مشاهدة النسخة كاملة : عاوزة اعيد ثانوية عامة تانى(ارجو الافاده)
مجرد انسانة 04-04-2008, 02:29 PM الساده المدرسين والاعضاء ارجو منكم الافاده
انا خلصت ثانوية عامة من زمان وخلصت كليه ودلوقتى فى الماجستير
بس حسيت انى فى المكان الغلط ومش دى الدراسة اللى بتمناها وفكرت التحق بالثانوية العامة مرة اخرى بس المرة دى ادخل القسم اللى بحبه وهو القسم العلمى ودخلت هنا علشان اشوف المناهج عاملة ازاى
عاوزة رايكم فى القرار ده هل هو صح فعلا لانى خايفة من الخطوة دى جدا
وعاوزة اعرف لو عملت كده هدخل من اول اولى ثانوى ولا من اول ثانية على طول والاتحاق هيكون شكله ازاى طريقة الدراسة ممكن تكون من البيت ولا لازم مدرسة
منتظرة رايكم فى القرار ده هل هو صحيح وطريقة تنفيذه هيكون شكلها ازاى
وشكرا ليكم
مع تحيات
مجرد انسانة؛
M I D O 04-04-2008, 03:40 PM هوا القرار صعب شوية؟! ...
بس انصحك انك تكملى دراستك وتركزى فيها دلوقتى وتحاولى تحبيها على قد ماتقدرى ...
لكن هوا فى الاول وفى الاخر كل واحد لى ظروف ولى قرارت ممكن ياخدها تكون مسئوليته هوا ..
وتصلى صلاة استخارة وربنا يسهل ان شاء الله ....
واعتقد انك لازم الاول تسالى الجهات المختصه لان المدرسين مش بيكونوا عارفين الناحية القانونية اوى ...
واتمنى لكى التوفيق ..
♥έĻ-мΰšŧâρèdâ♥ 04-04-2008, 04:38 PM انا كمان رايى من راايى اخى الكريم
ممكن تكونى دخلت الكلية مثلا مجبورة او مش عجباكى
بس هتعملى ايه لسه هتضيعى سنين من عمرك تانى وتمتحنى
خليكى فى اللى فى دلووقتى وحاولى تتفوقى فيه وتثبتى فيه جدارتك عسى الله يوفقك
وانك لو رجعت ودخلت القسم اللى حاباه ممكن تفشلى او متحققيش حلمك
ده رايى وان شاء الله يقدم لك الافضل والاحسن
تحيااااتى
ايه على
احمد رضا 04-04-2008, 04:44 PM السلام عليكم ورحمة الله وبركاته
من ناحية القرار بصراحة فهو بالنسبالي صح مليار في المئه
وانا احب الشخص المجتهد واللي بيحب العلم وبتستخدميه كويس
ومادام انتي بتحبي العلم ثقي بالله انه هيخليكي في اعلي المراتب
انتي بس اسألي من الناحية القانونية الاول
لان انا سمعت ان الثانوية العامه مرة واحده بس
:)
ومادام انتي عايزه حاجة
وبتعمليلها بجد
ان شاء الله ربنا هيجازيكي خير وتحصلي عليها
:)
مجرد انسانة 04-04-2008, 08:20 PM هوا القرار صعب شوية؟! ...
بس انصحك انك تكملى دراستك وتركزى فيها دلوقتى وتحاولى تحبيها على قد ماتقدرى ...
لكن هوا فى الاول وفى الاخر كل واحد لى ظروف ولى قرارت ممكن ياخدها تكون مسئوليته هوا ..
وتصلى صلاة استخارة وربنا يسهل ان شاء الله ....
واعتقد انك لازم الاول تسالى الجهات المختصه لان المدرسين مش بيكونوا عارفين الناحية القانونية اوى ...
واتمنى لكى التوفيق ..
