مشاهدة النسخة كاملة : لو شاطر... تعرف تعيش فى مصر بـ 1000 جنيه ! ! !


mR . mOstafa Fathi
28-03-2008, 01:21 AM
لو شاطر... تعرف تعيش فى مصر بـ 1000 جنيه ! ! !





البيان

عيش بلدي
1

30
بس لازم تلحق دورك فى طابور الفرن وتلحق شغلك فى نفس الوقت ربنا معاك

حليب
4

120
عدد واحد لتر يومياً ويارب ميطلعش بودرة سيراميك ويكفى العيال

فول

8
32
كيلو فول اسبوعيا يعنى 125 جرام يوميا رضا والحمد لله

جبنة بيضاء

20
80
كيلو في الأسبوع 125 جرام يوميا انت عايش

بيض

5
20
عبارة عن 10 بيضات فى الاسبوع يعنى لو اربع افراد يبقى بيضه ونص يوميا للاربعة

خضار

10
40
عبارة عن صنف واحد بس + كيلو طماطم + لمونه وحزمة جرجير اسبوعيا

فواكهه

5
20
عبارة عن كيلو برتقال أو قشر موز مرة اسبوعيا علشان العيال تفتكر اسمة

شاى


10
لزوم الكيف اللى بيذل والضيوف الرزلين

سكر

4
16
عدد واحد كيلو اسبوعيا مش بقولكم الكييف يذل وضيوف معندهمش دم

ارز

4
16
عدد واحد كيلو اسبوعيا للعائلة كلها يعنى 125جرام يوميا متوسط الفرد 40 جرام

زيت

10
40
لتر اسبوعيا علشان تشرب بق على الريق يزيت معدتك.... يستعمل كبديل للخضروات

مكرونه

8
32
عبارة عن عدد 4 كيس 400 جرام اسبوعيا..... خلى العيال تنبسط

دجاج

20
80
عدد واحد دجاجة اسبوعيا للعائله..... اظن معقول

لحم

30
120
عدد واحد كيلو لحم اسبوعيا لزوم صنف الخضار واللمونه وحزمة الجرجير ..... الف هنا

بقوليات


10
عبارة عن كيلو واحد بس شهريا ونقى اللى بتحبه براحتك (عدس - لوبيا - فاصوليا )

توابل


10
عبارة عن دقيق + ملح + كمون + فلفل + كسبرة + وممكن تديها خل براحتك

صابون


15
عبارة عن صابونه واحدة للحمام + صابون مواعين + مسحوق للملابس ( النظافة عموما )

مواصلات
2

60
بعد طابور الفرن تركب أتوبيس الهيئة ذهاب وعودة وبهدله وفرهده لفرد واحد يوميا

حلاق


10
عبارة عن حلاقة الشعر + ماكينات حلاقة الذقن ( طبعا متنساش انت جبت صابونه للحمام هى هى الصابونه اللى هتحلق بيها دقنك ( نعيما ياباشا )

مدرسة

10
40
عبارة عن مصروفات المدرسة + مصروف العيال اليومى + كراسات واقلام وجلاد .. ألخ

دكتور


30
نمرض بالدور طبعا عدد اربع افراد مرة واحدة للفرد كل 4 اشهر وربنا يستر

ادوية


50
أكيد طبعا العلاج بالدور وربنا يستر واتنين ميمرضوش فى وقت واحد تبقى كارثه

تليفون


10
اشتراك الهيئة هنرد بس ومش هنتكلم معدش ينفع كلام

مياة


10
للاسف لازم نشرب مياة ملوسة بالمجارى

غاز


5
الحمد لله غاز طبيعى الله فى عون اللى عنده انابيب (10 جنيه للانبوبه) وممكن تطلع فاضية

