فعلتها مع أختك من قبل؟؟!! [الأرشيف] - بوابة الثانوية العامة المصرية

مروج البحر

29-03-2008, 06:16 PM

السلام عليكم ورحمه الله وبركاته

فعلتها مع أختك من قبل؟؟!!

موضوع ممتاز صراحة ويستوجب الصراحة لمعالجة الإشكال..

متى أخر مره دعوت أختك على مطعم؟؟ أو فكرت بالجلوس معها
هل ستكون الاجابه..بالامس؟؟
منذ شهر
منذ سنه
لم ادعوها في حياتي ابدا ..!!!
تختلف إجابتكم .. من شخص لاخر
لكن هل سألت نفسك .. ماهي ردت فعلها لو جربت ودعوتها أو أعطيتها جزء من وقتك
ماالاثر الذي ستتركه في قلبها ..
فجميعنا يعلم أن الأخت تحب أن يكون لها أخ ترى منه الإهتمام والعطف والحنان

فماذا لو افرحت قلب اختك بدعوة الى مطعم أو جلست وتجاذبت معها أطراف الحديث ، فأنت تحكي لها قصة وهي تحكي لك ... ربما تقول ..
مشغول
مش فاضي لها
ولو كان احد اصدقائك لقدمت له عينيك .. ان ماكنت فاضي لها كما تزعم .. فمن الذي سيفضى لها؟؟

أتريدها ان تبحث عن رجل اخر غيرك.. ؟؟؟

ولو بحثت ستجد !!!

نعم ستجد تلك الذئاب التي ستعطيها مالم تجده عندك

فلتحاولو جميعا أن تعطو أخواتكم شيئاً من وقتكم

فهن يستحقين هذا ..وأنتن يا بنات ما سيكون إحساسكن عندما تجدن لفتة إهتمام كهذه من إخوانكن? ]

فتى الأزهر

29-03-2008, 06:24 PM

ألسلام عليكم

بصراحة الموضووع جميل جدا

وجوابا على سؤالك
ولا مرة فى حياتى

لكن السبب لأنى زى ما بيقولوا
أنا آخر العنقود
وأختى تكبرنى بحوالى
16 أو 17 سنة
وغير كده الحالة الإقتصادية معايامش ولابد

بس أنا دايما كنت بتمنى ان يكون لى أخت أكبر منى أو تصغرنى بحاجة بسيطة
يعنى سنة أو اتنين لأنها هتكون فهمانى أكتر وأعرف أفضفض معاها بحرية أكتر
لكن قدر الله وما شاء فعل

الرهينه

29-03-2008, 07:01 PM

ما سيكون إحساسكن عندما تجدن لفتة إهتمام كهذه من إخوانكن?

اكيد هكون سعيده جدا

بس انا مش ليا غير اخ واحد وانا اكبر منه ب7 سنين :(

بس انا بخرجه وبروح معاه النادى كمان بس لازم كل خروجه بخناقه :D

شكرا حبيبتى على الموضوع

أسيل رزق

29-03-2008, 07:23 PM

ههههههه أنا وأخويا

بصى يا اختى العزيزة :cool:

اخويا اكبر منى ب 6 سنين

الحمد لله علاقتنا ببعض كويسة جداا

وبما إنى مها واخويا هو مصطفى

يبقا لو اعدنا فى حته هانخربها ;)

هتقوليلى ازاى هقولك انه لما يكون اجازة لازم يرخم عليا بكل الطرق الممكنة والعكس برده صحيح مثلا يصحينى بشفق ميه على وشى او انا اصرخ فى ودانه حاجات كده عجيبة ربنا مايوريكى اللى بنعمله فى بعض :p

وطول عمرنا اسرارنا مع بعض وبلاوينا مع بعض برده

فايوم لما نبقا مع بعض بتكلم على زمان واللى كنا بنعمله وكل واحد بيفتكر للتانى مصايبه ( هههه كانت ايام غريبة )

ويوم لما يعزمنى برا بتكون على الكورنيش لما يكون مفلس ارخس فسحة بصراحة ( اخويا ده بيعزنى اوى :rolleyes: )

ويجى لما اتخانق معاه على اى حاجة يفضل يزلنى على الخروجة اللى خرجهالى

ساعات برده بيودينى مؤمن او جاد او نروح روكسى او المهندسين وساعات بنروح جمعية رسالة مع بعض ولما يحب يجيب لبس جديد بروح معاه :cool:

