مشاهدة النسخة كاملة : انا مرعووووووووووبة جداااااااااااا من الفيزياء
شموخ مسلمة 30-03-2008, 03:10 AM السلام عليكم و رحمة الله و بركاته
يا جماعة لو سمحتم معلش كنت عايزة اخد رايكم فى حاجة
دلوقتى انا الحمد لله خلصت الفيزيا فى نص1 و راجعتها مرة و مخلصة كتاب الامتحان مسائل و شبه مخلصة المثالى بس مش حافظة التجارب و الرسومات اوكى
و دلوقتى بقى لسة النماذج و كتاب المدرسة و عندى بقى كمية كتب مش تتخيلوها المهم انا محتارة قلت اراجع فصل فصل و احل اسئلة كل فصل من كل الكتب و ابدا احل امتحانات الثانوية من اول 5
بس خايفة مش الحق و كمان مرعووووووووووبة جداااااااااااااا من النظرى انا مذاكرة الحمد لله و كل حاجة بس خايفة
ياريت يا جماعة لو حد فيكم عنده نظام مراجعة حلو يقولى عليه
الطالب المسلم 30-03-2008, 05:25 AM بالنسبة لمسألة الخوف والرعب فده شئ طبيعي جدا...حد يجيبلي طالب ثانوية عامة مش خايف
بالنسبة لنظام المراجعة فده المفروض حضرتك اللي تحدديه علشان حضرتك أعلم الناس بظروفك
أنا عن نفسي لو مكانك هذاكر كل يوم باب واحل أسئلة النماذج والكتاب عليه لحد الفيزياء الحديثة ،بعد كده اخد كل فصل أو فصلين لوحدهم...وعلى فكرة هم دول أهم مصادر الأسئلة
بس طبعا ممكن النظام ده يكون مش مناسب بالنسبة لحضرتك علشان ضغط المواد التانية وكده...بس هي شوية همة وممكن تخلص الفيزياء كلها في اسبوع على الأكتر
وربنا يوفقك ويكرمك
والسلام عليكم وحرمة الله وبركاته
basmala 30-03-2008, 05:52 AM بصى يا ملك انا فى تالته ثانوى زيك بس حاولى فوق كل حاجه تحلى دليل التقويم
لانى وانا ببص على الامتحانات لقيت تقريبا ان فعلا الامتحان مش بيخرج عن دليل التقويم
وانا برده عندى حاجات كتير اوى احلها .....بس احنا لسه بنخلص المنهج
وربنا يوفق ...بس خلى بالك من دليل التقويم وخصوصا من المسائل اللى فيها افكار
محمود خاطر 30-03-2008, 07:06 AM الرعب مش هيحل اي مشكلة خدي نفس عميق واسترخي وقولي انا ان شاء الله هقفل الدرجة النهائية وداكري على الاساس دة انا برشحلك كتاب اسموا الوسام للمراجعة النهائية نظري كتاب ملوش حل من الاخر اما بالنسبة للمسائل ركزي على اسئلة الدليل وبالاخص بس اوعي تقولي الكلام دة لحد مسائل الكهربية ههههههههههه
dr.saeed 30-03-2008, 09:56 AM من الاخر
ذاكرى الفصل وحلى الى عليه فى كتاب المدرسة والميت سؤال الى ورا ودليل التقويم
سامر2 30-03-2008, 10:03 AM انا بقول عليكي بحل اسئلة النماذج وكتاب المدرسة لان هما افضل حاجة
واضمن لاسئلة الامتحان.
وكمان لو معرفتيش تحلي سؤال
ممكن ترجعي لكتاب المدرسة وهتلاقي الاجابة
شموخ مسلمة 30-03-2008, 12:04 PM شكرااااااااااااااااااااااااااااااااااااااااا جداااااااااااااااااااااااااا يا جماعة ع رايكم و ان شاء الله هعمل منه مزيج و اقفل النهائية باذن الله
ربنا يكرمنا كلنا ياااااااااااااااااااااااارب
Am.k.A 31-03-2008, 06:47 AM وعليكم السلام ورحمة الله وبركاته
من غير أى خوف يا مللك استعينى بالله وتوكلى عليه و راجعى كل يوم فصل و لو فى فصل سهل راجعى معاه كمان فصل و بالنسبة للكتب الكتيرة حاولى تخدى نظرة عامة عليهم يعنى علشان تعرفى اسلوب كل كتاب والكتب الى ليها أفضلية حليها الأول أن شاء الله انا كمان هحاول اعمل كده لأن النظرى ضارب خاااالص معايه و أهم حاجة الدعاء طبعا مهو مفيش غير الاستعانة بالله والدعاء لراحة البال
كنت هنسى ده أبقى حلى أسئلة النظرى تحريرى
شموخ مسلمة 31-03-2008, 11:53 AM شكرااااااااااااا جدا ع نصيحتك يا m k a
و ان شاء الله ربنا يستر و اقدر الم المنهج
ربنا يوفقنا كلنا باذن الله
Solom_X 31-03-2008, 12:51 PM انا بعمل زيك بالظبت وهبدا احل امتحانات اخر اربعة او شهر خمسة يعني بصرة انا وانتي (^_^)
Am.k.A 01-04-2008, 12:34 AM الشكر لله يا ملك ولما تدعى متبقيش طماعه وادعيلى انا كمان :)
شموخ مسلمة 01-04-2008, 01:21 AM اكيد طبعا هدعيلكم كلكم مش انت بس _انت اللى مش تبقى طماع_و الناس التانية اللى ساعدونى
