مترو الانفاق [الأرشيف] - بوابة الثانوية العامة المصرية

مشاهدة النسخة كاملة : مترو الانفاق

Rambo_Uranium

30-03-2008, 03:54 AM

السلام عليكم ورحمة الله وبركاته
نخش فى الموضوع على طوووووول
زمان كاااان فيه حاجه كبيره قوووى بتحصل فى محافظه القاهره هيا افتتاح مترو الانفاق لنقل الركاب وطبعا مش مصر هيا اللى نفذت المشروع ده دى الشركه الفرنسيه
زمان مترو الانفاق ده كان متعتى وانا صغير من وانا عندى 6 سنين وانا بركب مترو الانفاق ده زمان كنت بجرى فى مترو الانفاق وبلعب كوره فى العربيه والله كنت بلعب كوره.
حالياااااااااااااااااااااااااااااااااااااااااااااا ااااااااااااااااااااااااااااااااااااااااااااا
انا مش بعرف اتنفس فى مترو الانفاق
ولا اى حد اعتقد انه بيعرف يتنفس حاليا فى المترو ده .
امكانيات عربيات مترو الانفاق حاليا.
1_ كراسى مكسره.
2_ مرواح كلها بايظه بلا استثناء.
3_ الزجاج مشروخ.
4_مفيش خرم تقف فيه .
5_ العربيه بتقفل عليك قبل ماتركب من كتر الزحمه والله امبارح وانا راكب الباب قفل على ايد واحد لحد المحطه اللى بعدهاااااااااا قمة الاستهتار.
ولا بقا السيدات وعربية السيدات
اى حد يطلع فى التلفزيون يتكلم عن المترو يقولك تنظيم مترو الانفاق ويتكلم ويقولك عربيه السيدات.
عربيه سيدات ايه اللى بتتكلم عنها دى بتبقى كفته وساعات بلاقى عربيات سيدات فيها رجاله والله فى رجاله تنحه بتخش وكأنها متهرفش واكيد كلنا فاكرين فريق البكابورتات
باكابورتااااااااا هههههههههههههههههههههههههههههههههههههههههه
نتكلم على التذاكر
زمان من حوالى 3 سنين
كان لكل محطه او كل مسافه معينه سعر خاص.
غلوها خلوها 75 قرش.
غليت بقت بجنيه .
لييييييييييييييييييييييييييييييييييييييييييييييييي ييييييييييييييه
افرض انا راكب محطه واحده .
ذنبى ايه بقا ادفع جنيه.
واصلاانا بدفع الجنيه ده علشان اخش اتعذب بيه فى المترو .
اكتر موقف يضحك حصلى فى المترو
كنت راكب فى عربيه عامله زى كيس الفشار كلها نااااااااااااس
جت محطه المترو وقف شاب كده نزل ياخد نفسه من الخنقه جى يخش تانى لقى المترو قفل عليه هههههههههههههههه. وسابه ومشى.
ليه كده ايه الظلم اللى احناعايشين فيه ده.
ولا بقا مكينات التذاكر ياسلام على اللى بيحصل
جى بتحط تذكرتك وبتعدى تلاقى اللى جه شد الحديده ودخل وراك حاجه فى منتهى قله الادب ههههههههههههههههههههههههههههههههه حصلت مره معايا كنت هموت الراجل اللى عمل كده بس ده راجل كبير بصتله من فوق لتحت وخلاص.
وفيه بقا شباب والله بتيجى قدام العسكرى وتنط قدام العسكرى بالظبط وتنط من الحته اللى قدامه هههههههههههههههه والعسكرى واقف بيضحك ولا كأن اى حاجه.
فى النهايه
حاليااااااااااااااااا اى حد بيركب مترو الانفاق دلوقتى من رأيى بيركب علشان يتعذب ويضيع وقته مش يوصل واكيد كلكم تعرفوامحطه حسنى مبارك والزحمه اللى بتبقى موجوده فيهاااااااااا
يااااااااااااااااااااااااااااااه للدرجادى ايه كل الحب ده.
ياريت ياجماعه اى حد عنده اى افكار لتعديل المشروع ده اللى احنا لحد دلوقتى بنسدد ديونه للشركه الفرنسيه يكتب ويقول رأيه .
واسف على الاطاله. شكرااااااااااااااااااااااااااااااااااااااااااا
الله يسامحك يانفرتيتى

