تم الاجتماع اليوم بمحافظ القليوبيه ووكيل الوزاره ومدير الأمن
وكنت حاضرا الاجتماع بعد مظاهره حاشده أمام مبنى المحافظه من معلمى الأجر بالقليوبيه
وبعد معاناه ومراوغات كثيره
كان مطلبنا الأساسى هو التثبيت لكل من هو على رأس العمل بدون قيد أو شرط
تم الاتفاق على الاتى
1- إمهال المحافظ حتى يوم الخميس 22 مارس الخميس بعد القادم لعمل اتصالاته مع وزير التربيه والتعليم ووزير الماليه
حسب قوله لدراسه امكانيات الوزاره فى تثبيت كل العاملين ( مدرسين واداريين وعمال )
2- أخذ ضمان شخصى من مدير الأمن اذا لم تحقق مطالبنا المشروعه الا وهى التثبيت سندخل فى اعتصام مفتوح أمام مبنى المحافظه وسنمتنع عن الطعام والشراب جميعا ثم تصعيد الأمر لعدم المشاركه من كافه المعلمين بعدم المشاركه فى أعمال الامتحانات أثناء الامتحانات ومنع سير العمليه التعليميه
3- تم الاتصال أمامنا بمحمد نجيب مدير التنظيم والاداره لايجاد الدرجات الكافيه للتثبيت كما وعدنا فى لقاء سابق
4- تم الاتفاق على حشد مظاهره لكل معلمى ألاجر يوم الخميس 22 مارس للوقوف على آخر المستجدات
واذا لم تنفذ مطالبنا المشروعه سنفعل حالا ماتم الاتفاق عليه .

وهذا وأدعو كل معلمى الأجر بالقليوبيه التواجد أمام مبنى المحافظه يوم الخميس 22 مارس للمطلبه بحقوقنا

هذه آخر فرصه يا جماعه
ياريت نكون ايد واحده
وياريت كل المحافظات اسوه بينا تكون ايد واحده
نحن لسنا قليلين
.....................

بارك الله فيك يا د / محمود على هذه الأخبار
وياريت نعرف أخبار المحافظات الأخرى كذلك
من الأخوة الزملاء .
وفقكم الله وإن شاء الله التثبيت قادم
شكراً .

السلاام عليكم ورحمة اللة
نعم هذة هى اخر فرصة يا جماعة لابد من الحضور يوم الخميس وكل زميل ينشر هذا الميعاد حتى يتم حضور عدد كبير جدا من المدرسين
انا كنت حاضر فى الاجتماع وكلام الاستاذ محمود صحيح اذا راحت الفرصة المرة دى يبقى علية السلام

انسى يا عم محمود الاعتصام يكون فى مكان العمل وتعطيل الشغل فيوصل صوتك لكل الناس ويجيلك كل الناس لحد عندك لكن شغل المحاربين والثوراجية دا ما ينفعش من دلوقتى انسى يوم الخميس لو عايز حقك اتفق مع الناس على عدم دخول الحصص مفيش موظف فى الدولة خد حقه الا بالامتناع عن العمل غير كده انتى اللى هتتعب وتتبهدل ومش بعيد تتحبس كمان

ان شاء الله يوم 22 هنكون كلنا هناك علشان لو مضغطناش عليهم مفيش حاجه هتحصل والدليل انهم كانوا قالوا ان قبل 15/3 هيتم اخد قرار بالنسبه للعماله المؤقته ولسه مفيش جديد فلابد من الضغط

على فكرة محافظ القليوبية ليس في يده هذا القرار ولايمكن تثبيت محافظة وترك أخرى فهذا الأمر سوف يشعل بقية المحافظات الأفضل هو الاتفاق مع كل المحافظات على يوم أمام وزارة التربية والتعليم

ربنا معاكم ويوفقكم
كلنا متضامنين معاكم باذن الله
سيروا على بركة الله
هى مش هتيجى الا بالسلوب دة
لان انا شايف ان مافيش حاجة بتحصل فى البلد الا بلوى الذراع
واكن احنا مش فاتحين بيوت ولا من حقنا نعيش عيشة كريمة مش دى بردو اهداف الثورة اللى ازاحت النظام الفاسد
لام اعتصام مفتوح لازم لازم

أي آخر الأخبار في القليوبية