:)لا تتعجبون من العنوان
فالعنوان صحيح مائة فى المئة انا فعلا دخلت محكمة (محكمة بجد)
طبعا الحمد لله (مفيش اى شئ جنائى ولا اجرام ولا اى حاجات من دى) كل ما فى الامر شوية امور كدة اضطرتنا لدخول المحكمة ولا داعى لدخول فى تفاصيلها (لانى انا فهمتها بالعافية اصلا):D


ومن الطبيعى انة يكون حديث العائلة كلها عن الموضوع دة والقضايا والمرافعات والمحاكم
ومن كثرة مزاح اولاد عمتو معايا (اهى جت لك على طبق من ذهب علشان تاخدى خبرة)
لكن من الواضح انها قلبت جد معايا وقررت انى اروح فعلا
(ماهو لازم اروح واشوف المحكمة ما انا فى حقوق والله اعلم هكمل ولا لأ وانا مترددة احول ولا لأ يمكن ذهابى الى هناك ممكن يساعدنى على اتخاذ القرار ) دة انا بكلم نفسى

وبالفعل قررت انى وقلت لماما (انا عايزة اروح مع بابا المحكمة:))
وعلى الفور بمجرد ما خرجت كلمة محكمة من فمى واذا بسيل من جمل الاعتراضات التى توجد فى اللغة العربية كلها اسمعها من ماما ومنها (محكمة اية هى جنينة .. مفيش محاكم .. ازاى بنت تروح محكمة ..والخ الخ ...)
طبعا انا استغربت جدا لية الاعتراض:mad::mad: دة كلة ولية الهجوم دة خاصة ان دة عمرة ما كان اسلوب ماما فى الحوار معايا
لكن قلت اقول لبابا :D (ويا بابتى يا حبيبى) وافق انى اروح
رغم انى كنت شايفة فى عيون بابا الحيرة ما بين موافق ومش موافق .......
وطبعا ماما عرفت ان بابا وافق وقامت الدنيا ولم تقعد وقولها (ازاى ..مينفعش .. مش كل حاجة دلع كدة ... الخ الخ يا مامتى )
واخيرا روحت ودخلت المحكمة وكنت سعيدة لكن نظرات حيرة بابا لى طول الطريق هى ما جعلنى اتوقف لحظات عن السعادة (وكمان علشان الطريق كان سريع اوى واحنا كنا طايرين )
واثناء دخولنا وجدنا احد المحامين الموكلين عنا وانا طبعا ولا كأنى اول مرة اشوف محامى فى حياتى ( رغم انة عندنا فى العيلة حبة كدة)بس بدرس الموقف بقى و ظلت انظر له ولطريقة كلامة .. ولحد ما وجدت نفسى مش فاهمة هما بيقولوا اية اية علاقة مستندات اللى بمصر بالمستندات .... مين........ووجدت ان انظر للناس وانتبه لهم افضل بس سرعان ما نادانى ابن عمتو لكى ندخل القاعة

ودخلت القاعة :

1_والقاعة انا كان فى اعتقادى انها زى اللى بتيجى فى ال T.V نظيفة ورايقة لكنى فوجئت انها ضيقة نسيبة ومش رايقة بل زحمة جدا والقاعة فيها اكتر من 100 قضية لدرجة ان القاضى طلب من العساكر وقال(اللى ملهوش رول يطلع برة والا هيدخل القفص) وفعلا فى ناس خرجت بس لسة زحمة شوية


2_ العسكرى طلب اغلاق الموبايلات طبعا انا قفلتة على طول :D

3_ كان فى اعتقادى ان المحامى بيتكلم لغة عربية فصحى (سيدى القاضى . حضرات المستشارين. والكلام العربى اللى احنا نعرفة ده)
لكنى وجدت غير كدة خالص .المحامى بيقول للقاضى يا بية ويا باشا وشوف ازاى ... والمرافعة بتاعتة عامية ولا كانة بيكلم واحد زميلة مش قاضى

4_ كان نفسى اشوف محامية بتترافع وفعلا ربنا حقق لى امنيتى الحمد لله . وجاءت المحامية وانا سعيدة وبتخيل نفسى مكانها وهعمل اية واثناء تخيلنى عودت الى ارض الواقع على صوت القاضى اللى على فجاءة وصوت المحامية وانتبهت للجدال بينهم والجدال كان بسبب الاتى (المحامية كانت بتمضغ اللبان والقاضى اعترض على كدة وطلب منها القاء اللبانة ..) بالنسبة لى لا تعليق (دى لو كانت قاعدة مع ماما كان زمانها انتقلت الى الرفيق الاعلى بس حظها انها وقعت مع قاضى ما علينا مش موضوعنا دة)

5_ المرافعة مدتها قصيرة جدا جدا جدا مش عارفة المحامى دافع ولا يقدم مستندات امتى ؟

6_وبعد عناء طويل ومرافعنا ابتدت وخلصنا خرجت واول سؤال اتسأل لبابا من بعض الناس المحامى بتاعكم واخد كام منكم ؟؟ ولما بابا يقول المبلغ الطرف الاخر اما يستغرب ويقول كتير او يقول اه زى المحامى بتاعى .
هو خلاص المحامى بقى بتقدر بالفلوس بياخد كام مش مهم بقى عندة ضمير وكويس ولا لأ


دة فضلا عن اللى سمعتة من الموكلين عن المحامين مقولكوش .:cool:.المهم روحت وانا فى ذهول م اللى شوفتة هناك المحامين كتير جدا ...المحاميات قليل جدا :(

وبقيت محتارة هروح اقول لماما كان عندك حق لما صممتى وقولتى انا لو كملت حقوق مش هشتغل بيها ولازم احول (ورجاااااءمحدش يقولى لما انتى مش عايزاها دخلتيها لية لانى هرد واقول التوزيع الجغرافى ربنا يكرمة جابنى من الشرق للغرب والتحويل وووو موضوع كبير كبير )

انا شوفت كتير هناك بس قلت اجيب لكم الاختصار علشان مش اطول عليكم بس جاوبونى على الاسئلة بقى:D

1_هل انا غلطانة انى دخلت محكمة ؟ولية؟
2_لية الاعتقاد ان البنت عيب انها تدخل محكمة؟
3_ اية رايك فى مهنة المحاماة للبنت ؟؟
4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟
5_لية القضاء المصرى مستواى فى تحقيق العدالة بدأ فى القلة ؟
6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟

مع العلم انى سمعت جملة فكرت فيها ولاقيت انها صحيحة نسيبة
(الدولة تبدأ فى التقدم والازدهار باحترام قوانيها وتطبيقها على الافراد جميعا لا تفرقة بينهم)
واحنا فى مصر تطبييق القوانين بدا يتسلل الية الواسطة ودى حقيقة مؤكدة (مش عايزة اقول عن تجربة شخصية فى العائلة)

دخلت المحكمة انا


دخلت الكركون ياسلطان افرحى يازينب ابنك سلطان دخل الكركون :D
انتى عارفه حاجة انا اول مرة دخلت فيها المحكمة كان عمرى 11 سنة
ايوه مش تستغربى دخلتها لمدة 3 سنين وراء بعض :D
اصل كان يصادف ان مدرستى الاعدادية جنب المحكمة ميفصلش بينهم غير السور
فا كنا بنضطر ننط الصور بعد الحصة الاولى لان البوابة بتكون مقفولة
فعلشان كده كنا تقريبا بندخل المحكمة اكتر من اىشخص تانى
ايام :rolleyes:



1_هل انا غلطانة انى دخلت محكمة ؟ولية؟


2_لية الاعتقاد ان البنت عيب انها تدخل محكمة؟
3_ اية رايك فى مهنة المحاماة للبنت ؟؟
4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟
5_لية القضاء المصرى مستواى فى تحقيق العدالة بدأ فى القلة ؟
6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟




بالنسبة لا اسئلتك دى بئا ياستى
هو كان يبئا غلط أيام الست فتاة الحمامة لما كان معاها الاستاذ كمال االشناوى
لما وقف تترافع عنه فى المحكمة وتقول برىء والله العظيم برىء:D
انما دلوقتى البنت بقيت قاضى
تخيلى كده لما تقفى قدام القاضى وتكون وحده صحبتك ينهار المصالح تشتغل وتفتكره ايام الدراسة
ثم سيبك من الكلام ده كله انى مش ناوية تتجوزى بعد ما تخلصى الكلية ولا ايه