_GUIDE_

30-03-2008, 07:38 AM

اركب ميكروباص:rolleyes:

Rambo_Uranium

30-03-2008, 08:27 PM

شكرا على مرورك الكريم

LA STELLA

30-03-2008, 08:57 PM

وعليكم السلام ورحمة الله وبركاته
_____
ياااه اخيرا حد فتح موضوع المترو :D
اصلى كنت بفكر اعمل حاجة زى كدة عن مواصلاتنا الجميلة فى البلد دى قبل ما اختفى بس كويس انك فتحت الموضوع

ولا بقا مكينات التذاكر ياسلام على اللى بيحصل
جى بتحط تذكرتك وبتعدى تلاقى اللى جه شد الحديده ودخل وراك حاجه فى منتهى قله الادب
سيبك دلوقتى من اللى بيعدى وراك ،، خلينا فى الماكينات نفسها
فى بعض المحطات بتكون بايظة اصلا او بتبلع التذكرة ومتعديش فبالتالى هتلاقى ناس تنط وناس تعدى وراك ورغم كدة العسكرى يبقى واقف ميرضاش يفتح البوابة الحديد يعدى كم الناس الفظيع " اهو بيتفرج ع ماتش مصارعة حرة "
عندك مثلا اكتر محطة انا شفتها الماكينات دى بايظة فيها محطة عزبة النخل وخصوصا وانت خارج كدة من الناحية الشرقية بيبقى واحدة ولا 2 بالكتير اللى شغالين بس لو انت هتعدى عشان لسة هتركب، احب ابشرك هتلاقيهم شغالين

_____
نيجى لموضوع عربية السيدات
هى من ناحية بتحصل فيها بلاوى فهى بتحصل
الرجالة اللى بتركبها بقى نوعين
واحد ركب بالغلط وهينزل يبدل المحطة الجاية ودا له عذره خصوصا بعد اللخبطة اللى حصلت دى ونقل مكانها
وناس تانية رزلة - موضوع غتاتة وقلة ذوق الصراحة ولسة اقرب موقف حاصل معايا امبارح حالا
واحد ركب عربية السيدات ومعاه واحدة وقالها بمنتهى البساطة انها " الجيرل فريند " الست اللى جمبى تقول له دى عربية سيدات يقول لها ما انا عارف ، تقول له طب انزل بدل المحطة الجاية ، يقول لها لاء ودخل وسند ع الباب التانى اللى مبيفتحش ،
ويقول لها بمنتهى البجاحة : مالكيش دعوة انتى انا راكب فى عربية السيدات مع الجيرل فريند بتاعتى وهبقى ادفع الغرامة لو حد شافنى :eek:

قمة فى قلة الذوق الصراحة وفى نفس العربية واحدة راكبة بابنها اكبر منى كدة فى عربية السيدات وتقول لنا ما اانا نازلة كمان 3 محطات ، طب ما تروحى تركبى انتى معاه

دا انا اخويا من ايام اما كان فى ابتدائى كان يتكسف يركب عربية السيدات مع مامته دول بقى شباب كبير يتقال عليهم ايه ؟

وطبعا اخينا بتاع الجيرل فريند دا منزلش غير لما لقى كمية ستات غير طبيعية هجمت ع العربية وكان نفسه هيتكتم ،،،

________________________

معلش ع الرد الطويل جدا ،، بس اصلنا من ركاب المترو الدائمين وحاسين وعارفين ، واستنى منى رد كمان ان شاء الله :rolleyes:

LA STELLA

30-03-2008, 09:37 PM

الرهينه

30-03-2008, 10:00 PM

LA STELLA

30-03-2008, 10:14 PM

* واسلم حل بقى تريحوا دماغكوا خالص وتقضوها موتورجل :p ده حتى المشى رياضه

وكل ما زادت المسافه زادت اللياقه

:D:D:D:D

طب انتى ركبتى محطة واحدة

احنا ناس بتركب فوق ال 14 محطة غالبا غير المكروباص اللى واخد وقت اطول
قال موتورجل قال
يبقى كدة لازم اخرج قبلها ب3 ايام عشان اوصل ان شاء الله :lol:

الرهينه

30-03-2008, 10:43 PM

:D:D:D:D

طب انتى ركبتى محطة واحدة

احنا ناس بتركب فوق ال 14 محطة غالبا غير المكروباص اللى واخد وقت اطول
قال موتورجل قال
يبقى كدة لازم اخرج قبلها ب3 ايام عشان اوصل ان شاء الله :lol:

والله يا حبيبتى لو هشوف البهدله دى يبقى بلاها مواصلات خالص

على فكره انا بين البيت والكليه لا يقل عن 20 محطه " انا كده متساهله جدا يعنى " ده غير البهاريز :D

بس والله الميكروباص ارحم كتيييييييييييييير

LA STELLA

30-03-2008, 10:46 PM

انا عن نفسى عشان اوصل المترو باخد الميكروباص من اول الخط لاخر الخط يا ماشاء الله
هو المترو اسهل واسرع
مسافة زى بتاعة الميكروباص بتاعنا دا تتاخد فى نص محطة مترو بس بياخد فيها وقت اكتر من اللى المترو بياخده فى 15 محطة
يعنى المترو اسهل وارحم وسائل المواصلات عموما
بس مشكلته بقى اخونا قالها فوق
زحمة ، النفس، الاستهتار ، ماكينات بايظة فى بعض الاحيان ، .. الخ
احنا محتاجين تعديل فى مصر لكل حاجة ، مواصلات وتعليم ، .. الخ .. وكله كله

الرهينه

30-03-2008, 10:50 PM

mR . mOstafa Fathi

31-03-2008, 01:03 AM

Rambo_Uranium

31-03-2008, 01:20 AM

وعليكم السلام ورحمة الله وبركاته
_____
ياااه اخيرا حد فتح موضوع المترو :D
اصلى كنت بفكر اعمل حاجة زى كدة عن مواصلاتنا الجميلة فى البلد دى قبل ما اختفى بس كويس انك فتحت الموضوع

سيبك دلوقتى من اللى بيعدى وراك ،، خلينا فى الماكينات نفسها
فى بعض المحطات بتكون بايظة اصلا او بتبلع التذكرة ومتعديش فبالتالى هتلاقى ناس تنط وناس تعدى وراك ورغم كدة العسكرى يبقى واقف ميرضاش يفتح البوابة الحديد يعدى كم الناس الفظيع " اهو بيتفرج ع ماتش مصارعة حرة "
عندك مثلا اكتر محطة انا شفتها الماكينات دى بايظة فيها محطة عزبة النخل وخصوصا وانت خارج كدة من الناحية الشرقية بيبقى واحدة ولا 2 بالكتير اللى شغالين بس لو انت هتعدى عشان لسة هتركب، احب ابشرك هتلاقيهم شغالين

_____
نيجى لموضوع عربية السيدات
هى من ناحية بتحصل فيها بلاوى فهى بتحصل
الرجالة اللى بتركبها بقى نوعين
واحد ركب بالغلط وهينزل يبدل المحطة الجاية ودا له عذره خصوصا بعد اللخبطة اللى حصلت دى ونقل مكانها
وناس تانية رزلة - موضوع غتاتة وقلة ذوق الصراحة ولسة اقرب موقف حاصل معايا امبارح حالا
واحد ركب عربية السيدات ومعاه واحدة وقالها بمنتهى البساطة انها " الجيرل فريند " الست اللى جمبى تقول له دى عربية سيدات يقول لها ما انا عارف ، تقول له طب انزل بدل المحطة الجاية ، يقول لها لاء ودخل وسند ع الباب التانى اللى مبيفتحش ،
ويقول لها بمنتهى البجاحة : مالكيش دعوة انتى انا راكب فى عربية السيدات مع الجيرل فريند بتاعتى وهبقى ادفع الغرامة لو حد شافنى :eek:

