أية رايكم فى المجلس العسكرى وفى الفترة الانتقالية ؟؟؟؟؟
واية رايكم فى الرئيس التوافقى عشان المرحلة اللى الجاية؟؟؟
واية رايكم عشان ماحدش يزعل منهم ولا منكم
نختاروا تلاتة ونعملوا بينهم كيلوا بامية؟

ياترى أحنا بجد ماشيين على طريق الديمقراطية؟؟؟؟
ولا ماشيين على طريق مصر أسكندرية؟
هى ليه الدولة لسه بتعامل الشعب
كأنه لسه بيقعد على القصرية
هو أحنا عملنا ثورة فعلا
ولا كل اللى عملناه انتخابات برلمانية
ياترى مصر هاتبقى دولة بجد ؟؟؟؟
ولا ما تجبش سيرة لحد ؟؟؟؟؟؟

ياترى الاسئلة دى لها أجوابة؟؟؟؟؟؟؟؟؟
ولا كل سنة وأنتى يا ثورة طيبة؟
ياترى فيه حد فى الدنيا بيموت عشان أنبوبة
ولا كل حاجة فى البلد ملعوبة
لحد أمتى ها تفضلى يابلد على أمرك مغلوبة
فيكى خير يكفى الكون والاسم محتاجة
ملعون أبو الحاجة

ياترى فعلا اللى يشيل مبارك يشيل أى حد ؟؟؟؟؟
ولا المجلس العسكرى دخلنا فى حارة سد ؟؟؟؟؟
ياترى مصر هاتبقى دولة قوية ؟؟؟؟؟؟؟
ولا طول عمرها هاتفضل محنية؟؟؟؟
ياترى الفلوس المنهوبة هاترجع
ولا لسه فيه فلوس كمان بتطلع
ياترى الفساد لسه شغال عال
ولا عاطل وبيدور على شغل
زى حالاتى

كان نفسى من زمان أشتغل مسحراتى
بس ما لاقتش الناس نايمة لاقيتها ميته
قريت الفاتحة وأعلنت وفاتها ووفاتى
مع خالص حبى وتحياتى

الشاعر
عبد الحميد بدوى

اية رايكم فى المجلس العسكرى؟؟؟؟؟؟؟؟؟

المجلس العسكري لم يقدر علي حمل الأمانة وقصر في حقوقنا ولازم يحاسب ع كل حاجة حصلت في فترة حكمه للبلد سواء بالايجاب نحييه عليها أو بالسلب فنحاسبه

الفرق بينا وبين العالم المتقدم هو الحساب والعقاب وعلي المجلس ان يحاسب على كل كبيرة وصغيرة

ظن المجلس العسكرى أنه بخلعه لمبارك فإن الشعب سوف يهدأ ولن أقول ستعود الأمور إلى مجاريها .
لا . لأن الأمور أبداً لم تتغير فى مصر بعد الثورة فالمحافظين كما هم والوزراء كما هم ورؤساء القطاعات كما هم وإن حدث تنقلات .
وتذكروا جميعاً أن صفوت الشريف لم يدخل السجن إلا بعد مظاهرة ومبارك لم يأتى من فندقه إلا بعد مظاهرات والإنتخابات لم تأتى إلا بعد مليونية .
المهم أن نبقى يقيظين للمجلس العسكرى . والشعب إن صبر هذه الأيام فلذكائه الشديد لأنه علم أن هناك من يتربص بمصر وينتهز الفرصة لإعلان تقسيم مصر قبل أن تقوم من جديد ولكن ما أن يثبت للشعب أنه لا توجد إنتخابات رئاسية حقيقية وغير مزورة فلسوف ينتفض من جديد وهنا تكون نهاية حكم العسكر بجد .

فلا تخافوا ما هى إلا شهور قليلة .

كلامك مظبوط فعلا

كلام جميل واكيد ليه اجوبه
بس اكيد مش عندنا !!!!!!!

هههههههههههههه امال فين ؟؟؟؟؟؟؟