دخلت الكركون ياسلطان افرحى يازينب ابنك سلطان دخل الكركون
انتى عارفه حاجة انا اول مرة دخلت فيها المحكمة كان عمرى 11 سنة
ايوه مش تستغربى دخلتها لمدة 3 سنين وراء بعض
اصل كان يصادف ان مدرستى الاعدادية جنب المحكمة ميفصلش بينهم غير السور
فا كنا بنضطر ننط الصور علشان بعد الحصة الاولى
فعلشان كده كنا تقريبا بندخل المحكمة اكتر من اى محامى تانى
ايام

:D:D كركون وسلطان وزينب مين دول :D:D
يا نهار ابيض وعمرك 11 سنة :) دة انتو المفروض تكون رؤساء المحكمة :) فين المدرسة دى

بالنسبة لا اسئلتك دى بئا ياستى
هو كان يبئا غلط أيام الست فتاة الحمامة لما كان معاها الاستاذ كمال االشناوى
لما وقف تترافع عنه فى المحكمة وتقول برىء والله العظيم برىء
انما دلوقتى البنت بقيت قاضى
ووكيلة نيابة عامة كمان
تخيلى كده لما تقفى قدام القاضى وتكون وحده صحبتك ينهار المصالح تشتغل وتفتكره ايام الدراسة
هتخلص القضية فى لحظة بس ممكن تستندل معايا وبدل ما يكون اللى معايا برئ يكون متهم محدش ضامن :D
ثم سيبك من الكلام ده كله انى مش ناوية تتجوزى بعد ما تخلصى الكلية ولا ايه
ياااااااه بعد ما اخلص لسة هستنى دة كله كتير اوى :p ربنا يسهل



المشكلة ان المفاهيم اتطورت والدنيا اتطورت بس فى شوية معتقدات كدة يستحيل تتغير
زى ما ماما كدة اعترضت على دخولى محكمة رغم ان ماما تفكيرها مش رجعى ولا حاجة بس موش عارف لية عملت معايا كدة :(

( لسة فى سؤالين صغنين مش جاوبت عليهم :mad:) بس ولا يهمك
نورت اسلام :)
جزاك الله خيرا

(لانى انا فهمتها بالعافية اصلا):D

معقوله ... اخيرا فهمتى ؟؟!! :p


(المحامية كانت بتمضغ اللبان والقاضى اعترض على كدة وطلب منها القاء اللبانة ..)

وفين الديمقراطيه اللى بيقولوا عليها :mad:

آل ترمى اللبانه آل


(ورجاااااءمحدش يقولى لما انتى مش عايزاها دخلتيها لية لانى هرد واقول التوزيع الجغرافى ربنا يكرمة جابنى من الشرق للغرب والتحويل وووو موضوع كبير كبير )

مفهوم مفهوم ;)


بالنسبه للاسئله

_هل انا غلطانة انى دخلت محكمة ؟ولية؟

ايون غلطانه احنا معندناش بنات تدخل محاكم :mad: والسبب ديكتاتوريه


_لية الاعتقاد ان البنت عيب انها تدخل محكمة؟

مش عيب بس هناك "على ما بسمع يعنى" مناظر ما يعلم بيها الا ربنا وتلاقى ستات بتصوت ما تعرفيش ليه وناس بتجرى واشكال تجيب الضغط وانتى واقفه زى الاطرش فى الزفه :D ولا انتى فاهمه حاجه

فبيتهيألى ان ماينفعش خالص ان بنات تشوف الحاجات دى ... ركزى بنـــــــــــــات


_ اية رايك فى مهنة المحاماة للبنت ؟؟

فى الحكايه دى مافيش فرق بين بنت وولد المهم يكون فى رغبه واراده وثقه بالنفس وضمير صاحى :rolleyes::D
وبالذات الضمير لان المهنه دى مشكوك فيها اصلا

_ لية مهنة المحاماة اصبح المفهوم العام عنها انها مهنة تكاد تكون غير شريفة ؟

المحامين هما اللى اكسبوها الصفه دى وبما ان نص المحامين مشكوك فى ضمايرهم والنص التانى ذوى ذمه استك طبعا الا من رحم ربى
فطبيعى ان المهنه يكون مشكوك فيها :)


_لية القضاء المصرى مستواى فى تحقيق العدالة بدأ فى القلة ؟

الحقيقه مش عارفه بس اكيد لنفس السبب وبالاضافه لانهم مش بيسعوا للالمام بالقضيه بكل جوانبها " ده رأى بس الله اعلم الواقع ايه؟"


_ هل التنسيق الثانوى وان حقوق مجموعها قليل هو السبب فى ضعف مستوى المهنة؟

ده سبب من الاسباب انتى لو دورتى فى حقوق هتلاقى قله قليله اللى داخلين الكليه بمزاجهم او هما اللى كانوا عايزينها
تلاقى بقى اللى موجودين اما ان مجموعهم قليل فملقاش الا هى واما ان مجموعهم كبير بس داخل عشان بابا عايز كده وفى الاخر يدعى على باباه ;) واما حصل مشاكل فى التحويل زى حضرتك طبعا:)

وفى حاجات تانيه كتيييييييييير :rolleyes:


(مش عايزة اقول عن تجربة شخصية فى العائلة

لا قولى :D



موضوعك جميل يا قمر وطريقة كتابته حلوه " مخلط شويه فصحى وشويه عاميه :p" بس حلو

معلش سورى على الاطاله

2_لية الاعتقاد ان البنت عيب انها تدخل محكمة؟
مش عند الكل

3_ اية رايك فى مهنة المحاماة للبنت ؟؟
مش مهنه ودا شغلها وعملها
4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟
كان دائماً استاذ علم النفس يقولى انت يا مصطفى هتطلع محامى = سفسطا
سوفسطائى يعنى = يقلبون الباطل حق والحق باطل

5_لية القضاء المصرى مستواى فى تحقيق العدالة بدأ فى القلة ؟
على رائ استاذى
يقلبون الباطل حق والحق باطل
6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟
ليه يعنى 75 وحشين دى كانت بتاخد من 50 و 60 دلوقتى 75


شكراً فتاة الاسلام

السلام عليكم ورحمة الله وبركاته
انا مش هدافع عن المحاماه لاني من اشد المعجبين باللي بيتفوقوا في القانون وخصوصا اني ناوي بعد ما اخلص الدراسه الأصليه اعمل دكتوراه في القانون الدولي في روسيا ان شاء الرحمن
--
بالنسبه بقي لدخول البنت المحكمه
والله انا بالنسبالي لو مرضتش ان اختي تدخلها هيبقي عشان الزحمه
لاني بكرهه الزحمه جدا وممكن اتخنق واموت :d

فعلي حسب البنت
وعلي حسب الحاجة من دخولها
فلو مثلا مطلوبه اجباري
اكيد يعني لازم تدخل
لو كدا بقي
لاء يبقي خلاويص ملهاش لزمه

مهنه المحاماة للبنت

لو مفيش غيرها
ولقمه العيش
والبنت عايزة تثبت نفسها فيها
خلاص
بس تنتقي القضايا بتاعتها
لانها هتتعامل مع ناس قذره اكتر ما هتتعامل مع مظلومين

المحاماة تكاد تكون غير شريفه

طبعا بنسبه كبيرة .. لان دلوقتي بقي الظالمين اكتر من المظلومين
ولو لقيتي واحد مظلوم .. هتلاقي قصاده 100 ظالم
فهي تكاد فعلا تكون غير شريفه وبتعتمد علي استخدام القدرة علي الاقناع والحجة في الشر

ليه القضاء المصري في تحقيق العداله بدأ يقل

اجابه بسيطه
واحد مش واخد حقوقه اصلا
وبيتهان
بالرغم من انه قاضي
قوليلي انتي عيزاه يبقي مهتم يأدي شغله كويس ازاي
هو طبعا مفروض الواحد يفصل دي عن دي
بس احنا بردو بشر
عايزين حقوقنا عشا نأدي واجبتنا او عايزين لمانأدي واجبتنا ناخد حقوقنا
الحق حق بردو