بس فعلا مافيش احسن من الاخ ممكن يكون صديق بس لازم تشربيه الشاى بالياسمين :( علشان يبقا سرك فى بيييييييييير ;)

بس كل ما الوقت يعدى ومسئولياته تكتر كلامنا بيقل وأنا بعزره طبعاً ربنا يستر لما تيجى بنت الحلال ( من لقى أصحابه نسى أحبابه :( )

ربنا يكرمه ويوفقه .. آمين :)

طولت عليكى معلش

موضوعك جميل يا مروج وجديد .. ربنا يوفقك :)

مروج البحر

29-03-2008, 07:28 PM

مروج البحر

29-03-2008, 07:32 PM

اكيد هكون سعيده جدا

بس انا مش ليا غير اخ واحد وانا اكبر منه ب7 سنين :(

بس انا بخرجه وبروح معاه النادى كمان بس لازم كل خروجه بخناقه :D

شكرا حبيبتى على الموضوع

وانا كمان زيك اخويا اصغر مني بس مبخرجش معها

وشكرا يا قمر علي ردك

مروج البحر

29-03-2008, 07:42 PM

SENDRILLA

29-03-2008, 07:44 PM

صراحة مبخرجش مع اخواتي غير في الاعياد واحيانا لا خالص
اخويا اللي اكبر مني مصطفي اولي هندسه هو قريب مني اوي واللي فهمته انه فعلا مش عايز يخليني ادور علي حد بره اتكلم معاه واحكيله
وبما انه مخلص ثانويه من سنتين مش كتير ففاهم امور الثانويه بقي وبيوجهني وكده
لكن اخويا الكبير احمد رابعه تجاره خارجيه اقرب ليا او بمعني اصح انا اقرب ليه
بيحكيلي دايما علي مشكلاته ( العاطفيه وكده ) وانا زي ما بيقولي اكبر من سني
لكن انا احكيله علي مشاكلي نوووووو لانه اصلا اصلا مش فاضي غير انه يحكيلي مشاكله
واخويا التالت اصغر مني ب 6سنين محمود 6 ابتدائي
مش هتصدقيني لو قلتلك انه اقرب واحد ليا واكتر واحد برتاحله في اخواتي
اصل الصغيرين دول مش فيهم الخبث واللي في قلبهم علي لسانهم
بس انا بحمد ربنا انه رزقني باخوات زي دول
بيخافو عليا من الهوا
اصلا اصحابهم عمري ماشفتهم ومش بيخرجوني لوحدي لازم يكون معايا حد منهم معابا
ياللا طولت عليكي يا قمر
بس انا مظلومه صح :)
بنت علي 3 ولاد يا اخواتي بشد في شعري منهم:D

dr.saeed

29-03-2008, 07:45 PM

انا بردة اخر العنقود
بس اخويا الكبير واختى علاقتهم كويسة جدا ببعض
وبينزلوا كل يومين فى مطعم ولا حاجة
ولو كان ليا اخت اصغر كنت عملت كدة

gharam_el_alop

29-03-2008, 07:54 PM

موضوع تحفه
انا مش باخرج مع اخويا كتير
ممكن ننزل نجيب طلبات لماما كدا
لكن خروج وفسح بقى وكدا مش بتحصل كتير

لسه بهون عليكى

29-03-2008, 07:59 PM

والله انا كل فترة صغيرة كده
اختى هى اللى بتعزمنى بس ببقى فى قمه سعادتى
واحلى حاجه لما تزغطنى
اكل من ايدها احساس تانى لاتقوليلى مراتك ولاخطيبتك ولا الحاجات دى
حاجه تانيه احساس تانى
ولا لما تقول على كل اللى فى قلبها وتسمع لها

شكررررررررررررررررررررررررررا

مروج البحر

29-03-2008, 08:00 PM

مروج البحر

29-03-2008, 08:02 PM

انا بردة اخر العنقود
بس اخويا الكبير واختى علاقتهم كويسة جدا ببعض
وبينزلوا كل يومين فى مطعم ولا حاجة
ولو كان ليا اخت اصغر كنت عملت كدة

شكرا علي مروك العطر

بس لسه موصلتش الردود لهدف الموضوع اتمني حد يفهم انا قصدي ايه

مروج البحر

29-03-2008, 08:04 PM

موضوع تحفه
انا مش باخرج مع اخويا كتير
ممكن ننزل نجيب طلبات لماما كدا
لكن خروج وفسح بقى وكدا مش بتحصل كتير

