بسم الله الرحمن الرحيم
السلام عليكم و رحمة الله و بركاته
على فكره يا جماعه انا تعبانه اوي
و بجد محتاجه اوووووووي انكم تردوا عليا
بالله عليكم اللي يدخل الموضوع ده يرد عليا .. مش الاقي المشاهدات 944 و الردود 0 ! :confused:
عارفين بجد حاجه تقرف
انا ياجماعه .. خسرت كل الناس اللي في حياتي مره واحده !! :o :o
و اوعوا حد يستغرب
هتقولوا لي فيه ايه يا بنتي
بصوا أنا لما جبت مجموع في تانيه ثانوي .. عارفين انا فرحت بالمجموع ده لحاجتين
أول حاجه اني كده مشيت اول خطوه في طريق تحقيق حلمي و بيقولوا "مشوار الألف ميل يبدأ بخطوه" و دي أول خطوه
تاني حاجه .. و هي إني عرفت مين من صحباتي بتحبني بجد .. و مين اللي مصحباني مصلحه
تخيلوا اني اكتشفت انهم كلهم ولا واحده فيهم بتحبني !!
أول واحده و اللي كانت أقرب البنات ليا و اللي كنت بحبها اووووووي على الرغم اني مش كنت بقولها اسراري كلها لإن كل اسراري مع اخويا الكبير و مش مع حد تاني و كنا مع بعض حلوين اوي اوي .. هي اول واحده سابتني و بقت معاملتها معايا جافه جافه و مش بقت تسأل عني ولا بتطيق تكلمني نص كلمه !!
و لما اتصل بيها الاقيها تكلمني بأرف .. و بطريقه غبيه و انا بقول .. خليني اعاملها بأحسن ما عندي .. انا مسلمه و الرسول عليه الصلاة و السلام قال اني اعامل الناس زي ما بحب انهم يعاملوني .. و انا الرسول قدوتي فلازم انفذ كلامه
مع ان صاحبتنا المشتركه ما بيننا و هي مش صديقه اوي هي مجرد زميله في المدرسه كنا بنروّح معاها بعد الضهر جابت اعلى مني و منها و مش فرحت لي انا و فرحت لها هي .. اتصدمت انا طبعاً بس اقول ايه
و لما افتكر كلامها ليا و تقولي احنا تعبنا و كنا مع بعض في كل الدروس .. و كانت ازاي كل شويه تتصل بيا و تقولي انا مش فاهمه الحته الفلانيه انا مش عارفه احل المسأله دي ساعديني و كده
بستغرب و اقول لما هو كده .. كانت مصحباني ليه؟؟؟؟ :confused: :confused:
تاني واحده و هي مش كانت صاحبتي اوي , لإختلافها عني في مزاجي و طبعي و اخلاقي .. هي من النوع اللي بيحب يقعد مع ولاد و تزعق و تحب تمشي كل حاجه بمزاجها و معاملتها وحشه اوي مع اهلها .. و مش بتحبني لإني بقول لها غلط و حرام و بوجهها بس بالتي هي أحسن .. و انا العكس الحمد لله يعني
بتحقد عليا و بتقول لمامتها ان ده مش مجموعي انا اللي بحب ازوّد المجموع و معرفش ايه .. و اني كدابه .. و هي طلعت بتكدب عليا في حاجات كتيييييير اوي عشان تاخد مني فلوس مش أكتر !! و لما اواجهها بكده الاقيها تثور في وشي و تقولي"بس انا مش مصلحه و ربنا يسامحك" و تقوم قافله السكه في وشي .. و بقت كله دقيقه تتصل بيا عشان تتخانق معايا لحد ما طفشت منها و غيرت الخط !! و اتخنقت بجد و اخر كلام بيني و بينها انها كانت سرقت مني فلوس من ورايا .. كنت واخداهم تكريم ليا في صناع الحياه .. فخدتهم مني و ربنا يسامحها .. وانا متأكده لإني كنت في بيتها و مش كان فيه حد معانا ومش طلعت المحفظه و رحت اصلي و سبت شنطتي جنبها .. بس عارفين أنا بجد كنت متوقعه منها كده لإن هي شخصيه مش كويسه اصلاً .. و قلت في نفسي لما عرفت كده"أظني طلعتهم زكاه ولا لوجه الله"
تالت واحده بقى مش فرحت لي خالص .. وقالت لي انتِ جبتيه بالغّش .. و مش عارفه .. و هي عارفه كويس اني مش بكره في حياتي اد الغش و اللي بيغشوا ..

هما بنتين بس اللي فرحوا لي من قلبهم .. وانا كمان فرحت لهم و بيحبووووووني اووووووووووي و انا كمان بحبهم ..

يا جماعه .. هو أنا عشان طيبه و بسامح أبقى هبله ولا ايه الحكايه؟؟
يعني الأولى اللي حكيت عنها دي .. غلطت في حقي كتير و مره قالت لي في وشي"انتِ اصلاً حقوده و غلاّويه حبتين .. و مغروره و متكبره و مش تفتكري انك perfect اوي ولا حاجه انتِ اصلاً ولا حاجه و مالكيش قيمه !" .. سامحتها لإن مش من عوايدي إني اشيل في حد .. و لما جيت اعاتبها لما قالت لي كده انكرت انها قالت حاجه زي كده اصلاً .. و عاتبتني انا عشان زعلت منها !! .. انا لو واحده مش عندي إحساس اصلاً مش كنت زعلت منها
بس انا سامحتها عشان بحبها في الله .. بس واضح ان الحب في الله ده بقى عمله قديمه محدش بيتعامل بيها
دلوقتي فيه "حب مصلحه" و ده اللي ماشي اليومين دول
و فرحت لكل البنات اللي جايبين اعلى مني بـ 2% او كده .. و انا اللي حقدت عليا .. يمكن عشان كانت معايا في كل الدروس . الله اعلم
هي اصلاً كانت على طول بتشتكي من والدها وتقولي قاعد يحبطني و بتاع .. طيب انا ذنبي ايييييه :confused:

و التانيه دي ما بتتصلش بيا غير لما تبقى عايزه حاجه .. و تكلمني برقه و ذووووووق و يا حبيبتي و مش عارفه ايه بعدين تقولي "والله العظيم لاتوافقي عاللي هقوله ده" وتحلفني و بعدين تطلب مني بقى كارت شحن .. فلوس .. اي مصيبه
بس دايماً مصيبه ماديه يعني !!!
و لما اقضيها لها الاقي رناتها اختفت ولما اتصل بيها تقولي مش فاضيه مش في البيت
و كتيييير اوي كدبت عليا وقالت لي انا عند اخواتي و بتكون في البيت عشان مش اكلمها و كنت بعرف كده من والدتها
و كدبت عليا في حاجات كتير .. وبرضو كنت بعرف من والدتها .. لولا والدتها دي كان زماني لابسه طرطور يعني !!
و الكدب عندها مرض و الغريب ان ليها واحده صاحبتها فاسده اكتر منها .. كل لما تروح عندها .. الاقيها راجعه و متنرفزه عليا اووووووووووووي و مش طايقه لي كلمه .. و اللي ارجحه في الحاله دي ان صاحبتها بتقولها عني كلام وحش انها تسيبني و كده و كمان مش بتبقى متنرفز عليا لوحدي .. لأ على كل اللي تلاقيه في وشها
و كمان بتروح تقول لوالدتها اني زيها و بمشي مع ولاد و كده .. و الحمد لله ان والدتها عارفاني كويس و عارفه اخلاقي .. مش صدقتها
بس ربنا يسامحها قاعده تقولي هنتقم و مش هنتقم و هبل كده .. بس ربنا يشفيها يعني
و واثقه اوي اني راح ارجع لها .. بس انا مستحيل ارجع لأي حد كداب .. اللي يكدب عندي ده .. زي الخاين بالظبط .. و هرجع لها استفيد ايه .. دي شبهه عليا و على سمعتى !!

