بسم الله الرحمن الرحيم
صراحة الواحد يعيش فى حالة تخبط شوى توبة وشوى معاصى
لكن هناك تخبط تانى يدور فى رأسى وهو حول البنات
لو فتحنا قناة مثل قناة الناس لا نجد ولو شيخة أو داعية واحدة ونجد إنهم لا يهتمون بالنساء
وكمان لو تكلمنا مع شيوخ هذه القناة يقولون إن المرأة المفروض تقعد فى البيت وما تخرج على التلفزيون .:mad:
أكيد كلكم قولتوا إنى بكره الشيوخ دول وإنى من الى بيدافعوا عن المرأة وحركة التحرر و...إلخ
لكن بصراحة الحكاية مش كدة أنا كنت بتابع الشيوخ دول وخصوصا الشيخ يعقوب وكنت ماشية وراهم لكن فجأة لقيت إن أنا مش مستريحة
ليه؟
بصراحة فتحت موقع للشيخ يعقوب وكان فى كتاب ليه اسمه الأخت الملتزمة كان الكتاب بيقول حجات استفزتنى شوية
مثلا قال إن الأخت الملتزمة ملهاش فى الشهادات والماجستير والدكتوراه الأخت الملتزمة ليها فى بيتها ودينها وبس.:o
لكن ياشيخ العلم نور العلم فعلا ممتع وهناك عشاق للعلم والعلم لايضر أبدا إلا علوم السحر والشعوذة .

وغير كدة أجد أحد الشيوخ يقول للبنات حرام الدراسة فى الجامعات لأنها مختلطة وما يقول للولاد حرام .طب مهو إذا أنا مدرستش فى غيرى هتتدرس وستظل الجامعة مختلطة ليه منقلش للولاد زى البنات حرام الاختلاط:mad:.


من وقتها وأنا متضايقة وكمان شيخ يقول لاتتركوا الحبل على الغارب للنساء فإنهن ناقصات عقل ودين وكأن النساء فاسدات مفسدات وين الصحابيات الجليلات.
تركت شوى هذه الآراء ورحت فتحت قناة الرسالة لقيت داعيات وشيخات واهتمام بالمرأة

تحيرت من منهم على صواب . هلى النساء أقل شأنا من الرجال؟
هل فضل الله الرجال وأحبهم أكثر من النساء؟

من داخلى أقول لا مستحيل لأن الله عدل لايظلم وكلف الرجل والمرأة بنفس الشىء وإن كان للرجال القوامة وحسن التصرف والتحكم فى المشاعر فللنساء الحمل ورعاة الأطفال والحنان والعطف .

لكنى أريد أن أعرف هل إحساسى صواب أم خطأ
يا جماعة أنا تحيرت كل الناس مسلمين لكن ده له رأى وده له رأى . مين الصواب؟:confused:

وبعدين أنا لما أسمع عن نساء زمن النبوة أجدهن جليلات وأجد الرسول رحيم معهم لا يحقرهم ولا يقلل منهم بل يكلمهم ويعينهم
لكن بعد زمن النبوة لم أسمع عن نساء جليلات كما سمعت عن رجال عظماء
تفتكروا لماذا؟
هل لأن الرجال أفضل؟

معلش يا جماعة أن طولت عليكوا ويمكن يرى الكثير إن كلامى ملهوش لزمة بس أنا فعلا متضايقة من ذلك أريد أن أعرف الإسلام الصحيح لأن أنا هيك بيوسوس لى الشيطان بإن هناك ظلم للمرأة فى الإسلام :unsure:

فعلاً عندك حق و الإسلام مش كدة أبداً و فيه أدلة كتير على كدة و عمرنا ما سمعنا عن حديث حتى بيقول العلم ما ينفعش للمرأة بالعكس فيه حديث بيقول طلب العلم فريضة على كل مسلم و هنا بيعمم و لو ماكانش عايز يعمم كان هيقول على كل رجل مسلم

و بالنسبة للشيوخ هما أكيد مش كلهم بيمثلوا الإسلام صح لإن فيه منهم كتير بيقولوا آراءهم الشخصية
الإسلام أكبر من كدة بكتير و بيحترم الرجل و المرأة على حد سواء و الرسول صلى الله عليه و سلم قال النساء شقائق الرجال
و بدل ما المسلمة بتخرج في زيها الشرعي و بتطلب العلم و نيتها خير أكيد ربنا سبحانه و تعالى مش هيضيع تعبها لإن من سلك طريقاً يلتمس فيه علماً سهل الله له طريقاً إلى الجنة
و ربنا سبحانه و تعالى خلقلنا العقل علشان نميز بيه الصح من الغلط فكلام الشيوخ دة مش قرآن نمشي عليه مع احترامي ليهم طبعاً بس لازم الواحد يكون مقتنع بالحاجة قبل ما يعملها و الإسلام حثنا على التفكير
دة رأيي
و شكراً لحضرتك على طرح الموضوع