فى بيت الجيران ..

السلام عليكم ورحمة الله وبركاته ..

اتمنى الجميع يكونوا بخير ..
عادة محافظتى من المحافظات الهادئة ..
لايفكر معظم سكانها الا فى عملهم واسرهم وقليل منهم
يتجه للسياسة .. لكن مع الايام ونتيجة للتغيرات التى
حدثت فى مصر اتجه الجميع للكلام فى السياسة ..

وايه يعنى عادى .. من حق الجميع انه يشارك ..

ويعبر عن عما يجول فى خاطره .. لكن اننا نبحث عن السلبيات

ونعتبرها غطاء لاخطاء شخصية .. ده شئ جديد وغير عادى ..
بمعنى تانى استغلال سئ للاحداث الموجودة على الساحة حاليا .. ده الجديد علينا !!!



ما حدث ان تنبه البعض على صراخ شديد فى بيت الجيران ..
حدث هرج ومرج .. يارب سلم .. ايه حصل !!!!!!!!!
السؤال المعتاد الذى ردده الجميع بعد سماع الصراخ الشديد !!



وبعد فترة .. عرف الجميع ان بنت الجيران اتخطفت وان اهلها بيدوروا
عليها فى كل مكان .. وبالطبع البنت فى ثانوية عامة .. كان خوف
اهلها شديد جداا .. وتم ابلاغ الشرطة وساعتين تلاتة مروا ..
ورجعت البنت مع الشرطة ..



بدون تطويل فى سرد الا حداث ..عارفين ايه حصل بالظبط !!

خرجت البنت الى الدرس كالعادة .. اقنعوها صديقتها بالخروج معهم بدلا
من الدرس .. والذهاب للفسحة والتنزه فى مكان ما والعودة فى نفس
ميعاد الدرس .. واقتنعت الفتاة وذهبت معهم .. لكن مر الوقت ووجدت نفسها
ليلا ولم تعد تعرف ما عليها فعله ..ولم تجد اى وسيلة مواصلات للعودة ..

فاتصلت بوالدتها صارخة قائلة ان بعض الشباب يخطفونها واصدقائها ..وعايزين فلوس منهم ..

واغلقت الهاتف سريعا ..



طبعا دى كانت رواية تم تأليفها للخروج من الخطأ والبعد عن عقاب الاهل ..
حقيقى تصرف استفزنى جدا .. احنا فعلا سمعنا عن حوادث اختطاف فعليا..
لكن هل وصل الامر الى ان اصبح هذا الموضوع حجة للاخطاء ..
وكيف فكرت فى مثل هذا العذر الرهيب !!
هل اتغيرت الاخلاق للدرجة دى !!!
مين هنا الغلطان.. سؤال حيرنى جدااااااا



هل هم الاهل الذين اخفقوا فى تربية بناتهم !!!!

ام الاعلام الذى ساعد على نشر مثل هذه الاخبارالمسيئة للمجتمع المصرى !!

فيوميا تقابلنا الصحف باختطاف فلان وابن فلان حتى اصبح الامر عادى !!

ويوميا نقرأ تفاصيل لبعض الجرائم مما يساعد البعض ضعيفى الايمان والنفوس

على التقليد الاعمى واستغلال الوضع الحالى .. وقد قرأت فى موضوع

عن الجريمة فى مصر من بعد الثورة ..ان عدد البلطجية اصبح

بمثابه 60% من عدد سكان مصر ..


هل حقا نعانى انفلات امنى كما يقال ..
ولا انحداراخلاقى انفجر مرة واحدة..
مع مستجدات الحياة التى اصبحت لا تطاق !!!

كم تاقت نفسى الى الامن والامان !!!!!!!!
دمتم بخير .. تقبلوا تحياتى !!!

جزاك الله خيرا على الطرح
والسبب فى كل مايحدث لنا هو الإعلام الذى يحاول أن يغيب العقول فلا نستطيع التفكير

يابنتي احنا بنرمي كل حاجة ع الغير
السبب ان البنت دي عارفة أهلها كويس
العيب ف الأهل
هما مش عودوها علي الصراحة
نظرية الضرب بالجزام ..والكذب أسهل وسيلة للهروب
دي منظومة تربية مش بتيجي مرة واحدة كداا

من وجهه نظري
العيب ف البنت والتربيه
لان الاخلاق مش بتتغير لو تغير المجتمع
الأخلاق ثابته
والبنت هنا كدبت حتي لو كان نتيجه للأجواء المحيطه
ف برده العيب منها
لان الولد او البنت المفروض يخدوا جرعه التربيه الصحيحه بعد كدا يوجهوا المجمتع وهما بيمتلكوا تقريباً نقدر نقول المصل ضد أي أخلاق سيئه
وأعتقد البنت مش صغيره عشان نقول غلطت وتتعلم لاء دي ف ثانويه
وتعايشت ف مراحل كتير الاهل من خلالها يقدرو يحكمو ع تصرفاتها
متهيالي ف غياب ف التربيه والمعامله

مشكوره ع التوبيك
وإن شاء الله الدنيا هتهدي والامن هيبقا تمام

انا شايف كل الظرروف مش شئ
واحد هو اللى ادى لذلك
اولا البنت مش كويسة وعندها نقص
فى التربية بسب انها تعمل كده
من ورا اهلها وتزود كمان المشكلة
بكدبة اكبر تؤدى الى فضيحة
ثانيا الظروف اللى فى المجتمع من انتشار
عمليات الخطف والاعتداء
مما ادى الى سهولة ادعاء هذه الاشياء
من الفتاة وسهولة تصدقيها من الاهل ايضا
شكررا على الموضوع الجميل

أعجبنى عرضك الموضوع بحيادية رائعة
ولن أزيد عن الخلل فى الأسرة
التربيــــــــــــــــــــــــــــــــــــة هى رمانة الميزان
جزيل الشكر على الموضوع
جزاكم الله خيراً

ربنا يستر
العيب مشترك بين الجميع
موضوع مهم
شكرا لك

دا كلام ما ينفعش يحصل خالص في مصر