دور الثانوية العامه

والله يا فتاة الاسلام اللي عايز حاجة بيبقاها
حقوق طب هندسه
المهم اني اثبت نفسي في مكاني
مهما كان وايا كان
لان مش هضيع كل السنين دي في التعليم
واطلع من مولد بلا نبوت الغفير
:d
وعلي رأي المثل

اقلب القدره علي فومها والغرب يطردونا
:d

1_هل انا غلطانة انى دخلت محكمة ؟ولية؟
2_لية الاعتقاد ان البنت عيب انها تدخل محكمة؟
3_ اية رايك فى مهنة المحاماة للبنت ؟؟
4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟
5_لية القضاء المصرى مستواى فى تحقيق العدالة بدأ فى القلة ؟
6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟


1-لا مش غلطانة
2-التفرقة العنصرية
3-عادية زى اى مهنة تانية
4-لانها فى البعض بيستغلوا مشاكل الناس عشان يكون ثروة
5-انا مش فهمة السؤال:(
6-نسبياً عشان أغلب اللى بيدخلها ما بيحبهاش

2_ العسكرى طلب اغلاق الموبايلات طبعا انا قفلتة على طول :D
شطورة:p

بصى انا مش هجاوب ع كل الاسئلة لان موضوع المحاماة وموافقى مع المحامين انتى عارفاها طبعا ولو تفتكرى ع الايميل انا حكت لك ع المحامى بتاعنا وعمل ايه بالضبط فاكيد عارفة اجاباتى كلها :)


_ لية مهنة المحاماة اصبح المفهوم العام عنها انها مهنة تكاد تكون غير شريفة ؟بردو حكت لك اللى حصل معانا
ودا كمان لان معظم المحامين غابت عنهم الذمة
فاللى يقولك انا مش هاخد غير قضايا المظلومين بس
اعرفى انه مش هياكل عيش
ومنهم محامين يقولك انا مش هاخد قضية خسرانة حتى لو بتاعة مظلوم
و تتعدد الاسباب كمان


اما بخصوص مجموع الثانوية
فدا مش عشان حقوق بس
لا دا كل كليات مصر مبقوش الطلبة بيتخرجوا منها بيؤدوا الدور الصح حتى اعلى مجموع

فالناس بقت عاوزة تدخل كلية "قمة " اسم وخلاص ويقولك كفاية اللقب قال

لو ع الالقاب الناس اللى بتصنعها بنفسها ،، مش الكلية اللى هتصنعهالنا

المنظومة التعليمية كلها غلط من الالف للياء
بلدنا محتاجة يتعمل لها عمرة فى كل حاجة
____

3_ كان فى اعتقادى ان المحامى بيتكلم لغة عربية فصحى (سيدى القاضى . حضرات المستشارين. والكلام العربى اللى احنا نعرفة ده)
لكنى وجدت غير كدة خالص .المحامى بيقول للقاضى يا بية ويا باشا وشوف ازاى ... والمرافعة بتاعتة عامية ولا كانة بيكلم واحد زميلة مش قاضى،،،
ع فكرة الموضوع كبير وانا لو اتكلمت هخبط جامد اوى
بصى يا بنتى ،،
كلمينى خاص احسن وانا احكى لك ع حاجة مشابهة :D

انا سمعت عن محامين بيشربوا مخدرات
ان شالله يارب يتمسكوا ويبقوا يشوفوا مين هيطلعهم كدة


______________
بالمناسبة ،،
كنتى المفروض تقولى لى قبل ما تروحى المحكمة
يمكن كنت هفكر واجى معاكى اتفرج بردو:rolleyes::D

:)لا تتعجبون من العنوان
فالعنوان صحيح مائة فى المئة انا فعلا دخلت محكمة (محكمة بجد)
بجد مختنيش معاكى ليه عمرى مدخلتها
طبعا الحمد لله (مفيش اى شئ جنائى ولا اجرام ولا اى حاجات من دى) كل ما فى الامر شوية امور كدة اضطرتنا لدخول المحكمة ولا داعى لدخول فى تفاصيلها (لانى انا فهمتها بالعافية اصلا):D


ومن الطبيعى انة يكون حديث العائلة كلها عن الموضوع دة والقضايا والمرافعات والمحاكم
ومن كثرة مزاح اولاد عمتو معايا (اهى جت لك على طبق من ذهب علشان تاخدى خبرة)
لكن من الواضح انها قلبت جد معايا وقررت انى اروح فعلا
(ماهو لازم اروح واشوف المحكمة ما انا فى حقوق والله اعلم هكمل ولا لأ وانا مترددة احول ولا لأ يمكن ذهابى الى هناك ممكن يساعدنى على اتخاذ القرار ) دة انا بكلم نفسى

وبالفعل قررت انى وقلت لماما (انا عايزة اروح مع بابا المحكمة:))
وعلى الفور بمجرد ما خرجت كلمة محكمة من فمى واذا بسيل من جمل الاعتراضات التى توجد فى اللغة العربية كلها اسمعها من ماما ومنها (محكمة اية هى جنينة .. مفيش محاكم .. ازاى بنت تروح محكمة ..والخ الخ ...)
طبعا انا استغربت جدا لية الاعتراض:mad::mad: دة كلة ولية الهجوم دة خاصة ان دة عمرة ما كان اسلوب ماما فى الحوار معايا
لكن قلت اقول لبابا :D (ويا بابتى يا حبيبى) وافق انى اروح
رغم انى كنت شايفة فى عيون بابا الحيرة ما بين موافق ومش موافق .......
وطبعا ماما عرفت ان بابا وافق وقامت الدنيا ولم تقعد وقولها (ازاى ..مينفعش .. مش كل حاجة دلع كدة ... الخ الخ يا مامتى )
واخيرا روحت ودخلت المحكمة وكنت سعيدة لكن نظرات حيرة بابا لى طول الطريق هى ما جعلنى اتوقف لحظات عن السعادة (وكمان علشان الطريق كان سريع اوى واحنا كنا طايرين )
واثناء دخولنا وجدنا احد المحامين الموكلين عنا وانا طبعا ولا كأنى اول مرة اشوف محامى فى حياتى ( رغم انة عندنا فى العيلة حبة كدة)بس بدرس الموقف بقى و ظلت انظر له ولطريقة كلامة .. ولحد ما وجدت نفسى مش فاهمة هما بيقولوا اية اية علاقة مستندات اللى بمصر بالمستندات .... مين........ووجدت ان انظر للناس وانتبه لهم افضل بس سرعان ما نادانى ابن عمتو لكى ندخل القاعة

ودخلت القاعة :

1_والقاعة انا كان فى اعتقادى انها زى اللى بتيجى فى ال T.V نظيفة ورايقة لكنى فوجئت انها ضيقة نسيبة ومش رايقة بل زحمة جدا والقاعة فيها اكتر من 100 قضية لدرجة ان القاضى طلب من العساكر وقال(اللى ملهوش رول يطلع برة والا هيدخل القفص) وفعلا فى ناس خرجت بس لسة زحمة شوية


2_ العسكرى طلب اغلاق الموبايلات طبعا انا قفلتة على طول :D

3_ كان فى اعتقادى ان المحامى بيتكلم لغة عربية فصحى (سيدى القاضى . حضرات المستشارين. والكلام العربى اللى احنا نعرفة ده)
لكنى وجدت غير كدة خالص .المحامى بيقول للقاضى يا بية ويا باشا وشوف ازاى ... والمرافعة بتاعتة عامية ولا كانة بيكلم واحد زميلة مش قاضى

4_ كان نفسى اشوف محامية بتترافع وفعلا ربنا حقق لى امنيتى الحمد لله . وجاءت المحامية وانا سعيدة وبتخيل نفسى مكانها وهعمل اية واثناء تخيلنى عودت الى ارض الواقع على صوت القاضى اللى على فجاءة وصوت المحامية وانتبهت للجدال بينهم والجدال كان بسبب الاتى (المحامية كانت بتمضغ اللبان والقاضى اعترض على كدة وطلب منها القاء اللبانة ..) بالنسبة لى لا تعليق (دى لو كانت قاعدة مع ماما كان زمانها انتقلت الى الرفيق الاعلى بس حظها انها وقعت مع قاضى ما علينا مش موضوعنا دة)

5_ المرافعة مدتها قصيرة جدا جدا جدا مش عارفة المحامى دافع ولا يقدم مستندات امتى ؟

