مشاهدة النسخة كاملة : هل تجرؤ على ...؟
zambalek_boy 31-03-2008, 10:24 AM انــــت...تقدر تقول رايك فى الرئيس محمد حسنى ..تقدر تقول رايك فيه علنا ..حتى لو وصل الامر انك تقوله ادامه...طبعا الكل بيقول وانا اعرف ايه فى السياسه علسان اقول رايى فى الريس.ليه مخليين كلمه الريس خاصه بالسياسه بس...مع انها كلمه عامه يعنى هو مسئول عن كل حاجه فى الدوله عنى وعنك وعن راحتى وعن خدماتك......يعنى مثلا حاجه زى التعليم الى محدش راضى بحاله دا ..لو الريس محاسبش وزير التعليم مين الى هيحاسبه.......؟..حاجه زى الصحه يا جماعه المحسوبيه دخلت كمان فى صحه المواطن يعنى بقت بالواسطه..عندك واسطه عدى معندكش يبقى اتلقح فى الطبور لحد ما يجى دورك(وابقى قابلنى لو جه).... والكل دلوقتى بيتكلم عن المجهود الخارق الى بذل فى حل مشكله طوابير العيش(جم يكحلوها عموها خااالص) هما اه حلوا مشكله الطوابير لكن بيظوا العيش يا جماعه والله العيش مبقا يتاكل..ومشاكل غير كدا كتير ...ولو حد فكر نفسه هرقل وحاول يتكلم عن اى حاجه فى الدوله تلاقى الى بيقولك قول رايك بأعلى صوتك احنا فى بلد ديموقراطى..واول ما تفتح بؤك..تلاقى نفس الصوت ماسك العصايه وبيقولك بلاش قله ادب انت عارف انت بتتكلم عن مين دول اولى الامر...يعنى ميصحش(كلمه ديموقراطيه الى كنا نعرفها زمان دى خلاص اتلغت ماتت واهى مرميه فى ترب الغفير وطلعتلنا كلمه ديموقراطيه جديدة معناها انك ملكش حق فى اى حاجه ) والله ما بقيت عارف ايه الى يصح وايه الى ميصحش...ولو فضلنا كدا ماشيين زى الغنم مش فاهمين اى حاجه بس اهو ماشين والله هيجى اليوم والى ما هنعرف احنا بنخدم مين (كلمه نخدم مقصودة)..وهنبقى مسيرين حتى فى تفكيرنا.....معلش يا جماعه اذا كنت برغى بس انا حسيت انى عايز اقول كدا وادينى قولته ......سلااام...هيـــــثم
_GUIDE_ 31-03-2008, 10:27 AM معلش كان ليه استفسار
انتا ضفت ايه جديد
كل كلامك ده عرفينه اتر من مواعيد الاكل
zambalek_boy 31-03-2008, 10:28 AM شكرا على ردك
الرهينه 31-03-2008, 10:30 AM ديموقراطيه
انا اعتقل اذا انا موجود!!
zambalek_boy 31-03-2008, 10:34 AM ولما تعتقل هتطلع علشانك ثورة مثلا..ولا اثرت فى اى حاجه لكن لو انا وانت وغيرنا اتكلمنا مش معقول هيعتقلوا الشعب كلوا...انا كنت كاتب الموضوع دا كدا يعنى...بس يلا ناخد ردود كل من يحب يشارك ......
الرهينه 31-03-2008, 10:45 AM ولما تعتقل هتطلع علشانك ثورة مثلا..ولا اثرت فى اى حاجه لكن لو انا وانت وغيرنا اتكلمنا مش معقول هيعتقلوا الشعب كلوا...انا كنت كاتب الموضوع دا كدا يعنى...بس يلا ناخد ردود كل من يحب يشارك ......
