مشاهدة النسخة كاملة : الثانوية وسنينها(مشاكل وحلول)
net_devil_2008 30-03-2008, 01:55 PM انا طالب بالصف الثانى الثانوى ................
بس كلها 70 يوم على الأمتحانات وانا ولله الحمد مفتحتش كتاب من اول السنه ومش عارف اعمل ايه وكل ما جى اذاكر اقول لنفسى يعنى انا مزكرتش طول السنه هذاكر دلوقتى؟؟؟؟؟؟؟؟؟؟
انا طول عمرى من الأوائل بس انا مدرسينين كلهم مستغربين مبذكرش طول السنه واذاكر اخر شهر وطلع الأول على البنات كمان........... وكلهمحظرونى وقالوا لى نظامك ده هيوديك فى دهيه فى الثانوى المهم اللى حصل حصل بس انصحونى لأنى خلاص
3yOn Gare2a 30-03-2008, 02:13 PM بص اولا السلام عليكم
انا مريت بظروف سيئة للغاية ويمكن اساعدك بتجربتى
انا كان زمانى دلوقتى فى 2 كلية بس اعمل اية الحب وسنينه خلانى ارسب
المهم انا طالب دلوفتى فى 3 ثانوى
وانصحك بان تشترى اسطوانات س دى الكترونية تعليمية مثل الاضواء والمعلم والاستاذ
هتنفعك اوى وهتساعدك بسرعة انك تلم المنهج دا من حيث المذاكرة
اما فى حاجة لازم تحطها فى دماغك ان الثانوية العامة دى حياتك كلها والى هتحدد انت هتكون ايه فى المستقبل ومصير حياتك ولما تيجى تتجوز كمان هيسئلو عن شهاداتك ولما اختك تتجوز يسئلو عنك
ولو عايز ترضى والدك حاول تغمض عنيك وتفتكر هو بيعمل حاجات كتير حلوة عشانك وانت مش واخد بالك وعايزك تبقى احسن الناس
ومحدش ينفعك غيرو هو وولدتك
لما حد يساله عنك ويقوله ابنك جاب كام هيبقى حزين وسط اصدقائه ومكسور النفس ويحس لمؤخذه يعنى ان هما بيعرفو يربو اولادهم صح وهو لا ويمكن يعيط علشان موقف ذى ده بس انت مش هتشوفه
لقدر لله والله يا اخ نت ديفل مش هتحس بابوك الا لما يضيع منك لقدر الله لقدر الله لقدر الله
حاول تعمل حاجة صح
سهل جدا انك تغير من نفسك
بس حاول تقعد مع نفسكومتخطلتش بأصحابك كتير
علشان فى اصحاب ليك يتمنون لك ان تكون فى مستوى اقل منهم ودى حقيقة فى الكون
هتحس انك مرتاح وهتذاكر بكل اخلاص وروح جميلة ومعنوية اعلى مستوى
انا طولت عليك بس يا ريت اكون وصلتلك حاجة تفيدك انا ممكن اتكلم معاك للصبح بس انا مستنى ردك
net_devil_2008 30-03-2008, 02:24 PM والله عندك حق يا اخ عيون جريحة وشكرا للافادة بس اه حكايتك بتاعة الحب دى
3yOn Gare2a 30-03-2008, 03:01 PM مهو لازم الواحد ينجرح علشان يتعلم الدنيا ماشية كده
طيب الحمد لله انك فهمتنى
net_devil_2008 30-03-2008, 03:11 PM فهمتك... بس هو انا لو بدأت مذاكرة من الأن هل فى امل انى اجيب مجموع حلو؟؟؟؟؟؟؟؟؟؟
3yOn Gare2a 30-03-2008, 08:24 PM طبعا فى امل لو مفيش امل يبقى مفيش حياة
اهم حاجة انك تكون واثق من نفسك ومتحمس
دانت ممكن تجيب فوق ال90 % لو ذاكرت بجد
The_Relativistic200 31-03-2008, 12:31 AM على فكرة من تجرتبى فى الجامعة
احب اقوللك ان المناهج دى تتلم فى خمس دقايق
مش سبعين يوم
خد راحتك يا معلم
بس ابدا الرياضة من دلوقتى
وبما انك دحيح فعادى.....هتلم المنهج وتخش تحل كويس
نا عارف نوعيتكم دى:)
net_devil_2008 31-03-2008, 08:09 AM الله يخليكم The_Relativistic200و3yOn Gare2a على افادتى بجد والله انا استفدت منكم جامد
M I D O 03-04-2008, 05:34 PM فين الردود
انتا مش محتاج ردود انتا محتاج تذاكر وتتتغلب على الفشل الى جواك ؟!
