بسم الله الرحمن الرحيم

انا قررت اتكلم عن ماده الاقتصاد والاحصاء بالتفصيل الممل والمشل لانى واخدها وجبت الكتب فحبيت افيد على قد ماقدر اللى محتارين واللى مش عارفين نظامها ايه واللا بتتكلم عن ايه ((اكيد بتدعولى دلوقتى استنو قى اما تكملو الموضوع هتدونى فلوس كمان:022yb4:)))

انا هتكلم عن شويه حاجات كده فى المادتين دول بالتفاصيل بتاعتها بحيث مخليش فى نفسكو اى حاجه ولو هيبقى فيه استفسارات تانيه مقلتهاش انا موجود بردو

ركزوا بقى شويه معايا


:excl::excl::excl:

>>تقسيمه المنهج<<

6 فصول اقتصاد + 5 ابواب احصاء

:excl::excl::excl:

>>مواضيع المنهج<<

اولا الاقتصاد :المشكله الاقتصاديه , عناصر الانتاج , الدخل القومى والناتج القومى , الماليه العامه و الخصخصه و الموازنه العامه ,النقود والبنوك والبورصه ,التجاره و العولمه

ثانيا الاحصاء: الاحتمال , المتغيرات العشوائيه , الوزيع الطبيعى , الارتباط , الانحدار

:excl::excl::excl:

>>عدد الحصص والمزاكره <<

الاقتصاد : 20-21 حصه (3+3+2+5+5+3) كل حصه= 3ّّّ~5 صفحات مزاكره + حل التدريبات على حسب لو خلصت الدرس

الاحصاء : 9 حصص (3+2+2+1+1) كل حصه = صفحتين مزاكره + 6 صفحات مسائل محلوله + حل تدريبات ((10 صفحات على كل درس))

يعنى كلو بالكتير 30 حصه يبقى لو كل اسبوع حصتين مثلا سبت وتلات هتخلص فى 15 اسبوع اى فى 3 شهور ونصف تقريبا :dوكل درس هياخد ساعه ونص مزاكره+ساعه حل تدريبات عليه:006et4:

:excl::excl::excl:

>>سهوله الماده او صعوبتها<<

دى بقى على حسب رغبتك لو هتذاكر بضمير هتبقى ماده هايفه وهتقفلها ولو عاملتها كانها ماده ملهاش لازمه هتاخد على دماغك ومش بعيد تسقط فيها;)

اما هى سهله لو انت ليك ميول ليها و لان الاقتصاد اصلا ماده جديده فانت متعرفش اصلا هى ايه فمش هتفرق معاك هى حلوه واللا وحشه انما الاحصا عندنا فكره عنها من اعدادى وهى كانت مع الجبر فلو بتحب الرياضه اكيد مش هتبقى مشكله عندك

بالاضافه الى سهوله فهم الماده وده يخليك متاخدش درس فيها وتوفر الوقت احسن تعمل فيه حاجه مفيده

وربنا الموفق على كل حاال:)

:excl::excl::excl:

>>مواصفات الامتحان<<

الاقتصاد : مدته ساعه ونص وهو عبارع عن سوال اجبارى + 3 اسئله تختار منهم 2 وكله بيعتمد على الفهم والحفظ للماده ومفيش مسائل ولا حاجه من دى خالص وبالتالى فان كل سوال مثلا هياخد 20 دقيقه ((كتير اوى لو سهل ومتوسطين لو صعب)) وبعدين يتبقى وقت لمراجعه الاجابات او عمل اجابات اخرى

الاحصاء : مدته بردو ساعه ونص وهو عباره عن سوال اجبارى به مسالتين +3 اسئله اختيارى نختار منهم 2 وكل واحد فيهم مسالتين بردو يعنى مجموع مسائل الامتحان 8 نحل منهم 6 ولا يوجد بالامتحان غير المسائل وبالتالى كل النظرى اللى فى المنهج للفهم فقط عشان نعرف المسائل جت منين يعنى وطبعا كل مساله لو خدت 10 دقايق يبقى ميه ميه ((ومش هتاخد عشر دقايق على فكره عمرها)) ويتبقى وقت للمراجعه بردو او عمل اجابه تانيه