6_وبعد عناء طويل ومرافعنا ابتدت وخلصنا خرجت واول سؤال اتسأل لبابا من بعض الناس المحامى بتاعكم واخد كام منكم ؟؟ ولما بابا يقول المبلغ الطرف الاخر اما يستغرب ويقول كتير او يقول اه زى المحامى بتاعى .
هو خلاص المحامى بقى بتقدر بالفلوس بياخد كام مش مهم بقى عندة ضمير وكويس ولا لأ


دة فضلا عن اللى سمعتة من الموكلين عن المحامين مقولكوش .:cool:.المهم روحت وانا فى ذهول م اللى شوفتة هناك المحامين كتير جدا ...المحاميات قليل جدا :(

وبقيت محتارة هروح اقول لماما كان عندك حق لما صممتى وقولتى انا لو كملت حقوق مش هشتغل بيها ولازم احول (ورجاااااءمحدش يقولى لما انتى مش عايزاها دخلتيها لية لانى هرد واقول التوزيع الجغرافى ربنا يكرمة جابنى من الشرق للغرب والتحويل وووو موضوع كبير كبير )

انا شوفت كتير هناك بس قلت اجيب لكم الاختصار علشان مش اطول عليكم بس جاوبونى على الاسئلة بقى:D

1_هل انا غلطانة انى دخلت محكمة ؟ولية؟
لا طبعا إنتى لازم تدربى على المهنة بتاعتك مستقبليا إن شاء الله
2_لية الاعتقاد ان البنت عيب انها تدخل محكمة؟
مش عرفة
3_ اية رايك فى مهنة المحاماة للبنت ؟؟
عادية زى أى مهنة تانية إيه الفرق يعنى
4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟
مين قال كده قصدك عشان موضوع الرشوة وكده يعنى
5_لية القضاء المصرى مستواى فى تحقيق العدالة بدأ فى القلة ؟
كل حاجة عدل بتقل فى الزمن دا
6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟
بصراحة معرفش
مع العلم انى سمعت جملة فكرت فيها ولاقيت انها صحيحة نسيبة
(الدولة تبدأ فى التقدم والازدهار باحترام قوانيها وتطبيقها على الافراد جميعا لا تفرقة بينهم)
واحنا فى مصر تطبييق القوانين بدا يتسلل الية الواسطة ودى حقيقة مؤكدة (مش عايزة اقول عن تجربة شخصية فى العائلة)
بصراحة ربنا يكون فى عونك

معقوله ... اخيرا فهمتى ؟؟!! :p
اية دة دة كدة تشكيك فى قدراتى العقلية :mad:
بس انا اعمل اية يعنى بابا فضل يشرح لى كتير وانا اقولة اه فاهمة انا فاهمة وفى الاخر اقول طب احنا اية وضعنا القانونى :D ومن هنا لهنا فهمت بعد ما العيلة كلها شرحت لى نفر نفر :D

وفين الديمقراطيه اللى بيقولوا عليها :mad:
آل ترمى اللبانه آل

لا وربنا...ديمقراطية .....عندك حق ترمى اللبانة بردو دى تيجى :mad:"ارحمنى يارب" نفسى ماما تسمعك دلوقتى;)

مفهوم مفهوم;)
اية الطاعة دى تتحسدى .. دة لازم يكون مفهوم :mad:دى انتى اكتر واحدة عارفة:D

ايون غلطانه احنا معندناش بنات تدخل محاكم :mad: والسبب ديكتاتورية
ديكتاتورية .. بس مش فى كل حاجة كدة:p

مش عيب بس هناك "على ما بسمع يعنى" مناظر ما يعلم بيها الا ربنا وتلاقى ستات بتصوت ما تعرفيش ليه وناس بتجرى واشكال تجيب الضغط وانتى واقفه زى الاطرش فى الزفه ولا انتى فاهمه حاجه
ستات بتصوت وناس بتجرى لية هو انا داخلة فين دى محكمة ;) صحيح ممكن تلاقى ناس زعلانة ناس فرحانة بس عمرها ما توصل للى بتقولى علية دة ثم انا المحكمة اللى انا دخلتهاوالقضية كانت مدنى"ادراى اوارق وحاجات غريبة كدة" يعنى كلها امور عادية مش جنائى دة لو كان المحكمة خاصة بالجنايات ماما يستحيل كانت هتوافق اطلاقا

فبيتهيألى ان ماينفعش خالص ان بنات تشوف الحاجات دى ... ركزى بنـــــــــــــات
مركزة اهوة...... :mad: حاضر اما اشوفك

فى الحكايه دى مافيش فرق بين بنت وولد المهم يكون فى رغبه واراده وثقه بالنفس وضمير صاحى
وبالذات الضمير لان المهنه دى مشكوك فيها اصلا
مشكوك فيها ... فى اية ؟ اية حكايتك انهاردة :mad: نفسى عمو يسمعك
بس اقولك كلامك صح لكن مع كل اللى قولتية دة المهنة محتاجة قوة وثبات وتصميم ودول مهمين اوى اوى

المحامين هما اللى اكسبوها الصفه دى وبما ان نص المحامين مشكوك فى ضمايرهم والنص التانى ذوى ذمه استك طبعا الا من رحم ربى
فطبيعى ان المهنه يكون مشكوك فيها
نص مشكوك فى ضمايرهم ونص ذمتهم استك ما شاء الله مفيش حد كويس ولا اية؟
مش بقولك نفسى عمو يسمعك .
بس اقولك على شئ رغم كدة فى محامين عندهم ذمة وحرام نعمم علشان مش نظلمهم بس المشكلة ان اللى عندهم ذمة قليلين جدا

الحقيقه مش عارفه بس اكيد لنفس السبب وبالاضافه لانهم مش بيسعوا للالمام بالقضيه بكل جوانبها " ده رأى بس الله اعلم الواقع ايه؟"
ممكن بردو يكون دة سبب من الاسباب

ده سبب من الاسباب انتى لو دورتى فى حقوق هتلاقى قله قليله اللى داخلين الكليه بمزاجهم او هما اللى كانوا عايزينها
تلاقى بقى اللى موجودين اما ان مجموعهم قليل فملقاش الا هى واما ان مجموعهم كبير بس داخل عشان بابا عايز كده وفى الاخر يدعى على باباه واما حصل مشاكل فى التحويل زى حضرتك طبعا
وفى حاجات تانيه كتيييييييييير
قلة قليلة جدا جدا
بيدعى على باباه .. اه والله شوفت واحد وانا فى اللجنة بيقول حسبى الله ونعم الوكيل "ودة لان باباه دخلة حقوق غصب عنه" ..مشاكل التحويل ااااااااااه اااااااااااااه متفكرنيش "قدر الله وما شاء فعل" ..

لا قولى:D
والله .. وماله .. :mad: " مش قايلة":p..

موضوعك جميل يا قمر وطريقة كتابته حلوه " مخلط شويه فصحى وشويه عاميه " بس حلو
انتى الاجمل يا قمر
وكويس انى كتبت عربى اصلا " ما انتى عارفة"

معلش سورى على الاطاله
لا ولا يهمك يا جميل
نورتينى :D:)

مش عند الكل
بس عندنا مش عيب بس مكروه واعتراض :(

كان دائماً استاذ علم النفس يقولى انت يا مصطفى هتطلع محامى = سفسطا
سوفسطائى يعنى = يقلبون الباطل حق والحق باطل

اول مرة اسمع عن السوفطائيين ... معقول يقلب الباطل حق والحق باطل ؟؟ ..
لا طبعا مش احنا خالص .. ان شاء الله تكون محامى كبير اد الدنيا كدة بس مش بيعمل زى السوفطائيين :)

ليه يعنى 75 وحشين دى كانت بتاخد من 50 و 60 دلوقتى 75
و 80% "عين شمس" بس حاليا المجاميع بتكون عالية

شكراً فتاة الاسلام
العفو مصطفى .. نورت :)

