مشاهدة النسخة كاملة : في عيد الحب 2012


اكرم المسيري 2
20-02-2012, 08:55 PM
في عيد الحب 2012
القصيدة التي انتهيت اخيرا من صياغتها ..... بعنوان (( أنـــــــــــــــــــــــا ))
--
--
إهـــــــــــــــــــــــــــــــــداء خاص ....
لمن ظللت اعواما واعواما أبحث عنها ....
الى رفيقة الدرب ...
الى توءم الروح ....
...............................اليها وحدها اهدي هذا العمل ... ( وهي تعرف من هي .. )
في اول عيد للحب يجمعنا
******
...................... أنـــــــــــــــــــــــــــــــــــــــا ......................
انا اللي جريت ورا البسمة اجيبهالك وفين ما تكون
انا العاشق انا المفتون ..
****
انا اللي هعيش اقول فيكي اناشيدي
يا عمري الجاي يا يوم عيدي
يا نسماية يا ضلاية
يا شمساية يا قمراية
يا نبض القلب....
يا عيشة جوه ف وريدي
****
انا اللي هعيش حواليكي وف عنيكي
وايدي تبقى ف اديكي
واشواقي ف عز الوحدة تكفيكي
وعمري عشان عنيكي يهون
ما انا العاشق انا المفتون
****
انا اللي بموت اوي فيكي
ومين غيرك اموت انا فيه؟؟؟؟
انا نفسي اقول ليكي...
كلام جوايا عايش بيه
بحبك حب ... ولا عارف اقول ولا اعيد
ومش خايف ... لما بعيش عنك وحيد
ف بعدك حبيبتي بعيش ع اللي بينا
وبينا يا غاليه حاجات اد ايه !!!!
بموت فيكي ومين غيرك اموت انا فيه؟؟؟؟؟
****
انا انتي الحنان والحب
انا انتي الوئام والقرب
ولو كنتي ف يوم زعلانة
انا كنت أهد عشانك كون
مانا مضحيلها وزي ما تقولي كده بايع
ولو لزمت اعيش صايع ....اعيش ضايع
اعيش مجنون
وايه يعني؟؟؟؟؟
ما عنتر عشان عبلة.... حارب " النعمان "
وقيس عشان ليلى ... عاش عمره جنان ف جنان
وانا غاوي
انا ناوي احارب ف حبك كام مليون
ما انا اللي جريت ورا البسمة اجيبهالك وفين ما تكون
انا العاشق انا المفتون
*****
اكرم المسيري
القاهرة 14-2-2012

Dark Tulip
20-02-2012, 09:53 PM
كلمات جميلة اوى و مشاعر قمة فى الرومانسية ..
تحياتى ليك على قصيدتك الاكثر من رائعة


و كمان يا بختها اللى الكلام دا اتكبلها :d
مش بحسد .. بقر بس

ربنا يجمع بينكو فى خير و على خير دايما :)

اكرم المسيري 2
21-02-2012, 10:47 PM
ربنا خليكي يا
Dark Tulip (http://thanwya.com/vb/member.php?u=211428)

دا بس من زوقك ... سعيد جدا بمرورك

أحمد هاشم الزيدي
23-02-2012, 09:55 PM
جميلة جدا جدا جدا جدا