سبت المنتدى يوم او يومين مش عارف اقول ايه اكيد كل الاعضاء عرفين احساسي لانهم عايشين فيه , اقسم بالله انا عمري مشوفت ناس محترمة زي اللي هنا في المنتدى بشكركو كلكو من اول اكبر استاذ لاصغر طالب مش هاقول اسماء لاني اخاف انسى حد وبصراحة انا ممتن ليكو كلكو انا وكلكو ساعدتوني طول السنة دي يمكن انا لسا عضو مش قديم اوي لكن انا هنا عرفت ناس مش هعرفهم ولو في مية سنة انا لو قعدت اقول للصبح مش هقدر اوصف انا بعزكو وبحترمكو كلو اد ايه وتشرفت بيكو كلكو واتشرفت اكتر لما كنت تلميذ تحت ايد معلمين عظماء اللي كانو بيجوبوني على كل سؤال انا اكتسبت من هنا اخوات واصدقاء دايما بيخافو عليا وبيشجعوني واخوات كبار ليا في الكليات دايما كانو مثلي الاعلى دي اول مرة اشترك في منتدى في حياتي وكنت دايما بندم انا ازاي مدخلتوش من زمان لكن لازم اسيبو دلوقتي انا عارف اني طولت عليكو بس انا مخنوق واتعودت دايما احكيلكو على كل اللي جوايا لانكو اكتر من اخواتي بجد انا اسف للتطويل واستودعكم الله ويارب زي ماجمعتني هنا في احلى ايام وحكايات جمعنا في احلى كليات وكل واحد نفسه في كلية يارب ياكريم وفقو ليها
والسلام عليكم ورحمة الله وبركاته
اخوكم جهااد

اية الحكاية يا جماعة لية بتسيبوا المنتدى اية الى حصل

انا مش عارف ياهالة كله من العضو احمد دوولة ساب المنتدى وقلبها خراب دا غير المواضيع اللى حذفها للاعضاء

دا انسان متخلف بلاش نتكلم تانى ولما يدخل ويشتم محدش يعبرة برضو

امين ياجماعه بجد انا كنت مصدومه فيه بس خلاص منه لله بلاش نتكلم عنه تاني ودلوقتي نركز في دروسنا وربنا معانا

وبعديــــــــــــــــــــــــــــــن!!!
انا هحط كلاب على باب المنتدى عشان محدش يخرج منه
مفيش حل غير كده عشان محدش يفكر يخرج
شرفنا وجودك معانا والله يا استاذ جهاد بس نتمنى وجودك معانا دايما
اذا كان فى اى اسباب سواء للدراسة او امتحانات
من غير نقاش حضرتك ممكن تبعد لحد ما ربنا يوفقك ان شاء الله
وتقدر تركز فى المذاكرة و ربنا يوفقك على الدراسة
وبجد نتمنى ليك النجااااح من كل قلبنا
بس متسبناش خالص :(
و ان شاء الله فرج قريب و مش تضايق نفسك ابدا
فى رعاية الله :)

انا تحت امرك يادكتورة والله حضرتك مثلي الاعلى ليا ولكل الطلاب انا اللي تشرفت بمعرفتك