6 ابريل ...........!! [الأرشيف] - بوابة الثانوية العامة المصرية

Teto_Net

22-03-2008, 03:22 AM

إتفقت كافه القوي الوطنية في مصر علي
أن يكون
يوم 6 إبريل
يوم إضراب عام في مصر

عاجبك الى بيحصل

عاجبك الى فية البلد

عاجبك الناس الى بتضيع كل يوم 3 ساعات قدام طابور العيش علشان تاخد اقل حقوقها و اقل حاجة فى الاكل و هو العيش

عاجبك حالك انت ؟

عاجبك الاسعار دلوقتى ؟

عاجبك ناس زى احمد عز تحتكر السوق و محدش يكلمهم ؟

عاجباك الواسطة و المحسوبية و السرقة و الفساد ؟

عاجبك شوارع مصر ؟

عاجبك حال التعليم ؟

عاجبك التسلط و قلة الادب الى موجودة عند الشرطة المصرية ؟

عاجبك ان فوق 82% من شعب مصر عايش تحت خط الفقر ؟

لو انت مش عاجبك كل دة

متقولشى و انا مالى

متقولشى انا مقدرشى اعمل حاجة و مفيش حاجة فى ايدى

محدش هيتحرك علشان يدافع عنك وو يجيبلك حقك

لازم كل الناس تتحرك

و على الاقل تثبت وجودها و اعتراضها و لو بالاضراب بس

خلى اليوم دة الى كلنا نقول للحكومة فية احنا موجودين

احنا بشر و عايزين تعيش

يوم 6 إبريل
خليك قاعد في البيت
أوعي تنزل

ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر

دة الوقت الى نتكلم فية

و الوقت الى نقول للحكومة فية .........

عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان

مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا

قول لأصاحبك مايروحوش الشغل همه كمان وخليهم يدخلوا الإضراب
و حاول انت بايدك الى تغير مصيرك

الفتاة الحائرة

22-03-2008, 05:46 AM

ايه الموضوع الجامد ده يابنى ما تتعبش نفسك مين هايسمعك
عموما ربنا يوفقك فى اللى انت بتعمله لكن انا عايشة فى قرية صغيرة بعيدة عن المشاكل

إسلام هولمز

22-03-2008, 07:17 AM

ماتروحشي المدرسة

من الناحية دي اطمن...نص طلاب مصر عاملين اضراب طول السنة :D

Dr.Nobel

22-03-2008, 07:20 AM

والله فكرة حلوة بس مين اللى ينفذ
وان كان عليا انا موافق وهانشر الفكرة يا تيتو
وشكرااااااااااااااااااااااااااااااااااااااااا

كركركوكو

22-03-2008, 04:15 PM

والله مش عارف ده صح ولا غلط
بس ليه رجوع في الموضوع
جزاكم الله كل الخير

سبيدر مان

22-03-2008, 04:30 PM

كركركوكو

22-03-2008, 04:38 PM

بس والله يا كريم انا مش شايف ان دة هيحل الازمه لان الاسعار المولعه
دى مش من الحكومه ..لكن دى من الطمع بتاعنا احنا الناس عايزه تكبش
فلوس وبس وهم ميعرفوش ان محدش بياخد حاجه معاه فوق ..وربنا يهدى
وشكرا على الموضوع يا كريم..................

بص ياغالي
الاسعار مش مشكلة الحكومه يعني مشكلة مين ؟؟؟؟؟؟؟؟ جدي الله يرحمه
شوف الحديد بكام
العدس بكام
الاسمنت بكام
العيش مش عارفين نجيبه والله
اللحمه ممكن نشمه هيكون افضل
الفراخ كله في الطالع وبتجيب انفلونزا

ايه تاني

كل ده مشكلة الشعب مش مشكلة الحكومه تعرف ليه

لان الشعب ساكت
بس هي دي المشكله

وانا مش صاحب الموضوع
جزا الله صاحب الموضوع كل الخير

مشتاقة لرضا الله

22-03-2008, 05:21 PM

كركركوكو

22-03-2008, 05:26 PM

بصوا يا جماعه والله الفكره هايله جدا ولازم تتنفذ لان مافيش حل تانى غير كده

لازم كلنا نقف وقفه تخلى الحكومه تبص شويه على الناس اللى مش حاسه بيها دى ولا اكننا عايشين معاهم