Am.k.A 01-04-2008, 02:41 AM ان كان ده رايك يبقى خلاص;) بس انا بنت يعنى طماعة و نا الحمد لله رجعت الفصل الاول و التانى تمام وربنا يوفق كل مؤمن للى فيه الخير ليه و للأمة كلها
شموخ مسلمة 01-04-2008, 02:45 AM ان كان ده رايك يبقى خلاص;) بس انا بنت يعنى طماعة و نا الحمد لله رجعت الفصل الاول و التانى تمام وربنا يوفق كل مؤمن للى فيه الخير ليه و للأمة كلها
سوووووووووووووووووووووورى حبيبتى
اصلى كلمت قبل كده عضو ع انه بنت طلع ولد ......و المرة دى كلمتك انك ولد طلعتى بنوتة:D
معلش اعذرينى و صدقينى هدعيلك و الله
و ع فكرة انا مش اقصد طماعة معنى يعنى انا بهزر بس
ahmed_asran2020 01-04-2008, 08:42 AM السلام عليكم
1-مش انت لوحدك مرعوبة من الفزياء
انا مرعوب من( الفزياء /رياضة2/انجليزى/علم النفس/عربى)
مع العلم انا مخلصهم كلهم من شهر يناير
النصيحة
المدرسين نصحونى
*مذاكرة اسئلة الكتاب المدرسى
*حل اسئلة امتحانات الثانوية
*والدليل فى الاخر
انا عمات دول وهابدا يوم 5 احل المرجعات الخارجية
نصحتى حل(اسئلة الكتاب/الامتحانات /الدليل) 99% من الامتحان ياتى من هؤلاء
ادعولى ادخل هندسة
وانا والله بادعلكم
SENDRILLA 01-04-2008, 08:53 AM والله يا ملك مش اكتر مني
انا هموت من الفيزياء
رغم انها اول ماده خلصتها وابتديت دلوقتي اراجع
وحليت كتاب المثالي كله ولسه جايبه الامتحان هحل منه والامتحان مراجعه برده
وابتدبت في الدليل وكتاب المدرسه
بس بجد ادعولي معاكم
ربنا معانا كلنا
المشتاقة إلى الجنة 01-04-2008, 09:29 AM ربنا يكون فى عوننا جميعا يا حبيبتى
الفترة الجاية ما هى الا تنظيم وقت
واهم حاجة الهدوء
القلق والتوتر ده لما بيزيد عن حده بيؤدى لنتائج عكسية
اهم حاجة مادام لسة لك الدليل فانت لازم تخلصيه
وخد بالك برده من المواد التانية زى العربى
اعتقد برده لازم نركز فيه الفترة الجاية لانه تقيل قووى وصعب انه يتلم فى يوم وليلة
وان شاء الله خير
وزى ما قولت لك وبقولكم كلكم يا جماعة الهدوء الهدوء أهم شىء
وتنظيم الوقت وبلاش الضغط النفسى والقلق وتوتر الاعصاب ده
ابعدوا عن اى حاجة تضايقكم
لان دلوقتى خلاص الشهرين دول هما اللى هايحددوا احنا هانبقى ايه فى حياتنا
وان شاء الله ان شاء الله انا متوقعة خيير لينا كلنا
وكل اللى نفسه فى حاجة هايحققها
سواء هندسة صيدلة طب او غيره
وربنا يوفقكم كلكم
شدوا حيلكم
شموخ مسلمة 01-04-2008, 09:38 AM ربنا يوفقنا كلنا يا جماعة
و شكرااااااااااااااااااا ع المساعدة
فتى الأزهر 01-04-2008, 09:44 AM السلام عليكم
من كلامك إلى حد ما عارفة أفكار المساائل على المنهج من حلك كتاب الإمتحان والمثالى
لكن برضه عليكى بالرسوم والتجارب والإستنتاجات
ومتعتمديش على الحفظ الأهم الفهم لكن مع الحفظ برضه
وحاولى تنظمى وقتك علشان متنضغطيش ومتهتميش بالفيزياء وتسيبى المواد التانية لازم يكون فيه موازنة بين المواد كلها
وأنا من رأيى الأهم استعينى بالله أولا وابدأى انك كل يوم تذاكرى فصل أو اتنين (فقط) لكن مذاكرة حقيقية شاملة المسائل والتجارب واستنتاج القوانين والرسم و بعد كده تحلى أسئلة الكتاب والكتب الخارجية اللى عندك وهكذا إلى أن تنتهى
ثم تعملى مراجعة على كل باب على حدة وتحلى دليل التقويم
وبعدين مراجعة شاملة على المنهج كله وحل مسائل الثانوية العامة
وبكده إن شاء الله تكونى واثقة من المادة
انا هموت من الرعب وحسة انى مش مستعدة خالص للامتحانات انا رياضة ادعولى اوى ربنا يخلكوا وربنا معانا كلنا ياررررررررررررررررررررررررررب
مرعي2008 26-04-2008, 12:06 AM السلام عليكم
انا رأيي انك تنوي المداكرة بنية النجاح وانك تتوكلي على الله وتدعيه بأنه يعطيك الصبر للمداكرة واكيد الله حيسعدك ويزيدك ويفتحلك
ابواب الصواب.
اصلا مفيش حد مابيخافش من الامتحانات لكن الخوف ده لابقدم ولابيأخر المهم المداكرة الصحيحة وانشاء الله يوفقك ويوفقنا معك
يارب يا عندليب ادعولى يا جماعة انا بجد خايفة اوى ومش عرفة اعمل اية ربنا بجد معانا ويوفقنا يارب وندخل هندسة
kimo sallam 16-05-2008, 11:46 PM الفيزياء سهلة يا جماعة بس محتاجة تركيز و الحل كتاب المدرسة
|