عارفين .. كتير اوي لما بقعد لوحدي .. بعيط و بقول
غلطانه امي يوم على الطيب ربتني .. دايماً كانت تقولي "يابوسي .. سامحي كل اللي يغلط فيكِ .. الناس بتغلط و هي مش قاصده .. و سامحي النهارده ربنا يعفو عنك بكره"
هي فاكره ان ناسي زي ناسها .. طيبين يعني .. بس هي مش عرفت إنها كده خلتني مسكينه بين الناس و هبله .. معلش .. من غير قصدها ظلمتني
مش عرفت اني النهارده ممكن اكون بقعد اضحك مع حد .. و الحد ده يطعني في ضهري تاني يوم .. او ممكن يومها كمان هو لسه هيستنى تاني يوم !!
مش عرفت اني هبقى شاذه عن المجتمع لإني طيبه و بسامح و بسأل عن غيري

يا جماعه نفسي اعرف بس
هو انا عشان اعيش في الدنيا لازم ابقى خاينه و كدابه و غشاشه !!! ولا ايه النظام يعني؟
انا للأسف بحس اني عبيطه لإني على نياتي و بسامح و طيبه اوي .. وللأسف اكتشفت مؤخراً ان الطيبه دي ضعف شخصيه و غبي كمان

يا جماعه انا بجد تعبانه اوي اوي .. وحاسه انه خلااااااص من كتر حزني ده .. الحزن بقى جزء مني .. اي صدمه تلقيتها دلوقتي مش بقت تأثر فيا خالص و كأن أصابني "لا مبالاه" من كل حاجه ..
همّتي في شغلي .. راحت في الهوا .. و تحمسي لإني اشتغل و ادخل الكليه اللي بحلم بيها في سنه تالته بقى .. راح كل ده في الهوا و كأنه كان سراب و لم يكن ..
بقى ييجي لي حالات غريبه من كتر الحزن ده .. اولاً بقى تركيزي ضعيف اوي و لازم اي حد بيكلمني يعيد عليا الكلام مرتين او اكتر عشان يوصل لي "زي الترجمه في الجزيره كده" و برضو بقيت ابرد في عز الحر .. واشرب ميه كتيييييييييير اوووووي بكميات غريبه لجد ما في البيت بقوا بيشتكوا مني
على فكره كمان انا بقيت خوافه زياده عن اللزوم .. حتى بخاف من الناس اللي عايشين معايا في البيت .. بخاف من الناس و انا ماشيه في الشارع .. بخاف من خيالي..
تفتكروا اني اتجننت ولا ايه

انا اسفه للإطاله
بس من غلبي
و الكلام ده كله نقطه في بحر

يا بوسى يا حبيبة قلبى
اهدى بس كده شوية انا هرد عليكى فى نقاط
النقطة الاولى انك زعلانة من صديقاتك اللى بيحقدوا عليكى حبيبة قلبى الحقد ده شىء عادى فى الزمن ده انا قابلته السنة دى كتير حتى من اقرب الصديقات الى قلبى لما لقت مجموعى اعلى منها بمراحلودي مش اول مرة تحصل خلاص اتعودت بقيت اواجه الموقف بشجاعة وقوة وافتخر بنفسى واللى مش عاجبه عنه ما عجبه هم متعبوش زينا طبيعى يكون مجموعهم اقل ليه تزعلى نفسك عشان السبب ده انتى مفروض تفرحى انك متفوقة و بردو متقطعيش علاقتك بحد لهذا السبب لان ممكن يكون غصب عنهم فى لحظة غضب صدقينى ممكن تكون كويسة بس شعور جالها كده يعنى زى الغيرة كده مش حقد ولا حاجةلو حقد بقى يبقى بردو تحسنى اليها قابلى الاساءة بالاحسان
النقطة الثانية:
ع فكرة الاحسان للناس مش هبل ولا حاجة اوعى تتوقفى عنه الاحسان للناس ده شىء جميل وسامى جدابس للاسف الزمن ده مبقاش فيه اخلاق بس صدقينى مش كل الناس كده
خليكى ع اخلاقك اياكى والتخلى عنها كونى قدوة للمسلمين فى اخلاقك وده ابتلاء من ربنا
بيشوفك هل انتى مؤمنة بجد ولا اى حاجة بسيطة هتخليكى تتراجعى
اتمنى كلامى يفيدك
ومرة تانية متخليش الشيطان والناس دول يتمكنوا منك ويبوظوا اخلاقك

يا بوسى يا حبيبة قلبى
اهدى بس كده شوية انا هرد عليكى فى نقاط
النقطة الاولى انك زعلانة من صديقاتك اللى بيحقدوا عليكى حبيبة قلبى الحقد ده شىء عادى فى الزمن ده انا قابلته السنة دى كتير حتى من اقرب الصديقات الى قلبى لما لقت مجموعى اعلى منها بمراحلودي مش اول مرة تحصل خلاص اتعودت بقيت اواجه الموقف بشجاعة وقوة وافتخر بنفسى واللى مش عاجبه عنه ما عجبه هم متعبوش زينا طبيعى يكون مجموعهم اقل ليه تزعلى نفسك عشان السبب ده انتى مفروض تفرحى انك متفوقة و بردو متقطعيش علاقتك بحد لهذا السبب لان ممكن يكون غصب عنهم فى لحظة غضب صدقينى ممكن تكون كويسة بس شعور جالها كده يعنى زى الغيرة كده مش حقد ولا حاجةلو حقد بقى يبقى بردو تحسنى اليها قابلى الاساءة بالاحسان
النقطة الثانية:
ع فكرة الاحسان للناس مش هبل ولا حاجة اوعى تتوقفى عنه الاحسان للناس ده شىء جميل وسامى جدابس للاسف الزمن ده مبقاش فيه اخلاق بس صدقينى مش كل الناس كده
خليكى ع اخلاقك اياكى والتخلى عنها كونى قدوة للمسلمين فى اخلاقك وده ابتلاء من ربنا
بيشوفك هل انتى مؤمنة بجد ولا اى حاجة بسيطة هتخليكى تتراجعى
اتمنى كلامى يفيدك
ومرة تانية متخليش الشيطان والناس دول يتمكنوا منك ويبوظوا اخلاقك

حبيبتي ساره
بجد أشكرك من كل قلبي لإنك رديتي عليا
هي على فكره صاحبتي دي مش اول مره تحقد عليا
لما كنت بجيب اعلى منها في امتحانات الدروس كانت تزعل ومره قالت لي ادام الناس و المدرس "بقى تجيبي اعلى مني .. اتفو عليكي و على شكلك !!!" تخيلي !!
المدرس احرجها و قالها"بس هي ذاكرت .. يبقى لا اتفو عليها و حاجه"
بجد الموقف ده كل لما افتكره و افتكر اني سامحتها بتصعب عليا نفسي اوي اوي :(
انا بجد تعبانه اوووووي وحاسه اني ضعيفه اوي
عارفه .. عمري ماكلمت شباب على النت
دلوقتي لاقتني بعمل آد للإيميلات الغريبه و للشباب و مستغربه ازاي انا بعمل كده
و قلت لأخويا الكبير زعل مني اوي و قالي ماتضيعيش اخلاقك في لحظة ضعف و حاول انه يقويني بكلامه بس للأسف مش عرف :(