ملاحظه1/ الامتحانان فى نفس اليوم ولكن الاقتصاد بيكون الاول وفيه نص ساعه فرق بين الامتحانين
ملاحظه2/ كل امتحان عليه 25 درجه ومجموعهم 50 درجه
ملاحظه3/ الامتحان يقيس مدى فهمك للماده وبالتالى عشان تجيب الدرجه النهائيه لازم تكون مزاكر كويس اوى وده طبيعى:blush:
ملاحظه4/ يمكن التاكد من نواتج اغلب مسائل الاحصا بواسطه الاله الحاسبه الجديده fx 570 وده طبيعى بردو

:excl::excl::excl:

>>المراجعه والنسيان على اخر السنه <<

الاقتصاد : مراجعته هتاخد حوالى 6 ايام ده لو خدت جزء منه وانت بتراجع كل يوم مع المواد التانيه

الاحصاء : المراجعه بتكون من كتاب المراجعه وده 4 صفحات بس !!!! يعنى فى عشر دقايق تكون مراجعها ويبقى فاضلك مثلا بقيه اليوم تحل مسائل (بس تكون فى يوم لوحدها)

يبقى هتاخد منك من الاخر اسبوع واحد مراجعه ((مثلا العربى بياخد 3 شهور؟؟!!!))

النسيان بيبقى شبه منعدم لانها ماده فهم فى المقام الاول

:excl::excl::excl:

>>الكتب اللى هنزاكر و نحل فيها<<

الاقتصاد : الامتحان, وبيكون شرح + تدريبات + امتحانات , يعنى مش محتاجين غيره

الاحصاء : المعاصر , وبيكون شرح + مسائل محلوله مع الشرح + تدريبات + امتحانات يعنى بردو تمام اوى

وطبعا التدريبات كلها فى الكتابين مجابه

:excl::excl::excl:

>>عدد صفحات الكتاب<<

الاقتصاد : حوالى 75 صفحه وده فى كتاب الامتحان (اللى بيفصل التفصيل الممل) انما المدرسى اقل من كده بكتير

الاحصاء : حوالى 80 صفحه وده بالمسائل المحلوله (اللى هى اغلب الكتاب) وطبعا المدرسى نص الرقم ده او اقل

:excl::excl::excl:

:d:d:d

:022yb4::022yb4::022yb4:


كده الموضوع خلص بس اى حد عنده استفسار يتفضل وانا مش هتاخر ولو حد عنده حاجه يضيفها يتفضل بردو


وياريت من الاعضاء اللى خدوا علم النفس او خدوا فلسفه او حتى جغرافيا يعملو نفس فكره الموضوع ده بنفس الطريقه بس على الماده اللى خدوها عشان كله يستفيد ولكم الثواب

محدش ينسى يدعيلى ربنا يوفقنى:d:d

ويارب الموضوع يفيدكو كلكو :)

ميلحوظه بسيطه جدا


هذا الموضوع للافاده فقط وليس لحث الاخرين على اى شيى ولكم كل الاحترام والشكر


((سورى قلبت درامى شويه:lol: :lol: ))

معلش بس سؤال
ده للثانويه طبعا ..بس علمى ولا ادبى اللى هياخدوه
على فكره انا لسه هدخل 1 ثانوى فانا معرفش ايه اللى فى الثانوى علشان مش تستهزأ بسؤالى
شكرا

شكرا أنا إن شاء الله واخد اقتصاد بس السنة الجاية بس موضوع حلو قوي

بردوه مش هاخد اقتصاد واحصاء :d:p

هو انا تقريييييييييييييبا تقرييييييييييييبا كده..........والله اعلم:006et4:
هاخد اقتصاد السنة الجاية
اصل بصراحة مش متأكده انا اخترت ايه:blush:
بس غالبا هو يعني:d

وعموما ميرسي يا أستاذ أحمد:022yb4:
وربنا يوفقك:022yb4:

ايه ده.......يعني محدش قال ربنا يوفقك غيري:028ja7:
يلا بقى معلش:006et4:
ربنا يوفقك بالنيابة عنهم كلهم:friendsxs3:

ميــــــــــــــــرسى كتير
انا اقتصاد وخايفة برده ربنا يستر
الحاجة لما بتبقى سهلة بقلق منها اكتر :d


انا لسة مبتدتش درس الاقتصاد والاحصا لسة فى شهر 10 ان شاء الله
ربنا معايا ومعاك

معلش بس سؤال
ده للثانويه طبعا ..بس علمى ولا ادبى اللى هياخدوه
على فكره انا لسه هدخل 1 ثانوى فانا معرفش ايه اللى فى الثانوى علشان مش تستهزأ بسؤالى
شكرا