بس يا ترى كام واحد هيوافق انه يعطل مصالحه ولو يوم عشان غيره

بصراحه احنا شعب انانى جدا وكل واحد هيسمع الفكره هيقول وانا مالى

بس انا هعمل اللى عليا وهحاول انشر الفكره واقنع الناس بيها

وان شاء تجيب نتيجه

وشكرا للفكره الهايله دى يا تيتو

هقولك علي حاجه

علي اساس اني راجل شغال باليوميه مش موظف حكومي
ولما اقعد يوم عن الشغل مش هاخد الـ30 جنيه اللي انا بشتغلهم طول اليوم
واولادي هياكلوا منين ووووووووو
كذا حاجه انا لسه بفكر في الموضوع
ومش عارف هل ده هيكون سلبي ام ايجابي

amr_2010

22-03-2008, 05:31 PM

والله فكرة جامدة وانا سمعتها قبل كده
وانا معاك وهنفذها

سبيدر مان

22-03-2008, 05:52 PM

يا جماعه الاختلاف لا يفسد للود قضيه

nothing

22-03-2008, 08:36 PM

فعلا عندك حق لازم نثبت للعالم كله ان احنا موجودين ...... الشعب اللى حارب فى 73 وعمل ثورة 23 يوليو اكيد هيعمل حاجة بس تقول ايهبقى الجبن والخوف بعيد عنك؟؟

شمس الشموس

22-03-2008, 08:56 PM

بس فكرتك حلوة بس تفتكر هتجيب نتيجه

ميم هيسمع وكام واحد وواحده هينفذوا

عموما شكرا على الفكرة

_GUIDE_

22-03-2008, 09:00 PM

اولا احب اهنيك على الفكرة الهايلة دى
بس الفكرة دى تنفع فى اى دولة فى اوربا الا مصر
لان الحكومة والشعب جسمهم نحس من بعض
يعنى الحكومة لا هتخاف والشعب هيول اليوم اللى اعده فى بيتى ده اولادى اوله بيه
اجبلهم لقمة يكلوها
المطلوب حل عملى وسريع
مش مسكن للمشكلة شبعنا مسكنات
المطلوب علاج فورى ونهائى
مع الشكر

MohammeD el_SadaT

22-03-2008, 09:32 PM

لاء مش عاجبنى

بس اكذب عليك لو قلتلك إن الفكره هتنجح
معظم الشعب عايش يميدأ

وأنا مالى ومش هيغيروه إنت سهل عليك تتكلم وتقول وترسم وتحلم لكن الأب اللى فيه فى رقبته كوم لحم
لو إتفصل تانى يوم هيشحت

بس هرجع وأقول
يـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـارب
ملناش غيرك

مصري مسلم

23-03-2008, 08:03 AM

نداء السادس من إبريل
ما تروحشي الشغل … تعالوا نعطل مصالح الناس
ما تروحشي الجامعة … تخلوا عن العلم وامشوا في مظاهرات الجهل
ما تروحشي المدرسة … اتعود من صغرك على الغياب واتعلم عدم الانتماء
ما تفتحشي المحل … هايجيلك رزقك لغاية البيت وهاتسدد ديونك وتأكل عيالك
ما تفتحشي الصيدلية … ومش مهم المرضى يتعالجوا ، خليهم يتألموا في هذا اليوم ، بلاش علاج بلاش أنسولين ، بلاش مضاد حيوي ، خلي اللي ينزف ينزف واللي يموت يموت
ما تروحشي المحكمة … عطل قضايا الناس وعالج الفساد بإفساد
ما تروحشي القسم … خلي الحرامية والنشالين وقطاع الطرق تسترزق في اليوم ده .
ما تروحشي المعسكر … واتخلى عن واجبك واوعى بعد كده تحترم نفسك .