عموماً يا حبيبة قلبي ربنا يكرمك و يسعدك زي مافرحتيني بردك الجميل ده

بصى يا بوسى
انا كمان زيك كده شكل البوسيهات كلهم كدة غلبانببن وطيبين زياده عن اللزوم
انا بقى يا ستى اتاثرت باصحابى اللى كانوا معايا فى اولى ثانوى وفضلت معاهم لحد تانية ثانوى على اساس انهم كويسين وبيحبونى
واتاريهم كانوا بيبعدونى عن التفوق وكل حاجة كويسة ومكتشفتش ده غير فى اخر شهرين فى تانية ثانوى لما ماما جت عشان تراجع ليا ولاقتنى مش فاهمة حاجة فى اى حاجة وفضلت تقولى انتى مكونتيش بتسمعى كلامى كنت بقولك انهم مش كويسين وانتى كنتى بتدافعى عنهم المهم عدت تانية ث على خير وجبت مجموع كويس الحمدلله فطبعا هم جابوا مجموع زى الزفت فده خلاهم بيحقدوا عليا اوى وبقوا يحاولوا انهم يرجعولى تانى بعد ما بعدت عنهم بس طبعا (لا يلدغ المؤمن من جحر مرتين)
المهم اتعرفت على واحدة تانية كنت بحبها اوى وكانت بتيجى عندى كتير وبتذاكر معايا ولدرجة انها كانت بتقول لمامتى يا ماما ولبابايا بتقوله يا بابا
وفى الاخر خدعتنى وكدبت عليا ودى كانت تانى مرة اتخدع من صحباتى ده غير بقى الحاجات اللى حصلتلى منهم فى السنتين حاجات كتيييييير جدا بس انا عشان معايا ام ربنا يخليهالى واب ربنا يحفظه وبراعى ربنا فى كل حاجة وماشية مع ربنا فى صلاة وصوم
الحمدلله ربنا بينجينى من كل شر والحمدلله
يا بوسى انتى عاملة زيى طيبة وعلى نياتك واللى فى قلبك على لسانك ومش بتعرفى تجاملى وده تقريبا بقى اسمه هبل اليمين دول
وعلى فكرة يا دكتورة سارة انا كل مرة بعامل اصحابى كويس وبنيه صافية لكن فى الاخر بيطلعوا كدابيين وغشاشين
وبما انى داخلة الجامعة السنة دى فلازم اتحلى عن الطيبة والمعاملة الكويسة دى عشان اعرف اعيش وميتقالش عليا هبلة
انتى يا بوسى الحل الوحيد ليكى هو انك تفضلى مع ربنا وانسى كل حاجة حصلصتلك وخليكى باردة معاهم
ايوة خليكى باردة فى تعاملاتك عشان تقدرى تعيشى
وده كل اللى اقدر اقولهولك عشان تعيشى حالة افضل من اللى انتى فيها شوية
تقبلى مرورى

بصى يا آنسه بوسى
ربنا سبحانه وتعالى عمره ما بيرضى بالظلم دى حاجه لازم تكونى عرفاها كويس
وربنا سبحانه وتعالى أيضاً يمهل ولا يهمل

يعنى إنتى عيشتى وصاحبتى وجربتى وإتبهدلتى
المفروض بقه
إنك تكونى إتعلمتى من الأخطاء دى
لأن المؤمن لا يلدغ من جحر مرتين ولازم الإسان يغلط عشان يتعلم من غلطه
بس لما يغلط ميندبش حظه ويقول أنا أهبل إنى طيب وعبيط إنى بعامل الناس كويس

ما تسألى نفسك سؤال بسيط
هو أنا بعامل الناس دى كويس ليه
؟؟
عشان يحبونى عشان يقولو عليا محترمه عشان ...............................
لاء طبعاً عشان ربنا سبحانه وتعالى أمرنا بكده ودينا اللى إحنا معتنقينه بيأمر بكده بالحب والإخاء ومقابله السيئه بالحسنه

يعنى بالضبط زى اللى بيصلى عشان الناس تقول عليه دا الواد ده بيصلى دا مقطع سجاد الجامع من كتر الصلى
مش عشان يرضى ربنا ويتقرب منه
طب مش إنت صليت عشان ترضى الناس طب خلى بقى الناس دى تنفعك

يبقى أنا من رأيى إننا لما نعامل نعامل رب العباد لأن ربنا سبحانه وتعالى هو اللى هيجزينا مش الناس

وبعدين ياستى الضربه اللى متقسمش الوسط تقويه
والتعليم مش ببلاش
كل شىء تمن عشان تعرفى طعم الحاجه الحلوه لازم تدوقى المره وعشان تعرفى طعم النجاح لازم تجربى الفشل
بس الإنسان الصح بقه هو اللى يجتاز المحن بسرعه ويقدر يخرج من إختبار لإختبار تانى
وإوعى فى يوم تقولى هبدأ من الصفر وأبدأ من جديد
لاء دا غلط
إبدأى دائماً من مكان ما وقفتى حاولى تستفيدى وتصلحى فى الماضى وفى نفس الوقت ركزى فى الحاضر ومتهمليش المستقبل
عشان تقدرى تحققى هدفك
بالضبط زى ما تكونى بتعملى دون لود وصلتى 40 % والنت فصل وبعد شويه رجع تانى ياترى لو كان فيه فى الموقع ده إمكانيه إستكمال وكملتى هتخلصى بالعجل ولا لو مكنش فيه إمكانيه إستكمال وهتبدأى تانى من الصفر
طبعاً لو فيه إمكانيه إستكمال
أهو أنا عاوزك يكون عندك إمكانيه إستكمال لحياتك متقفش عشان موقف حصل أو لحظه ضياع
وخدى دى قاعده
من حبنا حبناه وسار متعنا متاعه ومن كرهنا كرهناه ويحرم علينا إجتماعه
بس متخليش الكره يتملك منك
أنا مبكرهوش لشخصه أنا بكره فيه صفته الوحشه
لإن الكره مش سمه من سمات الإنسان المؤمن

وبجد ياريت تقدرى تجتازى مشكلك وتعالجى الأمور بطريقه سلسله وبسيطه
ربنا يعينك ويوفقك لما فيه الخير يابوسى

يا بوسى يا حبيبة قلبى انتى ممكن متكلميش اللى متاكدة انه بيكرهك لكن مينفعش تتخلى عن اخلاقك
قوى ايمانك شوية وهدعيلك من كل قلبى اللهم قوى ايمانك ولا تجعل مثل تلك الحادثة تغير منها تذكرى دائما انك تفعلى ذلك ابتغاء وجه الله تعالى وتطبيقا لسنة الرسول وربنا يعينك صدقينى اصدقائك دول مش هينفعوكى يوم الدين متكثريش من التفكير فيهم لان تفكيرك فيهم ده معناه انهم غلبوكى فكرى احسن فى مرضاة الله والتمسك بالاخلاق