قمة فى قلة الذوق الصراحة وفى نفس العربية واحدة راكبة بابنها اكبر منى كدة فى عربية السيدات وتقول لنا ما اانا نازلة كمان 3 محطات ، طب ما تروحى تركبى انتى معاه

دا انا اخويا من ايام اما كان فى ابتدائى كان يتكسف يركب عربية السيدات مع مامته دول بقى شباب كبير يتقال عليهم ايه ؟

وطبعا اخينا بتاع الجيرل فريند دا منزلش غير لما لقى كمية ستات غير طبيعية هجمت ع العربية وكان نفسه هيتكتم ،،،

________________________

معلش ع الرد الطويل جدا ،، بس اصلنا من ركاب المترو الدائمين وحاسين وعارفين ، واستنى منى رد كمان ان شاء الله :rolleyes:
هههههههههههههههههه
اه والله عارفها محطتين مفهمش ولامكينه تذاكر سليمه محطتين المرج وعزبه النخل
انا عين شمساوى بركب المترو لحد المرج يعنى 3 محطات علشان اروح نادى المرج بروح اقطع التذكره واول مااخش على المرج واطلع فوووووق مفيش ولا واحد ولا عسكرى فى المحطه دى كل اللى بشوفها حصنه بتنط من فوق الحديد اجى احط التذكره واعدى ولا التذكره عايزه تخش:D ولا الماكنه عايزه تعدينى اعمل ايه مفيش حل الا انى اكون حرامى وانط مع الناس اللى بتنط دى يعنى ابقا معايا تذكره وانط برده :D وفى الاخر ارميها فى الزباله
ياسبحان الله من الاول بقا منقطعش تذاكر فيه عندنا ميكروباصات كتير من عين شمس من قدام بيتى للمرج بس قبل الكمين ههههههههههههههههههههههههه
يعنى انا لما بكون ورايا متش فى نادى المرج ده مبعرفش اروح الا بالمترو وياسلام بقا امشى فى السوق الهاااااايل اللى جمبه ههههههههههههههههههههههههههههه
السوق ده بقا فيه كل حاجه معفنه ياسلام الاكل البايظ فى الارض والسمك المعفن اللى بيحطوه ده انا ببقى ماشى حاطط كيس مناديل كامل على وشى هههههههههههه.
بس برده عندنا مشكله بالنسبه للمرج وعين شمس وعزبه النخل كارثه اسمها المزلقان
المزلقان ده بقاااااا من الاخر متجيش من المرج او عزبه النخل لعين شمس بعربيه علشان المزلقان ده 24 ساعه مكبوووس عربيات ده غير طبعا القطار فائق السرعه اسرع قطار فى العالم قطر السويس .هههههههههههههههههه :D :D
شكراااااااااااااااااااااااااااااااا على مرورك الكريم

Rambo_Uranium

31-03-2008, 01:28 AM

نيجى بقى لموضوع النفس دا ،،،

الواحد بيبقى خلاص هيتخنق جوة عربية المترو من الزحمة والحر ،،،
وقبل كدة شفت ياما اكتر من واحدة فقدوا الوعى :D

زمان كان فى اشاعة ان المترو مكيف الهواء

وطبعا دا كان غير صحيح اهو مجرد كلام

بس سبحان الله اخر مرتين ركبت فيهم المترو طلعت حقيقة :D بس يارب تستمر
يوم الثلاثاء اللى فات كدة وانا راكبة المترو فى اتجاه المرج الساعة 6 كدة فوجئت ان المترو فيه تكييف

بصراحة فرحت كان فيه شوية هوا انما ايه ميتوصفوش فى الروعة وصت التكييف كدة مسموع
ركبته تانى يوم السبت فى اتجاه حلوان الساعة 3 ملقتش تكييف :(:confused:
زعلت اوى
بس وانا راجعة فى نفس اليوم لقيته فيه تكييف
نفسى افهم هما مش بيشغلوه غير فى المترو اللى رايح اتجاه المرج من الساعة 6 ولا ايه ؟ :D

