من فضلك
أنا أم ولى بنت فى الصف الثالث الاعدادى وأنا اللى بذاكر معاها كل المواد وطبعا الكمبيوتر وهى لا تأخذ دروس
وعمرها ما أخذت دروس خصوصية والحمد لله حصلت فى الترم الأول على 10 من 10 وعلى فكرة انا من الدقهلية
لكن منهج الترم الثانى لأنه تطبيق على البرنامج الفيجوال بيسك انا حاسة انه صعب عليا وخايفة البنت لو أخدت درس
تتلخبط لأنها مش متعودة
تنصحينى حضرتك أعمل ايه وأعتمد على أى كتاب أو مذكرة لأنى فعلا محتارة وخايفة تنقص فى الترم الثانى بسببى
طبعا مش هسامح نفسى
أسفة للاطالة
وشكرا جزيلا

أختى العزيزة أنتصار

بارك الله فيك أما بخصوص الكتب فيوجد كتاب الأضواء أو الفايز فى الكمبيوتر

والأحسن من ذلك هو مذكرات الأخوة الزملاء فى المنتدى جميلة

والى مش فهماه فى المنهج أنا موجوده وكذلك الأخوة الزملاء

ضعى سؤالك أو عنوان الجزء اللى مش عرفاه

كما يوجد فى أخر الكتاب المدرسى الجزء الأثرائى

وإن شاء الله بالتوفيق مثل الترم الأول

تحياتى لحضرتك

شكرا جزيلا لاهتمام حضرتك وردك عليا
وجزاكى الله كل الخير
والله العظيم الفضل فى درجات أولادى وتفوقهم أولا طبعا لله سبحانه وتعالى ثم يأتى بعده هذا المنتدى الرائع لأنى بستعين به فى كل شئ
فلكم كل الشكر على مجهوداتكم الرائعة

أختى العزيز ،
هذا المنتدى وضع لإعلاء قيمة المادة و المواد الاخرى لا لإعلاء قيمة الدروس
حيث من يرغب فى التعلم سواء كان طالبا أو وليا لأمره
لذا أقولك لكى التالى
1- ابدء بشرح ما تعريفينه
2- أما ما لا تعريفينه فتقدمى طلب شرح هذا الجزء من الاخوة الافاضل فى المنتدى و سوف تجدى ما يسرك
3- المراجع المطلوبة فى الشرح هى كالتالى فى الاولوية
( كتاب المدرسة المرجع الاساسى - مذكرات الاخوة الافاضل - المشاريع العملية فى المنتدى - امتحانات السنوات القادمة )
ولكى جزيل الشكر