نور


20
لمواكبة التطور غساله ملهاش مسحوق - تلاجة فاضية - بوتجاز يستخدم مرة كل اسبوع

قمامة


10
اجبارى طبعا ومن الواضح ان العشة دى مفيهاش اكل اساس يبقى القمامة هتيجى منين

بواب


15
مهو من حقه يعيش هو كمان لو عشر شقق يبقى 150 جنية شهريا خليه يهيس

صيانة


30
لاصلاح الاجهزة بالدور غساله - سخان - بوتجاز - مروحه - تلاجة - سباكة - لمبات انارة الخ

ملابس


100
عبارة عن الصيفى والشتوى داخلى وخارجى واحذية وشربت واتصرف بقى

الاجمالى
1081
اكيد اللى هيخليك تعرف تعمل الكلام اللى فوق ده هيخليك تتصرف وتضغط مصروفاتك شويه علشان تبقى الحسبة 1000 جنية اقولك متمرضش ومتخدش ادوية وشيل 80 جنية معلش ربنا يقويك وينصرك على من يعاديك ويكفيك شر المرض


ايجار الشقة طبعا قانون جديد وللاسف ملهوش قانون كل واحد وبخته ومش هنحسبها كل واحد يقعد عند امه وبالمناسبة



عيد الام ربنا يخليها ويديها الصحه
0
كل سنة وهى طيبة

عيد الكحك
مضر وملهوش لزمة
0
كل سنة وانتم طيبين

عيد اللحمة
مضر وملهوش لزمة
0
كل سنة وانتم طيبين

حلاوة المولد
السكر مضر وملهوش لزمة
0
كل سنة وانتم طيبين




ورمضان كريم وخيره كتير …. أخ خ خ نسيت احسب زكاة الفطر بس مش عارف هدفع ولا هأخد ؟

عموما هقولكم على قائمة الممنوعات والمحظورات 000 متقربوش منها علشان تعرفو تتنيلو وتكملو الشهر

ممنوع عنك الحلاوة والمربى والعسل والزبدة وكافة انواع الجبن عدا ماذكر فى التعيين ( الجبنه البيضا )

المعلبات تونه بلوبيف لانشون سالمون فول وطبعا البسطرمة والزيتون والمخللات ممنوووووووووووووووع

اوعى قلبك يحن لعيل من العيال وتجيبله شيبسى ولا ببسى أو كراتيه ونايتى عسلية بسكوت شيكولاته اياك ومنتجات العيال الصغيرين حتى لو حليب بالفواكهه او لبانه وجيلى كولا وهوهوز حتى الشيتوس يتفرج على الكرتون بتاعه فى التليفزيون ومتخليهوش يتفرج على الاعلانات بين الفاصل

احظر اللحوم بانواعها البفتيك والاستيك والرقبة والموزة واللوزة كله كلام فاضى خليك فى تعيينك الاسبوعى

ومتنساش ان البانية والفليه من الممنوعات ومتقربش ومتمشيش فى الشارع جنبك كنتاكى وهاردييز وهاربيز وتكه ومؤمن وكوك دور واياك من السندوتشات عموما زى الطعمية والبطاطس والبذنجان الحجات الحلوة دى مش مطلوبه تعملك حموضه وهتحتاج فوار واحنا منعناه مع الدوا وطبعا مش محتاج اقولك وافكرك انك ممعكش فلوس علشان يبقى نفسك فى سندوتش فرنساوى مليان كبدة اسكندرانى ولا مخ

خليك واقعى وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بانواعها يالعربى انت زى العصفورة تاكل عيش ودنيبة رز وتشرب ميه عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد

اهم حاجة مترحش لدكتور متجبش مدرس ولا ادوية واياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم

طبيعى انك مش هتقرب من الفواكهة خالص البرقوق المنجو البطيخ الفراوله الكيوى الخوخ العنب التفاح حتى الكاكا والحرنكش والنبأ والقصب والدوم والتوت ممنوع سيادتك