يا مسهل ،،، لما نشوف ايه الحكاية دى كمان

لا المترو ارحم
دا الواحد عشان يوصل للمترو بياخد ميكروباص اصلا طبيعى
وكمان قول لى ميكروباص ايه اللى هيوديك مباشرة مثلا من عزبة النخل لحلوان كدة ؟؟ و لو ... دا هياخد وقت اد ايه :confused:
تكيييييييييف
تكيف ايه ده دى المروحه اللى بتبقى فوق بطلع دخان مش هواء نقى والله بطلع دخان انا اللى غظنى وخلانى اكتب موضوع المترو ده انا كنت من 3 ايام فى العتبه ياسلام بقا على الزحمه اللى هناااااااااك جى نزلت اغير من مترو من محطه حسنى مبروك علينا
بقول لصحبى اللى كان معايا خلاص بقا ياعم الزحمه خلصت هناااااااا المترو اللى تحت ده بيبقى فاضى خااااااااااااالص قالى انت اخر مره ركبته امت قلتله من شهر كده انا بركب اللى فوق بس
قالى طيب تعال ننزل نشوف الفاضى مش ممكن كتيبه بشريه واقفه كده والمترو اللى تحت اخطر لماالناس كتير تركب فيه علشان هو اسرع من المترو العادى يعنى اى فرمله تلاقى الناس كلها فوووووووووووووووووووق بعض ياربى حتى التلفزيونات اللى هناك مفهاش الا قناه واحده بتعمل اعلانات والعساكر طبعا شاريين دماغهم وقاعدين زى البكاوات بيتفرجوا على التليفجين وكبر دماغك من الناس دى ويحصل اللى يحصل رجاله على ستات كله على بعضه عاتى خالص كلنا اسره مع بعتيناااااااااا ايه ده بس ياربى
وانا والله اول ماقالوا هنعمل عربيه للسيدات فقط كان سعتها عندى 5 سنين كده مكنتش بوافق اركب العربيه بتاعه السيدات مع امى كانت تقولى يابنى انت لسه صغير اقولها لا .
:mad: :mad:
برررررررررررررررررده
الله يسامحك يانفرتيتى انتى السبب
شكرااااااااااااااااااااااااااااااا

Rambo_Uranium

31-03-2008, 01:34 AM

مشكله فعلا

انا الحمد لله مش بركب المترو غير مع بابا وطبيعى انى مش بركب فى عربية السيدات وانا بخاف اركبه لوحدى اصلا:D

بس ركبتها مره واحده ساعة الحمله وكانت محطه واحده والحمد لله كانت البنات لذيذه كده وكان كله تمام

بالنسبه للاقتراحات بقى

* فممكن نوقف عسكرى من اللى نايمين على طول دول "بحس انها جايبنهم من المتحف:D" على باب مترو السيدات وما يدخلش شنبات :p .... هو المفروض ان ده الوضع الحالى بس تقول ايه بقى عند المكوجى

.... .... .... ....

* واسلم حل بقى تريحوا دماغكوا خالص وتقضوها موتورجل :p ده حتى المشى رياضه

وكل ما زادت المسافه زادت اللياقه

[/quote]
حقيقه لازم نعترف بيها المترو احسن برده من الميكروباص على الرغم من كل اللى بيحصل فيه بس برده ارحم فى الميكروباص تسمع الفاظ بذيئه وشتايم مش محترمه من السواقيين اللى ظروفهم حكمت عليهم يكونوا كده غصب عنهم طبعا ده غير بقااااااااااااا
ياسلام الاغانى الهايله اللى بسمعها وانا راكب الف مسكن اغانى ملهاش بتوجعنى لما دماغى تورم من الصداااااااااااااع غير كده برده انا ضد ان البنات يركبوا ميكروباصات نهائى نهااااااااااااااااااااااااااااائى
مفروض اى بنت اى سيده متركبش ميكروباص خااااااااااااااااااااااااااااااااااااااااااااااااا لص
ظروف وامكانيات اكيد كلنا عندنا ظروف بس برده مفروض يكون فيه ميكروباصات خاصه للسيدات بتسوقها واحده ست ممنوع اى راجل رخم يبص عليهم كده واكيد انتوا فاهميين الباقى.
شكرااااااااااااااااااا على المرور.

