السلام عليكم
استكمالا للموضوع اللي كان السنه اللي فاتت قبل ظهور نتيجة الثانوية العامة بكام يوم - انا كنت في انتظار نتيجتي لاني كنت مرحله اولي ودلوقتي انا مرحله تانيه - حبيت اعمل موضوع بمناسبة اننا كلنا-طلاب الثانوية العامة-دخلنا في اهم 3شهور في السنه كلها .........المهم
بالنسبة لطلاب المرحله الاولي متقلقوش خالص .......والله اول يوم امتحان في سنه تانية انا كنت حاسة اني بمتحن في الدرس وناسية اني في امتحان اخر السنه
ال3 شهور الباقيين -صحيح هما بقوا شهرين وشويه- دول ممكن نذاكر فيهم المنهج كله من اول وجديد
انا عندي مبدا وصدقوني انا جربته ونفع ........ذاكر واعمل اللي عليك وسيب الباقي علي ربنا
عشان ماطولش عليكم
اكيد كل مدرس عامل لكم جدول مراجعة لكل مادة ....حاولوا تمسكو الجدول وتقارنوه بالايام الباقية
انا لقيت ان لوباقي 24حصة اواقل في الجدول وبتاخد3حصص في الماده كدا يبقي تمام
المهم في المرحلة دي حاول متقلقش لدرجة تخليك متركزش في المذاكرة ومتكسلش لدرجة تخليك متذاكرش اللي المفروض تذاكره
طالما المدرس عامل جدول ومقسم المنهج وسايب فتره في الاخر للامتحانت الشامله بيقي راجع معاه وسيب الامتحانات السنوات السابقة للاخر وقسمها علي عدد الامتحانا ت الشامله اللي هيديهالك.........ده هيوفر وقت كبير
ذاكر يوم بيوم يعني خلص الكميه المطلوبة في كل ماده .......يعني مثلا لو هتراجع فصل احياء ذاكره كله لوفي جزء مش فاهمه اسال الاستاذ فيه بعدين حل اسئلة كتاب المدرسه ودليل التقويم دول اهم حاجة بعدين الكتب الخارجية
لو معرفتش اساله جمعها في ورقة واسال فيها الاستاذ
حاول تدي لكل جزء في المنهج حقه .........مش المهم تراجع اكتر من مرة بس المهم المراجعة تكون مكثفة


لو عندكوا اسئلة او استفسارات انا موجودة:022yb4:

والله كلمك جميل فعلا
بس فى ناس مش بتاخد دروس وانا اولهم يعنى لازم حتى الى مش بياخدوا دروس يقسموا المنهج مع نفسهم بحيث انهم يلحقوا يخلصوا المنهج ويحلوا الامتحانات لانها مهمة فعلا

كمان لازم الواحد يقسم المنهج ينى مثلا يشوف مادة عايز يخلصها فى قد اية ومش يدخل النت غير لما يخلص الجزء دا واهم حاجة الحل لانها بتثبت المعلومة اكتر ولو فى اى حاجة وقفت ممكن احنا نساعدة فيها وفعلا الايام الى باقية لو استغلناها صح هنخلص المنهج من اول وجديد وربنا يوفقنا جميعا

كلامك صح
وانا احييكي لانك مش بتاخدي دروس
انا اقصد ان اللي بياخد درس ومدرسه منظم يسمع كلامه
احنا هنا ممكن نرفع الجداول لو حد عايزها بس يقول المادة
وشكرا ليكي نورتي الموضوع .........ربنا يوفقنا كلنا

كلامك صح
وانا احييكي لانك مش بتاخدي دروس
انا اقصد ان اللي بياخد درس ومدرسه منظم يسمع كلامه
احنا هنا ممكن نرفع الجداول لو حد عايزها بس يقول المادة
وشكرا ليكي نورتي الموضوع .........ربنا يوفقنا كلنا
طيب كان فى جدول للغة العربية نخلصها فى اسبوع وكدا ياريت لو فى جداول لكدا فى كل المواد نشوفها ونحاول نمشى عليها

انا براجع بس مبحلش امتحانات شامله ودا قلقنى قوى

نصصآيح جميلة ..

جزيتِ خيراً =)

انا براجع بس مبحلش امتحانات شامله ودا قلقنى قوى
لا والله الحل احسن من المذاكرة والله
لانى حتى مثلا لو اول مرة رجعتى للمذكرة تانى مرة هتلاقى نفسك حليتيها على بالك

ممتاز ججججججججججججججججداااااااا

طيب كان فى جدول للغة العربية نخلصها فى اسبوع وكدا ياريت لو فى جداول لكدا فى كل المواد نشوفها ونحاول نمشى عليها

صعب اوي تخلصي العربي في اسبوع المدرس بتاعنا منزلنا جدول على شهرين ! وبعد كدا على شهر والمرة التالتة في ال8 ايام قبل الامتحان .. لكن اسبوع من اول مرة هيبقا كروتة يا اما مش هتذاكري حاجة غير عربي ....

