميه ولجميع حقوقنا وعدم اعتراف بهذا العقد للاستفاده منه فى حساب الثلاث سنوات
ثانيا : عدم احترام لادميتنا كإنسان وكمعلم تبين ذلك من المعاملات التى كنا نعامل بها
ثالثا : اننا دخلنا فى مستنقع مظلم لا نعرف نهايته
انا اسف جدا يازملائى على هذه النظره التشاؤميه
لكن والله العظيم لو جربتوا ولفيتوا اللفه بتاعتنا دى حتتعبو أوى
كان المسئولين بيقولوا انتو اكثر من 6 الاف واحد واللى عمال يجرى حوالى عشره لا تلوموا المسئولين ولوموا سلبيتكم ........ فعلا والله محقين !!!!

ان شاء الله مش هنتنازل عن حقوقنا يوم 29-1

انا معاكو يوم 29 ان شاء الله

ان شاء الله التثبيت للجميع على مستوي الجمهورية

نظم، صباح اليوم، الأحد، العشرات من المدرسين المتعاقدين بوزارة التربية والتعليم بمحافظة المنوفية وقفة احتجاجية أمام ديوان عام المحافظة للمطالبة بالتثبيت .

وأكد المتظاهرون أن راتبهم المتعاقدين عليه مع وزارة التربية والتعليم يبلغ 174 جنيهاً فقط، منذ خمس سنوات، مطالبين بالتثبيت أسوة بزملائهم بمحافظتى الشرقية والقليوبية الذين صدر قرار بتعيينهم منذ شهور.

وأعلن المتظاهرون إصرارهم والدعوة لحشد لمظاهرة كبيرة، يوم الأربعاء القادم، عقب انتهاء انتخابات مجلس الشورى التى تشهدها المحافظة

موعدنا يوم الاربعاء ان شاء الله

يا أساتذه يا محترمين
إحنا كلنا فى جميع المحافظات
لازم كلنا نقوم بوقفات إحتجاجية مع بعضنا البعض لوقف الإبتذاذ بتاع الوزارة ده
ولو كلنا ما علمناش كده حلونا بقى لو إتقدمنا خطوه
لازم على الأقل يكون لينا عقود مميزة وتكون على درجات مالية .......... مش لعب العيال إلى إحنا فيه ده

حرام بقى
عاوزين حبة عدالة إجتماعية
ما يبقاش مدير مدرسة بيبقبض بال 3 ألف جنيه
ومدرس يدوبك اقدم منك بسنة مرتبة بيوصل ال 700 جنيه
وإحنا يا حصرة مرتبنا بيبقى 147 جنيه لا أكثر

حاجه غريبه جداً
هو المدرس إلى بيقبض ال 700 جنيه ده فيما فوق بيشرح فى الفصول وإحنا بنرقص فى الفصول لا سمح الله
حاجه تجنن العقل

لازم كلنا نضغط على ال4 جهات دول
1- التربية اولتعليم
2- المالية
3- الجهاز المركزى للتنظيم والإدارة
4- المحافظين

وذلك للمطالبة بحقوقنا كاملة

ربنا يوفقكم