مشكوره يا جميل علي ردك

مروج البحر

29-03-2008, 08:06 PM

لسه بهون عليكى

29-03-2008, 08:24 PM

والله ياانسه مروج ياللى معرفشى اسمك
الطبيعى انى الواحد بيحب مرة واحده
وتلت تربع خمس الشعب تلاته كده يعنى
بيحبوا ومابيطلوش
فلو الحب الاول ضاع هتبقى البنات كلها فى عين الواحد واحده
بس انا متاكد انك فهمتينى
وحبيبتى بتضيع
مش هشوف حد غيرها هتبقى محصله بعضها
مش هتفرق معايا بقه
يعنى هنعرف نعيش بردة لو
صحينا الصبح ممالقينهومش

الرهينه

29-03-2008, 09:11 PM

( من لقى أصحابه نسى أحبابه :( )

لا يا حبيبتى العكس:p

بس بجد عجبنى ردك كتييييييييير

مها ومصطفى زى بخيت وعديله :p

mR . mOstafa Fathi

29-03-2008, 09:23 PM

اكيد لزم بس فعلاَ من فتره لفتره
واكيد بسمعلها فى اى وقت ونرغى مع بعضينا

بس لظروف الامتحانات مفيش خروج
مفيش
كلام مفيش مفيش
ههه
شكرا للتوبيك

مروج البحر

29-03-2008, 09:30 PM

والله ياانسه مروج ياللى معرفشى اسمك
الطبيعى انى الواحد بيحب مرة واحده
وتلت تربع خمس الشعب تلاته كده يعنى
بيحبوا ومابيطلوش
فلو الحب الاول ضاع هتبقى البنات كلها فى عين الواحد واحده
بس انا متاكد انك فهمتينى
الصراحه انا مش فهمه حاجه ايه علاقه الكلام ده بالموضوع:rolleyes
وحبيبتى بتضيع
مش هشوف حد غيرها هتبقى محصله بعضها
مش هتفرق معايا بقه
يعنى هنعرف نعيش بردة لو
صحينا الصبح ممالقينهومش

شكرا لمروك

مروج البحر

29-03-2008, 09:34 PM

اكيد لزم بس فعلاَ من فتره لفتره
واكيد بسمعلها فى اى وقت ونرغى مع بعضينا

بس لظروف الامتحانات مفيش خروج
مفيش
كلام مفيش مفيش
ههه
شكرا للتوبيك

جزاك الله خيرا علي مروك العطر

لولو داد

30-03-2008, 12:47 AM

انا الحمد لله بخرج مع اخواتى البنات
على الرغم من فرق السن
لكن اختى الكبيرة اكتر واحدة بخرج معاها
بس عندها بنت زلة قوى لما بتكون معانا بتخنق منها هى وامها
هههههههههههههههههههههه
شكرا يا مروج على الموضوع

بندق__2007

30-03-2008, 01:09 AM

LA STELLA

30-03-2008, 01:46 AM

وعليكم السلام ورحمة الله وبركاته ،،،

بصى يا بنتى
مش اخويا اللى بيعملها معايا انا اللى بعملها معاه
عملتها معاه الصيف اللى قبل اللى فات اخر مرة وعزمته ع غدا وعشا برة وسينما وكان فيلم جعلتنى مجرما كمان :D
وهو اللى مختار الخروجة وكل حاجة وعلى حسابى كله وبعد اما اتحايلت عليه يخرج معايا وفى اخر اليوم خناقة

وعلى يدك لسة امبارح بتحايل عليه ييجى اخرجه واجيب له كل اللى بيتمناه وذلنى كالعادة ومجاش معايا

شفتى بقى يابنتى انا اخت طيبة :( ازاى ....

am_online5

30-03-2008, 02:59 AM

بجد بجد موضوع جميييل
وبما اني اكبر اخواتي الاولاد
بس في بنتين اكبر مني
بس مش اوي واحدة اكبر مني بسنتين وواحدة اكبر مني باربع سنين
بس الحمد لله كانت علاقاتي بيهم جااامدة اوي اوي اوي

وكنا دايما بنغلس ونرخم ونفرح ونلعب واحيانا بنحزن كله مع بعض

لحد ما جي تنسيق الازهر الملعوووووووووون الي هوة اغبي نظااام في الحياة
وبعدني عنهم لمدة 5 سنين اولهم السنة دي
ووداني كلية صيدلة اسيوط بعييييييييييييييييييييد اوي اوي عن بيتنا المتواضع في القاهرة
وللاسف السنة دي اول سنة من الخمس سنين وربنا يستر عليا
بجد بقت العلاقة بينا و شبه مقطوعه لاني مش بنزل البيت الا كل فين وفين
يعني بهدل كل حاجة
بس الحب بينا طول عمرة موجود وهيفضل موجود
بصراحة موضوع جمييييييييييل اوي اوي
ومش عايز اقولكم اية الي بيتعمل ليا لما بكون
مروح
اكل كتييييييير وترحيب مووت
والحياة بتكون جميلة