ينفع الاتنين على فكره

اما تدخلى السنه الجايه هتعرفى:078111rg3:

يا ريت باه لو مقارنه بين الاقتصاد والاحصاء وعلم النفس
تبقى بجد تمام ده بعد اذنك طبعااااااااااااااااااااا
عشان انا بسمع كلام كتير ومش عارفه اختار

يا ريت باه لو مقارنه بين الاقتصاد والاحصاء وعلم النفس
تبقى بجد تمام ده بعد اذنك طبعااااااااااااااااااااا
عشان انا بسمع كلام كتير ومش عارفه اختار

ازيك يادودى

بصى انا كتبت فى اخر موضوعى ان الاعضاء اللى واخدين المواد الادبيه التانيه ممكن يعملو موضوع زيه وانتى تقارنى بقى عشان انا مخدتهاش ومش بحب افتى واللا انتى مدخلتيش الموضوع بتاعى اللى اسمه بلاش تفتى؟؟؟

ازيك يادودى

بصى انا كتبت فى اخر موضوعى ان الاعضاء اللى واخدين المواد الادبيه التانيه ممكن يعملو موضوع زيه وانتى تقارنى بقى عشان انا مخدتهاش ومش بحب افتى واللا انتى مدخلتيش الموضوع بتاعى اللى اسمه بلاش تفتى؟؟؟

تمام ازيك انت يا احمد
يا ريت لو حد بجد يعمل كده بجد هيفيد كتير
الصراحه مدخلتووووووووووش:blush:

بردوه مش هاخد اقتصاد واحصاء :d:p


بيتهيقلى انا مذكرتش فى الموضوع انى عامله عشان تاخدو اقتصاد افتكر انى قلت عكس كده ودى بردو حاجه انت حر فيها ;);)

تمام ازيك انت يا احمد
يا ريت لو حد بجد يعمل كده بجد هيفيد كتير
الصراحه مدخلتووووووووووش:blush:


طيب هو الرابط بتاعه اهه http://thanwya.com/vb/showthread.php?t=362173 لو عايزه تدخليه

هو مش مهم اوى يعنى بيتكلم عن الفتى وانا عملت الموضوع ده بردو لنفس السبب

طيب هو الرابط بتاعه اهه http://thanwya.com/vb/showthread.php?t=362173 لو عايزه تدخليه

هو مش مهم اوى يعنى بيتكلم عن الفتى وانا عملت الموضوع ده بردو لنفس السبب

ان خلاص دخلته حلو ع فكره

ان خلاص دخلته حلو ع فكره



طااااااااايب

يارب يكون استفدتى منه عشان محدش يضحك عليكى لحسان الفتى ده اكتر حاجه موجوده فى البلد

الناس بتفتى حتى لو مش عارفين واما نزنقيهم بيقولو ماهى هتبقى كده امال هتكون ايه!!!!!!!!!!!!!!!!!

حاجه فعلا صعبه

طااااااااايب

يارب يكون استفدتى منه عشان محدش يضحك عليكى لحسان الفتى ده اكتر حاجه موجوده فى البلد

الناس بتفتى حتى لو مش عارفين واما نزنقيهم بيقولو ماهى هتبقى كده امال هتكون ايه!!!!!!!!!!!!!!!!!

حاجه فعلا صعبه
فعلا عندك حق والله ممكن الفتى ده يودى ف داهيه

طااااااااااااايب خلاص

بصو يا جماعه انا قررت اعمل موضوع لعلم النفس انا عندى شويه كتب ليها وكنت بدات فيها الدرس اول السنه بس مكملتش

ويارب الفايده تعم عليكو كلكو:p

بسم الله الرحمن الرحيم






الموضوع ده تكمله للموضوع بتاع الاقتصاد بناء على طلب الاعضاء بس هتكلم فيه عن علم النفس والاجتماع:022yb4::022yb4:

وده رابط موضوع الاقتصاد للى ماقروش لسه http://thanwya.com/vb/showthread.php?t=365050

وبعد قراءه الموضوعين ارجو الاجابه على الاستطلاع اللى فى الموضوع ده للعلم بالشيى فقط:d

انا هتكلم على اساس الكتب اللى عندى والحصتين اللى خدتهم اول السنه تجربه ويارب تستفيدو:rolleyes::rolleyes:

:excl::excl::excl:


>>تقسيمه المنهج<<

9 وحدات 5 علم نفس + 4 علم اجتماع

:excl::excl::excl:


>>مواضيع المنهج<<

علم النفس: تعريف علم النفس والسلوك والمنبهات,منهج علم النفس وفروعه,الدوافع,الانفعالات,الاحساس,الانتباه,الادراك ,التعلم,الذاكره,النمو والارتقاء,الشخصيه,الاتجاهات

علم الاجتماع: تعريف علم الاجتماع ونشاته,ميادين الدراسه به ,مكونات البناء الاجتماعى,التغير,التنشئه والمواطنه,الوعى الاجتماعى,الاغتراب,قيمه الوقت وانواعه,الانحراف,الادمان,التخلف والتحديث,الانفجار السكانى,الهجره,العولمه,الارهاب,الحروب,المستقبل

ملحوظه/المواضيع كثيره وغير مترابطه وده عيب وميزه فى نفس الوقت عيب لانك ممكن تتخلبط بينهم وميزه لانك مش هتتعمق فى دراسه اى موضوع بصوره كبيره فمش هيبقى صعب اوى


:excl::excl::excl:

>>عدد الحصص والمزاكره<<

47/50 حصه وكل حصه = 2صفحه مزاكره(وده تمام اوى مش قليل لانه من المدرسى انما لو الخارجى هيتفردو فى اربع صفحات او اكتر كمان) + حل اسئله على الحته اللى زاكرتها

ولو افترضنا مثلا انك هتاخد يومين فى الاسبوع سبت وتلات مثلا يبقى فى خلال 25 اسبوع هتخلص المنهج ودول تقريبا 5شهور ونصف :cool:


:excl::excl::excl:

>>سهوله الماده او صعوبتها<<

الماده دى ليها شبيه خدناه قبل كده وهو الفلسفه فى اولى ثانوى مع الاختلاف فى حاجتين المواضيع و الكم (الفلسفه فى اولى حوالى تلت علم النفس)

ولكن هما الاتنين نفس النظام فى المزاكره و الحفظ وحل الاسئله

من الاخر لو كنت حابب الفلسفه او حتى قابلها يعنى مش بتكرهها كره العمى وبيجيلك حساسيه اما تسمع اسمها يبقى خد علم نفس انما لو بيجيلك حساسيه من الحفظ انصحك هتتعب فيها فبلاش احسن:mad:

ولكنها ماده تعتبر اسهل قليلا من الفلسفه مع وجود نسبه الحفظ اكبر فيها من الفلسفه بس حفظ لذيذ مش صعب اوى مش زى الادب بتاع العربى مثلا

ومش محتاجه درس خالص خالص مش عارف بياخدو درس فيها ليه !!!!:mad::mad:

كلنا مخدناش درس فى الفلسفه وجبنا الدرجه النهائيه المهم انها مش محتاجه درس لانها مش فيها صعوبه على مستوى الاستيعاب الصعوبه فيها على الحفظ وبردو هقول للمره التانيه مش رخمه زى الفلسفه يعنى حفظها سهل شويه:006et4:

مع ملاحظه اعتمادها على بعض الالفاظ الغريبه زى الفلسفه مع اختلاف الالفاظ طبعا:006et4:

مثال: الفلسفه >>>> استنباط واستقراء ........
علم النفس>>>> استبطان و قوقعه ..........

ملاحظه كمان ممكن تتلخبط فى الالفاظ وتضيع الدنيا :006et4:

مثال تكتب ظواهر بدلا من مظاهر ومكون بدلا من وجود(احد انواع المكونات فى علم الاجتماع) وهكذا.....

ملخص الدش ده لو ملكش فى الحفظ خالص يبقى هتسقط فى الماده دى لان كل المطلوب منك فى الامتحان انك تكتب اللى فى الكتاب بالنص;)


:excl::excl::excl:

>>مواصفات الامتحان<<

مدته 3 ساعات متواصلين وبه نظام اسئله تماما مثل الفلسفه كالاتى

اولا علم النفس: سوال اجبارى به 4 فرعيين + سوال تانى به 4 فرعيين تختار منهم3 + سوال تالت به 4 بردو تختار منهم 3

ثانيا علم الاجتماع : نفس الموال بالضبط

يبقى مجموع الاسئله 24 سوال لازم تحل منهم 20 يعنى كل واحد منهم لازم ياخد 5~7 دقايق بالكتير ويتبقى عشر دقايق نام فيهم شويه او سلم الورقه وقوم:d:d لان طالما كتبت الاجابه فى الماده دى وانت مزاكر كويس اوى ومتاكد من الاجابه يبقى مش محتاج تراجع وهتقفلها باذن الله:)