سؤال : انت راضي عن نفسك وانت قاعد في بيتك ، والناس في اليوم ده متعطل مصالحها
إنت مش لوحدك في البلد دي ، ما تبقاش أناني

يا دكتور .. ما تتركشي المستشفى . المرضى في اليوم ده هايعملوا إيه
يا أستاذ .. يا باشمهندس .. يا سيادة المستشار .. يا اسطى .. يا معلم
متخيلين في اليوم هايحصل إيه ؟

يا أهل مصر .. لا تصيبو مصر بالشلل . ولو ليوم واحد ، ليس هذا هو الحل
أعدائكم عايزين كده ، اليوم ده اللي هما بيستنوه

إيه الحل
قال تعالى : { فَلَوْلا إِذْ جَاءهُمْ بَأْسُنَا تَضَرَّعُواْ وَلَكِن قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُواْ يَعْمَلُونَ } (43) سورة الأنعام
تدبروا هذه الآية :
البأس : ما نحن فيه من بلاء
التضرع : هو المطلوب منا
قسوة القلب : الإعراض عن التضرع
تزيين الشيطان : للإضرابات والاعتصامات والمظاهرات والأفعال المخالفة للشرع
فاعتبروا يا أولى الأبصار
يا أمة محمد : ما نزل بلاء إلا بذنب ، وما رفع إلا بتوبة
أقول ما تسمعون وأفوض أمري إلى الله

zizo2_2

23-03-2008, 12:14 PM

الاخ الفاضل مسلم
اختلف معك في وجهة نظرك

نحن غير مصابون بالبلاء كما قلت
بل ان اموالنما تنهب وتسرق امام اعيننا من الحكومة ولم نستطتع ان نفعل شيء

السلبية في من يطلبون منا ان نتوقف ان يموت صوتنا ان لا نعبر عن رأيينا

فهل من وجهة نظرك ان نصلي بالمساجد ونطلق اللحي ونموت من الجوع ونرى الفساد ونسكت حتى لا نكون قنطرة فاذكرك بقول النبي صلى الله عليه وسلم خير الجهاد كلمة حق لسلطان جائر"
واذكرك بمن قام لعمر وقال قاومناك عليه بسيوفنا عندما قال عمر خليفة المسلمين ما بالكم لو اعوججت هكذا او هكذا
واذكرك بقول سيدنا ابى بكر لقد وليت عليكم ولست بخيركم فان استقمت فاعنونني وان اعوججت فقاومونى
وتلك هي طريقتنا لكي نوصل كلمة الحق للجميع

اتمنى ان تدرك وجهة نظري

hanypee

25-03-2008, 12:00 PM

للإضرابات والاعتصامات والمظاهرات والأفعال المخالفة للشرع
فاعتبروا يا أولى الأبصار

دى فتوى

أنا مسجل مخصوص فى منتداكم عشان اسأل عن كون هذا الكلام فتـوى؟؟؟؟؟؟

هل المظاهرات والإعتصامات والإضرابات مخالفة للشرع؟؟؟

شرع الحكومة المصرية ولا شرع ربنا يا أخ مصرى مسلم؟؟؟

أسيل رزق

25-03-2008, 12:24 PM

يا مين يعيش لليوم ده

الحكومة ربنا يخليها عندها جميع الطرق الكافية لهدم الشعب المصرى وعندها مبرر لكل حاجة

كل واحد هيقول ماليش دعوة خلينى فى نفسى

والمصريين بسم الله ما شاء الله قمة فى الاتفاق والعكس صحيح

يعنى لو 10 اتفقوا على كده هتلاقى 8 منهم انسحبوا فى وقتها

فى الزمن المنيل اللى احنا فيه صعب اننا نتجمع على راى واحد

بالله عليكم شوفوا نسبة الشباب البايظ اللى فى البلد دول وش اضراب ولا اعتصام دول

احنا مش فى زمن صلاح الدين ولا قطز ولا حتى عرابى

احنا فى زمن لم يشهده التاريخ من قبل

معلش انا عارفة ان كلامى مش هايعجبكم

بس خلينا واقعيين

اساسا هو فى حد بيشتغل عدل دلوقتى ولا حد بيروح جامعات ولا مدارس

احنااااااااااا فى مصر يا جماااااااااعة

وحتى لو حصل الكلام ده هتحصل مصايب او يمكن الحكاية هتهدا شوية و هيرجع الحال زى الاول واوحش

معلش طولت بس الظلم والفساد مغطى البلد من 26 سنة المصريين مش هيفوقوا الا يوم 6 \4

كل واحد هيخاف على نفسه

وشكراً

فنكوشه المنكوشه

25-03-2008, 10:41 PM

السلام عليكــم ورحمـة الله وبركاتــة ،،

أكيد معظمنا سمع عن حكاية الإضراب ده

معظمنا وصلته رسايل على الايميلات

ودعوات في كل مكان على النت

للمشاركة في إضراب عام للشعب المصري

6ابريل

احتجاجا على الأوضاع السيئة في مصر

ومطلوب من كل واحد انه يفضل قاعد في بيته وميخرجش منه

يعني محدش يروح المدرسة ولا الكليةو دي هتحقق بسهوله (حجه البليد):D

ومحدش يروح الشغل

ومحدش حتى ينزل من بيته يشتري حاجة !!

