جنــة
03-02-2012, 08:58 PM
ممكن حد يفيدني في علوم القاهرة .. ما هي المواد الدراسية وفروعها في سنة أولى بيولوجي ؟
هل قسم الفيزياء الحيوية تخصصة من سنة أولى أم من تانيه في علوم القاهرة؟
وهل يشترط مجموع معين في الثانوية العامة إذا كان من أولى .. أو تقدير معين إذا كان من تانيه ؟
وإذا كان من تانيه .. هل يشترط تقدير معين ( جيد جداً مثلاً ) أم حسب عدد المتقدمين وما يحتاجه القسم من عدد ؟
أرجو الرد ممن يعرف على جميع النقاط الي طرحتها :)
جزاكم الله خيراً ..
ahmed mostafa1
06-02-2012, 07:36 PM
هتدرسى المواد الطبيعية كيميا وفيزيا ورياضة ترم اول وتانى + مواد التخصص الى هى بف111 وبف112 + بيولوجى بيو 101 وبيو 102 او حيوان ح101 وح 102 ده لو فيزيا حيوية اما لو بيولوجى اساسى بيو101و102 وقدامك اختيارات زى ن101و ا102 او ح101و102 او ش101و102 على حسب تخصص البيولوجى الى عايزاه
بالنسبة للفيزيا الحيوية مش شرط تقدير معين بس شرط انك تنجحى فى اربع مقررات من الى قلت عليهم ولازم بف111و112 يكونو منهم والعدد المحدد ليها 20
والتخصص من تانية
بيو=بيولوجى
ح=حيوان
ن=نبات
ش=حشرات
جنــة
07-02-2012, 12:43 AM
وعليكم السلام
جزاك الله كل خير
بس ممكن أفهم إزاي كده التخصص يكون من تانيه .. بم إني في سنة أولى هكون مختارة المواد اللي أنا هدرسها ( مواد التخصص ) اللي هي فيها بيوفيزيكس في حين إن بيولوجي أساسي مش ممكن يدرسوها ..
كده أنا هتخصص في تانيه إيه اني بم إني اتخصصت في أولى ؟
ياريت توضحلي النقطة دي ضروري لأني فعلاً كنت مش عارفه الوضع خالص في القاهرة
نقطة تانيه معلش لو ممكن أعرف فروع حيوان 101 و 102 ..وفروع الفيزياء والكيمياء اللي هدرسها في أولى؟
وآسفة نقطة تالته وأخيرة .. لو عندك فكرة ممكن حد يحول من سنة أولى بيولوجي علوم عين شمس إلى القاهرة ويدخل بيوفيزيكس ولا لأ .. هل هيقبلوه ؟ لأن علوم عين شمس مش بتاخد خالص مادة بيوفيزيكس .. بس هم بيدخلوا البيو في مادة الفيزيكس .. وتخصص البيوفيزيكس فيها من تانيه برضو
وشكراً جداً على الرد .. وآسفه لو في إزعاج
ahmed mostafa1
07-02-2012, 04:30 PM
حضرتك فى اولى من حقك تختارى مواد التخصص الى انتى عايزاها ولما بتخلصى اولى بكل بساطة بتكتبى 3 اقسام عايزة تخشيهم مثلا فيزيا حيوية اولا وفيزيا اتصالات ثانيا وفيزيا كيميا ثالثا وبيحصل تنسيق داخلى على كل قسم على حسب متطلبات القسم نفسه فلو منفعش 1 يبقى 2 ولو منفعش 2 يبقى 3 وبتبدى الدراسة الفعلية لمواد التخصص من تانية اما اولى مجرد افكار مبادئ يعنى الموضوع عامل زى اعدادى هندسة بتدرسى مواد كتيرة فى مجالات مختلفة وعلى حسب تقديرك تخشى القسم
انا تخصصى علوم حاسب فمعرفش ايه فروع حيوان بس بالنسبة للكيميا هتدرسى كيميا اورجانك وجنرال 80% زى كيميا بتاعة ثانوى اما الفيزيا هتدرسى ميكانكس شبيه برياضة اوى وخواص المواد دول ف101 اما ف102 هتدرسى خواص الموجات والكهربية والفيزيا الحديثة والمغناطيس 70% من اولى وتالتة ثانوى
بالنسبة للتحويلات انا معنديش فكرة صراحة بس ممكن تروحى شئون الطلبة عندك فى الكلية وتسألى عن الموضوع ده
جنــة
08-02-2012, 02:08 AM
جزاك الله كل خير .. بجد أفادتني كتييييير
ربنا يكرمك ويوفقك ..