اولا انا بشكرك جدا على اهتمامك وردك
ثانيا هو فعلا القرار صعب اوى
انا مش بكره دراستى بس خالص على الاطلاق بالعكس انا اللى اختارتها بس الفكرة انى حاسة انها مبقتش تضيفلى كتير
وحاسة كمان ان مفيهاش اهداف كبيرة ممكن الانسان يسعى الا لو كانت هتدخل فى طريق انا مش حابة اكون فيه وحتى الاحاجات الكويسة بقى طريقها صعب مبيتوقفش بس على دراسة واجتهاد
بعدين انا حاسة انى عندى فكر نفسى اعمله واقدمه بس دراستى مكتفانى وبعدانى عنه
انا بصلى استخارة وربنا يقدم اللى فيه الخير ولو سمحت تقولى الجهات المختصة اللى اسالها هى ايه
شكرا ليك على النصيحة واسفة على التعب
مع تمنياتى بمزيد من النجاح والتفوق
مجرد انسانة؛
مجرد انسانة 04-04-2008, 08:28 PM انا كمان رايى من راايى اخى الكريم
ممكن تكونى دخلت الكلية مثلا مجبورة او مش عجباكى
بس هتعملى ايه لسه هتضيعى سنين من عمرك تانى وتمتحنى
خليكى فى اللى فى دلووقتى وحاولى تتفوقى فيه وتثبتى فيه جدارتك عسى الله يوفقك
وانك لو رجعت ودخلت القسم اللى حاباه ممكن تفشلى او متحققيش حلمك
ده رايى وان شاء الله يقدم لك الافضل والاحسن
تحيااااتى
ايه على
بشكرك يا اية على اهتمامك ومشاركتك ليا
بس انا مدخلتش الكلية مجبورة او اى حاجة تانية انا دخلتها وانا بحبها واختارتها بنفسى هو اللى انا كنت مجبورة عليه انى ادخل ادبى وانا مبحبهوش وكنت عاوزة علمى لكن الكلية كنت بحبها لانها كانت الى حد ما عملية
بس زى ما قولت قبل كده بعد ما خلصت وبدات اكمل ماجستير بدات احس انى طريقى هيفضل ثابت مفيش احلام اكبر وحتى لو كانت هتبقى بسيطة على قد الوضع حسيت انى مبقتش بضيف لنفسى حسيتها بطعطلنى على حاجات كتير ممكن اعملها
وفى نفس الوقت انا خايفة اوى ادخل القسم اللى حاباه وافشل وده طبيعى عند اى حد انه يخاف من حاجة وكمان فى الوت ده هبقى ضيعت الماجستير بس اعتقد لو دخلت وكنت جاده فى ده هنجح وبتفوق ان شاء الله
وزى ما قولت قبل كده انا حاسة انى عندى حاجات كتير ممكن احققها وتفكيرى اوسع من كليتى حاسة انى نفسى اعمل حاجات كتيرة مفيده فى المجالات اللى بحبها فى الكلية حتى وانا فى ماجستير مفيش تفكير كلها مهارات وبس حاسة انى مخى وقف وانا بكره كده
وده اللى خلانى عاوزة ادرس حاجة تانية همارس مهاراتى اللى اتعلمتها فى الكلية بس برضه انا محتاجة انى مخى يشتغل مبقاش عايشة كده وخلاص
بشكرك جدا على نصيحتك وعلى وقتك
وبتمنالك مزيد من النجاح والتقدم
مجرد انسانة؛
مجرد انسانة 04-04-2008, 08:31 PM السلام عليكم ورحمة الله وبركاته
من ناحية القرار بصراحة فهو بالنسبالي صح مليار في المئه
وانا احب الشخص المجتهد واللي بيحب العلم وبتستخدميه كويس
ومادام انتي بتحبي العلم ثقي بالله انه هيخليكي في اعلي المراتب
انتي بس اسألي من الناحية القانونية الاول
لان انا سمعت ان الثانوية العامه مرة واحده بس
:)
ومادام انتي عايزه حاجة
وبتعمليلها بجد
ان شاء الله ربنا هيجازيكي خير وتحصلي عليها
:)
وعليكم السلام ورحمة الله وبركاته
انا بشكرك على اهتمامك وتشجيعك
وبشكرك على الحماس اللى اديتهولى بمجرد ما قريت كلامك
انا كمان بحب اجتهد واتعلم جدا بس خايفة لانى علشان اخد قرار زى ده هتخلى عن حاجات فخايفة اتخلى عن حاجات فى مقابل انى مقدرش احقق اللى انا عاوزاه ووقتها هتبقى خسارة بجد
بتمنى بجد لو القرر صح بنا يوفقنى فيه
بشكرك على وقتك وعلى تشجيعك
وبتمنالك مزيد من النجاح والتقدم
مجرد انسانة؛
ملكة زمانى 04-04-2008, 10:33 PM هو مين دة اللى يدخل ثانوية عامة ويفكر مجرد تفكير انة يعيد تانى ؟!