تيجى نتحرك ؟ واحنا كلنا مدرسين وطلبة هانسعدك ؟!
عارف لو معرفتش سوال ولا حاجة هاتكتبه وفى خلال ثوانى تلاقى الاستاذ بيرد عليك هنا ؟!
بس الاهم من كل ده ؟!
انتا عندك ارادة تتغلب على الفشل ؟!
عايز تنجح ! يلا اتحرك قوم ذاكر شوف هدفك قدامك وحاول تحققه !
net_devil_2008 03-04-2008, 07:38 PM والله عندك حق يا اخ محمد وشكرا
net_devil_2008 04-04-2008, 05:48 PM هو مفيش حد راضى يكمل ليه؟؟؟؟؟؟؟؟؟؟؟؟؟؟؟
هو مش المفروض ان المنتدى ده معمول علشان يحل مشاكل الطلبه؟؟؟؟؟؟؟؟؟؟؟؟؟؟؟
M I D O 04-04-2008, 05:55 PM هو مفيش حد راضى يكمل ليه؟؟؟؟؟؟؟؟؟؟؟؟؟؟؟
هو مش المفروض ان المنتدى ده معمول علشان يحل مشاكل الطلبه؟؟؟؟؟؟؟؟؟؟؟؟؟؟؟
مهى الطلبة دى دلوقتى بتذاكر عشان الامتحنات قربت !
فمعلش استحملنا شوية ولو عندك مشكلة اتفضل قولها وان شاء الله تتحل ..
مجرد انسانة 05-04-2008, 06:36 PM بص هقولك حاجة لو كل ما جيت تذاكر افتكرت تل المذاكرة والمناهج اللى وراك عمرك ما هتذاكر وعمرك ما هتركز حط لنفسك خطة والتزم بيها عدد محدد فى اليوم من الساعات تذاكر فيهم وابدا من الاول خالص بس ابدا بجد بتركيز ومتفكرش فى الل ناقصك امشى بس على الجدول بتركيز ولما تبدا مذاكرة متبصش فى الكتاب كله وتشيل همه لا خلى كل همك فى الجزء اللى انت محدده لنفسك فى الوقت ده
لسه قدامك وقت تلحق نفسك فيه ذاكر وشد حيلك وربنا يوفقك ان شاء الله ومتنساش حاجة مهمة انت ممكن تتعب دلوقتى شوية بس هترتاح فى مستقبلك كتير وممكن ترتاح دلوقتى بس هتتعب فى مستقبلك كتير لما تلاقى مجموعك مش موديك فى حته
فكر لمستقبلك ولبكرة نفسك يكون شكله ايه واللى هتعمله دلوقتى هيتبنى عليه حساتك ومستقبلك كله
مع تمنياتى بمزيد من النجاح والتفوق
مجرد انسانة؛
♥έĻ-мΰšŧâρèdâ♥ 05-04-2008, 09:15 PM ايفل نت
انا من راايى الموضوع مش موضوع مذاكرة بس :huh:
وذى ما بتقول انت انك بتجيب مجموع عالى مع انه مش مساوى لمجهودك فى المذاكرة:confused:
اهم حاجة التركيز والراحة ليلة الامتحان:cool:
انا مثلا السنة اللى فاتت يوم امتحان الفيزيااء مذكرتش غير ساعتين واخدت باقى اليوم نووم
وروحت مرتاحة وفايقة واخر روقااان ومنقصتش عن المجموع الكلى غير 8 درجات بـــس !!