السلام عليكم ورحمة الله وبركاته
وعليكم السلام ورحمة الله وبركاته
انا مش هدافع عن المحاماه لاني من اشد المعجبين باللي بيتفوقوا في القانون وخصوصا اني ناوي بعد ما اخلص الدراسه الأصليه اعمل دكتوراه في القانون الدولي في روسيا ان شاء الرحمن
اه قانون الدولى جميل وقيم جدا .. ان شاء الله ربنا يوفقك يا "دكتور مقدما":)
بالنسبه بقي لدخول البنت المحكمه.والله انا بالنسبالي لو مرضتش ان اختي تدخلها هيبقي عشان الزحمه ..لاني بكرهه الزحمه جدا وممكن اتخنق واموت
ومين مش بيكره الزحمة :D
فعلي حسب البنت
وعلي حسب الحاجة من دخولها
فلو مثلا مطلوبه اجباري
اكيد يعني لازم تدخل
لو كدا بقي
لاء يبقي خلاويص ملهاش لزمه

هو انا دخولى مكنش له لزمة ومكنش هيفيد بس بالنسبة لى كنت عايزة اشوف المحكمة وعايزة اققل من ترددى اكمل ولا احول قلت لعل وعسى لما اروح اعرف اقرر
لو مفيش غيرها
ولقمه العيش
والبنت عايزة تثبت نفسها فيها
خلاص
بس تنتقي القضايا بتاعتها
لانها هتتعامل مع ناس قذره اكتر ما هتتعامل مع مظلومين
اممم يعنى رأى ماما كان صح لما قررت انى لو كلمت مش هشتغل بيها لان صعب انى انقى القضايا معظم قضايا مصر كلها فى القضاء العالى جنائى واجرام ورشاوى .. بس بالنسة لى انا مش عايزة اثبت نفسى فيها ولا حاجة لانها مكنتش فى بالى اصلا .. واكيد فى مهن غيرها كتير بالنسة لى :)
طبعا بنسبه كبيرة .. لان دلوقتي بقي الظالمين اكتر من المظلومين
ولو لقيتي واحد مظلوم .. هتلاقي قصاده 100 ظالم
فهي تكاد فعلا تكون غير شريفه وبتعتمد علي استخدام القدرة علي الاقناع والحجة في الشر
ودول من اسباب اعتراضى على حقوق
اجابه بسيطه
واحد مش واخد حقوقه اصلا
وبيتهان
بالرغم من انه قاضي
قوليلي انتي عيزاه يبقي مهتم يأدي شغله كويس ازاي
هو طبعا مفروض الواحد يفصل دي عن دي
بس احنا بردو بشر
عايزين حقوقنا عشا نأدي واجبتنا او عايزين لمانأدي واجبتنا ناخد حقوقنا
الحق حق بردو

اكيد طبعا المفروض الفصل .. بس بردو مينفعش انه يخالف ضميرة علشان خاطر هو حقة ضائع .. تعرف اقولك على موقف حصل فعلا كان فى قضية ناس اتبلوا على كام فر د كدة وانهم ضربوهم واتهجموا عليهم .. والمشكلة بقى ان اللى اتبلوا عليهم دول واحد منهم كان محجوز فى المستشفى والتانى كان فى شغلة وكل دة مثبوت بالاوراق الرسمة ومع ذلك حضرة القاضى ادى كل واحد فيهم شهر .. صحيح فى استئناف ووو . بس بردو دة افترى وظلم ...
والله يا فتاة الاسلام اللي عايز حاجة بيبقاها
حقوق طب هندسه
المهم اني اثبت نفسي في مكاني
مهما كان وايا كان
لان مش هضيع كل السنين دي في التعليم
واطلع من مولد بلا نبوت الغفير

عندك حق احمد ياما اطباء مبجلين اتخرجوا وضيعوا مرضى ضحايا ..وعلشان كدة انا كل مشكلتى حاليا انى انا هقدر اثبت ننفسى فى اية وربنا يوجهنى للطريق الل فية خير لى ان شاء الله
وعلي رأي المثل

اقلب القدره علي فومها والغرب يطردونا

;) اية دة انا صحيح العربى عندى بايظ شوية بس على ما اعتقد دول مثلين فى بعض :D
جزاك الله خيرا احمد
رايك افادنى كتير بجد
نورت :)

1-لا مش غلطانة ربنا يخليكى "ياريت ماما تسمع كدة" :)
2-التفرقة العنصرية بصى انا صحيح كنت مضايقة من اعتراض ماما بس ارجع واقولك اننا مجتمع شرقى وله عادات وتقاليد راسخة من الصعب اننا نغيرها الا فئة معينة ممكن تتغير عندها بس بشروط وقواعد "اسألى مجرب"
3-عادية زى اى مهنة تانية بس صعبة اوى اوى دة يكفى الحيرة اللى بتكونى فيها "هل موكلى صادق ولا كذاب وظالم"
4-لانها فى البعض بيستغلوا مشاكل الناس عشان يكون ثروة فى كتير فعلا وما اكثرهم وربنا يقلل منهم . بس فى ناس عندهم ضمير بردو وربنا يكثر منهم يااااااااارب
5-انا مش فهمة السؤال اقصد يا جميل يعنى لية القضاء المصرى والمعروف انة المفروض بيحقق العدالة فى المجتمع وبيجيب للناس حقوقها اصبح مستواه فى تحقيق ذلك قليل:) ؟
6-نسبياً عشان أغلب اللى بيدخلها ما بيحبهاش
بردو دة سبب من الاسباب :) "يكفى المواد بتاعتها "
جزاكى الله خيرا
نورتينى يا جميل :)

شطورة:p شوفتى بسمع الكلام اهو :D
بصى انا مش هجاوب ع كل الاسئلة لان موضوع المحاماة وموافقى مع المحامين انتى عارفاها طبعا ولو تفتكرى ع الايميل انا حكت لك ع المحامى بتاعنا وعمل ايه بالضبط فاكيد عارفة اجاباتى كلها:)
امممم .. اه عارفاها حبيبتى .. وفعلا فاكره المحامى بتاعكم ودة يكفىى فية قول "حسبى الله ونعم الوكيل"
بردو حكت لك اللى حصل معانا
ودا كمان لان معظم المحامين غابت عنهم الذمة
فاللى يقولك انا مش هاخد غير قضايا المظلومين بس
اعرفى انه مش هياكل عيش
ومنهم محامين يقولك انا مش هاخد قضية خسرانة حتى لو بتاعة مظلوم
و تتعدد الاسباب كمان

عارفة كان فى حاجة اتقالت لى " ان المحامى الشريف لازم يكون عنده ثروة او رأس مال عائد علية غير مهنة المحاماه علشان يعرف يعيش شريف ونزيه" .. وحاليا بدأت اصدق الكلام دة
وبستغرب على المحامى اللى يقول مش هاخد قضايا خسرانة حتى لو بتاعة مظلوم:mad: "طب ما تقف معاه لوجة لله ويكون عندك يقين ان الحق فوق الظلم " .. يااااه ولسة اسباب كتير اوى حابى
اما بخصوص مجموع الثانوية
فدا مش عشان حقوق بس
لا دا كل كليات مصر مبقوش الطلبة بيتخرجوا منها بيؤدوا الدور الصح حتى اعلى مجموع
اكيد طبعا فى طلبة بيتخرجوا ومش بيفيدوا باى شئ ومش من حقوق بس من كذا كلية اخرى بس انا اتكلمت عن حقوق لانى انا فيها حاليا وشوفت كمية طلبة كبيرة اوى وكل طالب لو سالتية هدفك اية يقولك اخلص من الكلية دى . طب ناوى تشتغل بيها ولا ؟ لا طبعا مش هشتغل بيها هو انا فاهم المواد اصلا وهكذا خدى من الاجوبة د ى كتيييييييير ;)
فالناس بقت عاوزة تدخل كلية "قمة " اسم وخلاص ويقولك كفاية اللقب قال

