حارتنا اللى بحبها


على بابها
صراخ وعويل
وصوت عالى
لتسجيل
وكوره بيشوطها
هلف طويل
وملايه لف
وجزمه تفصيل
وواحده نازله
نشر غسيل
وواحد ماشى
مسطول بيميل
وواحد بيحزق
ياعينى ياليل
وكسيح عا الأرض
مريض وعليل
وعجوزه بتشحت
والدمع يسيل
وغدوة مسافر
مصروره فى منديل
ورضيع عا الأرض
ممصوص وهزيل
وحزمة جرجير
ومية نيل
وحاوى كلمنجى
أستاذ تمثيل
وقهوه شايها
ا سود كاليل
وكبسة بوليس
والقلام شيل
ومجارى طافحه
وعرق يسيل
وبيوت مايله
خايفه الرحيل
وأذان وركوع
و توحيد و تهليل
وحلاق فضولى
وعربجى وخيل
وخناقه وشوم
وصلح وتقبيل
ودرويش بمبخره
بيوحد الجليل
كل واحد
حلمه قليل
والدنيا تحته
بتتهز وتميل
وجبال الهموم
يحمل ويشيل
والسعى كبير
والرزق قليل
والصبر كبير
من ألف جيل
لكن وقت العوزه
والزنقه والويل
أنادى الحقونى


الاقى ألف أصيل


شاعر الليل

جميل مشكووووووور

شكرا بس محتاج حضرتك تقولي لو انت اللي مألفها
اول ما كتبتها كتبتها فين
وامتي بالظبط لو سمحت
:)

جمييييييييييييييييييييييييييييلة كتيييييييييييير

حارتى وحارتك


واتفرقوا الحارات !!

هى جميله بس فيها كلمات غريبه

تسلم ايدك:)

شكرا بس محتاج حضرتك تقولي لو انت اللي مألفها
اول ما كتبتها كتبتها فين
وامتي بالظبط لو سمحت
:)

مع شكرى الخاص لحضرتك ولكن مع الاسف انى كنت واضعها فى الركن الادبى وانها ليست من تاليفى وكنت ساتحدث عنها وعن الشارع المصرى القديم والشارع الان ومع الاسف لقد قمت بانك المشرف العام بنقلها الى ابدعات الاعضاء بدون التساؤل عن هذه القصيده من تاليفى ام لا .........وفى النهايه اوحه شكرى مره اخرى احمد رضا

جميل مشكووووووور


حضرتك الى مشكور على ذيارتك الجميله دى

واتفرقوا الحارات !!

هى جميله بس فيها كلمات غريبه

تسلم ايدك:)


تسلملى انت ...وان شاكر لك جدا على الذياره الجميلهدى ربنا يكرمك .......
لكن الكطلمات الغريبه دى مضمون اللغه العاميه