مع العلم انك لو حافظ وبتحل على طول السوال مش هياخد خمس دقايق (مش كلو فيه بردو اسئله طويله شويه و مقارنات وحاجات من دى):006et4:

الامتحان عليه بردو 50 درجه 25 لكل فرع وكل سوال من ال 20 عليه درجتين ونصف:028ja7:


:excl::excl::excl:

>>المراجعه والنسيان على اخر السنه<<

طبعا لانها ماده حفظ فى المقام الاول هتنسى معظمها على اخر السنه بس فيه ملاحظتين

الاولى انك لو مزاكر كويس وحالل ومظبط من اول السنه المراجعه هتبقى سهله وهتفتكر بسرعه

الثانيه فيه بعض الحاجات مش هتنساها فى الماده مهما عدا الوقت لانها بتكون معلومات بسيطه وسهله مثال تعريف علم النفس

اما المراجعه فتاخد اسبوع بس تكون مش بتراجع اى حاجه فى الماده دى غير علم النفس ومش بتروح دروس كمان

انما لو هتراجع مع بقيه المواد هتاخد شهر بالضبط مراجعه

مع ملاحظه انه لازم هتحل فيها كتير اوى عشان اسئلتها كتييييييييير ولازم تكتب بايدك كل الاجابات عشان المعلومه تتحفر بدل ماتجرب لسه فى الامتحان:006et4::006et4::006et4:


:excl::excl::excl:


>>الكتب اللى هنزاكر ونحل فيها<<

لا يوجد كتاب فى السوق به شرح عدل لعلم النفس:o:mad:

بيتفضل قدامك حلين اما انك تزاكر من المدرسى (وده جامد جدى بس دش زى عادته) او مزكره المستر (دى شاففها من المدرسى بس منظمه)

طيب والحل ياعم الحج نحل ف ايه اظن ممكن تجيب كتاب الامتحان تحل فيه الدروس اللى خدتها اول باول (مفيش امتحان شرح للماده دى وبقيه الكتب الخارجيه ملخصه ومكروته وزباله)

وانا نصيحتى تزاكر من المدرسى بس تجيب دسته اقلام ملونه وتكت فى كل صفحه الاسئله اللى عليها كل سوال بلون مختلف وتشد خط تحت اجابته بنفس اللون واى خدمه;);):d

:excl::excl::excl:

>>عدد صفحات الكتاب<<

المدرسى كله على بعضه حوالى 180 صفحه:o او اكتر شويه:mad::mad: بس الامتحان تدريبات اكتر من كده لان فيه اسئله كتيره:cool::cool:

مع ملاحظه بردو ان الشرح فى كتاب المدرسه مضغوط والصفح طويله وعريضه عن الكتاب الخارجى يعنى لو فيه كتاب الامتحان شرح للماده اعتقد انه هيبقى 300 صفحه بدون الاسئله:p

:excl::excl::excl:

لحد هنا اقولكم موضوعى انتهى ويارب اكون اديت رسالتى الاساسيه على قد ماقدر وهى عدم الفتى وياريت كمان لو الموضوع ده وموضوع الاقتصاد يتثبتم عشان منلاقيش بعد كده ناس عاملين موضوع اسمه " ساعدونى اختار اقتصاد واللا علم نفس "

وعندى ليكو طلبين واحد مهم وواحد مش مهم (معلش انا رغاى شويه:d:d) المهم انكو تدعولى بالنجاح والتوفيق السنادى والتانى انكو تجاوبو على الاستطلاع للعلم بالشيى فقط:006et4::022yb4::022yb4:

واى استفسار انا موجود ان شاء الله:bosyht9::p

:excl::excl::excl:

كله يدخل موضوع علم النفس يللا بسرعه

http://thanwya.com/vb/showthread.php?t=365341

ملاحظه بسيطه جدا


اوعى حد يجيب بقى الموضوعين ويفتحهم قدام بعض ويقعد يقارن بينهم

هيقعد على النت يقارن لحد السنه ماتخلص

فنصيحه منى ليكو

اقرى الاتنين ولو شايف ان واحده منهم مناسبه ليك اكتر من التانيه (فاهمين طبعا ازاى) خدها وامرك لله

سلاموووووووووووووز واوعو حد ينسى الطلبين اللى طلبتهم فى الموضوع:friendsxs3::friendsxs3:

شكرااااااااااااااااااااااااااااااااا جدااااااااااااااااااااااااااااااااا ع الموضوع
وربنا يوفقك وتدخل الكليه اللى انت عاوزها:)

بحب الرياضة جداااااااااا بس مش عارفة ليه حاسة مادة الاقتصاد متخلفة؟؟
اخدت علم نفس و خلاص و لحد ناو معرفش حاجة ف المنهج

بارك الله فيك ع الموضوع
"يا رب تنجح و تتفوق السنادي و ربنا يرزقك الكلية اللي انت عاوزها و ليك الخير فيها"

جزاكم الله خيررراً

فعلا موضوع ممتاز:rolleyes:

ربنا يوفقك:)

موضوع جميل اوووى بجد وكلنا اكيد كنا محتاجينة

ربنا يوفقك السنادى يارب ويوفقنى ويوفقنا كلنا ان شاء الله

وكل واحد يدخل الكلية ال نفسة فيها

موضوع ممتااااااااااااز ربنا يوفقك

ميرسى اوى ليكو كلكو

اممم

شكراا,,,

الف شكر,,,

صحيح ياجماعه انا دارسه علم نفس وحابه اقول لكل اللي عايز يختاره اللي مالوش في الحفظ ماياخدهوش اصلا لانه حفظ كتير زي التاريخ بالظبط وبتدرسوا شخصيات واعمالهم كمان فا اللي مالوش في الحفظ ياخدها منقاصرها ويختار اقتصاد واحصاء

صحيح ياجماعه انا دارسه علم نفس وحابه اقول لكل اللي عايز يختاره اللي مالوش في الحفظ ماياخدهوش اصلا لانه حفظ كتير زي التاريخ بالظبط وبتدرسوا شخصيات واعمالهم كمان فا اللي مالوش في الحفظ ياخدها منقاصرها ويختار اقتصاد واحصاء


شكرا على التوضيع يا استاذه هبه:022yb4:

صحيح ياجماعه انا دارسه علم نفس وحابه اقول لكل اللي عايز يختاره اللي مالوش في الحفظ ماياخدهوش اصلا لانه حفظ كتير زي التاريخ بالظبط وبتدرسوا شخصيات واعمالهم كمان فا اللي مالوش في الحفظ ياخدها منقاصرها ويختار اقتصاد واحصاء
الي يسمعك بتقولي شخصيات يقول دول 20 مثلاً
هما 3 شخصيات عمي مفيش غيرهم وشويه ملهومش لزمه

فيليهام فونت اسس علم النفس بمفهومه الحديث في مختبره الي اقامه في ليزبيج بألمانيا
وعمنا أوجست كونت مؤسس علم الأجتماع
والحج اميل دور كايم وإنجازاته 3 واهيف من بعض

وفيه شخصيات ملهاش لزمه زي البورت بتاع القاموس
ايزنك بتاع الشخصيه

بسسسسس

علي فكره انا كنت علم نفس ومكنتش باخد فيه درس يعني هيا حصه او حصتين كنت بروحهم في الشهر تقضيه واجب بس
ومذاكرته سهله جدااااااا
أه هو متعب في البدايه لحد ما تتعود بس لو مسكته حلو اضمن ال50 بلااااااا ادني شك
وفيه ابواب بجد هايفه ومتتنسيش مهما عدي الزمن زي تعريف علم النفس وشروط قيام العلم والمكانه والجماعه الإجتماعيه ودورها و التنشئه والإدمان والنمو والذاكره والتعلم والإحساس والتنبه
كلها حاجات بجد ما تتنسيش لأن كله كان بيجر بعضه
ومش محتاج ذاكره رهيبه
انا كنت احياء وفيزيا مع علم النفس
وعلم النفس يمكن كنت بذاكره قبل الامتحانات فقط
والحمد لله لميت المنهج كله بمجهود لا يذكر
طبعاً ده مش معناه ان الإقتصاد وحش
فيه ناس عندنا كتيييييييييير 50 بس بتكلم عن تجربه شخصيه

الموضوعين اجمل من بعض
جزاك الله كل خير :d

بجد استفدنا منهم كتييييييييييييييييير
ربنا يوفقك

جميل موضوعك وتسلم علية اكيد

بس بصراحة بالنسبالى مش مطمنة ليها مع انى بحب الرياضة جدااا


واخدت علم نفس

ربنا يوفقك يارب ويوفقنى ويوفقنا كلنا قولو أمين بقى

جزاك الله خيرااااااااا
انا وخده اقتصاد م الاول بس كنت مقلقه وانا حاسة اني لوحدي كده طمنتني ميرسي اوووووووي ليك :)