لو ع الالقاب الناس اللى بتصنعها بنفسها ،، مش الكلية اللى هتصنعهالنا
فعلا والله فى ناس عايزاها اسم وخلاص القاب .. بس دة ميمنعش ان فى ناس عايزة الدراسة حابة المجال
المنظومة التعليمية كلها غلط من الالف للياء
بلدنا محتاجة يتعمل لها عمرة فى كل حاجة
غلط بس .. دى غلط خالص جدا .. ياريت يغيروا النظام التعليمى فى مصر للاحسن مش للاسوأ .. اعتقد بدايتنا هتكون من هنا "من تغير نظام التعليم المصرى "
ع فكرة الموضوع كبير وانا لو اتكلمت هخبط جامد اوى
لا يا جميل اتكملى براحتك .. عارفة ان الموضوع كبير كبير مش بيشمل حقوق ومحكمة ومحاماه بس :)
بصى يا بنتى ،،
كلمينى خاص احسن وانا احكى لك ع حاجة مشابهة
بجد والله .. خلاص هكلمك ناو :p
انا سمعت عن محامين بيشربوا مخدرات
ان شالله يارب يتمسكوا ويبقوا يشوفوا مين هيطلعهم كدة
لا عادى دلوقتى ... انتى متعرفيش الجديد والا اية " المحامى يستحيل يتاخد تحرى ولا يركب بوكس ووولا ولا .. حاجات كتير اوى " ... صعب انهم يتمسكوا
بالمناسبة ،،
كنتى المفروض تقولى لى قبل ما تروحى المحكمة
يمكن كنت هفكر واجى معاكى اتفرج بردو
بس كدة ولا تزعلى:D المرة الجاية هبقى اقولك وتيجى تتفرجى معايا "بس دة هيكون مش عاشر المستحيلات انى اروح تانى والسبب اكيد عارفاه الا وهو اعتراض ماما"

جزاكى الله خيرا يا جميل
ردك فرحنى كتير كتير نورتى حابى

بجد مختنيش معاكى ليه عمرى مدخلتها
هقولك زى ما عمتو كانت بتقول "ربنا ما يحكم على حد بدخولها ابدا" .. بس لو حصلت المعجزة ورحت تانى هبقى اخدك .. اى خدمة انت تؤمرى بس
لا طبعا إنتى لازم تدربى على المهنة بتاعتك مستقبليا إن شاء الله
انا بقول كدة بردو "انتى اللى فهمانى يا جميل" ..بس انا مش رايحاها تدريب انا رايحاها مشاهدة عايزة اعرف المكان اللى لو استمريت فى دراستى فية هدخلة هيكون عامل ازاى .
مش عرفة
عادية زى أى مهنة تانية إيه الفرق يعنى
زى اى مهنة لالالالالا فى فرق كبير :)
مين قال كده قصدك عشان موضوع الرشوة وكده يعنى
مش موضوع الرشوة بس .. بس كل حاجة حوليا يعنى المحامى اللى كل همة انة يثبت براءة موكلة وخلاص ومش مهم بقى عل حساب سمعة ناس واعمالهم المهم انة موكلة يطلع برئ "فى حين ان موكلة دة اصلا مش برئ " وكذا حاجة تانية ;)
كل حاجة عدل بتقل فى الزمن دا
ربنا يسترها
بصراحة ربنا يكون فى عونك
يااااااااارب .. ادعى لى نونا
جزاكى الله خيرا لمروك حبيبتى منورة يا جميل :)

1_هل انا غلطانة انى دخلت محكمة ؟ولية؟

هو في الطبيعي لا بس لو زي ما بتقولي زحمه وبتاع يبقي ملهاش لزمه طالما مش هيكون ليكي دور فيها

2_لية الاعتقاد ان البنت عيب انها تدخل محكمة؟

عشان الزحمه مش اكتر:D

3_ اية رايك فى مهنة المحاماة للبنت ؟؟

وماله بس مش لدرجة انها تبقي قاضي يعني:mad:

4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟

انا لو مره اسمع عن المفهوم دا علي فكره لكل مهنه الكويس والوحش الشريف وغيره

5_لية القضاء المصرى مستواى فى تحقيق العدالة بدأ فى القلة ؟

لان مستوي البلد بوجه عام انحدر ولازم كل حاجه تنحدر معاه

6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟

لا مظنش



بس واضح من العنوان انك فرحانه اوي انك دخلتي المحكمه ومش فاهم ايه سبب السعاده دي؟:D

بس واضح من العنوان انك فرحانه اوي انك دخلتي المحكمه ومش فاهم ايه سبب السعاده دي؟:D

عادى جدا :D

انا عن نفسى فى يوم من الايام من سنتين او سنة تقريبا كنت هموت واروح اشوف سنترال وادخله واشوف الناس وهى بتدفع الفواتير
واخيرا يعنى لما قررت تاخدنى تفرجنى كنت خارجة مبسوطة اوى بردو
وكانت ماما بتقول لى لما اقول لها انى مبسوطة انى هشوف سنترال ترد وتقول :"متشوفيش وحش يابنتى"
:lol:
ورحنا - وياريتنا ما رحنا بقى - يدوبك اتفرجنا ع الطابور اللى مشرف فى الشارع اصلا
ورجعنا تانى بيتنا بنغير ما ندفع لا فواتير ولا غيره

1_هل انا غلطانة انى دخلت محكمة ؟ولية؟
هو انتي دخلتي كباريه ولا دخلتي مكان مكتوب عليه للرجال فقط:D
2_لية الاعتقاد ان البنت عيب انها تدخل محكمة؟
سذاجه او نظره شرقيه جاهله او خوف علي البنت او التلاته كلهم :D
3_ اية رايك فى مهنة المحاماة للبنت ؟؟
حب ما تعمل كي تعمل ما تحب (بيتهايالي الجمله صح:D) يعني لو انتي حبه الموضوع وحاسه انك هتكوني كويسه فيه توكلي علي الله ولا تخشي لومه لائم وسيبك من المهاترات اللي ملهاش فايده:D
4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟
علشان القضايا كترت في البلد وقليل اوي اللي بيكون مظلوم وهل تقبلي علي نفسك انك تروحي تترافعي عن واحد عارفه ومتاكده انه غلطانه دا اللي بيسموه شرف المهنه وطبعا قليل اللي بيعمل بالمبادي والكلام دا اظن فهمتيني:)
5_لية القضاء المصرى مستواى فى تحقيق العدالة بدأ فى القلة ؟
مش القضاء بس وبعدين سلطه القضاء اصبحت ضعيفه وفي مؤثرات بتاثر عليها

6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟
اكيد غير ان الحقوق صعبه يعني اداب وتجاره مجموعهم نوعا ما صعب لكن الشباب بيدخلوها كتير غير ان ملهاش مستقبل اكيد او من الاخر طريقها صعب وطويل يعني عشان اسمك يلمع ان شا اللخ بين المحامين لازم يكون ادامك خمناشر تمناشر سنه :Dوكان الله في العون

لا تتعجبون من العنوان
هنتعجب ليه احنا ياما بنشووف وبنسمع هتيجى على دى

فالعنوان صحيح مائة فى المئة انا فعلا دخلت محكمة (محكمة بجد)
ألف مبروك

(اهى جت لك على طبق من ذهب علشان تاخدى خبرة)
ده اللى كنت هاقوله

لكن من الواضح انها قلبت جد معايا وقررت انى اروح فعلا
:eek::eek::eek:

(ماهو لازم اروح واشوف المحكمة ما انا فى حقوق والله اعلم هكمل ولا لأ وانا مترددة احول ولا لأ يمكن ذهابى الى هناك ممكن يساعدنى على اتخاذ القرار ) دة انا بكلم نفسى
وساعدك على اتخاذ القرار وخااصة بعد ما دخلتى المحكمة

(محكمة اية هى جنينة .. مفيش محاكم .. ازاى بنت تروح محكمة ..والخ الخ ...)
رد منطقى جدا وصحيح يالنسبة لى

ولحد ما وجدت نفسى مش فاهمة هما بيقولوا اية اية
انتى باين فى حقوق صح :cool:

3_ كان فى اعتقادى ان المحامى بيتكلم لغة عربية فصحى (سيدى القاضى . حضرات المستشارين. والكلام العربى اللى احنا نعرفة ده)
يعنى مش زى التليفزيون على كده أنا خدت مقلبق جامد اوى امال ايه اللى لسه كويس فى المحاميين "مش كلهم" :D

المحامية كانت بتمضغ اللبان
:o
يا عينى باين عليها كان دامغها عال أوى

هو خلاص المحامى بقى بتقدر بالفلوس بياخد كام مش مهم بقى عندة ضمير وكويس ولا لأ
أصل المحاميين "مش كلهم" مفيش ضمير ولا ذمة والناس عارفة كده فيختاروا الأقل

