عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عاملك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
((احمد فؤاد نجم))

اهلا بك نورت المنتدى
على اقد الوجع والالم والاحباط الموجود بين ثنايا الكلمات
بس مامسكت نفسي من الضحك في طريقة عرض هذه المعاناة
اكثر الكلام ومع الاسف واقعي ومؤلم
لا لانك مصري وانما هو حال جميع ابناء هذه الامة التي اعطاها الله
وحباها من نعمه بالكثير فصارت مطمعا للمتوحشين والطامعين من الدول الكبرى
وفساد الحكومات وعدم مراعاة ضمائرهم تجاه شعوبهم وعدم خوفهم من الله
ادى بنا الى هذه الحاله
دعواتي ان تزول هذه الغمة عن هذه الامة
ويبعد الله كل سؤء عن مصر الحبيبة
تحياتي

اييييييييييييييييييييييييييييييه ليية كل ده
اوووكى معاك حق بس مش معقوووووول ده انا جالى كمية احباط
على قد ماالمصرى فى كل ده همووم غمووم ومشااكل كتيير
بس كفاية ديما انى اقووول " انا مصرى "
وعشان انا مصرى هقول يااااارب احمى مصر

وتفقد كرامتك بكل المعانى

مستحيييل .. مايميزنا رغم كل شئ " الكرامــة "

عشان انت مصرى وده للاسف

نوو كومينت انا حزينة جداا على حال البلد
وبدعى فى ليلى ونهارى الحال يتصلح
ولكن متوصلش لدرجة انى اقول انا مصرى .. للاسف

* سورى انى بعلق كتيير بس انا مستاءة جداا
بعد ماقريب الكلام ده .. :(

ايه ده بتقول كده لية ده احسن حاجة انك تكون مصرى تلاقى كل الدول وبصوت علالى تقول انت مصرى

جزاك الله خيرا

وعشان انا مصرى هقول يااااارب احمى مصر

يااااااااااااااااا رب

وعشان انا مصرى هقول يااااارب احمى مصر

السلام عليكم ورحمة الله وبركاته هى بصراحة حلوة جدا بس للفكاهة مش كحقيقة لاننا كلنا فخورين بأننا مصريين وعلى فكرة انا مع مقولة مصطفى كامل ومش كلام انشاء والله ولا copy وpaste لو لم اكن مصريا لوددت ان أكون مصريا وشكرا بجد ليك عل القصيدة المرحة دى

ما أصعب أن نعيش بين ثنايا الزمن تتصارع علينا الأهوال

أخي شكراً لك لوضع تلك القصيدة
ولكنها للأستاذ / أحمد فؤاد نجم
ولذا سيتم نقلها لمكانها المناسب


لك من كل تحياتي

شكرا .. جزاكم الله خيرا ..

شكرااااااا ااااا ااااا ااااا
جزاك الله خيرااااا ااااا

لأ بس الكلام ده ينفع ف العهد البائد
لازم يبأى في تفاؤل شوية مش كله كده
بس بجد تحفـــــــــــــــــــــة