لا طولتى ولا حاجه
دى حاجه كويسه انك تفضفضى لزملائك فى المنتدى احسن الواحد لمابيكتم حاجه فى نفسه بيطق
انا بصراحه لماحدبيتخانق مع التانى بسمع من الاتنين علشان احكم مابينهم
انما طبعا انا مش هعرف اسمع من اصحابك دول حاجه
عمومامنكلامك ده يا بوسى انا عاوز اقولك من حبنا حبناه وزار متاعنا متاعه ومن كرهنا كرهناه ويحرم علينا اجتماعه
يعنى اللى سابك سيبيه يا ماما فيه غيره والله العظيم فيه غيره كتير جدا واذا ما اتوفقتيش فى اصحاب الثانوى ان شاء الله تتوفقى فى اصحاب الجامعه وانتى دكتوره ان شاء الله ومعظم الدكاتره بيبقوا محترمين
اما البنت اللى بتستكردك وتاخد منك فلوس دى اذا كلمتك بعد كده وطلبت منك حاجه اطلبى انتى منها
ماتخافيشمشهتديلك
بس حاربيها بسلاحها
حاربى الرخم بالرخامه والغلس بالغلاسه والكداب بالكدب
انا عارف انك طيبه ومؤدبه ومحترمه لكن فيه نوعيات ما بتجيش غير بكده
يارب كلامى يكون مفيد

تعرفى يا بوسى

انا هقولك كلمتين أرجو انك تتقبليهم منى و تفكرى فيهم لو دقيقة

" قطر الحياة ما بيقفش و مينفعش يقف لأن كل واحد بنقابله فى القطر ده مسيرنا هنفارقه
عشان كدة مينفعش لما واحد ينزل محطته القطر يقف أو احنا ننزل وراه لأنها مش محطتنا "
الخلاصة من النقطة الاولى : لازم حياتك متقفش على حلم أو شخص أو علاقة أو أى حاجة فى الدنيا
حياتك ملكك انتى و متوقفة على قدرتك انتى على استكمالها
و طالما فيه عقل شغال و قلب بيدق يبقى فيه امكانية للحياة لأن حياتنا لها قيمة كبيرة مينفعش نضيع فيها وقت أصلا

" فكرى ببساطة معايا كدة و من غير عواطف و انفعال ................. فكرى بعقلك "
ايه المشكلة ... واحدة حقوده و واحدة مشيها غلط و واحدة كانت مصاحباكى مصلحة أو قالتلك انتى و لا حاجة "

اللى حقوده دى الحمد لله ان حقدها بان فى النجاح مكانش بان فى حاجة تانية أكبر من كدة تضرك

و اللى مشيها غلط دى الحمد لله انها مأثرتش عليكى او مطولتش معاكى عشان الخليل مرآة خليله
و لو معملتيش زيها الناس هتقول عليكى انك زيها لأنك ماشية معاها

و اللى كانت مصاحباكى مصلحة فالحمد لله انها مضرتكيش و انتى متزعليش عادى انتى مش كنتى بتساعديها لوجه الله
خلاص يا ستى تبقى صاحبتك دى نفعتك بحسنتين تلاتة ......... حلوين

و بالنسبة بقى للكلام اللى سمعتيه من واحدة فيهم " انتى مغرورة و مش عارف ايه ....... "

فهقولك آيه من القرآن " و عباد الرحمن الذين يمشون على الأرض هونا و إذا خاطبهم الجاهلون قالوا سلاما "
و بيت شعر " لو كل كلب عوى ألقمته حجرا لأصبح الصخر مثقالا بدينار "

طولت عليكى و كنت رخم اوى
بس معلش و فكرى فى كلامى

بوسى انا هرد عليكى فى مشاركة تانيه ان شاء الله لانى مكملتش قراءة موضوعك بس انا عاوزاكى تهدى وان شاء الله كله هيباة تمام

بسم الله الرلحمن الرحيم

بصى يا بوسى
انا كمان زيك كده شكل البوسيهات كلهم كدة غلبانببن وطيبين زياده عن اللزوم
انا بقى يا ستى اتاثرت باصحابى اللى كانوا معايا فى اولى ثانوى وفضلت معاهم لحد تانية ثانوى على اساس انهم كويسين وبيحبونى
واتاريهم كانوا بيبعدونى عن التفوق وكل حاجة كويسة ومكتشفتش ده غير فى اخر شهرين فى تانية ثانوى لما ماما جت عشان تراجع ليا ولاقتنى مش فاهمة حاجة فى اى حاجة وفضلت تقولى انتى مكونتيش بتسمعى كلامى كنت بقولك انهم مش كويسين وانتى كنتى بتدافعى عنهم المهم عدت تانية ث على خير وجبت مجموع كويس الحمدلله فطبعا هم جابوا مجموع زى الزفت فده خلاهم بيحقدوا عليا اوى وبقوا يحاولوا انهم يرجعولى تانى بعد ما بعدت عنهم بس طبعا (لا يلدغ المؤمن من جحر مرتين)
المهم اتعرفت على واحدة تانية كنت بحبها اوى وكانت بتيجى عندى كتير وبتذاكر معايا ولدرجة انها كانت بتقول لمامتى يا ماما ولبابايا بتقوله يا بابا
وفى الاخر خدعتنى وكدبت عليا ودى كانت تانى مرة اتخدع من صحباتى ده غير بقى الحاجات اللى حصلتلى منهم فى السنتين حاجات كتيييييير جدا بس انا عشان معايا ام ربنا يخليهالى واب ربنا يحفظه وبراعى ربنا فى كل حاجة وماشية مع ربنا فى صلاة وصوم
الحمدلله ربنا بينجينى من كل شر والحمدلله
يا بوسى انتى عاملة زيى طيبة وعلى نياتك واللى فى قلبك على لسانك ومش بتعرفى تجاملى وده تقريبا بقى اسمه هبل اليمين دول
وعلى فكرة يا دكتورة سارة انا كل مرة بعامل اصحابى كويس وبنيه صافية لكن فى الاخر بيطلعوا كدابيين وغشاشين
وبما انى داخلة الجامعة السنة دى فلازم اتحلى عن الطيبة والمعاملة الكويسة دى عشان اعرف اعيش وميتقالش عليا هبلة
انتى يا بوسى الحل الوحيد ليكى هو انك تفضلى مع ربنا وانسى كل حاجة حصلصتلك وخليكى باردة معاهم
ايوة خليكى باردة فى تعاملاتك عشان تقدرى تعيشى
وده كل اللى اقدر اقولهولك عشان تعيشى حالة افضل من اللى انتى فيها شوية
تقبلى مرورى
أشكرك من كل قلبي يا نفسي (بوسي يعني :D)
انا كمان زيك برضو إتأثرت بيهم و كنت بحبهم كتيييييييير , و برضو لولا والدي و والدتي ربنا يخليهم ليا كان زماني في الضياع يعني الحمد لله وبرضو اخويا الكبير ربنا يبارك لي فيه اكتر واحد وقف جنبي
بس هو يا بنتي الكدب ده بقى عاده عند الناس ولا ايه الحكايه؟
والله انا بقيت فاقده الثقه في كل الناس .. حتى في نفسي قربت أفقد الثقه اساساً
اشكرك يا حبيبتي لردك الجميل ده ..
و هحاول أكون بارده معاهم .. لعل و عسى
==
بصى يا آنسه بوسى
ربنا سبحانه وتعالى عمره ما بيرضى بالظلم دى حاجه لازم تكونى عرفاها كويس
وربنا سبحانه وتعالى أيضاً يمهل ولا يهمل