واشمعنى يعني يوم 6 ابريل ؟!

والناس فعلا مستعدة للكلام ده وهتعمله ؟

وهل لو حصل هيكون فيه استجابة من الحكومة ؟

تعالو نتناقش في الموضوع وكل واحد يقول رأيه وموقفه من موضوع الإضراب ده ايه؟

واخيرا هل الكلام دا كله حقيقه ولا فبركه :D

كركركوكو

25-03-2008, 10:51 PM

ردي علي الموضوع :

يوم 6 إبريل
خليك قاعد في البيت
أوعي تنزل

بسم الله الرحمن الرحيم
يوم 6 ابريل خليك بالبيت أوعي تخرج
ما رأيك في هذا الذي يحدث
العنوان نفسه خليك بالبيت وراه تساؤلات كتيره لما اقعد في البيت هستفاد ايه هغير ايه ؟؟؟؟؟؟
ايه اللي هيفيدني غير اني هخسر يوم هوكل فيه ولادي عيش
أنتم بتضحكوا على مين ؟ والكل يعلم أن الشارع هو الوحيد الذى يسقط أى حكومة فى العالم .......تيجوا تقولوا لهم ...لأ اقعدوا فى البيت ...واحتجوا وانتم فى بيوتكم ...وسوف يضطرون إلى تنفيذ رغباتكم
لم اراي الا هبل وضحك علي الناس نعم ضحك علي الناس ولا اقتنع بهذا اطلاقا ..............ولماذا سكتت الحكومه على هذا الاضراب من منازلهم ؟ ....لأن بهذه الطريقة لن يكون هناك احتكاك بعصاية رجال الأمن ......وبالتالى عدم إغضاب النظام...., هذا الاضراب إن حدث ..لن يحرك قيد انملة فى سياسة النظام ...وانتم تعلمون هذا......وتعلمون جيدا أنكم لو دعوتم 10 آلاف شخص للنزول إلى الشارع أحسن ألف مرة من 10 ملايين جالسون فى بيوتهم ...........................

سؤال يحتاج إجابة ...لماذا ؟

وجزاكم الله كل الخير
والله انا مش عارف مين مع الشعب الغلابان ومين ضده

فنكوشه المنكوشه

25-03-2008, 10:55 PM

لا والنبي يعني هو القصد انه يوم واحد فقط
مش من اول 6 ابريل لحد الي مالا نهايه يعني او حاجه تحصل في المشمش
دا استهبال او استعباط او غباء :D
شكرا علي الdetails الجديده :D

M I D O

26-03-2008, 12:52 PM

كل سنة وانتا طيب ياباشا !

عاشقـــ الانمى ـــة

26-03-2008, 01:01 PM

كذبة ابريل يا بنتى:p أما نشوف:rolleyes:

MohammeD el_SadaT

26-03-2008, 10:16 PM

dr.zomba

26-03-2008, 10:32 PM

يعني محدش يروح المدرسة ولا الكليةو دي هتحقق بسهوله (حجه البليد):D

يا سلااااام لو الموضوع كدا يبقي حاجه حلوه خالص

وانا عن نفسي هعمل اضراب من الشهر الي فات لحد يوم 6 ابريل:D

كدا كدا مش هنزل من بيتنا يعني مش خسران حاجه بس فعلا زي ما كريم قال الحكومه مش هتخسر حاجه بالعكس انا الي هخسر ( او الموظف يعني مش انا:D)

لان اي موظف دلوقتي عايش اليوم بيومه يعني يوم معاه يوم معهوش يعني هو محتاج كل يوم ينزل فيه ويشتغل عشان يجيب اكله

وعموما اما نشوف يمكن تطلع كذبة ابريل

بس لو طلعت كذبه هنقيم عليكي انتي الحد عشان انتي الي نشرتي الخبر:D

DR.Neuro

26-03-2008, 10:42 PM

دة اسمه عصيان مدنى
مش كدة

أسيل رزق

26-03-2008, 11:00 PM

ردى فى الموضوع اللى فات

يا مين يعيش لليوم ده

الحكومة ربنا يخليها عندها جميع الطرق الكافية لهدم الشعب المصرى وعندها مبرر لكل حاجة

