السلام عليكم ورحمة الله وبركاتة
لو سمحتوا فيه سؤالين محيرني في الترانزستور ومش لاقيلهم اجابة لو ممكن حد يساعدني
1-اذا كانت الالكترونات تنتقل من البلور n الى البلور p تلقائيا بسبب الفرق بين تركيز الالكترونات والفجوات..فكيف تنتقل الالكترونات من البلورة p الى n بالرغم من ان البلورة n ليس بها فجوات ..اي ان جهدها سالب ...فكيف تنتقل الالكترونات السالبة الا بلورة سالبة ايضا؟

2- من المعروف ان الترانزستور يستخدم كمكبر لشدة التيار...لو تيار الباعث مثلا 1 ميكرو امبير وتيار المجمع مثلا .9 ميكرو امبير يكون تيار القاعدة .1 ميكرور امبير...اي ان تيار القاعدة ينتجع عن تيار الباعث..فكيف اذا نستخدم الترازنستور في تكبيير تيار القاعدة بالرغم من انه اصلا ناتج عن التيار الاصلي (1ميكرو امبير)الذي نستخدمه !

ارجوا المساعدة لان المسائل دي محيراني جدا
ولكم جزيل الشكر

بسم الله الرحمن الرحيم

هبدأ بالجزئية التانية خلينا نبدأ بالراحة و من الأول يعنى ايه ترانزيستور هاه المقطع ترانس زى ترانسبورت أو ترانسفورم يعنى فى الانجليزى المقطع ده يدل انك بتنقل من حالة لحالة أو من مكان لمكان أو باختصار حاجة لحاجة
طيب هنا ترانزيستور المقطع التانى من ريسيستور أو مقاومة
ما علينا ايه اللى الدخل المقاومات فى الموضوع ده حاجة لسة حضرتك ما درستهاش أصلا :)

بس المهم نتفق إن الترانزيستور حالتين
و الدليل على كده عندك بطاريتين فى الدائرة مش كده برده و لا ايه

طيب ابه بقى الحالتين المنفصلين دول

القاعدة مع البطارية الشمال دول أول حالة
و البطارية التانية مع الباعث و المجمع دول الحالة التانية
و تجاوزًا هنقول دول دائرتين

و الدائرتين دول واحدة بتتحكم بالتانية بالتحديد دائرة القاعدة بتتحكم فى دائرة المجمع و الباعث
و الدليل على كده الترانزيستور لما بتستخدمه مفتاح بتتحكم فى تيار القاعدة
و منه بتتحكم فى الترانزيستور كله

فافرض مثلاً مثلاً إن ريموت التليفزيون ده القاعدة
و التليفزيون ده هو دائرة المجمع و الباعث

الريموت فيه حجارتين 3 فولت
و التليفزيون كهربته 220 فولت

شوف بقى انا بتحكم ب 3 فولت دول فى 220 فولت
يعنى كأنى كبرت ال3 فولت لغاية 220 فولت
أو بمعنى تانى معامل التكبير حوالى فى حدود 97 ضعف !
طبعًا الكلام ده مش تطبيق فعلى على الترانزيستور بس نفس الفكرة

نيجى بعد الرغى ده لسؤال حضرتك
تيار الباعث 1 ميكرو و تيار المجمع 0.9 ميكرو أنا هقولك فى سرك و بينى و بينك اعتبرهم متساويين
و تيار القاعدة ده 0.1 ميكر هو اللى بيتحكم فى حاجة قده 9 مرات
يبقى البيتا 9 مثلاً مثلاً

هو ده المفهوم لو محدش فاهمه كويس من لخبطة الكتب
بس لما تيجى تجاوب فى الامتحان جاوب زى الكتب و هتلاقيه راكب مع الكلام اللى قولناه بس مش من قريب

بالنسبة للسؤال الأول أنا مش فاهم قصدك ايه بالضبط
بس الترانزيستور مكون غير خطى بمعنى انه مش زى المقاومة دقيق و بيتوصف ببساطة
ده حاجة تقريبية و كل ما تغوص فى العلم هتلاقى فيه بلاوى
أيا كان وضح سؤالك أكتر ووضح تقصد بال n أنهى واحدة فى الترانسيستور

أرجو أكون وضحت حاجة
بالتوفيق ،،،،،،،

اولا لازم تعرف ان البللورة N أو p تحتوى أى منهما على إلكترونات و فجوات حرة و لكن بتركيز مختلف فالبلورة n تركيز الإلكترونات أكبر و الثانية العكس
ثانيا عندما تنتقل إلكترونات من البللورة n يصبح جهدها موجب و هذا ما يجذب إلكترونات سالبة من البللورة p إليها و هو ما يعرف بتيار الإنسياب و يا رب يكون المعنى وصل لحضرتك .
مجدى عامر
مدرس فيزياء و صاحب مذكرة الأمل فى الفيزياء .