يعنى إنتى عيشتى وصاحبتى وجربتى وإتبهدلتى
المفروض بقه
إنك تكونى إتعلمتى من الأخطاء دى
لأن المؤمن لا يلدغ من جحر مرتين ولازم الإسان يغلط عشان يتعلم من غلطه
بس لما يغلط ميندبش حظه ويقول أنا أهبل إنى طيب وعبيط إنى بعامل الناس كويس

ما تسألى نفسك سؤال بسيط
هو أنا بعامل الناس دى كويس ليه
؟؟
عشان يحبونى عشان يقولو عليا محترمه عشان ...............................
لاء طبعاً عشان ربنا سبحانه وتعالى أمرنا بكده ودينا اللى إحنا معتنقينه بيأمر بكده بالحب والإخاء ومقابله السيئه بالحسنه

يعنى بالضبط زى اللى بيصلى عشان الناس تقول عليه دا الواد ده بيصلى دا مقطع سجاد الجامع من كتر الصلى
مش عشان يرضى ربنا ويتقرب منه
طب مش إنت صليت عشان ترضى الناس طب خلى بقى الناس دى تنفعك

يبقى أنا من رأيى إننا لما نعامل نعامل رب العباد لأن ربنا سبحانه وتعالى هو اللى هيجزينا مش الناس

وبعدين ياستى الضربه اللى متقسمش الوسط تقويه
والتعليم مش ببلاش
كل شىء تمن عشان تعرفى طعم الحاجه الحلوه لازم تدوقى المره وعشان تعرفى طعم النجاح لازم تجربى الفشل
بس الإنسان الصح بقه هو اللى يجتاز المحن بسرعه ويقدر يخرج من إختبار لإختبار تانى
وإوعى فى يوم تقولى هبدأ من الصفر وأبدأ من جديد
لاء دا غلط
إبدأى دائماً من مكان ما وقفتى حاولى تستفيدى وتصلحى فى الماضى وفى نفس الوقت ركزى فى الحاضر ومتهمليش المستقبل
عشان تقدرى تحققى هدفك
بالضبط زى ما تكونى بتعملى دون لود وصلتى 40 % والنت فصل وبعد شويه رجع تانى ياترى لو كان فيه فى الموقع ده إمكانيه إستكمال وكملتى هتخلصى بالعجل ولا لو مكنش فيه إمكانيه إستكمال وهتبدأى تانى من الصفر
طبعاً لو فيه إمكانيه إستكمال
أهو أنا عاوزك يكون عندك إمكانيه إستكمال لحياتك متقفش عشان موقف حصل أو لحظه ضياع
وخدى دى قاعده
من حبنا حبناه وسار متعنا متاعه ومن كرهنا كرهناه ويحرم علينا إجتماعه
بس متخليش الكره يتملك منك
أنا مبكرهوش لشخصه أنا بكره فيه صفته الوحشه
لإن الكره مش سمه من سمات الإنسان المؤمن

وبجد ياريت تقدرى تجتازى مشكلك وتعالجى الأمور بطريقه سلسله وبسيطه
ربنا يعينك ويوفقك لما فيه الخير يابوسى

أيوا أنا اتعلمت من الأخطاء دي .. اتعلمت إني مش أثق في حد ثقه عمياء .. لإنه احتمال كبير يكون مصاحبني مصلحه و احتمال اكبر انه يكون أستاذ في الكدب و واخد فيه دكتوراه بدرجة إمتياز
أنا بعاملهم كويس لإن ده ديني و دي أخلاقي و الرسول عليه الصلاة و السلام قدوتي .. يبقى لازم أعاملهم كويس و أتجاوز عن أخطاءهم عملاً بالآيه الكريمه "وَ اَلكَاظِمِيّنْ اَلّغَيّظُ وَ اَلعَافّيِنُ عَنّ اِلنَّاسِ" عشان بيبقى ليهم ثواب عظيم .. و كمان لإني بحب ربنا أكتر من أي حد
كلامك ريحني أوي يا محمد .. بجد جزاك الله خيراً
انا عمري ما راح اكرههم .. لإن الكره ده مالوش معنى عندي .. أنا بكره تصرفاتهم اللي تعباني دي
ربنا يكرمك يا محمد و جزاك الله خيراً و بنى لك قصراً في جنات الفردوس
و هحاول أتعلم من أخطائي مع الناس دي و مش أكررها تاني
شكراً ليك مره تانيه :)
==

يا بوسى يا حبيبة قلبى انتى ممكن متكلميش اللى متاكدة انه بيكرهك لكن مينفعش تتخلى عن اخلاقك
قوى ايمانك شوية وهدعيلك من كل قلبى اللهم قوى ايمانك ولا تجعل مثل تلك الحادثة تغير منها تذكرى دائما انك تفعلى ذلك ابتغاء وجه الله تعالى وتطبيقا لسنة الرسول وربنا يعينك صدقينى اصدقائك دول مش هينفعوكى يوم الدين متكثريش من التفكير فيهم لان تفكيرك فيهم ده معناه انهم غلبوكى فكرى احسن فى مرضاة الله والتمسك بالاخلاق
أنا مش بقيت بكلمهم .. لإن هما اللي قطعوا معايا .. ومش راح أسأل عنهم تاني بجد لإني خلاص تعبت و زهقت
هما اصلاً صحبويتهم غلط عليا .. و ربنا يهديهم
انا كنت بسأل عنهم زمان لإن الخصام أكتر من تلات ايام حرام .. بس المره دي مش أنا اللي ابتديت بالخصام و كده .. و ربنا يعيني بقى
اشكرك يا حبيبة قلبي لمرورك الجميل ده و جزاك الله خيراً

==

لا طولتى ولا حاجه
دى حاجه كويسه انك تفضفضى لزملائك فى المنتدى احسن الواحد لمابيكتم حاجه فى نفسه بيطق
انا بصراحه لماحدبيتخانق مع التانى بسمع من الاتنين علشان احكم مابينهم
انما طبعا انا مش هعرف اسمع من اصحابك دول حاجه
عمومامنكلامك ده يا بوسى انا عاوز اقولك من حبنا حبناه وزار متاعنا متاعه ومن كرهنا كرهناه ويحرم علينا اجتماعه
يعنى اللى سابك سيبيه يا ماما فيه غيره والله العظيم فيه غيره كتير جدا واذا ما اتوفقتيش فى اصحاب الثانوى ان شاء الله تتوفقى فى اصحاب الجامعه وانتى دكتوره ان شاء الله ومعظم الدكاتره بيبقوا محترمين
اما البنت اللى بتستكردك وتاخد منك فلوس دى اذا كلمتك بعد كده وطلبت منك حاجه اطلبى انتى منها
ماتخافيش مش هتديلك
بس حاربيها بسلاحها
حاربى الرخم بالرخامه والغلس بالغلاسه والكداب بالكدب
انا عارف انك طيبه ومؤدبه ومحترمه لكن فيه نوعيات ما بتجيش غير بكده
يارب كلامى يكون مفيد
كلامك جميل اوي يا بيوب
و انا عارفه ان البنت اللي بتستغلني دي مش راح تدي لي حاجه لإني جربتها كتير .. هي بتاخد و مش بتدي يعني انانيه لأبعد الحدود
انا كتير برفض اني ادي لها بس بتقعد تحلف و تزن عليا اوووووي لدرجة اني مش ببقى عارفه اقعد من كتر الزن بتاعها ده .. زي الدبور بالظبط :confused:
بس النوعيات اللي مش بتيجي غير كده .. مش يستاهل ان الواحد يعرفهم اصلاً
جزاك الله خيراً يا بيوب لمرورك و ردك
اشكرك اووووي :):)
==
تعرفى يا بوسى