عاشقـــ الانمى ـــة

31-03-2008, 01:36 AM

Rambo_Uranium

31-03-2008, 01:37 AM

واول ما المحطة تيجى
زى ما تكون فى غابه
ناس هجمو وناس نزلو
انابطلت اركب مترو اصلهم بيعملو مطار تحت الارض مطار ياهوى

طيب والحل
تفتكر لو قولتلك هيتنفذ معا علينا ربنا
يصالح امورنا وامور الشعب وامور الدنيا كلها
عندك حق اول ماالباب يفتح اصلا مبتعرفش تخرج من الناس اللى بتدخل عليك وناس معظمهم معندهمش دم الكل عايز يركب ويلحق مكان يقف فيه طبعا فى كارثه ممكن تحصل فى الموضوع ده الفتحه اللى بين الرصيف والمترو على فكره الفتحه دى مش صغيره واى حد ممكن رجله تيجى فيها بسهوله جدااااااااااااا وطبعا لو رجله جت فيها
مفيش شك هيموووووووووووت لاقدر الله .
شكراااااااااااااا على مرورك الكريم

Rambo_Uranium

31-03-2008, 01:42 AM

أنا الحمد لله عمرى مشفته أصلا لانه طبعا فى القاهرة وبس
أخويا بيحكى إنه مرة ركبه جه يدخل التذكرة اطبقت العسكرى قله ادفع 10جنيه وليه كده معرفش
أخويا قاله مش دافع المهم اتخنقوا مع بعض
أخويا دفعله العشرة جنيه بس عشان يخلص منه
وقال معدتش راكب البتاع دا تانى دا حاجة تخنق
وكمان مش عايزة أحكى إل حصل مع ماما
هههههههههههه الغرامه دى بتحصل فى المحطات اللى فيها عساكر اصلا واكيد هم محطات حسنى مبارك وجمال عبد الناصر واحمد عرابى وانور السادات بس
المحطات الباقيه مفهاش اكتر من عسكرى او اتنين او حتى تلاته عقبال مايلف علشان يخليك تدفع الغرامه تكون انت بقيت فى البيت والراجل اللى بياخد العشره جنيه دى بيضربها فى جيبه ولا حكومه ولا بتاع بيحطها فى جيبه ورقه غرامه بيكتبها طبعا د احوار واكيد بيضربها فى جيبه .
شكراااااااااااااااااااااااااااا على مرور حضرتك

LA STELLA

31-03-2008, 01:56 AM

يعنى انا لما بكون ورايا متش فى نادى المرج ده مبعرفش اروح الا بالمترو وياسلام بقا امشى فى السوق الهاااااايل اللى جمبه ههههههههههههههههههههههههههههه
السوق ده بقا فيه كل حاجه معفنه ياسلام الاكل البايظ فى الارض والسمك المعفن اللى بيحطوه دهيا نهار ابيض ،، مرة واحدة بس اللى ركبت المترو من المرج بس الحمدلله الماكينة طلعت سليمة المرة دى المحطة نفسها الواحد بيطلع لها
كان عندى درس فيزياء جمب نادى المرج ، وخرجت ماشية اسأل فين اقرب محطة مترو ، لحد ما مشيت من شارع السوق ، شوارع غريبة اوى ، الارض متبلطة :D ساعات كنت بحس انى بتمشى جوة بيوت ناس معرفش ليه وابص حواليا اتأكد انى مدخلتش بيت حد بالغلط ،،

بس برده عندنا مشكله بالنسبه للمرج وعين شمس وعزبه النخلصحيح ،، المنطقة اللى قدام مترو عزبة النخل كانت مكسرة بس ، اترصفت وبقت تمام اوى دلوقت حتى الواحد بقت خطوته سريعة وسهلة ، عقبال المترو والماكينات اللى فى عزبة النخل بالذات
وهناك فى عزبة النخل فى مشكلة ميكروباصات
خطين مختلفين ، بتاع اللى بيروح البركة والدائرى والتانى بتاع المرج بس المشكلة الكبرة فى الاولانى والشوارع هناك بقت ضيقة بالنسبة لكم الميكروباصات
انا فاكرة ان الطرق دى وطريق مؤسسة الزكاة دا عمرهم ما كانوا بيقفوا ابدا ، دلوقتى بقت الازمات المرورية هناك فظيعة لدرجة انى على ما روحت من درس الفيزياء كان الطريق خد له ساعتين ونص