واللة لو ينفع نبدل نبدل انا معندبش اى مانع
Dr.M0hamed 04-04-2008, 10:40 PM ما تحوليش ولا تعيدي الثانوية باختصار لو دة هدفك البحث وراء التعليم ممكن تستخدمي النت او تقري كتب او حاجات كتيرة الثانوية مش الحل المناسب
فتاة الاسلام 05-04-2008, 11:40 AM بصى يا جميل
بالنسبة لاعادة الثانوية فهى مرة واحدة فعلا الكلام دة كان من سنة كدة "الله اعلم اتغير ولا لسة"
بس شئ جميل منك ان تبحثى عن العلم كدة
وانا اتمنى لك التوفيق وتحققى اللى تريدة
ويارب ينفع انك تعيدى الثانوية
خاصة انك عايزة تكملى علمى والعلمى بجد رغم انة صعب بس شيق "انا كنت علم رياضة" ومش هتشعرى بصعوبتة طالما انتى حباه
ربنا يوفقك ان شاء الله
مجرد انسانة 05-04-2008, 05:43 PM هو مين دة اللى يدخل ثانوية عامة ويفكر مجرد تفكير انة يعيد تانى ؟!
واللة لو ينفع نبدل نبدل انا معندبش اى مانع
:D
اكيد مش كل الناس تفكريهم زى بعض وعلى فكرة انا ايام المدرسة وايام الثانوى كنت ببقى فرحانة اوى بيها وبعتبرها احلى ايام فى عمرى لانى بحب الدراسة جدا
ربنا يوفقك فى الثانوية وتطلعى منها على خير ان شاء الله
ملكة زمانى 05-04-2008, 05:54 PM ربنا يارب يستجيب
انا من كتر ما راجعت على المهج نسيتة وزهقت عايزة امتحن النهاردة قبل بكرة
حضرتك بتقولى انك فى الكلية حاليا يعنى الثانوية العمة ايام حضرتك مختلفة كومبلتلى عن ايامنا
اعتبريها نصيحة من اختك الصغيرة بلااااااااش
دا الاساتذة بيقولوا لينا فى الدروس احنا مستغربين ان مفيش حد فيكوا جة لية اكتئاب لعند الوقتى؟!!!!!!!!!!
مجرد انسانة 05-04-2008, 05:56 PM ما تحوليش ولا تعيدي الثانوية باختصار لو دة هدفك البحث وراء التعليم ممكن تستخدمي النت او تقري كتب او حاجات كتيرة الثانوية مش الحل المناسب
اولا بشكرك على مشاركتك ليا
بس نا فعلا بدات اعمل كده بس فى الاخر ده هيبقى علم عندى وبس لكن انا نفسى اغير مسار حياتى وشكمل مستقبلى عموما عاوزة يبقى عندى اهداف ومن غير شهاده رسمى من كلية يعنى لو بعلم فقط عندى وفى بلدنا يبقى مش هوصل لحاجة من اللى بتمناها
شكرا وبتمنالك مزيد من النجاح والتقدم
مجرد انسانة؛
مجرد انسانة 05-04-2008, 06:00 PM ربنا يارب يستجيب
انا من كتر ما راجعت على المهج نسيتة وزهقت عايزة امتحن النهاردة قبل بكرة
حضرتك بتقولى انك فى الكلية حاليا يعنى الثانوية العمة ايام حضرتك مختلفة كومبلتلى عن ايامنا
اعتبريها نصيحة من اختك الصغيرة بلااااااااش
دا الاساتذة بيقولوا لينا فى الدروس احنا مستغربين ان مفيش حد فيكوا جة لية اكتئاب لعند الوقتى؟!!!!!!!!!!