صعب اوي تخلصي العربي في اسبوع المدرس بتاعنا منزلنا جدول على شهرين ! وبعد كدا على شهر والمرة التالتة في ال8 ايام قبل الامتحان .. لكن اسبوع من اول مرة هيبقا كروتة يا اما مش هتذاكري حاجة غير عربي ....
لا ما احنا مذكرين العربى احنا عايزين جدول مراجعة مش هنذاكرة لاول مرة يعنى

مش المهم تراجع اكتر من مرة بس المهم المراجعة تكون مكثفة

:022yb4:

عندك حق كلام مظبوط

وسؤال رفيع كده انتى بتذاكرى الادب إزاى عشان هو غلس بصراحة

وشكرا جدا لحضرتك على النصائح

عندك حق كلام مظبوط

وسؤال رفيع كده انتى بتذاكرى الادب إزاى عشان هو غلس بصراحة

وشكرا جدا لحضرتك على النصائح

الادب بحاول اربط اجزاؤه ببعضها يعني اخليها نتيجة لبعضها او اربطها بالنص واهم حاجة فيه حل اسئلة عشان تعرف الاجابة الصح ايه

انا جبت كتاب surprise انجليزي و الامتحان عربي وتاريخ وبحل فيهم بالنسبه للفرنساوي المدرسة ممتازة
لدرجة اني مش بذاكر وبقفل امتحانات الدرس لانها بتحل كتير جدا وعامله 3 ملازم ميخرجش عنهم اي امتجان
الماس بحل من المعاصر و حجيب بكره التقويم لكل المواد واحل منهم وربنا يستر

لا ما احنا مذكرين العربى احنا عايزين جدول مراجعة مش هنذاكرة لاول مرة يعنى

انا المستر بتاعى عامل جدول من 10:11 يوم بتهيألى
بس هيدهولنا يوم الخميس لما يدهولنا هكتبهولك

انا براجع بس مبحلش امتحانات شامله ودا قلقنى قوى

أهم حاجه حل الأسئلة وامتحانات سابقة

أهمية المراجعه انك تركز على نقط الضعف اللى عندك فى المنهج
يعنى لو فيه باب أو جزيئة مش مظبطها فى الأيام اللى فاتت
حاولوا تراجعوها أكتر من مره وتركزوا عليها

...............

لو عندك جزئية فيها فهم وجزئية فيها حفظ
ابدأ بمزاكرة جزئية الفهم الأول
عشان هتبقى لسه فى اقصى تركيزك

.......................

لو فيه باب صعب النسبه لك متخصصش له يوم لواحده
قسمه على أيام مراجعة الماده
يعنى لو هتراجع الماده فى اسبوع مثلا
زاكر كل يوم باب ومعاه جزء صغير من الجزئية الصعبه بالنسبه لك

.......................

أهم حاجه تحل أسئلة كتييييييير بعد ما تراجعوا كل جزئية
عشان الأسئله هى اللى هتثبت اللى زاكرته
وهتفهمك طريقة الأسئلة فى الجزيئة دى ممكن تيجى ازاى

وسؤال رفيع كده انتى بتذاكرى الادب إزاى عشان هو غلس بصراحة



هو غلس جدا وطويل ومالوش لازمه اساسا
بس ده واقع ومفروض ومافيش مفر منه :p:p
فحاول متعقدش نفسك فيه
يعنى زاكر كل يوم نص مدرسه
ومش لازم تبقى حافظ كل الكلام اللى بيبقى مكتوب ده
أهم حاجه تحفظ خصائص المدرسه واسمين لشعرائها
وبيتين شعر
اول مدسة الإحياء والبعث طويلة شوية بس سهلة
بعد كده معظم المدارس رومانسية
هتحفظ خصائص الرومانسية بوجه عام
وبعدين خاصيتين أو تلاته اللى بتميز كل مدرسة
هتلاقى الأدب ظبط معاك فى المزاكره شويه

والله كلمك جميل فعلا
بس فى ناس مش بتاخد دروس وانا اولهم يعنى لازم حتى الى مش بياخدوا دروس يقسموا المنهج مع نفسهم بحيث انهم يلحقوا يخلصوا المنهج ويحلوا الامتحانات لانها مهمة فعلا

و لله انا سعيدة جدا أنه في حد مابيخدش دروس زيي

أنا عارفة كمان قد ايه الموضوع ده متعب يمكن تكون ظروفك مختلفة بس أنا تعبانة أوي من القعود في البيت لا في مدرسة و لا في اصحاب و لا أي حاجة ...

لو محتاجة أي حاجة ممكن نتناقش فيها سوة يعني لو عايزة و كمان أنا عاملة جدول للمذاكرة لو عايزة منه أي حاجة ياريت تقوليلي

طيب ممكن تنزلنا جدول مراجعة للمرحلة الاولى كيمياء من ابتكارك

كلامك صح
مشكووووووووووووره

شكرا جزيلا

جزاك الله خيرا موضوع مفيد
وفعلا اهم حاجه حل أسئله كتيير

و لله انا سعيدة جدا أنه في حد مابيخدش دروس زيي

أنا عارفة كمان قد ايه الموضوع ده متعب يمكن تكون ظروفك مختلفة بس أنا تعبانة أوي من القعود في البيت لا في مدرسة و لا في اصحاب و لا أي حاجة ...

لو محتاجة أي حاجة ممكن نتناقش فيها سوة يعني لو عايزة و كمان أنا عاملة جدول للمذاكرة لو عايزة منه أي حاجة ياريت تقوليلي




ممكن تدينا نصايح تساعدنا في الثانوية العامه