والسنة اوحش سنة مرت علياااا
حكاية النت اللى ادمنت عليه لازم اخش عليه كل يووم ضرورى قبل الحصة وبعد الحصة وقبل ما اروح المدرسة وقبل ما ابدى اذاكر اروح واخده نص ساعة كده على الماشى وساعات تطول لساعة
والافلام الاجنبية انا مدمناها بطريقة تخوف اتعفرت ويركبنى 100 عفريت لو جه فيلم ومسمعتوش او فيلم ومكملتوش لاخره ابقى سهرانه قدامه لغاية الفجر لغاية ما اشطب على الافلام كلهااا
بس دوام الحال من المحال
واهه امى كل يوم تسمعنى كلمتين على فلوس الحصص وتاكسيات والمصاريف اللى بتدفع وخايفة انى ماجبش مجموع فى الاخر
بصراحة هيبقى منظرى وحش اووى لو مجبتش مجموع وخصوصا انا حالة خاصة عندى فى عيلتنا 4 فى ثانية ثانوى
يعنى السنة دى سنة معفرته
ومع ذلك حاسة بتانيب الضمير على الوقت اللى بيضيع ده كله فى كلام فاضى
بس حاسة انى هجيب مجموع على الاقل محترم مش تحت التسعين
وانا داخلة علم رياضة وخلاص كل البيت بيقولى يا بشمهندسة وياخوفى من اللى جاى
اسفة انى طولت عليك فى الاجابة بس ذى ما اكون ماسورة وفتحت هههههههههه
net_devil_2008 06-04-2008, 08:45 PM شكر خــــــــــ (لمجرد أنسانه و اية على) ـــــــــــــــاص
بجد يا اية صعبتى عليا اه ده كله يا بنتى بس انشاء الله ربنا هيكرمك على فكره انا برده زيك عندنا فى العائله 3 فى تانيه ثانوى بس انا اعرف عنكم يا بنات انكم مبتسبوش الكتاب من ايديكم ابدا اتمنى اعرف السبب :d:d
♥έĻ-мΰšŧâρèdâ♥ 07-04-2008, 12:19 PM ايفل نت
مش كله والله :lol:
البنات ذى الولاد :rolleyes:
بس هى حكاية الاصرار والعزيمة على ان الواحد يكون حاجة فى المستقبل
يتعب النهاردة يرتاح بكرة
انا عن نفسى يمكن علشان مش بخرج كتير مش بروح نوادى كتير يمكن مرة ولا اتنين كل 6 شهور
يعنى مش منفتحة اووى على بره احب اكون لوحدى <<< معقدة ههههههه
ويمكن طول ما انا قاعدى فى البيت مفيش غير الكتاب
بس ربنا يخليلى mbc 2 مونسانى ههههههههههه
وانتوا شباب على طول طفشانين بره البيت 24 ساعة ومش بتقعدوا ساعة على بعضها فى البيت
بس انا اعرف واحد فى شارعنا ابن دحاحة ايه تحفة كل ما تشوفه ماسك الكتاب فى ايده :eek: :eek:
وربنا يوفقك ونعدى السنة دى على خير ;)
y o m n a 07-04-2008, 12:36 PM اصل المشكلة فى موضوع الجدول ده انى بحاول اعمله من اول مابدأت دروس من شهر 8 ومش عارفة
اصل الواحد برضه مش عارف يذاكر ايه الاول وبعد كده ايه
وبعدين الدروس كل يوم كل يوم
وبعدين ياجماعة انا كمان من اول السنة مش بذاكر الا قبل الدرس بيوم او نفس اليوم
يعنى بذاكر مادة واحدة فى اليوم بتاع ساعة كده
وكان مستوايا مش بطال يعنى كنت احسن من كل صحابى
وكلهم كانوا بيقولو هيذاكرو فى الاخر ويدحو وكده يعنى
المهم ان احنا دلوقتى فى اخر السنة وفعلا كلهم بقول يذاكروا الا انا
ياجماعة انا تعبت نفسيا
الله يحرق المذاكرة وسنينها
معلش طولت عليكو
net_devil_2008 07-04-2008, 02:06 PM )ايه على) انا والله مش بخرج بره البيت ابدا حتى فى اجازة اخر السنه عمرى ما بخرج حتى زميلى بيتحيلوا عليه اجى العب معاهم مبرداش لدرجة انهم قالو علىه انى شخصية انطوائيه ومنهم من قال ده غريب الأطوار بس لدرجة ان استاذ الرياضه قال من كتر شدة ذكائى بكره كل الناس بس انا عكس كده خالص انا بحب كل الناس و انا بعشق النت زى عنيه ولما بزهق بتفرج زيك على mbc2 & action ............. ويا tranquella اشترك معانا فى الحوار انا بجد لما اجى اذاكر مببقاش عارف اذاكر ايه ولا ايه بس على فكره كل اللى قالته (مجرد انسانه) هو كل المدرسين بيقولوه
