بسم الله الرحمن الرحيمالنهاردة ياجماعة هقول لكم على خبر مش هتصدقوة

الخبر هو ان المدينة اللى انا عايشة فيها بدأو يعملوا نشاط جاااااامد جدا وهو


اصحاب المخابز بتاعت العيش بقوا دلوقتى بيرحموا الناس من طوابير العيش

والانتحار والقتل اللى بيحصل فيها وبقوا بيعملوا زى المطاعم


بس كلة بثمنة يعنى الراجل اللى بيوصل الطلبات لة 11 جنية فى الشهر


توصيل الطلبات للمنازل) ( يعنى العيش بقى بيتوصل للمنازل بداية من 1\ 4 اية رأيكم


وياترى العمل دة هيدوم ولالالالالالالالالالالالالالالالالالالالالالالالال الا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عندنا عملو حاجتين
بقو بيغلفو العيش في اكياس ويبقي اغلي شويه متهيألي بس ممكن تقف خمس دقايق
والتانيه هما عملوا منافذ بيجيبولها عيش جاهز بيعملوه في الافران الكبيره وبيبقي فاضي خالص برده
ياللا ربنا يخليك لينا يا ريس

متشكرة جدا على مرورك ياسندريلا

احنا فى بلدنا برضو قالوا على الحكاية دى
بس زى ما قولت قالوا يعنى كلام موت يا ...... على ما يتنفذ الكلام دة
انا نزلت المدرسة قريب وفى فرن قريب من المدرسة تصدقوا عامين اربع صفوف للرجالة بس
المنظر العام يحقق المعادلة:
الحصول على رغيف عيش = فوزا عظيما
احنا شوية كدة ونعمل مسابقة ازائل الطلبة واللى يكسب ياخد رغيف عيش !!
مشكوووووووووووووووور

عندنا عملو حاجتين
بقو بيغلفو العيش في اكياس ويبقي اغلي شويه متهيألي بس ممكن تقف خمس دقايق
والتانيه هما عملوا منافذ بيجيبولها عيش جاهز بيعملوه في الافران الكبيره وبيبقي فاضي خالص برده
ياللا ربنا يخليك لينا يا ريس

عملوا كده فعلا ... اها رحمونا من الطوابير

بس العيش ما يتاكلش اصلا لانهم نوعين

اما انهم بيعملوا العيش الصبح ويحطوه ف شنط ع طول وطبعا العيش بيبقى معجن

اما انهم بيعملوه من بليل وبرده ما يتاكلش:(

على فكرة يا جماعة شكلة مش كلام بيقولوا انة هيتنفذ من بكرة فى بلدنا ووزعوا بونات على الناس المشتركين وهتكون عبارة عن عربية تعدى على البيوت توصل العيش للبيت بمجرد انك تقدم البون بتاعك بس مش عافة الاشتراك الشهرى اد اية هسال واقولكوا اول لما يتنفذ
مشكورين

احنا بقى معملوش عندنا حاجة خالص ويبقى الحال على ما هو علية وعلى المتضرر .........................................

وياترى العمل دة هيدوم

ما هوشغال من سنه تقريباً
وزى الفل

إحنا عندا مطبقه من فتره إشتراك شهرى 35 جنيه
يعنى بــ1 جنيه يومياً
و 4 جنيه للى بيوصل العيش
و1 جنيه عشان العيش بيجى فى كيس

انا يمكن نظامنا مختلف

انا عايشة فى برج

يعنى تدى عم عصام العامل كل شهر فلوس ويوصل لك

كل يوم بجنية عيش

الفرن اللى بياخد منها دى فرن بس للعمال اللى بتاخد للابراج وقليلين خالص من الناس

التانية اللى بتروح كده

بس والله العيش ميتاكلش كله اسود وكل يوم بيصغر عامل ذى البرشام

وممنوع اكتر من جنيه قال ايه قال الحكومة مرخصة بجنية واحد بس

ان بقى ايه امى ست مريحة دماخها خالص ،، ساعات لما خلاص نطلع من هدومنا من العيش

بتعمله هى بالبيت او بنجيبه من قريتنا يعنى اللى بيكون صحى اكتر بيكلف فلوس مرواح ومجى

والتانى بيكلفنا صحتنا

يلا هى البلد كلها خربت جات على العيش بس

لا احنا عندنا الحمدلله الراجل بتاع الفرن عرف تيتة خلاص زبونة مستديمة كل يوم كل يوم مش يوم ويوم وكدة وست كبيرة فبيعديها ع طول :D

ولما حد من قرايبنا يحب يجيب عيش بييجى يفوت ع جدتى الاول تيجى معاه هى اللى بتعرف تجيب

بس بردو عيش الفرن مش اوى بردو فمام بتجيب من مخبز تانى بيبقى بليل الرغيف بنص جنيه وصغر اوى هو كمان بس بردو بالضرب


عمار يا مصر

والله الناس غلابة جدا بتشوف منظرهم مش تزعل عليهم بس دانت هتبكى عليهم لما تشوف راجل كبير جدا بالعمر رايح الفرن وواقف فى طابور عريض علشان يجيب رغيفين الناس بتقوم من النوم بدرى علشان تروح الفرن دى بقت مشكلة كبيرة جدا يعنى احنا شفنا مشكلة احتلال بلد مشكلة فتنة لاكن اول مرة نشوفو مشكلة رغيف العيش وفى بلدنا كمان بلدنا دى جميلة اوى بس تكون اجمل لو كل واحد بيشتغل بجد وميستغلش حد

