عندى 3 اسئلة في الكيمياء العضوية

1- كيف يتم ترقيم حلقة البنزين ثلاثية الاحلال هل بنبدأ من الذرة ذات الاسبقية في الحروف الابجدية ونسير ناحية اقرب مجموعة او ذرة اخري بديلة ولا ايه لانى بشوف في كتب بيبدأوا بذرات تانية مش لها اسبقية في الابجدية ومرة تانية يبدأوا بذرة لها ابجدية !!

2- في مركب t.n.t ما معنى طاقة الربط الى في كتاب المدرسة وممكن توضيح لماذا هو مركب شديد الانفجار لانه في كتاب المدرسة قايلها بسرعة ومش موضحها .

اخر سؤال : في المنظفات الصناعية النقطة الرابعة في كتاب المدرسة الى بتقول تتغطى القاذورات والنسيج تماما بجزيئات المنظف وعند اى احتكاك ميكانيكي تبدأ عملية التنظيف وكما هو معروف ان الشحنات المتشابهة تتنافر فإن النسيج والقاذورات تتنافر كل مع الاخر لان رؤوس الجزيئات التى تغطيها والتى يواجه بعضها الاخر تحمل شحنات كهربائية موجبة .

انا بقى سؤالي هو رؤوس الجزيئات قصده بيها الى هو الجزء so3 السالب ازاي بقى هو قايل تحمل ششحنات كهربية موجبة ، ياريت لو انا فاهم غلط ارجو توضيح الصح وشكرا

انتم فيييييين ؟؟؟؟؟

ايه يا ناس حد يرد عليااااااا

بنبدأ من الذرة ذات الاسبقية في الحروف الابجدية ونسير ناحية اقرب مجموعة او ذرة اخري بديلة بس لو فيه مجموعه موجهه بنبدأ منها

السؤال التاني انا مش اعرفه

السؤال الثالث هو الجزء hso3بعم ما يتفاعل مع naoh ليصبح الرأس so3 na

شكرا لك جزيلا

الترقيم يا جماعة مش بالحروف الابجدية الترقيم باقل مجموع للتفرعات والتسمية بتبقى بالحروف الابجدية لان الكتاب كان عاملها الاول بالحروف الابجدية ورجع عدلها فى الطبعة الجديدة والاستاذ بتاعى برضوا رجع شرحها لنا تاانى

يعني يا هيما المثال الى في كتاب الوزارة للشرح في هذه النقطة هنعد من البروم من تحت زي الوزارة ما عاملة ولا هنعد من الكلور علما بان العد من الكلور من فوق هيبقى اقل مجموع للتفرعات افتح الكتاب كده وقولي وشكرا لردك

عندى 3 اسئلة في الكيمياء العضوية

1- كيف يتم ترقيم حلقة البنزين ثلاثية الاحلال هل بنبدأ من الذرة ذات الاسبقية في الحروف الابجدية ونسير ناحية اقرب مجموعة او ذرة اخري بديلة ولا ايه لانى بشوف في كتب بيبدأوا بذرات تانية مش لها اسبقية في الابجدية ومرة تانية يبدأوا بذرة لها ابجدية !!

يتم ترقيم حلقة البنزين من الناحية الأقرب للتفرع (أي تأخذ الأرقام المجموع الأقل) وتم تعديل ذلك في كتاب المدرسة الجديد ص 252 وبذك يصبح اسم المركب 4 - برومو - 1 - كلورو - 2 - نيترو بنزين

2- في مركب t.n.t ما معنى طاقة الربط الى في كتاب المدرسة وممكن توضيح لماذا هو مركب شديد الانفجار لانه في كتاب المدرسة قايلها بسرعة ومش موضحها .

يكون التفاعل سريع (الإنفجار عبارة عن احتراق سريع) إذا كانت الروابط في المتفاعلات ضعيفة والروابط في النواتج قوية لأن التفاعل يسير ناحية المركبات الأثبت أي ذات الروابط الأقوى
وفي هذا التفاعل روابط المتفاعلات ضعيفة (n-o) بالنسبة لروابط النواتج ( غازي ثاني أكسيد الكربون والنيتروجين) لذلك يحث التفاعل سريعا (انفجار)
اخر سؤال : في المنظفات الصناعية النقطة الرابعة في كتاب المدرسة الى بتقول تتغطى القاذورات والنسيج تماما بجزيئات المنظف وعند اى احتكاك ميكانيكي تبدأ عملية التنظيف وكما هو معروف ان الشحنات المتشابهة تتنافر فإن النسيج والقاذورات تتنافر كل مع الاخر لان رؤوس الجزيئات التى تغطيها والتى يواجه بعضها الاخر تحمل شحنات كهربائية موجبة .

انا بقى سؤالي هو رؤوس الجزيئات قصده بيها الى هو الجزء so3 السالب ازاي بقى هو قايل تحمل ششحنات كهربية موجبة ، ياريت لو انا فاهم غلط ارجو توضيح الصح وشكرا
يقصد التنافر التي تحدثه أيونات الصوديوم الموجبة

بالنسبة للعد نختار الارقام ذات المجموع الاقل (( المجموعات الاقرب من بعضها )) يعني الكلور و النتيرو قريبين من بعض نعد من عند النيترو ونتجه ناحية الكلور ثم البروم ولكن اذا تم العد من ناحية الكلور تبقى البروم بعيدة وعند كتابة اسم المركب نراعي الترتيب الابجدي ونكتب البروم ثم الكلور ثم النيترو