جاوبونى على الاسئلة بقى:D
بس كده حاضر بس من وجهة نظرى طبعا


[ لو كنت دخلتى لأنك مضطرة فانت مش غلطانة أما بدافع فضول أو حب استطلاع فى المقام الأول مش هقول غلطانة لكنى لا أحبذ (حلوة صح) فكرة دخول البنت قاعة محكمة لغير الضرورة.
2_لية الاعتقاد ان البنت عيب انها تدخل محكمة؟
مين قال انها عيب لكن البنت المسلمة حية بطبعها مش معقول هتقف فى قاعة محكمة والمحكمة ماشاء الله زحمة زى ما حضرتك قلتى وتترافع عن متهم وتتعامل مع مجرمين .
3_ اية رايك فى مهنة المحاماة للبنت ؟؟
أعتقد انها مهنة عادية كأى مهنة لكن مادام هناك بدائل أخرى الأفضل أن تسلكها المرأة وتترك هذا المسلك
4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟
لأن معظم المحامين اليوم لا عندهم ذمة ولا ضمير ولم يعد احد يثق بهم
وياما بنسمع عن مصايب المحامين
كما أنه لا يوجد قانون رادع يجرم أفعال هؤلاء
كل حاجة دلوقتى على المكشوف-برضه كثرة الوسايط والرشوة وإلى آخره
5_لية القضاء المصرى مستواه فى تحقيق العدالة بدأ فى القلة؟
لسبب بسيط جدا هو لسه فيه ايه فى كويس علشان القضاء يزدهر ويسود العدل6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟ [/COLOR]

قد يعد هذا سبب من الأسباب لكن مش السبب الرئيسى

مع العلم انى سمعت جملة فكرت فيها ولاقيت انها صحيحة نسيبة
(الدولة تبدأ فى التقدم والازدهار باحترام قوانيها وتطبيقها على الافراد جميعا لا تفرقة بينهم)
واحنا فى مصر تطبييق القوانين بدا يتسلل الية الواسطة ودى حقيقة مؤكدة (مش عايزة اقول عن تجربة شخصية فى العائلة) [/QUOTE]

عندنا جملة فى التوحيد عن العدل بتقول

قال بعض الحكماء " لا ملك إلا بالرجال، ولا رجال إلا بالمال، ولا مال إلا بالتعمير، ولا تعمير إلا بالعدل ، فالعدل أساس الملك"

وأخيرا حمدالله على السلامة
وارجو أنها كانت تجربة مفيدة لحضرتك
وتكون علمتك حاجة جديدة فى الحياة
وأعتذر على الإطالة

محمد

1_هل انا غلطانة انى دخلت محكمة ؟ولية؟

هو في الطبيعي لا بس لو زي ما بتقولي زحمه وبتاع يبقي ملهاش لزمه طالما مش هيكون ليكي دور فيها

زحمة جدا لدرجة والله وانا عند باب القاعة قلت لبابا انا عايزة اروح بس الغريب ان الزحمة انتهت بجرد لما المرافعات ابتدت :D ....لا.. فعلا مكنش ليا دور فيها بس كنت عايزة اشوف المحكمة وبالاخص المرافعة

2_لية الاعتقاد ان البنت عيب انها تدخل محكمة؟

عشان الزحمه مش اكتر:D

3_ اية رايك فى مهنة المحاماة للبنت ؟؟

وماله بس مش لدرجة انها تبقي قاضي يعني:mad:
تعرف والله انا كنت لسة بقول لهم عايزة اروح محكمة بس فيها قاضى "واحدة" :D.. قرار خاطى خاطى لما قرروا عينوا قاضيات:mad: مصريات .. ربنا يرحمنا

4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟

انا لو مره اسمع عن المفهوم دا علي فكره لكل مهنه الكويس والوحش الشريف وغيره
اكيد كل مهنة فيها الحلو وفيها الوحش .. بس لما الوحش بيزيد بيطغى على الجانب الحلو .. بس دة ميمنعش انة فى محامين فى قمة الاخلاق والشرف ربنا يبارك فيهم ويكثر من امثالهم

5_لية القضاء المصرى مستواى فى تحقيق العدالة بدأ فى القلة ؟

لان مستوي البلد بوجه عام انحدر ولازم كل حاجه تنحدر معاه
بس صعب ان العدل ينحدر معاه .. دة لو استمر فى الانحدار كدة يبقى "علينا العوض فعلا "
6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟

لا مظنش



بس واضح من العنوان انك فرحانه اوي انك دخلتي المحكمه ومش فاهم ايه سبب السعاده دي؟:D

لا مش فرحانة لدخول المحكمة "هى مش بارك طبعا".. بس فرحانة انى رحت علشان اساعد نفسى على اخد قرار بس مش اكتر
واذا كان على العنوان "فالمفروض كنت اكتب دخلت المحكمة او انا دخلت المحكمة بس انا كتبت انا فى الاخر ..معلش معلش العربى عندى ممتاز جدااااا:D "
نورت عادل
جزاك الله خيرا

عادى جدا :D

انا عن نفسى فى يوم من الايام من سنتين او سنة تقريبا كنت هموت واروح اشوف سنترال وادخله واشوف الناس وهى بتدفع الفواتير
واخيرا يعنى لما قررت تاخدنى تفرجنى كنت خارجة مبسوطة اوى بردو
وكانت ماما بتقول لى لما اقول لها انى مبسوطة انى هشوف سنترال ترد وتقول :"متشوفيش وحش يابنتى"
:lol:
ورحنا - وياريتنا ما رحنا بقى - يدوبك اتفرجنا ع الطابور اللى مشرف فى الشارع اصلا
ورجعنا تانى بيتنا بنغير ما ندفع لا فواتير ولا غيره


ستنرال يا حابى :D " فكرة بردو"
طب انا كنت هموت واروح محكمة :p
"اذا عرف السبب بطل العجب " ... يا ترى السبب للذهاب للمحكمة والستنرال اية ؟؟:D
منورانى :) يا جميل

:(1_هل انا غلطانة انى دخلت محكمة ؟ولية؟
هو انتي دخلتي كباريه ولا دخلتي مكان مكتوب عليه للرجال فقط:D

:D لا يا جميل دة محكمة ...:D
2_لية الاعتقاد ان البنت عيب انها تدخل محكمة؟
سذاجه او نظره شرقيه جاهله او خوف علي البنت او التلاته كلهم :D

لا معتقدش انها نظرة شرقية جاهلة ... بس الاكتر يمكن خوف على البنت
3_ اية رايك فى مهنة المحاماة للبنت ؟؟
حب ما تعمل كي تعمل ما تحب (بيتهايالي الجمله صح:D) يعني لو انتي حبه الموضوع وحاسه انك هتكوني كويسه فيه توكلي علي الله ولا تخشي لومه لائم وسيبك من المهاترات اللي ملهاش فايده:D

لا بالنسبة لى فالامر مختلف .. انا كنت بسال المهنة للبنت بوجة عام ... خاصة بعد ما عرفت اد اية المهنة صعبة جدا

4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟
علشان القضايا كترت في البلد وقليل اوي اللي بيكون مظلوم وهل تقبلي علي نفسك انك تروحي تترافعي عن واحد عارفه ومتاكده انه غلطانه دا اللي بيسموه شرف المهنه وطبعا قليل اللي بيعمل بالمبادي والكلام دا اظن فهمتيني:)

قليل جدا جدااا . ... مش هيجى اكتر من اللى بيتبلوا عل الناس والمحامى زى الشطورة كدة بيدافع:mad: ..... ياريت زى ما بتقولى كدة شرف المهنة دة يكون فى المقدمة والضمير بردو

5_لية القضاء المصرى مستواى فى تحقيق العدالة بدأ فى القلة ؟
مش القضاء بس وبعدين سلطه القضاء اصبحت ضعيفه وفي مؤثرات بتاثر عليها
ضعيفة نسيبة .. انا كنت فاكره ان سلطة القضاء سلطة عالية وليها كلمتها بس لما تسللت ليها "الوسايط" وغيرها من المؤثرات زى ما قولتى اصبحت ضعيفة ... بس فى امل عندى انها تكون زوبعة وهتعدى ويرجع القضاء نزية" هو مازال نزية شوية"