يعنى ايه مش عايز ردود يعنى :confused:
خلاص انا هروح اخد الرد بتاعى
والله من رأيى اننا بنلعن زماننا اكتر من اللازم اعتقد لو حاولنا نغيره بدل ما نحط ايدنا على خدنا وننعى حظنا
اكيد هيتغير للاحسن
بالمناسبه الركن العام للمواضيع المطروحه للنقاش :)
zambalek_boy 31-03-2008, 10:50 AM بصى يا رهينه(حلــــو اوى اسم رهينه دا) ..اقتبس كلمه منك( اعتقد لو حاولنا نغيره) مين بقى الى هيحاول كلوا بيقول يا مان كبر المهم بقى ما قولتليش هنعاكس بنات فين النهاردة..دول الى هيغيروة..ولا بتوع الميكاب الى بالكيلو...اقرى الفاتحه على شباب وبنات مصر.......ولا الضالين..عجبانى طريقه كلامك فى اكتر من موضوع يا رهينه وشكرا على مرورك...منتظر الكثير من الاراء
الرهينه 31-03-2008, 10:58 AM بصى يا رهينه(حلــــو اوى اسم رهينه دا) ..اقتبس كلمه منك( اعتقد لو حاولنا نغيره) مين بقى الى هيحاول كلوا بيقول يا مان كبر المهم بقى ما قولتليش هنعاكس بنات فين النهاردة..دول الى هيغيروة..ولا بتوع الميكاب الى بالكيلو...اقرى الفاتحه على شباب وبنات مصر.......ولا الضالين..عجبانى طريقه كلامك فى اكتر من موضوع يا رهينه وشكرا على مرورك...منتظر الكثير من الاراء
آميــــــــــــن:)
nero_310 31-03-2008, 06:41 PM على فكره انتوا بعدتم خالص عن الموضوع
بس برده هشارك وهقول لكم حاجة
انتوا ضيعتم وقتك علشان اتكلمتم عن الرئيس حسني مبارك
يا جماعة حرام الوقت ال كتبتوا فيه الموضوع ورديتوا عليه كمان
zambalek_boy 31-03-2008, 07:18 PM مش فاهم تقصدى ايه الظبط ...وبعدين احنا مش بنتكلم عن الرئيس حسنى مبارك احنا بنتكلم على مستقبلنا.....
الطيب الحنون 02-04-2008, 02:00 AM ربنا يستر علينه
عشت ياريس
شكرا ليك على الموضوع الجميل
وجزاك الله كل الخير
منار صلاح 02-04-2008, 03:05 AM على فكرة امريكا هى اللى ماسكة دولتنا حسنى مبارك ده محطوت ينفذ اوامرها وبس عمر حال الدولة محيتسلح غير لما احنا نغير نفسنا لازم الشعب كله ياخد موقف لازم نلحق نفسنا قبل منضيع اكتر من كده
وعلى فكرة رايى ده بقولوا اودام اى حد ومش بخاف
ارجو تقبل مرورى وشكرا على الموضوع
zambalek_boy 03-04-2008, 07:28 PM منار...اولا شكرا على مرورك ...ثانيا محدش فاهم اى حاجه كلوا زى منا قولت مغمض عنيه وماشى ورا الى ادامه..............والله لنضيع..مش عارف اقولكم ايه...احصائيات امريكا الاخيرة تبينت ان عقل الطفل العربى اذكى عقول الدنيا..لكن شاكلهم كانوا غلطانين......مفيش عقول بتفكر كلوا بيقلد واهى ماشيه
beauty nonna 03-04-2008, 08:04 PM اخاف اقول راى.!!!!!!!!!!!!!!!!!!!!!!!!!!!!!!!!!!!!!!!!!!! و انا مالى يا عم..........
حسام الشرقاوى 03-04-2008, 11:21 PM اقولة لمين يا هيثم ورايى هيوصل لمين وهيفيد باية
zambalek_boy 05-04-2008, 06:37 PM حسام يا بنى انا بقيت بفتح ايميلى ......عايز اكلمك اوك....وبالنسبه للموضوع يا جماعه لازم كلنا نكون راى واحد....وحاجه زى اضراب بكرا دا اكيد هيعمل حاجه بس لو اطبق صح .........................هيثم
Rambo_Uranium 05-04-2008, 07:23 PM هتقول رايك الحقيقى زى مانت عايز هيعتقولك فى البلد اللى احنا فيها دى .
حسبى الله ونعم الوكيل
حسام الشرقاوى 05-04-2008, 07:47 PM حسام يا بنى انا بقيت بفتح ايميلى ......عايز اكلمك اوك....وبالنسبه للموضوع يا جماعه لازم كلنا نكون راى واحد....وحاجه زى اضراب بكرا دا اكيد هيعمل حاجه بس لو اطبق صح .........................هيثم
انت ياله هتتجننى قرايبك يقولوا انك فى قطر وهتكمل هناك ويا عم هيثم الجهاز بتاعى فى مشاكل ورايح اودية الضمان بكرة فى القاهرة وهعد هناك اسبوع كدة لحد ما يتصلح بس بردة هكلمك من هناك
بورسعيدى 06-04-2008, 02:34 PM http://www.thanwya.com/vb/life/icons/new_.gif هل تجرؤ على ...؟
http://www.thanwya.com/vb/life/icons/new_.gif انا لا اجرؤ على ...
http://www.thanwya.com/vb/life/icons/new_.gif عارف ليه ؟؟؟؟
http://www.thanwya.com/vb/life/icons/new_.gif لانه لا يوجد ديمقراطية
شكراااا
|