موضوع جميل اوي

Temooo

30-03-2008, 11:31 AM

الله على الكلام الرائع
بجد يا مروج ياريت الكلام ده يوصل لكل بيت مسلم
البنات و الشباب بيضيعوا بسبب التفكك الاسرى و لازم نرجع روح الاخوة بين الاخوات تانى
فعلا الاخوات بعدوا عن بعض و البنت ابتدت تدور على اخ بره
فيه منهن اللى بيلاقى و بيكونوا ناس كويسين محترمين و فيه منهم كتير بيقعن فريسة لذئاب تلعب على هذا الوتر

جزاكى الله كل خير على الموضوع الرائع و الروعة شئ لا يفارق موضوعاتك
ترجع ازاي يا مان
هي كانت موجوده من الاصل ؟
اما بقه بالنسبه للي بيلاقوا
هما صحيح مضطرين لكن المفروض انهم مينسوش ان مفيش حاجه في دينا اسمها
اخويا او صديقي ده حرام شرعا
ربنا يهدينا لاخواتنا ويهديهم لينا
بس انا للاسف الشديييييييييييد انا معنديش اخوات بنات
هو واد واحد مطلع عنيا
شكرا عالموضوع الممتاز وياريت الشباب ياخدوا بالهم من اخواتهم البنات

zambalek_boy

30-03-2008, 12:07 PM

الموضوع زى الفل وانتى بتقولى كلام زى الفل...............بس الحمد لله ما عنديش اخوااات بنااااااااااات...؟...؟؟...؟

مروج البحر

30-03-2008, 12:29 PM

انا الحمد لله بخرج مع اخواتى البنات
على الرغم من فرق السن
لكن اختى الكبيرة اكتر واحدة بخرج معاها
بس عندها بنت زلة قوى لما بتكون معانا بتخنق منها هى وامها

هههههههههههههههههههههه
شكرا يا مروج على الموضوع

العفو واسعدني وجودك

مروج البحر

30-03-2008, 12:36 PM

مروج البحر

30-03-2008, 12:43 PM

مروج البحر

30-03-2008, 12:53 PM

بجد بجد موضوع جميييل

جزاك الله خيرا

وبما اني اكبر اخواتي الاولاد
بس في بنتين اكبر مني
بس مش اوي واحدة اكبر مني بسنتين وواحدة اكبر مني باربع سنين
بس الحمد لله كانت علاقاتي بيهم جااامدة اوي اوي اوي

وكنا دايما بنغلس ونرخم ونفرح ونلعب واحيانا بنحزن كله مع بعض

لحد ما جي تنسيق الازهر الملعوووووووووون الي هوة اغبي نظااام في الحياة
وبعدني عنهم لمدة 5 سنين اولهم السنة دي
ووداني كلية صيدلة اسيوط بعييييييييييييييييييييد اوي اوي عن بيتنا المتواضع في القاهرة
وللاسف السنة دي اول سنة من الخمس سنين وربنا يستر عليا
بجد بقت العلاقة بينا و شبه مقطوعه لاني مش بنزل البيت الا كل فين وفين
يعني بهدل كل حاجة
بس الحب بينا طول عمرة موجود وهيفضل موجود
بصراحة موضوع جمييييييييييل اوي اوي
ومش عايز اقولكم اية الي بيتعمل ليا لما بكون
مروح
اكل كتييييييير وترحيب مووت
والحياة بتكون جميلة

موضوع جميل اوي

مروك هوا لاجمل

مروج البحر

30-03-2008, 01:06 PM

ترجع ازاي يا مان
هي كانت موجوده من الاصل ؟
اما بقه بالنسبه للي بيلاقوا
هما صحيح مضطرين لكن المفروض انهم مينسوش ان مفيش حاجه في دينا اسمها
اخويا او صديقي ده حرام شرعا
ربنا يهدينا لاخواتنا ويهديهم لينا
بس انا للاسف الشديييييييييييد انا معنديش اخوات بنات
هو واد واحد مطلع عنيا
شكرا عالموضوع الممتاز وياريت الشباب ياخدوا بالهم من اخواتهم البنات