وطبعا معجون الاسنان والحلاقة والشامبو والبلسم كلها رفهيات ملكش فيها زى البصل والتوم والبطاطس كلها اساسيات ملكش فيها برضه ومتنساش تقول للناس اللى تعرفهم هما اكيد زيك محتاجين شوية نظام مش اكتر هما غلابة وفكرهم يقولو لعيالهم لو شافو مسلسل فى التليفزيون مليان بهرجه ان دى قصص خياليه كانت فى العصور القديمة فترة من الزمن و ان الواقع زى ماهما شايفيين حتى الاعلانات حاولو تفهموهم انها مجرد الوان مبهرة وتكنولوجيا فى علم التصوير وتخيلات ممكن تحصل بعدين زى ماحصل فى امريكا وكندا وفرنسا والمانيا واوربا كلها وان الحجات دى علشان لما الناس دى يجو عندنا يلاقو منها ويعرفو يعيشو هى مش لينا دى ليهم هما اصحاب البلد ولازم ينبسطو

عموما لو على الكلام مش هيخلص روح الحق طابوووووووووووووووووووووووووور العيش تبقى مصيبة لو عطلتك ورحت لقيت الفرن شطب







سلام
__________________

الاسطورة
28-03-2008, 01:25 AM
ههههههههههههه
مش ممكن والله يا مصطفى
يخرب عقلك يا مجرم
حتة موضوع
لا وايه التقسيم ناااااار
ده انا يجيلى جفاف من التقسيم ده والله

عاشقـــ الانمى ـــة
28-03-2008, 01:53 AM
إل نفسى أفهمه برغم كل الأسعار دى والحمد لله إحنا عايشين كويسين
شكرا ليك يا مصطفى

شهدالجنة
28-03-2008, 02:41 AM
هههههههههههههههههههههه
لذيذ جدا جزاك الله خيرا

فتاة الاسلام
28-03-2008, 04:15 AM
تقسيم اقتصادى حلو
بس انا عايزة اعرف الناس اللى مرتباتها 1000 او اقل من 1000 دول بيعيشوا ازاى ربنا يكون فى عونهم

شكرا على التقسيم دة

mR . mOstafa Fathi
28-03-2008, 05:26 PM
ههههههههههههه
مش ممكن والله يا مصطفى
يخرب عقلك يا مجرم
حتة موضوع
لا وايه التقسيم ناااااار
ده انا يجيلى جفاف من التقسيم ده والله


شوفت الدنيا حلوة والاسعار لذيذه
ازاى
شكرا لمرورك يا معلمى

mR . mOstafa Fathi
28-03-2008, 05:27 PM
إل نفسى أفهمه برغم كل الأسعار دى والحمد لله إحنا عايشين كويسين
شكرا ليك يا مصطفى

الحمد لله
عايشين ومبسوطين
شكرا لمرورك حنان

mR . mOstafa Fathi
28-03-2008, 05:28 PM
هههههههههههههههههههههه
لذيذ جدا جزاك الله خيرا

هه
شكرا لمرورك يا شهد

mR . mOstafa Fathi
28-03-2008, 05:30 PM
تقسيم اقتصادى حلو
بس انا عايزة اعرف الناس اللى مرتباتها 1000 او اقل من 1000 دول بيعيشوا ازاى ربنا يكون فى عونهم

شكرا على التقسيم دة



القرش الحلال ربنا بيبارك فيه
شكرا لمرورك يا فتاة الاسلام

كركركوكو
28-03-2008, 07:30 PM
هههههههههه
هو ده حالنا
ولسه
جزاكم الله كل الخير

أ/ عثمان ربيع
28-03-2008, 10:05 PM
اللهم استرنا فوق الارض وتحت الارض ويوم العرض عليك ..... اللهم امين


اللهم اجعلنا من المستورين ........ ولا تجعلنا من المتسولين

اللهم امين

بورسعيدى
28-03-2008, 11:35 PM
والله الى انت بتقولة ده جميل

بس انت نسيت حاجه مهمه قوى

ان 80% من سكان مصر لا يصل دخلهم الى 1000 جنية

الناس دى بقا هانعمل فيها ايه؟؟

يعنى انت باختصار حاولت تحل مشكلة من كان دخلة 1000 جنية

معلش علشان خاطرى حاول تظبت من هم دون ال500 وكان الله فى عونهم


شكرا

mR . mOstafa Fathi
29-03-2008, 03:59 PM
هههههههههه
هو ده حالنا
ولسه
جزاكم الله كل الخير