تكيف ايه ده دى المروحه اللى بتبقى فوق بطلع دخان مش هواء نقىطب خلاص روح كدة مثلا محطة انور السادات ولا حسنى مبارك ولا المحطات دى كدة واستنى المترو اللى رايح اتجاه المرج واقعد استناه كدة الساعة 6
واركبه وهتشوف بس روح اقف تحت فتحات التكييف اللى فى العربية بس ،، بس نقى لك مترو من اللى عليهم شعار بيبسى او جواهم البتاعة اللى بتمسك فيها دى مكتوب عليها بيبسى
:D

حتى التلفزيونات اللى هناك مفهاش الا قناه واحده بتعمل اعلاناتلا تصور انى من حوالى سنة كدة كانوا مشغلين ع التليفزيون بتاع محطة انور السادات زى اما تكون حتة من فيلم هندى او حاجة كدة كان واحد بيتخانق مع بقرة غريبة الاطوار وجايز انا كان بيتهيألى بردو

الله يسامحك يانفرتيتى انتى السبب نفرتيتى مين ؟ ومالها نفرتيتى؟

الغرامه دى بتحصل فى المحطات اللى فيها عساكر اصلا واكيد هم محطات حسنى مبارك وجمال عبد الناصر واحمد عرابى وانور السادات بس انى أشك فى هذا
لان لحد دلوقتى مشفتش ولا عسكرى فى محطة انور السادات دى ولو شفته بيبقى قاعد جمب الماكينات ، دا حتى اخينا بتاع الجيرل فريند دا لما ركب ركب من انور السادات ،،
محطة من اكثر المحطات ازدحاما بجد اللى شفتها فى حياتى
الناس بس تنزل من المترو تلاقى المحطة كلها اتملت والواحد مش عارف يتحرك وتبص لعربية المترو بردو مليانة ع اخرها ، دا سبحان الله ان المترو كان واخد اللى جوة واللى ع الرصيف دول
عن نفسى بسبب زحمة المحطة دى انا بالضبط يوم الثلاثاء 5 فبراير حصلت لى تقريبا حادثة فيها وانا بنزل من العربية كنت هتفرم فيها تحت عجل المترو واموت فيها بس ربنا ستر وفى واحدة ست قعدت تشد فيا قبل المترو ما يقفل ابوابه ويتحرك بلحظات بسيطة

___________________
من الاخر يعنى ،،، مصر محتاجة عَمرة جامدة فى شوارعها و مواصلاتها ونظامها وحاجات كتير بجد
وسورى تانى ع الرد الطويل دا كمان بس اصله من الواقع المستفز واللى الواحد عايش فيه فعشان كدة كلامه مش بيخلص :)

Rambo_Uranium

31-03-2008, 03:07 AM

شكررررررررررررررررررا على المرور

MohammeD el_SadaT

31-03-2008, 10:42 AM

يا حول الله يارب
كل ده بيحصل أنا عن نفسى مش بركبه كتير
فمش هعرف أحكم
بس أنا مشوفتش أى حاجه من اللى إنتو بتحكو عليها دى
بدخل التذكره بتطلع الناحيه التانيه عادى جداااً
ومفيش حد بيدخل ورايا
والعسكرى بيفتح عادى ويطلع التذكره لو مش عدت وبيفتشو فى الإشتركات وحاجه كويسه يعنى
مشوفتش اللى إنتو بتحكو عليه ده
يلا ما علينا

Rambo_Uranium

31-03-2008, 10:12 PM

جرب روح اركب دلوقتى وانت تشوووف والله ماهتركبه تاااااانى
شكرا على مرورك الكريم

هيدى عمر

16-01-2010, 07:19 PM

اية يا جدعان هو مفيش حاجة نعرف الطالبات تتكلم مع بعد بدل كدا