كل واحد هيقول ماليش دعوة خلينى فى نفسى

والمصريين بسم الله ما شاء الله قمة فى الاتفاق والعكس صحيح

يعنى لو 10 اتفقوا على كده هتلاقى 8 منهم انسحبوا فى وقتها

فى الزمن المنيل اللى احنا فيه صعب اننا نتجمع على راى واحد

بالله عليكم شوفوا نسبة الشباب البايظ اللى فى البلد دول وش اضراب ولا اعتصام دول

احنا مش فى زمن صلاح الدين ولا قطز ولا حتى عرابى

احنا فى زمن لم يشهده التاريخ من قبل

معلش انا عارفة ان كلامى مش هايعجبكم

بس خلينا واقعيين

اساسا هو فى حد بيشتغل عدل دلوقتى ولا حد بيروح جامعات ولا مدارس

احنااااااااااا فى مصر يا جماااااااااعة

وحتى لو حصل الكلام ده هتحصل مصايب او يمكن الحكاية هتهدا شوية و هيرجع الحال زى الاول واوحش

معلش طولت بس الظلم والفساد مغطى البلد من 26 سنة المصريين مش هيفوقوا الا يوم 6 \4

كل واحد هيخاف على نفسه

وشكراً

وكان فى عضو كاتب فى توقيعه : عشت يا ريس شعبك فاضى ومش شغال يعنى بطالة وانت بترفع فى الاسعار

befunny

27-03-2008, 12:47 PM

السلام عليكم ورحمة الله وبركاتة
والله يا بشر

الموضوع اللي انتوا عايزن تعملوة ده مش هيفيد بحاجة عشان الاحوال من الله سبحانة وتعالي

لو جربنا نتقي الله كما امرنا وكما أخبرنا الرسول الكريم سيدنا محمد صلي الله عليه وسلم

هنلاقي كل حاجة إتحلت بإذنه يعني مينفعش نقول عايزنها تتحل وأحنا بنعصي ربنا .

وهذا ما لدي
السلام عليكم:)

بورسعيدى

27-03-2008, 02:17 PM

والله الفكرة جميلة وممكن تجيب نتيجه فاعلة بس بشرط ان الكل يجتمع عليها

وكمان لو ده حصل حكومة مصر ممكن تتكشف امام الرأى العام ولازم تتحرك

LuV2Be_Hero

27-03-2008, 02:19 PM

ونا كمان هشارك معاكوا
مش هروح المدرسة
هههههههههههههههههههههههههههههههههه

يالا عايزين نولعها
بالتوفيق

الزمالكاوي

27-03-2008, 02:24 PM

befunny

27-03-2008, 07:39 PM

السلام عليكم
أتعلمون ليه اللي بيحصل فبنا ده
أتعلمون لماذا أصبنا بأملااض أنفلونزا الطيور
أتعلمون لماذا يهان المسلمون في كل مكان في العالم
أتعلمون أتعلمون أتعلمون
عشان إحنا بعاد كل البعد عن الله سبحانة وتعالي
( إن الذين قالوا ربنا الله ثم إستقاموا تتنزل عليهم الملائكة الاتخافوا ولاتحزنوا أبشرا بالجنة التي كنتم توعدون)

همسه

27-03-2008, 08:19 PM

اخالفك الرأي
يعني انا لو ما روحتش الكليه اليوم دا
معلش مين هيعوضني المحاضره اللي فاتتني
ولا الاضراب دا هيفدنا بايه اساسا
ولا اي حاجة هتتغير
كل اللي هيحصل ان الموظف اللي غاب اليوم ده هياخد جزا يوم وهيتخصم من مرتبه
الطالب اللي مش هيروح مدرسته تاني يوم يوم هيضرب من استاذه
طالب الجامعه هتفوته محاضرات ما حدش هيعوضهاله
يعني هنخسر كتيييييييير ومش هنكسب حاجة

befunny

27-03-2008, 08:56 PM

السلام عليكم أن أؤيد كلام الاخ همسه الاعتصام لن يفيد بشى مطلقا
فكروا جيدا والله الوكيل
أقول فكرة احسن اللي عايز يعتصم يصلي صلاة إستخارة اولا
السلام عليكم
اللهم أهدي المسلمين والمسلمات الي صراطك المستقيم

craft fun

27-03-2008, 10:15 PM

لأ طبعاً الاعتصام هيفيد ويفيد وعلى الاقل لازم نحاول

احمد الحناوى

27-03-2008, 10:27 PM

وانا يا عم مش رايح المدرسة ومش رايح الدروس ولا خارج من بيتنا اصلا ويا ريت السنة كلها