شكرا لمروك العطر

مروج البحر

30-03-2008, 01:11 PM

الموضوع زى الفل وانتى بتقولى كلام زى الفل...............بس الحمد لله ما عنديش اخوااات بنااااااااااات...؟...؟؟...؟

ميرسي لردك

أسيل رزق

31-03-2008, 11:27 AM

لا يا حبيبتى العكس:p

بس بجد عجبنى ردك كتييييييييير
ميرسى .. :cool:

مها ومصطفى زى بخيت وعديله :p
هههههه حلوة منك على أد سنك :p

لا يا ذكية

مهو انا احبابه مش اصحابة وبس

ولو مديقاكى اوى
يبقا من لقا اصحابه نسا احبابه برده :p

شكراً مرة تانية على الموضوع

عاشقـــ الانمى ـــة

04-04-2008, 02:04 AM

انا بصراحة إخواتى دول طلعوا بلاش بقى
كفاية بس المعاملة بتاعتهم عازيزاهم يعزمونى أو يخرجونى إزاى
دا يبقى حلم يا بنتى

مروج البحر

04-04-2008, 02:12 AM

انا بصراحة إخواتى دول طلعوا بلاش بقى
كفاية بس المعاملة بتاعتهم عازيزاهم يعزمونى أو يخرجونى إزاى
دا يبقى حلم يا بنتى

هههههههههههههههههههههههههههههههه

وليه الفضايح متخلي الطابق مستور

فتاة الاسلام

04-04-2008, 03:42 AM

لا اوقات بيعملها
بصى هو اساسا انا الكبيرة وهو اصغر منى بحوالى سنتين ونص بس التعامل بينا مفيش فرق فىالسن بالعكس اوقات كتير بيكون عندى شعور انة هو الاكبر (فكرة مسابق سنة ) ودايما بحب اخد راية فى كل حاجة حتى اللبس ويوم لما بنحب نخرج اكيد بيخرجنى اى نعم ممكن بيعذنى شوية لو قلب عليا بس فى الاخر بصعب علية وبينفذ لى اللى انا عايزاة
والصغير بقى (ما لسة فى واحد تانى اصلهم 2 )
المهم الصغنن دة الفرق ما بينا حوالى 7 سنين كدة بس دة علشان الصغنن انا اللى بخرجة مش هو اللى بيخرجنى
بس واوقات كتير بنختلف بحكم السن بس بسرعة بنرجع نتفق تانى ولا كان حاجة حصلت

واوقات ممكن يتفقوا عليا ويخرجوا ويسبونى
بس انا ولا بيهمنى ربنا يخلى لى بابتى حبيبى بيخرجى وبيعمل لى اللى انا عايزة وبينصرنى لما هما بيعملوا حلف عليا :(
بس ف الاول والاخر وبعيدا عن المقالب اللى بنعملها فى بعض اخوات وقرييبن دايما من بعض ويارب دايما كدة :)

موضوعك حلو مروج
وياريت فعلا كل بيت عربى بنتبة للنقطة دى ويبعد عن التفكك الاسرى اللى اخد فى الطوفان بتاعة كتير من البنات
حتى لو مفيش اخوات صبيان لازم الاب يكون زى الاخ والام كذلك
يعنى انا معنديش اخوات بنات لكن مع ذلك ماما ربنا يخليها لى عوضتنى عن النقطة دى
وولاد عمتى بردو وانتيمتى
يعنى الارتباط الاسرى مهم جدا
سور يا جميل على المذكرة اللى انا كتبتها دى
جزاكى الله خيرا

hemashosha

01-05-2008, 11:27 PM

بصراحة اخواتي كلهم متزوجات وانا كمان اتجوزن المشكلة في الاولاد والبنات دايما بتخانقو كل واحد بتخانق مع اخته والاخت مع اخوها ليه معرفش رغم انهم حنينين على بعض يعني لو بعدو يسألوا على بعض ولو قربو من بعض يتخانقو محدش بيعدي لحد حاجة يعني كله واقف لكله عالواحدة.

المجاهد فى سبيل الله

02-05-2008, 09:37 PM

السلام عليكم ورحمة الله وبركاته
بصدق موضوع جميل جدا
بارك الله فيكى
انا باه قبل الاخير
وملييش الا اختين وانا قبل الاخير
والاختين اتزوجوا
بس انا برضه بروح لهم واخدوهم وافسح كل اخت فى يوم بس طبعا لما بكون فاضى
باخدهم باولادهم
ونروح نادى
ونروح مطعم
كده يعنى
بس بجد موضوع رائع