اناماعرفش الباقي انا بتكلم علي اللي انا اخدته لحد دلوقتي ممكن يكون عشان لسه مش خدت عليه اوي بس انا مش قلت انه صعب بالعكس هو سهل انا قصدي انه عايزه حفظ كتير

طب انا بقى واخده علم النفس والاقتصاد اصوت اقول ايه

طب انا ادبي واخدة علم نفس و محتارة بين الفلسفة و الاقتصاد و الاحصاء اعمل ايه بقي ههههههههههه
بس انا خلاص استقريت ان شاء الله علي الاقتصاد :)

جزاك الله خيرا على الموضوع

أنا واخدة اقتصاد و احصا و مقتنعة بيها جداا مع شوية قلق بسيط جداا
بس الكلام ده طمني جداً من ناحية المادة
ربنا يسترها معنا كلنا يا رب :)
و شكراً للموضوع و التوضيح

الف شكر
وتسلم الايادى

شكرا ليكو كلكو ,,

شكرااااااا اوى

عارف بجد طمنتنى والله لان تقريبا الناس كلها معترضة على اقتصاد واحصا لانى تقريبا هكون لوحدى فى المدرسة كلها اقتصاد واحصا لان كلهم بنات وولاد علم نفس بس انا الحمد لله مطمنة لاقتصاد واحصا وربناااااااااااااااااااااااا يستر ولتانى مرة شكرا جدا يا بش مهندس احمد(ده لو انت علمى رياضة) او شكرا جدا يا دك احمد (لو انت علمى علوم)

انا علم نفس وبكره الفلسفةكره العمىاحول ولا ايه

الاقتصاد : 20-21 حصه (3+3+2+5+5+3)

هما 26 او 30 ساعة تخلصها المدرس يشرح ويحل واجب ويمتحنك كمان

الاحصا 9 ساعات حلوين اوى

وبكده تخلص الاقتصاد والاحصا فى يومين الا شوية على مدار السنة كلها

المراجعة بتبقى على 6 ساعات يعنى 3 حصص دبل

شرح استخدام الآلة فى حل معظم الامتحان هتلاقيه فى قسم الاحصا للبشمهندس عبد الرحمن

عارف بجد طمنتنى والله لان تقريبا الناس كلها معترضة على اقتصاد واحصا لانى تقريبا هكون لوحدى فى المدرسة كلها اقتصاد واحصا لان كلهم بنات وولاد علم نفس بس انا الحمد لله مطمنة لاقتصاد واحصا وربناااااااااااااااااااااااا يستر ولتانى مرة شكرا جدا يا بش مهندس احمد(ده لو انت علمى رياضة) او شكرا جدا يا دك احمد (لو انت علمى علوم)

العفو يا لولو انا رياضه (يعنى باش مهندس:d)
الاقتصاد : 20-21 حصه (3+3+2+5+5+3)

هما 26 او 30 ساعة تخلصها المدرس يشرح ويحل واجب ويمتحنك كمان

الاحصا 9 ساعات حلوين اوى

وبكده تخلص الاقتصاد والاحصا فى يومين الا شوية على مدار السنة كلها

المراجعة بتبقى على 6 ساعات يعنى 3 حصص دبل

شرح استخدام الآلة فى حل معظم الامتحان هتلاقيه فى قسم الاحصا للبشمهندس عبد الرحمن



(3+3+2+5+5+3) الارقام دى على فكره عدد الحصص على كل فصل مش عدد الساعات

وبعدين 30 ساعه زى مابتقول تقريبا نفس عدد الحصص لان كل حصه ساعه ونص بحل التدريبات

وشكرا على مرورك:)

مس الاقتصاد قلتلى هو بالكتير 3 شهور وبس وتقريبا حصة فى الاسبوع
اما الاحصا المستر قالى 5حصص وبس

انا علم نفس وبكره الفلسفةكره العمىاحول ولا ايه


انت شايف انهى افضلك؟؟

مس الاقتصاد قلتلى هو بالكتير 3 شهور وبس وتقريبا حصة فى الاسبوع
اما الاحصا المستر قالى 5حصص وبس


اوك يا لولو ربنا معاكى

اولا الموضوعين جمال جدا انا اخترت علم نفس وده لانى مش بحب تارياضه خالص شكرا ليك بس بجد استفدت جدا من الموضوعين