مسيو محمد عياد

27-03-2008, 10:56 PM

بس هرجع وأقول
يـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـارب
ملناش غيرك

---------------------

كركركوكو

27-03-2008, 11:05 PM

كفانا غفله
لو كل الشعب قعد في البيت مفيش نتيجه
ولو نصف الشعب طلع في الشارع في نتيجه
لان ارغام اي حكومه علي تنفيذ طلبات الشعب او اسقات اي سلطه في اي دوله تكون من خلال الشارع
وهذا شيئ غريب ان اقعد في بيتي مسألتش نفسك ليه مين معانا ومين ضدنا

مثال بسيط محافظة الفيوم لما ضاق بهم الامر الناس طلعت في الشارع واتكلمت لاء دي بهدلت الدنيا
والمحافظ كان هيتشال فيها ومدير التموين كمان
لما الشعب اتكلم
صححوا الاوضاع والحمد لله احنا في الفيوم احسن من غيرنا دلوقتي
ياريت الناس تفكر الاول ومش اي حد نمشي وراه وخلاص
جزاكم الله كل الخير

سمير المصري5000

27-03-2008, 11:32 PM

والله فكرة حلوة بس مين اللى ينفذ
وان كان عليا انا موافق وهانشر الفكرة يا تيتو
وشكرااااااااااااااااااااااااااااااااااااااااا

المفروض اسبوع

Dr.M0hamed

27-03-2008, 11:36 PM

يا جدعان ركزوا في المذاكرة الفترة اللي احنا فيها مش هتتعوض ومش هتعرف تلاقي زيها تاني (((هيا البهاريز كلها )))

Miss_CaR!zma

27-03-2008, 11:55 PM

اشمعنى 6 ابريل؟؟؟
على فكره هيبقى يوم حد...
وعلى فكره انا بيتهيالى لو ده حصل بدل ما هيبقوا
82% تحت خط الفقر
هيبقى 85% او 90%
تخيل النور قطع فى شيكاغو كلها نص ساعه ايه اللى هيحصل؟
اعتقد يعنى نهب وسرقه وحاجات جميله جدا
انت معتقد فعلا ان الكام وسبعين مليون مصرى دول مهتمين بالوضع اوى؟
انا اعتقد لو الفكره اتنفذت العائد بتاعها هيبقى عكسى لان احنا فى مصر للاسف
وعموما كله على الله..

befunny

28-03-2008, 02:05 PM

السلام عليكم
بصراحة انا شايف إن االلي إحنا بنعملة ده مش هيبقي ليه فايده ممكن حد يقولي لما تقعد من الشغل مين اللي هيعوضك بدل اليوم ده من المرتب ولما تقعد من المدرسة هو والدك اللي بيتعب طول النهار في لشغل عشان يجيب فلوس فين حقه عليك وبعدين قولنا عايز تغيير الوطن غير من نفسك الاول لما انت تتغير وصاحبك وصاحب صاحبك يبقي الوطن كله هيتغيير لكن بالطريقة دي مظنش الكلام صح
وبعدين الحل موجود اللي عايز يعتصم يصلي صلاة إستخارة في الاول وكل واحد ربنا سبحانة وتعالي سيشرح قلبه إن شاء الله للصواب
واسال الله سبحانه وتعالي أن نقوم بالاعمال التي يحبها ويرضاها
اللهم إهدي المسلمين والمسلمات
وصلي اللهم علي سيدنا محمد وعلي اله وصحبه وسلم