:D
شكراً لمرورك يا كريم

mR . mOstafa Fathi
29-03-2008, 04:00 PM
اللهم استرنا فوق الارض وتحت الارض ويوم العرض عليك ..... اللهم امين


اللهم اجعلنا من المستورين ........ ولا تجعلنا من المتسولين

اللهم امين
اللهم امين
شكرا استاذ عصام لمرورك

mR . mOstafa Fathi
29-03-2008, 04:04 PM
والله الى انت بتقولة ده جميل

بس انت نسيت حاجه مهمه قوى

ان 80% من سكان مصر لا يصل دخلهم الى 1000 جنية

الناس دى بقا هانعمل فيها ايه؟؟

يعنى انت باختصار حاولت تحل مشكلة من كان دخلة 1000 جنية

معلش علشان خاطرى حاول تظبت من هم دون ال500 وكان الله فى عونهم


شكرا

شكراًَ
لمرورك
...

MohammeD el_SadaT
29-03-2008, 04:20 PM
ربك بيسهلها ولو حسبتها هتتعب
طب ده و 1000
بالك بقه بالناس اللى مرتبتها مش بتوصل 300 جنيه دول يكلو منين

ياعم صلى على النبى وإسكت دا الشعب ده مطحون ولسه عايش والله شعب فيه الخير

mR . mOstafa Fathi
29-03-2008, 05:10 PM
الحمد لله ان احنا عايشيبن
شكرا لمرورك يا ابوحميد

الرهينه
29-03-2008, 06:38 PM
كل سنة وانتم طيبين


وانت طيب

عن جد انا متفائله :D

mR . mOstafa Fathi
29-03-2008, 10:01 PM
بشرى كويسة
هه
شكرا لمرورك يا جيجو

_GUIDE_
30-03-2008, 12:48 AM
ولسه يامصطفى
دى الايام الجاية اسود من السواد
ربنا يكون فى عونا والله يابنى
كان فيه زمان مثل بيتقال
مفيش حد بينام من غير عشاء
حاليا ممكن تلقى من غير فطار ولا غداء ولا عشاء
عمتا يامصطفى انا واثق ان قريب
هتطلع فتوى تجيز السرقة بهدف الحصول على الطعام
مهو مفيش غير كده
وسلملى على الاعتصام

dr.zomba
30-03-2008, 10:59 AM
طب لو واحد مرتبه 1020 جنيه هتتقسم ازاي؟:D

ياعم دا انت مقسمها تقسيمه زي الفل اوي وبعدين اللحمه ملهاش اي لزمه خالص بس لو نفسك فيها ممكن تبقي كيلوا كل سنه وتهيص بقي

ههههههههههههههههههههه بس التقسيمه جامده اوي يا درش بجد موضوع جميل

روميو
30-03-2008, 11:42 AM
هههههههههههههههه

عارف يامصطفى انا اعرف ناس عايشة باقل من كده بكتير والاحوال ماشية عارف ليع عشان مش بيحسبها لان لو حسبوها حيعملوا حاجة من الاتنين اما انهم ينتحروا او يتعقدوا