انا هقولك كلمتين أرجو انك تتقبليهم منى و تفكرى فيهم لو دقيقة

" قطر الحياة ما بيقفش و مينفعش يقف لأن كل واحد بنقابله فى القطر ده مسيرنا هنفارقه
عشان كدة مينفعش لما واحد ينزل محطته القطر يقف أو احنا ننزل وراه لأنها مش محطتنا "
الخلاصة من النقطة الاولى : لازم حياتك متقفش على حلم أو شخص أو علاقة أو أى حاجة فى الدنيا
حياتك ملكك انتى و متوقفة على قدرتك انتى على استكمالها
و طالما فيه عقل شغال و قلب بيدق يبقى فيه امكانية للحياة لأن حياتنا لها قيمة كبيرة مينفعش نضيع فيها وقت أصلا

" فكرى ببساطة معايا كدة و من غير عواطف و انفعال ................. فكرى بعقلك "
ايه المشكلة ... واحدة حقوده و واحدة مشيها غلط و واحدة كانت مصاحباكى مصلحة أو قالتلك انتى و لا حاجة "

اللى حقوده دى الحمد لله ان حقدها بان فى النجاح مكانش بان فى حاجة تانية أكبر من كدة تضرك

و اللى مشيها غلط دى الحمد لله انها مأثرتش عليكى او مطولتش معاكى عشان الخليل مرآة خليله
و لو معملتيش زيها الناس هتقول عليكى انك زيها لأنك ماشية معاها

و اللى كانت مصاحباكى مصلحة فالحمد لله انها مضرتكيش و انتى متزعليش عادى انتى مش كنتى بتساعديها لوجه الله
خلاص يا ستى تبقى صاحبتك دى نفعتك بحسنتين تلاتة ......... حلوين

و بالنسبة بقى للكلام اللى سمعتيه من واحدة فيهم " انتى مغرورة و مش عارف ايه ....... "

فهقولك آيه من القرآن " و عباد الرحمن الذين يمشون على الأرض هونا و إذا خاطبهم الجاهلون قالوا سلاما "
و بيت شعر " لو كل كلب عوى ألقمته حجرا لأصبح الصخر مثقالا بدينار "

طولت عليكى و كنت رخم اوى
بس معلش و فكرى فى كلامى
ولا طوّلت ولا رخمّت يا بندق
بالعكس كلامك منطقي جداً
و الحمد لله على كل حال
و صاحبتي اللي مشيها وحش دي انا كنت بنصحها لوجه الله و بالتي هي احسن يعني مش ببقى ماسكه في ايدي سيف و اقولها"لو مش سمعتي كلامي هطيّر رقبتك"بس هي اللي عاجبها الحال ده
و كتير كانت بتصوت في وشي (بتصوت بجد مش بهزر) و تقولي "انتِ اي حاجه بعملها في نظرك غلط .. اني امشي مع ولاد غلط .. اني ادخن غلط .. اني ازعق لأمي غلط"
طيب في نظرك انت .. مش الحاجات دي غلط برضو :confused: ولا هي بقت صح اليومين دول ولا ايه النظام يعني :confused: :confused: يمكن مش واخده بالي :confused:
و مره اتهمتني إني رجعيه :confused: قالت لي"انا مش فاهمه انتِ مش بتكلمي ولاد ليه .. ومش مصاحبه ازاي يعني ده .. ما تبطلي رجعيه و تخلف"
والله لو الرجعيه و التخلف ده كان معناه اليومين دول اني امشي بشرع ربنا
يبقى انا افتخر اني رجعيه و متخلفه ..:)
بجد جزاك الله خيراً يا بندق
ريّحتني بكلامك اوي ربنا يريحك
==
بوسى انا هرد عليكى فى مشاركة تانيه ان شاء الله لانى مكملتش قراءة موضوعك بس انا عاوزاكى تهدى وان شاء الله كله هيباة تمام

ماشي يا حبيبة قلبي
و انا مستنيه ردك و جزاك الله خيراً لإن في نيتك انك تساعديني

==
اشكركم من كل قلبي يا احلى اخوات .. جزاكم الله خيراً
بحبكم كلكم في الله

اختى فى الله
طوال حياتك هتقابلى ناس وتتصدمنى منهم
لكن عليك بالاستفاده من تلك التجارب
معظمنا قد حدث له ما حدث لكى
والحياه تستمر
قد نتاثر ونحزن لكن ياتى الوقت ونقابل اناس مخلصين
اتمنى لكى التوفيق

بسم الله الرحمن الرحيم

اختى فى الله
طوال حياتك هتقابلى ناس وتتصدمنى منهم
لكن عليك بالاستفاده من تلك التجارب
معظمنا قد حدث له ما حدث لكى
والحياه تستمر
قد نتاثر ونحزن لكن ياتى الوقت ونقابل اناس مخلصين
اتمنى لكى التوفيق

شكراً يا رانيا
بس انا فقدت الأمل اني اقابل حد مخلص 100% .. اللي بيحبوني .. بيحبوني بس عشان بقضي لهم مصلحه
زي ما اكون شغاله في حته حكوميه ..
لا حول ولا قوة إلا بالله ..
و بجد كلامي خلص
و جزاكِ الله خيراً يا رانيا لمرورك الكريم :)

بصى يا بوسى انا والله كنت زيك تمام ويمكن اكتر شويه واعلمى تماما ان الاخلاق والطيبه مش هباله وبكره يجى الى يقدرها انا الحمد لله لقيت صديقتى الى لا اريد عنها بديل وطبعا الكلام ده مجاش بين يوم وليله لا ده جه بعد ما فقدت الامل فى الحياه .........انتى عارفه دلوقتى بردوا حواليا ناس كتير من الى انتا بتحكى عليهم دول لما جبت النتيجه بقوا يتصلوا بيا ويقولوا اننا مش مصدقين مجموعك لغايه اما ادتهم رقم الجلوس وقلتلهم جبوها وريحونى من الكلام السم ده بقابس صدقينى ولا بيفرقوا معايا لانى ببساطه بعاملهم زى مابيعملونى
ريحى دماغك انتى لما تتبعبى من الزعل ده مش هيفيدك لا ده هيفدهم هما والى يستغنى انا عنه اغنى

بسم الله الرحمن الرحيم


بصى يا بوسى انا والله كنت زيك تمام ويمكن اكتر شويه واعلمى تماما ان الاخلاق والطيبه مش هباله وبكره يجى الى يقدرها انا الحمد لله لقيت صديقتى الى لا اريد عنها بديل وطبعا الكلام ده مجاش بين يوم وليله لا ده جه بعد ما فقدت الامل فى الحياه .........انتى عارفه دلوقتى بردوا حواليا ناس كتير من الى انتا بتحكى عليهم دول لما جبت النتيجه بقوا يتصلوا بيا ويقولوا اننا مش مصدقين مجموعك لغايه اما ادتهم رقم الجلوس وقلتلهم جبوها وريحونى من الكلام السم ده بقابس صدقينى ولا بيفرقوا معايا لانى ببساطه بعاملهم زى مابيعملونى
ريحى دماغك انتى لما تتبعبى من الزعل ده مش هيفيدك لا ده هيفدهم هما والى يستغنى انا عنه اغنى