مرسيى كتير انت بجد جاوبت على كل الاسئلة الى عندى تقريبا هى المشكلة الوحيدة الى هتبقى عندى فى الحفظ بس هحاول

اولا الموضوعين جمال جدا انا اخترت علم نفس وده لانى مش بحب تارياضه خالص شكرا ليك بس بجد استفدت جدا من الموضوعين


العفو,,,,,

مرسيى كتير انت بجد جاوبت على كل الاسئلة الى عندى تقريبا هى المشكلة الوحيدة الى هتبقى عندى فى الحفظ بس هحاول


ربنا معاك,,,,,

لازم الاله تكون Fx 570 متنفعش FX 500 ؟؟

والقوانين بسيطه فعلا ولا معقده ؟؟

لازم الاله تكون Fx 570 متنفعش FX 500 ؟؟

والقوانين بسيطه فعلا ولا معقده ؟؟



لو على الاحصاء ال fx500 تنفع عادى وتنفع ال fx82 كمان بس احنا بنقول fx570 عشان اللى واخد رياضه 2 وكمان عشان الجامعه سواء هندسه او طب او صيدله الخ


القوانين بقى اغلبها تعويض مباشر ماعدا قوانين الاحتمال بتغيرى صيغه المعطى لحد ماتوصلى للصيغه اللى تجيبلك المطلوب من الاخر القوانين حفظ وتعويض على طول

انا واخد اقتصاد و احصا و بدات الاتنين من اخر 9 تقريبا و ماشي بنفس التقسيمة بتاعت الاحصا اللي انت قايلها
اما الاقتصاد فانا الحصة الجاية اخلص الفصل التالت و بكده كل فصل يكون اخد حصتين

انا واخد اقتصاد و احصا و بدات الاتنين من اخر 9 تقريبا و ماشي بنفس التقسيمة بتاعت الاحصا اللي انت قايلها
اما الاقتصاد فانا الحصة الجاية اخلص الفصل التالت و بكده كل فصل يكون اخد حصتين


هو انت بتاخد درس واللا بتزاكرها لوحدك

تم النسخ للافاده

ربنا يبسطلك كل امورك يارب ويطمنك زى ما طمنتنا يااارب

ربنا يبسطلك كل امورك يارب ويطمنك زى ما طمنتنا يااارب

متشكر جدا دا من ذوقك :)

جزاك الله خيرا على الموضوع
انا اخترت اقتصاد واحصا ومكنتش اعرف عنهاحاجة
عندى سؤال بقى انا ناوية ان شاء الله اخد درس فى الحصا واذاكر الاقتصاد لوحدى
فعايزة اعرف ابدأ اذاكر من اول السنة عشان اضمن ان شاء الله انى اقفل الامتحان
ولا ابدا من اخر شهور عادى ومش حتفرق واوفر على نفسى وقت فى الاول

كلام غريب
بدل وجع الدماغ وكل واحد يقول راية
طب مانرجع لتصريح الوزير أثناء إعلان النتيجة النتيجة
مادة الاقتصاد والاحصاء تحتل المركز الأول
ولم يقترب منها فى النسبة إلا مادة التربية الدينية فقط

وتحتل المركز الأول فى نسبة النجاح العام
وتحتل المركز الأول فى الحصول عل الدرجة النهائية
بتهيألى كدة وضحت

انا كنت كاتب ف الاستمارة علم نفس
بس كدة هغيرها لاقتصاد واحصاء
الف شكر ليك وربنا يوفقك ويوفقنا جميعا

بجد بجد بجد مشكووووووووووووووووووووووووووووور وربنا يوفقك ويوفقنا بجد وانا كنت مرعوبة من البسمعه عليها بس دلوقتي الحمدلله اطمنت شوية
بارك الله فيك

انا بشكركم بجد الموضوع مفيد جدا
وافادني في اختيار المادة الادبية
الف شكر

طب هو أنهى أحسن علم النفس و الإجتماع و لا الإقتصاد و الإحصا أنهي أحسن و بيحتاج مذاكرة أقل ؟؟؟؟؟

موضوع جميييل اوووووى يا احمد
ربنا يكرمك يا عسسل ;)
إن شاء الله هاخد اقتصاد و احصاء السنه الجايه
بس بجد موضوع مفيد اوى و عجبتنى الماده جدااا ;)

موضوع حلو جداااااااااااا