منار صلاح

28-03-2008, 02:17 PM

ايه يا جماعة السلبية دى كل واحد فيكوا بيقول تفتكر مين حينفذ طب ما احنا نعمل اللى علينا ونسيب الباقى على ربنا لكن منقفش نتفرج ونستنى انها تتحل
مهو حالنا مش حيتغير غير لما احنا نغير نفسنا وانت يا تيتو فكرتك هايلة وانا حنفذها وحقول لكل اللى اعرفهم وربنا معانا وكفاية سلبية بقى

befunny

28-03-2008, 02:25 PM

السلام عليكم
دي مش سلبية ولكن إزاي ربنا هيوفقنا من غير منسمع كلامة أنا مقولتش منعملش حاجة ولكن في البداية نسمع كلام الذي سييسر لنا الامور ويهيدنا الي الصراط المستقيم
وبعدين مش هتخسروا حاجة لما تصلوا الاستخارة
اللهم إهدي المسلمين والمسلمات
وصلي اللهم علي سيدنا محمد وعلي اله وصحبه وسلم

منار صلاح

28-03-2008, 02:41 PM

manouel

28-03-2008, 05:36 PM

سلام عليكوا
انا اسمي سام مصري بس عايش في فرنسا
انا فرحان اوي و حزين اوي بعد ما سمعت ان المصريين هيتكلموا ويقلوا احنا بنادمين فرحت لما عرفت,ان المصري مش هيخاف تاني وهيقول انا مظلوم فرحت لما عرفت ان ابو الهول هيتكلم...............
وحزين اوي علشان انا مش هشارك معاكو بصوتي بس هكون معاكو بقلبي ربنا يوفقكوا عايزاقول حاجه اخيره الفرنسيين بيعملو اضراب كل يوم علشان اي سبب من غير اي خوف اعتقد ان احنا بشر زييهم .............;
سلاااااااااااام

بورسعيدى

28-03-2008, 09:55 PM

يا جماعة المصود من الفكرة هو اظهار اعتراض الشعب بالاجماع على الوضع والظروف الحالية

وياريت الكل ينشر هذا الموضوع

علشان نحصل على اكبر قدر ممكن من المعترضين

وفى النهاية اسمها محاولة

احسن من مافيش

manouel

29-03-2008, 07:30 PM

بس ده هيكون يوم 6 ابريل بس ولا ممكن يكون اكتر ولاااا لغاية متتحل مشاكانا????????????????????????? ياريت يا جماعه حد يجاوبني شكرا

الامبراطورةالفارسة

29-03-2008, 10:02 PM

انا معاكوا احنالامتة هنكون شعب مستسلم ونرضى باى حاجة تتفرض علينا لة منقولش لا لا لة منكش شعب قوى والله لو الموضوع دة اتنفذ الحكومة هتنفذ كل الى احنا عوزينة خلينا نقول راينا مرة

am_online5

30-03-2008, 03:08 AM

يارب الاضراب دة يجيب نتيجة ويارب دايما يكون فيه استجابة من كافة طوائف الشعب

انت يادكتور مش تروح عيادتك
انت ياطالب مش تروح الجامعة
انت يا اسطي مش توصل حد يوم ستة ابريل
انت يا مكوجي مش تكوي لحد
انت يا رجل الاعمال مش تباشر حاجة
انت يا فكهاني مش تبيع لحد في اليوم دة
انت يا بتاع العيش مش تدي لحد
اني يا انسة مش تنزلي الشارع النهاردة
انتي يا ابلة مش تروحي المدرسة النهاردة

عايزن اضرااااااااب كااااااااامل يا جماعة
وربنا يستر علينا ويجيب نتيجة

bodjyprince

02-04-2008, 09:08 AM

اللأخ العزيز مصرى مسلم/
السلام عليكم ورحمه الله وبركاته انا قرأت كلامك ولقيت انك مستكين زياده عن اللزوم انت ليه راضى بالضعف ليه راضى تاخد فوق دماغك وتقول مش مهم المهم انى مسلم وبعبد ربنا ربنا ميرضاش بالزل ولو انت رضيت يبقى انت اللى عايز تعيش خدام لناس معينين فى البلد هم ياكلوا وانت تقول الحمد لله انا زى الفل لا انت مش زى الفل انت كل الحكايه انك خايف خايف على على نفسك ولا يمكن تلاقيك معاهم وجاى علشان تحبط ابسط محاوله من الناس الغلابه انهم يقولوا للظلم احنا بنى ادمين ولسه مبقيناش حيوانات لازم نعبد ربنا بس لازم نحاول نحافظ على حقوقنا وبعدين يأخى العزيز هو الناس مش جايه تموت غير اليوم ده ماهو الناس ميته من زماااااااااااااااااااااااااان
وأخيرا وليس اخرا ليه هم ياكلوا حمام وفراخ واحنا الفول دوخنا وداخ