أشكرك يا بوسي لمرورك الجميل
بس انتِ واحده من الناس المحظوظين اللي بيلاقي صاحب بجد و ربنا يخليهالك يارب و تفضلوا اصحاب على طول
انا كمان زهقت من الناس اللي بتقولي المجموع بتاعك و العبط ده , بجد بقيت أكره ارد على الموبايل او على التليفون منهم .. بقيت قافله موبايلي 24 ساعه و افتحه الاقيهم باعتين لي رسايل واللي رنوا عليا كتيييييير و هو مقفول
زهقت منهم بجد
شكراً حبيبة قلبي لمرورك :)

بصى يا بوسى متضيقيش خالص
انا برضو زيك بالظبط انا وصحابى شلتنا 8 بنات غيرى << كتير مش كده
انا جبت اعلى مجموع فيهم بفضل ربنا وانا وبنت تانيه بس اللى فضلنا علمى
طبعا بعد ما النتيجه طلعت من بين التمانيه دول ملقتش غير صاحبتين بس تخيلى!!
كلهم بانوا على حقيقتهم بعد النتيجه اوووووووى وبانت الكذابه من الصادقه والمنافقه من
المخلصه ... الخ
وكتيييير طلبوا منى انى اعاملهم بطريقتهم لكن رفضت لانى اخلاقى وتربيتى من الاخر كده
متتاوفقش معاهم يعنى من الاخر صحاب بالاسم كده
لكن كل اللى عاوزه اوصلهولك انك تقدرى تستغنى عنهم مش هاقولك عيشى من غير صحاب
بس حاولى تتأقلمى نوعا ما معاهم مش اكتر وزى ما قولتى انتى بترتاحى لاخوكى اوى خلاص ياستى
خليه هوا صاحبك هو ومامتك
وعلى فكره الاخلاق وحسن النيه مش هبل خااااااالص
وان شاء الله تعرفى تلاقى صاحبتك المناسبه

سوووووووووووورى طولت عليكى يا بوسبوس

السلام عليكم

مشكلتك بجد مشكلة نعاني بكثرة لا تصدق والزملاء في المنتدى ما قصروا

بس انا لي تعليقات بسيطة
* أنتي قولتي بس انا فقدت الأمل اني اقابل حد مخلص 100% وفي مثل بيقول المستحيلات ثلاث الغول و الخل الوفي وحاجة تالته مش فاكره بس بجد انا شخصيا لقيت زملاء عمري مالقيت زيهم

* ثانيا الضيق والهم كل الناس بتمر بيهم وعليكي باشغال نفسك والتقرب الى الله وانصحك بكتاب " جدد حياتك " للامام محمد الغزالي او " دع القلق وابدأ الحياة " لديل كارينجي بإذن الله هيفدوكي زي ما أفادوني

((((((((((((( اللهم اني اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبة الدين وقهر الرجال )))))))))))

* يروى ان المسيح الدجال عندما ينزل الى الارض فان قوما سيذهبون الية ليحاربوة ويجادلوة ........ فيصبحوا من انصارة ( بس ده الدجال شخصيا ) يعني اللي مش مستجيب للهداية ابعد عنة حتى لا اضر نفسي

* تذكري ان من رأى هموم غيره هانت علية همومة

قال لي استاذي عبدالعزيز ( جازه الله خير )

عندما تشعر باللهم افعل واحد من ثلاث ( بالترتيب )

* فضفض
* ابكي
* اكتب


واحدة بس ومتشليش في نفسك

بسم الله الرحمن الرحيم

بصى يا بوسى متضيقيش خالص
انا برضو زيك بالظبط انا وصحابى شلتنا 8 بنات غيرى << كتير مش كده
انا جبت اعلى مجموع فيهم بفضل ربنا وانا وبنت تانيه بس اللى فضلنا علمى
طبعا بعد ما النتيجه طلعت من بين التمانيه دول ملقتش غير صاحبتين بس تخيلى!!
كلهم بانوا على حقيقتهم بعد النتيجه اوووووووى وبانت الكذابه من الصادقه والمنافقه من
المخلصه ... الخ
وكتيييير طلبوا منى انى اعاملهم بطريقتهم لكن رفضت لانى اخلاقى وتربيتى من الاخر كده
متتاوفقش معاهم يعنى من الاخر صحاب بالاسم كده
لكن كل اللى عاوزه اوصلهولك انك تقدرى تستغنى عنهم مش هاقولك عيشى من غير صحاب
بس حاولى تتأقلمى نوعا ما معاهم مش اكتر وزى ما قولتى انتى بترتاحى لاخوكى اوى خلاص ياستى
خليه هوا صاحبك هو ومامتك
وعلى فكره الاخلاق وحسن النيه مش هبل خااااااالص
وان شاء الله تعرفى تلاقى صاحبتك المناسبه

سوووووووووووورى طولت عليكى يا بوسبوس

انا بشكر كل المحن و المواقف الكويسه اللي بمر بيها
لإنها بتعرفني مين صاحبي ومين لأ
يا حبيبة قلبي لا طولتي ولا حاجه
و بعدين يا بنتي الناس دي مش يستاهلوا أصلاً مسمى "صاحبه" المفروض "زميله" , "واحده اعرفها" ده اللي لايق
لإن اللي مش يفرح لي ده يبقى مش صاحبي من اولها كده
و الحمد لله على كل حال
شكراً ليكي يا قمر لإنك رديتي
==
السلام عليكم

مشكلتك بجد مشكلة نعاني بكثرة لا تصدق والزملاء في المنتدى ما قصروا

بس انا لي تعليقات بسيطة
* أنتي قولتي بس انا فقدت الأمل اني اقابل حد مخلص 100% وفي مثل بيقول المستحيلات ثلاث الغول و الخل الوفي وحاجة تالته مش فاكره بس بجد انا شخصيا لقيت زملاء عمري مالقيت زيهم

* ثانيا الضيق والهم كل الناس بتمر بيهم وعليكي باشغال نفسك والتقرب الى الله وانصحك بكتاب " جدد حياتك " للامام محمد الغزالي او " دع القلق وابدأ الحياة " لديل كارينجي بإذن الله هيفدوكي زي ما أفادوني

((((((((((((( اللهم اني اعوذ بك من الهم والحزن واعوذ بك من العجز والكسل واعوذ بك من الجبن والبخل واعوذ بك من غلبة الدين وقهر الرجال )))))))))))

* يروى ان المسيح الدجال عندما ينزل الى الارض فان قوما سيذهبون الية ليحاربوة ويجادلوة ........ فيصبحوا من انصارة ( بس ده الدجال شخصيا ) يعني اللي مش مستجيب للهداية ابعد عنة حتى لا اضر نفسي

* تذكري ان من رأى هموم غيره هانت علية همومة

الحاجه التالته من المستحيلات هي "العنقاء" ده للعلم :)
انت برضو من حظك و ربنا يخليهم لك و يبارك لك فيهم انك لقيت زملاء و اصدقاء بجد
الصديق الحقيقي بقى في الأفلام بس "فيلم هندي , اوعى وشك , رحلة حب .. إلخ"
انما في الحقيقه .. مستحيل تلاقي حد زي كده ابداً ابداً
جزاك الله خيراً للمرور و المساعده