6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟
اكيد غير ان الحقوق صعبه يعني اداب وتجاره مجموعهم نوعا ما صعب لكن الشباب بيدخلوها كتير غير ان ملهاش مستقبل اكيد او من الاخر طريقها صعب وطويل يعني عشان اسمك يلمع ان شا اللخ بين المحامين لازم يكون ادامك خمناشر تمناشر سنه :Dوكان الله في العون
اااااه اداب وتجارة فكرتينى "دة انا كان ليا اداب مصر كلها " وتجارة حوااااان:( بس النصيب
المهم
هى حقوق مش ملهاش مستقبل بس زى ما قولتى كدة طريقها صعب ومحتاج سنين طويلة علشان يثبت نفسة او يكون حظة حلو لو له قريب محامى كبير هيختصر علية الطريق :D

شكرا لمروك سارة
فرحت بردك اوى
دايما منورانى كدة يا قمر :)

هنتعجب ليه احنا ياما بنشووف وبنسمع هتيجى على دى
ألف مبروك
بارك فيك الرحمن
ده اللى كنت هاقوله
:eek::eek::eek:
وساعدك على اتخاذ القرار وخااصة بعد ما دخلتى المحكمة
اه الى حد ما ساعدنى
رد منطقى جدا وصحيح يالنسبة لى
انتى باين فى حقوق صح :cool:
:D اه.. تقصد علشان قولت انى مش فاهمة حاجة من كلام بابا والمحامى ؟... انا فعلا مكنتش فاهمة حاجة فهمت كام كلمة كدة بس بعد كدة لا .. وخاصة انى لسة فى اولى حقوق يعنى باخد "أ_ب" حقوق ... بس لو كانوا بيتكلموا فى الرياضة ولا وفيزياء كنت فهمت على طول :D
يعنى مش زى التليفزيون على كده أنا خدت مقلبق جامد اوى امال ايه اللى لسه كويس فى المحاميين "مش كلهم" :D
والله عند جد انا اللى اخدت مقلب جامد جدا .. كانت الى حد ما صدمة .. خير خير
:o
يا عينى باين عليها كان دامغها عال أوى
الله اعلم:D ...بس بجد كنت مستمتعة بالجدال بين القاضى وبينها .. هو يقول لها ميصحش كدة وهى تقول له انا مش غلطانة ووووو وانا فى الاخر كنت بقول القاضى المفروض يدخلها الفقص .. بعد ما سمعت جدالهم دة قلت العكسرى يدخل القاضى وهى القفص ..
أصل المحاميين "مش كلهم" مفيش ضمير ولا ذمة والناس عارفة كده فيختاروا الأقل
ممكن بردو ....

بس كده حاضر بس من وجهة نظرى طبعا
:)



قد يعد هذا سبب من الأسباب لكن مش السبب الرئيسى

مع العلم انى سمعت جملة فكرت فيها ولاقيت انها صحيحة نسيبة
(الدولة تبدأ فى التقدم والازدهار باحترام قوانيها وتطبيقها على الافراد جميعا لا تفرقة بينهم)
واحنا فى مصر تطبييق القوانين بدا يتسلل الية الواسطة ودى حقيقة مؤكدة (مش عايزة اقول عن تجربة شخصية فى العائلة)

عندنا جملة فى التوحيد عن العدل بتقول

قال بعض الحكماء " لا ملك إلا بالرجال، ولا رجال إلا بالمال، ولا مال إلا بالتعمير، ولا تعمير إلا بالعدل ، فالعدل أساس الملك"
عن جد حكمة جميلة وقيمة اوى

وأخيرا حمدالله على السلامة
وارجو أنها كانت تجربة مفيدة لحضرتك
وتكون علمتك حاجة جديدة فى الحياة
وأعتذر على الإطالة

محمد الله يسلمك .. اه اكيد كانت مفيدة الحمد لله .. وعلمتنى حاجة جديدة ف الحياة واولهم انى اختار مجال هقدر اثبت نفسى فية ..
لا ولا يهمك
وجزاك الله خيرا للرد .. افادتنى بردك :)
نورت محمد

:)لا تتعجبون من العنوان

انا شوفت كتير هناك بس قلت اجيب لكم الاختصار علشان مش اطول عليكم بس جاوبونى على الاسئلة بقى:D

1_هل انا غلطانة انى دخلت محكمة ؟ولية؟

لا طبعاااا
2_لية الاعتقاد ان البنت عيب انها تدخل محكمة؟
السمعه
3_ اية رايك فى مهنة المحاماة للبنت ؟؟
كويسه بس للرجل افضل
4_ لية مهنة المحاماة اصبح المفهوم العام عنها انها مهنة تكاد تكون غير شريفة ؟
لانه لاسسف معظم القضايا بتبقي فيها ظلم لاي طرف
5_لية القضاء المصرى مستواى فى تحقيق العدالة بدأ فى القلة ؟
شي عادي وده نتيجة الاهمال
6_ هل التنسيق الثانوى وان حقوق مجموعها قليل هو السبب فى ضعف مستوى المهنة؟
بصراحه اها
مع العلم انى سمعت جملة فكرت فيها ولاقيت انها صحيحة نسيبة
(الدولة تبدأ فى التقدم والازدهار باحترام قوانيها وتطبيقها على الافراد جميعا لا تفرقة بينهم)
واحنا فى مصر تطبييق القوانين بدا يتسلل الية الواسطة ودى حقيقة مؤكدة (مش عايزة اقول عن تجربة شخصية فى العائلة)
طبعا اتمنب لك التوفيق حببتي

طبعا اتمنب لك التوفيق حببتي

وانا كمان بتمنى لك التوفيق ان شاء الله يا جميل
وشكرا لردك
جزاكى الله خيرا :)

والله موضوع جميل وجديد

نقل صورة عن طبيعة المحكمة وشكلها فى الوقاع عن شكلها فى التليفزيون مختلف تماما

اولا دخول المحكمة مش عيب كما هو شائع
لان ممكن دخول المحكمة يكون لاستخراج ورق معين او مستند او غيرة

مثل دخول قسم الشرطة لاستخراج بطاقة او شهاده او مستند او خلافة

هذا الكلام ينطبق عل البنت والولد

*-* طبعا الشكل الى حضرتك شوفتيه فى المحكمة بين القاضى والمحامى هو ده الشكل الطبيعى وانسى خالص حكاية سياده المستشارين وسيدى القاضى دى لانها كانت زمان

ونصيحة ان تستمرى فى الكلية وان شاء الله ربنا يوفقك وتكونى محامية كبيرة

شكرا ....

اقصد يا جميل يعنى لية القضاء المصرى والمعروف انة المفروض بيحقق العدالة فى المجتمع وبيجيب للناس حقوقها اصبح مستواه فى تحقيق ذلك قليل
كدة فهمت
والسبب طيعا معروف وهو ( الكوسة ) سورى فى اللفظ

والله موضوع جميل وجديد
الله يخليك مستر ... وبجد مرور حضرتك هو الاجمل

نقل صورة عن طبيعة المحكمة وشكلها فى الوقاع عن شكلها فى التليفزيون مختلف تماما

اولا دخول المحكمة مش عيب كما هو شائع
لان ممكن دخول المحكمة يكون لاستخراج ورق معين او مستند او غيرة

مثل دخول قسم الشرطة لاستخراج بطاقة او شهاده او مستند او خلافة

هذا الكلام ينطبق عل البنت والولد

*-* طبعا الشكل الى حضرتك شوفتيه فى المحكمة بين القاضى والمحامى هو ده الشكل الطبيعى وانسى خالص حكاية سياده المستشارين وسيدى القاضى دى لانها كانت زمان

كنت اتمنى بجد انها تكون موجودة دلوقتى وياريت ترجع تانى لان اسلوب الحوار بينهم بجد لا يعقل انهم فى محكمة

ونصيحة ان تستمرى فى الكلية وان شاء الله ربنا يوفقك وتكونى محامية كبيرة
ان شاء الله وربنا يقدم اللى فية الخير

شكرا ....

عن جد والله مستر مجدى انا فى قمة السعادة من رد حضرتك
شرفتنى مستر ويارب ما ننحرم من ردود حضرتك ولا المواضيع القيمة :)
جزاك الله خيرا استاذى

كدة فهمت
والسبب طيعا معروف وهو ( الكوسة ) سورى فى اللفظ

:D
ان شاء الله الاهمال دة يروح ويرجع القضاء بيقدم العدل بصورة صحيحة ودائمة
جزاكى الله خيرا :)