♥έĻ-мΰšŧâρèdâ♥ 08-04-2008, 11:58 AM تصدق انا اول مرة اسمع كلام ذى ده من شاب
يا سلام من كتر الذكاااء تكره الناس
مين اللى قالك النظرية دى
انا ابن عمى اللى فى نفس سنى تانية ثانوى على طول طفشان بره البيت
مش بيمسك كتاب خالص وابوه كل شوية يتحايل عليه يقعد يذاكر وهو ولا هنا
فى موضوع المذاكرة انا عمرى ما مشيت بموضوع الجدول دائما يفشل والحمد لله
مش بذاكر المادة غير ليوم حصتهااا حتى انى مش بذاكرها بعد ما بروح حتى علشان يثبتواا
ومش بمسك ورقة وقلم وافضل اكتب معادلات او اسمع كلمات
مش متعودة على نظام المذاكرة بالورقة والقلم بس سبحان الله بيثبتوا من اول مرة هههههههههههههههه
وانتوا بتذاكروا ازاى
net_devil_2008 08-04-2008, 01:00 PM واله انا دماغى وجعتنى من موضوع المذاكرة ده هو على رأى واحد اللى عايز يذاكر هيذاكر واللى عايز يكون حاجه هيكون
net_devil_2008 08-04-2008, 01:05 PM البنات دول عفريت مش عاريفمبيزهقوش ابدا من المذاكرة ومش عارف ديما بيصبروا ازاى على المذاكرة
(ساتغيب عن المنتدى بسبب اعلان حالة الطوارئ الأمتحانات)
net_devil_2008 09-04-2008, 10:58 PM انا بقى مبذكر ش غير 8 ساعات يوميا بالورقه والقلم احلى مذاكره
♥έĻ-мΰšŧâρèdâ♥ 09-04-2008, 11:13 PM وبتقول ان البنات هم اللى عندهم صبر على المذاكرة
ومش بيزهقوا http://sho3a.com/vb/images/smilies/52.gif
بسم الله ما شاء الله انا مش بحسد http://sho3a.com/vb/images/smilies/mad2.gif اانا بنق بس ههههههههههههه http://sho3a.com/vb/images/smilies/shiny.gif
لا بجد 8 ساعات انت تحمد ربنا وش وقفا http://sho3a.com/vb/images/smilies/god.gif
انا بصراحة 4 ساعات بس مذاكرة و8 نوم و4 حصة والباقى على النت والافلام http://sho3a.com/vb/images/smilies/cray.gif
والاكل وانا بتفرج يعنى مش زاحم اووى وقتى هههههههههههههه http://www.thanwya.com/vb/life/icons/icon14.gif
انا متعودتش على الورقة والقلم مع انها الطريقة الصح للمذاكرة :(
بس انها بمشى عكس الناس معرش ليه http://sho3a.com/vb/images/smilies/33.gif
net_devil_2008 10-04-2008, 08:36 AM انسه( ايه على) عادى انا بس عايز طريقه ازود بيها عدد ساعات المذاكره
(منتظر ردك على الرساله الخاصه)
اما بقى لو مش عايزه ( واذا خاطبهم الجاهلون قالو سلام) صدق الله العظيم لما اجى اكلمك قولى سلام *لطفا وليس امر*
laial 10-04-2008, 03:52 PM السلام عليكم و رحمة الله و بركاته
انتوا ايه الي خانقكم من الثانويه كده اوي
اي حد عندو اخوات في الجامعه اسألوه الثانويه دي عامله زي ايه
عامله زي كوباية الشاي الي شربتها من قبل ما تبرد
فيا تتحمل السخونه يا تتلسع
و الله مناهج الثانويه دي و لا حاجه شكلها كده يا عيني على الجامعات الي بيتبهدلو و:( و يا ييقول الدكتر المعلومه يا ملهاش و هتيجي في الامتحان
احنا مناهجنا محكومه ولا ايه
و بعدين الموضوع اتسهل دلوقت في وجود المدرسين
و بعدين يعني لو جيت حسبتها اعتبر ان الثانويه دي بيع و شرا انت تذاكر معلومات و تروح تبيعها في امتحان نهاية السنه و تخاد مقابلها مجموع تجيب بيه الي انت عايزه يعني الحكايه ش مستهالش يا رجاله
احنا لازم نحس بالمسؤوليه شويه
الاهل يا عيني طالع عينهم في الدروس و مصاريفها
مش كده
و لا ايه
يلا ربنا يوفقنا يارب
net_devil_2008 10-04-2008, 11:56 PM مشكوره انسه ليلى والله عندك حق
net_devil_2008 12-04-2008, 09:05 AM مشكورين على الردود
|