==
قال لي استاذي عبدالعزيز ( جازه الله خير )

عندما تشعر باللهم افعل واحد من ثلاث ( بالترتيب )

* فضفض
* ابكي
* اكتب


واحدة بس ومتشليش في نفسك

أنا عملت التلات حاجات دي .. و اكترها البكاااااء الدموع اصلاً زهقت مني ..
شكراً ليك و جزاك الله خيراً
و على فكره النشيد حلو اوي :)

حبيبتي الغاليه ..... معظم البنات كده دلوقتي والله والبنات تحقد علي البنات اكتر من الولد ما يحقد عن البنت المهم ان الموضوع ده حصل معايا برده وكانت انتمتي اوووووووي فا عادي توقعي اي حاجه

الظاهر فعلا ان كل البوسيهااااااااااااااااااات كدة انا كدة بردو
بصي يا حبيبتى طول مانت عايشة فى الدنيا دى بتتعلمى و ماحدش بيتعلم ببلاش كل ما تعدى عليكى مشكلة او ازمة بتتعلمى منها تتعلمى ازاي تتعاملى مع الناس اللي حواليكى تتعلمى ازاي تختاري اصحباك تتعلمى ازاى تفهمى الناس من عنيهم ازاى تعرفى الكويس من الوحش
بصي انت المفروض تحمدى ربنا انو بيبينلك كل واحد على حقيقتة انو بيديكى علامات او اشارات تعرفى بيها اللي بيحبك بجد من اللي بيحب مصلحتة.
الرسول صلى الله علية و سلم لية حديث فيما معناه ( اللهم اكفنى شر اصدقائى اما اعدائي فانا كفيل بهم)
اصعب غدر و اصعب خيانة اما تيجى من صديق
ما تضايقيش نفسك و اتعلمى اوعى يعدى عليكى موقف و ماتتعلميش منو مهما كان اللي هتتعلمية من الموقف دة كبير او صغير المهم تتعلمى
و ربنا يوفقك و يوفق كل البوسيهاااااااااااااااااااااااااااااااات

بسم الله الرحمن الرحيم

حبيبتي الغاليه ..... معظم البنات كده دلوقتي والله والبنات تحقد علي البنات اكتر من الولد ما يحقد عن البنت المهم ان الموضوع ده حصل معايا برده وكانت انتمتي اوووووووي فا عادي توقعي اي حاجه

الحقد ده بقى مرض الظاهر كده ..
ربنا يهدي الجميع
جزاكِ الله خيراً للمرور

==

الظاهر فعلا ان كل البوسيهااااااااااااااااااات كدة انا كدة بردو
بصي يا حبيبتى طول مانت عايشة فى الدنيا دى بتتعلمى و ماحدش بيتعلم ببلاش كل ما تعدى عليكى مشكلة او ازمة بتتعلمى منها تتعلمى ازاي تتعاملى مع الناس اللي حواليكى تتعلمى ازاي تختاري اصحباك تتعلمى ازاى تفهمى الناس من عنيهم ازاى تعرفى الكويس من الوحش
بصي انت المفروض تحمدى ربنا انو بيبينلك كل واحد على حقيقتة انو بيديكى علامات او اشارات تعرفى بيها اللي بيحبك بجد من اللي بيحب مصلحتة.
الرسول صلى الله علية و سلم لية حديث فيما معناه ( اللهم اكفنى شر اصدقائى اما اعدائي فانا كفيل بهم)
اصعب غدر و اصعب خيانة اما تيجى من صديق
ما تضايقيش نفسك و اتعلمى اوعى يعدى عليكى موقف و ماتتعلميش منو مهما كان اللي هتتعلمية من الموقف دة كبير او صغير المهم تتعلمى
و ربنا يوفقك و يوفق كل البوسيهاااااااااااااااااااااااااااااااات

والله فعلاً الظاهر ان كل البوسيهات عندهم نفس المشكله
الواحد يغير اسمه او يلوم على عيلته انها بتدلعه بـ "بوسي"
بجد ربنا يهديهم كلهم
و صاحبتي اللي حقدت عليا انا النهارده بسألها بحسن نيه خالص و بقول لها "انتِ هتاخدي عربي مع مين" و انا مش قصدي حاجه بتقولي "ياريت مش تسأليني في حاجه زي دي تاني , انا خلاص اتعلمت !!"
يعني قصدها اني شمتانه فيها !!!!!!!!!!!!! و انا والله ابداً ابداً مش شمت فيها ولا حاجه
هشمت في ايه؟ مانا ممكن في يوم من الأيام اقع في موقف مش حلو و الناس تشمت بقى !!
بجد تعبت انا من سوء الظن
يعني كل ده و انا اللي غلطانه وبشمت
يا نهار ابيض على الظن :eek: :eek:
مش لاقيه كلام اقوله
حسبي الله و نعم الوكيل!
شكراً يا قمري لمرورك

العفو يا قمر على اية انت زى اختى خلي بس بالك من نفسك و اكيد زى ما فى ناس وحشة فى بردو ناس كويسة هتتعبى شوية على ماتلاقيهم بس هما اكيد موجودين
بس دوري على اي بوسي لازم هتكون طيبة

إن شاء الله تجدين صداقة حقيقية بدون حقد وانا الحمد لله لي أكثر من صديقه نحب بعض ونتعاون في كل شئ وأطلب منك المساعدة كيف تفوقتي في الامتحانات وأهم الأسئلة كنتي بتذاكري كم ساعة في اليوم وكيف أحصل على 100% وأصبح طبيبة

ليييه كدا يا ناااااااس .....الواحد خلاص حتى الصديق الكويس مش لاقيه ...... معنى الصداقة الحقيقى معدش موجود ....... لا حول و لا قوة الا بالله ...... انا حصلتلي مواقف من دي كتييير ..... و كل مرة فيهم ببعد عن الناس اكتر لحد ما انا خايف ليوم اني اعيش لوحدي ..... و على العموم اسف على الاطالة ...... تقبلوا مروري و تحياتي

بسم الله الرحمن الرحيم

واضح ان مشكلة الصديق اللي مش وفي دي بقت عامه و كل الناس بتعاني منها
يا سمسم باشا انا برضو خايفه اعيش يوم لوحدي من كتر مابقيت ابعد عن الناس
خلاص تعبت اووووووووووووي و بقى فيه ناس كتير بتبعد عني من كتر تعبي ده
يعني بقيت كائن غير مرغوب فيه
و الحمد لله على كل حال

بسم الله الرحمن الرحيم



واضح ان مشكلة الصديق اللي مش وفي دي بقت عامه و كل الناس بتعاني منها
يا سمسم باشا انا برضو خايفه اعيش يوم لوحدي من كتر مابقيت ابعد عن الناس
خلاص تعبت اووووووووووووي و بقى فيه ناس كتير بتبعد عني من كتر تعبي ده
يعني بقيت كائن غير مرغوب فيه

و الحمد لله على كل حال



فعلا بوسي بقت مشكلة مهمة جدا و الله انا كل لما افتكر موقف من المواقف دي دمي بيتحرق على كل واحد حبيته و مش كان يستحق الحب ده