بس بجد يامصطفى تنفع تبقى خبير فى الاقتصاد

*soma*
30-03-2008, 12:06 PM
بجد موضوع رائع فعلا واضح ان الحكومة عايزة الشعب يشحت ويموت من الجوع وبعدين بابا نظيف ده راجل متواضع جداااااااااااااا وبيعمل اعمال خيرية بيخلى الناس تصوم لحد ما تموت من الجوع ولا اقولك انا حسة ان النهاية قربت وفى مثل صينى بيقول (السلم يكنس من اعلى) بس بجد الموضوع رائع جداااااااااااااااااااااااااااااا

mR . mOstafa Fathi
30-03-2008, 06:11 PM
ولسه يامصطفى
دى الايام الجاية اسود من السواد
ربنا يكون فى عونا والله يابنى
كان فيه زمان مثل بيتقال
مفيش حد بينام من غير عشاء
حاليا ممكن تلقى من غير فطار ولا غداء ولا عشاء
عمتا يامصطفى انا واثق ان قريب
هتطلع فتوى تجيز السرقة بهدف الحصول على الطعام
مهو مفيش غير كده
وسلملى على الاعتصام
:D:D
وصل يا معلم
ولا فتوى ولا يحزنون يا عم اسلام
البلد حلوة والدنيا حلوة :D

mR . mOstafa Fathi
30-03-2008, 06:14 PM
طب لو واحد مرتبه 1020 جنيه هتتقسم ازاي؟:D


ياعم دا انت مقسمها تقسيمه زي الفل اوي وبعدين اللحمه ملهاش اي لزمه خالص بس لو نفسك فيها ممكن تبقي كيلوا كل سنه وتهيص بقي


ههههههههههههههههههههه بس التقسيمه جامده اوي يا درش بجد موضوع جميل

:D:D
شكرا لمرورك يا عادل

mR . mOstafa Fathi
30-03-2008, 06:17 PM
هههههههههههههههه

عارف يامصطفى انا اعرف ناس عايشة باقل من كده بكتير والاحوال ماشية عارف ليع عشان مش بيحسبها لان لو حسبوها حيعملوا حاجة من الاتنين اما انهم ينتحروا او يتعقدوا

بس بجد يامصطفى تنفع تبقى خبير فى الاقتصاد
:D:D
لو حسبو هيتعبو
ونحمد ربنا انن عايشين ياعم رامى
:D
شكرا لمرورك يا بوص

mR . mOstafa Fathi
30-03-2008, 06:19 PM
;)بجد موضوع رائع فعلا واضح ان الحكومة عايزة الشعب يشحت ويموت من الجوع وبعدين بابا نظيف ده راجل متواضع جداااااااااااااا وبيعمل اعمال خيرية بيخلى الناس تصوم لحد ما تموت من الجوع ولا اقولك انا حسة ان النهاية قربت وفى مثل صينى بيقول (السلم يكنس من اعلى) بس بجد الموضوع رائع جداااااااااااااااااااااااااااااا
:Dعلى رائيك يا سومة
راجل متواضع
شكرا لمروررك

منى جمال
31-03-2008, 02:54 PM
احنا والحمد لله عيشين بالبركة بس يارب ما يخصص البركة!

mR . mOstafa Fathi
31-03-2008, 03:40 PM
احنا والحمد لله عيشين بالبركة بس يارب ما يخصص البركة!
:D:D:D:D:D
ههههههههه
هى دى كمان بتخصص
لالالا الحكومة حلوة والمرتبات حلوة والبلد حلوة

والعيش احلى من كل حاجة :D
شكرا لمرورك1

الطيب الحنون
02-04-2008, 03:09 AM
والسه الى جاى اسخم
شكرا
وجزاكم الله كل الخير

mR . mOstafa Fathi
02-04-2008, 03:48 AM
ربنا يستر
علينا
شكرا لمرورك

SENDRILLA
02-04-2008, 08:41 PM
والله تقسيم معقول
بس بجد ربنا يكون في عون الشعب
بس حضرتك محسبتش لو في طالب ثانويه عامه عايز ياخد دروس مش زيي يعني
علي الاقل بالميت 800 جنيه في الشهر
وال 200 جنيه الباقيين الاسره تاكل عيش حاف لو قضي
ربنا يرحمنا برحمته

mR . mOstafa Fathi
03-04-2008, 05:12 PM
الله يكون فى عون الناس الدروس الخصوصية
بلدنا حلوة