ههههههههههههههههههههههههه
طابوووووووور
دى حروب اهليه حبيبى
والله العظيم بقالى 3 شهور مجبتش عيش من الفرن بسبب المجاعات
شكرااااااااااااااااااااا
موضوع فعلا مهم

أنا بروح أشتري قبل الفجر بيكون أحسنلي

الموضوع اتنفذ عندنا فعلا والعيش بيجى للبيت وفى كيس وجميل واخر تمام
انا فرحانة اوى
اول مرة اشوف الفرن فاضى كدة

الحصول على رغيف عيش = فوزا عظيما
تصحيحا للمعادلة : الحصول على رغيف عيش*الصبر= فوزا عظيما
لان لو الصبر بيساوى صفر فمستحيل تاخدى رغيف واحد :D


المشكلة هنا ان احنا بنعالج حاجات فرعية ...بنعمل كمادات للمريض بدل ما نشوف سبب الحمى
مفروض يكون فيه رقابة اولية على الدقيق اللى بيروح الفرن ويكون فيه تشديد على عملية الخبز ومراقبة ع الفرن اصلا
عشان هى دى المصيبة الرئيسية ان صاحب الفرن بياخد الدقيق يبيعه

متشكرة جدا ليكم كلكم ياجماعة ولكل اللى عمل مرور للموضوع بس ياريت مناخدشى مخالفات على الكلام دة ونكون متراقبين ولا حاجة

انتوا لازم كل حاجة تكون100%
احمدوا ربنا على الموجود
احنا مش دولة متقدمة احنا دولة نامية ضغيرة عايشين في حالنا
نحمد ربنا ولا كل شوية نبص لفوق
الجوع هو اللي هيخلينا نتقدم
متظنوش أن الناس في الدول المتقدمة
بيعملوا زينا
لأ
أنا اعرف واحد أوروبي قالي أن سبب تقدمهم تخلفنا
أن العربي لما يريد يشتري فاكهه يذهب ويشتري خمس أو عشرة كيلو برتقال مثلا
لكننا نحن الاوربيين أنا وراجع من الشغل اشتري واحدة ليا وواحدة لزوجتي

الناس غلابة وبتصدق كل شى المشكلة مش فى الطابور المشكلة فى المحسوبية اللى عملت الطابور

والله عندكم حق الناس طالع عنيهم دلوقتى فى كل حاجة

جماعة سبب أزمة العيش ليس إلا ما يلي

المشكلة



وَلَقَدْ أَخَذْنَا آَلَ فِرْعَوْنَ بِالسِّنِينَ وَنَقْصٍ مِنَ الثَّمَرَاتِ لَعَلَّهُمْ يَذَّكَّرُونَ
(130الأعراف)





السبب



ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُمْ بَعْضَ الَّذِي عَمِلُوا لَعَلَّهُمْ يَرْجِعُونَ
(الروم41)



العلاج



وَلَوْ أَنَّ أَهْلَ الْقُرَى آَمَنُوا وَاتَّقَوْا لَفَتَحْنَا عَلَيْهِمْ بَرَكَاتٍ مِنَ السَّمَاءِ وَالْأَرْضِ وَلَكِنْ كَذَّبُوا فَأَخَذْنَاهُمْ بِمَا كَانُوا يَكْسِبُونَ (96) أَفَأَمِنَ أَهْلُ الْقُرَى أَنْ يَأْتِيَهُمْ بَأْسُنَا بَيَاتًا وَهُمْ نَائِمُونَ (97) أَوَأَمِنَ أَهْلُ الْقُرَى أَنْ يَأْتِيَهُمْ بَأْسُنَا ضُحًى وَهُمْ يَلْعَبُونَ (9 أَفَأَمِنُوا مَكْرَ اللَّهِ فَلَا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ (99)
( الأعراف )


و أيضا


فَلَوْلَا إِذْ جَاءَهُمْ بَأْسُنَا تَضَرَّعُوا وَلَكِنْ قَسَتْ قُلُوبُهُمْ وَزَيَّنَ لَهُمُ الشَّيْطَانُ مَا كَانُوا يَعْمَلُونَ
(الأنعام43)

هو مقلتش ليكوا الموضوع فركش فضل شهر واحد وبعدين الشخص اللى كان بيدير الموضوع قال انا اسف مش هقدر اكمل ورجعنا تانى للطوابير بس الراجل دة صعب عليا جدا عارفين واحدة ست ضربتة اسفة يعنى بالشبشب !!!!!!! معقول ازاى جوزها يوافق على الهزلة دى
عارفين اية الحل مش نقعد نولول ونصوت والحكومة اللى واللى لا الحل
ان الستات ترجع تعمل العيش فى البيت تانى وكفاية بس ريحة العيش ولا شكلة ولا طعمة انما نقعد نقول تدعيم زمش تدعيم مش هنتقدم شبر واحد
عارفين انا فكرت (مش امتحانات بقى ) فكرت لما اتخرج من الجامعة باذن اللة والاقى المستقبل بلاك فى بلاك زى كل الشباب مش هقعد جمب امى ومعملش حاجة لا انا هعمل مشروع بعيد عن الحكومة طبعا لو عملتة فى ظل الحكومة هيطلعوا عينى وترخيص وضرايب و... ادفع اضعاف ثمن الموضوع المهم هيكون عبارة عن فرن كبير الستات تجيب الدقيق والخميرة والحاجات دى واحنا نعمل العيش واللى هيشتغلوا ستات ارامل ومطلقات وكدة موضوع حلو باذن اللة اعملة
انا عارفة ان مخى داهية بس الغلط فى الاستخدام

حتى العيش بقى دليفرى والله ياما حنشوف لسه

مشكووووووووووووووووووور