انا دلوقتى فى ماجستير وبشتغل وخلصت كلية السنة اللى فاتت
انا فعلا سامعه ان المناهج صعبه اوى ربنا يقويكو عليها من غير ما يجلكو اكتئاب ولا حاجة
وان شاء الله تكونى من المتفوقين يارب ونسمع عنك اخبار حلوة
ربنا معاكم يارب
وبشكرك على مشاكرتك ورايك ليا وانا لسه ماخدش قرار انا بس حبيت اسمع الاراء وفعلا الاراء بتفيدنى اوى ومستنية المزيد منها
ربنا يوفقك يارب
Mr.Mahmoud 05-04-2008, 06:01 PM الى الاخت العزيزه مجرد انسانه
بصفتى مدرس لغه انجليزيه
ابعث اليك هذا الرد
TWO roads diverged in a yellow wood,And sorry I could not travel bothAnd be one traveler, long I stoodAnd looked down one as far as I couldTo where it bent in the undergrowth; 5Then took the other, as just as fair,And having perhaps the better claim,Because it was grassy and wanted wear;Though as for that the passing thereHad worn them really about the same, 10And both that morning equally layIn leaves no step had trodden black.Oh, I kept the first for another day!Yet knowing how way leads on to way,I doubted if I should ever come back. 15I shall be telling this with a sighSomewhere ages and ages hence:Two roads diverged in a wood, and I—I took the one less traveled by,And that has made all the difference. 20
Mr.Mahmoud 05-04-2008, 06:03 PM بالمناسبه اسم هذه القصيده
the road not taken
ومعناها الطريق الغير مسلوك
مجرد انسانة 05-04-2008, 06:04 PM بصى يا جميل
بالنسبة لاعادة الثانوية فهى مرة واحدة فعلا الكلام دة كان من سنة كدة "الله اعلم اتغير ولا لسة"
بس شئ جميل منك ان تبحثى عن العلم كدة
وانا اتمنى لك التوفيق وتحققى اللى تريدة
ويارب ينفع انك تعيدى الثانوية
خاصة انك عايزة تكملى علمى والعلمى بجد رغم انة صعب بس شيق "انا كنت علم رياضة" ومش هتشعرى بصعوبتة طالما انتى حباه
ربنا يوفقك ان شاء الله
فعلا هى مرة واحده بس؟؟
انا معرفش انا فاكرة انها كانت ممكن لو حد عاوز يعيد ولا انا اللى خيالى بيصورلى كده علشان حاجة عاوزاها انا برضه هسال واتاكد واتمنى لو حد عرف اخبار عن الموضوع يقولى
انا فعلا عارفه انه صعب بس لما يبقى الانسان عنده اراده فى حاجة معينه بيقدر يوصل ويحقق حاجات هو نفسه مكنش يتخيلها وكمان حاسة انى بقيت اكبر وانضج عن ايام الثانوية وبقيت بستوعب الحاجات دى بسهولة اكتر من ايام الثانوية لانى عندى خلفية كبيره فيها
بعدين انا عاملة خطة معينه همشى بيها لو اخدت القرار ولاقيت انه فعلا فى اعاده وانها مش مرة واحده
ربنا يقدم اللى فيه الخير
وبشكرك جدا على مشاركتك ليا
وبتمنالك مزيد من النجاح والتقدم
مجرد انسانة؛
Mr.Mahmoud 05-04-2008, 06:11 PM الطريق العذراء
دربان تفصلهما هذه الغابه الصفراء
لم اطرق كليهما
كنت مسافرا وحيدا
وقفت على مفترق الطريق
حدقت على مواطىء القدم
الى حيث انحنت الحشائش
لكننى سلكت الدرب الاخر
مجرد انسانة 05-04-2008, 06:17 PM الى الاخت العزيزه مجرد انسانه
بصفتى مدرس لغه انجليزيه
ابعث اليك هذا الرد
TWO roads diverged in a yellow wood,And sorry I could not travel bothAnd be one traveler, long I stoodAnd looked down one as far as I couldTo where it bent in the undergrowth; 5Then took the other, as just as fair,And having perhaps the better claim,Because it was grassy and wanted wear;Though as for that the passing thereHad worn them really about the same, 10And both that morning equally layIn leaves no step had trodden black.Oh, I kept the first for another day!Yet knowing how way leads on to way,I doubted if I should ever come back. 15I shall be telling this with a sighSomewhere ages and ages hence:Two roads diverged in a wood, and I—I took the one less traveled by,And that has made all the difference. 20
بشكرك يا مستر محمود على ردك وعلى القصيده الجميلة
بس يا ترى رايك انى انى اخد الطريق الاخر؟؟
zambalek_boy 05-04-2008, 06:21 PM انا عندى حل تعالى مكانى فى الثانويه وانا اجى مكانك..............تعيدى ايه بلا قرف انتى ناقصه يعنى هتخديها مرتين........الله يولع فى امها يا ريت الرد الى بعديا يكون فيه امييييييييييييييييييييييييييييين
Mr.Mahmoud 05-04-2008, 06:26 PM الاختيار هو ما حير الانسان
من اول الزمان الى ان يرث الله الارض
ومن عليها
ولكنى اقول لك
اذا واجهتك مشكله او اردتى ان تختارى شىء
فهل ستلجىء الى من هو افضل منك ام اقل ؟
ردك سوف يحدد اجابتى
مجرد انسانة 05-04-2008, 06:26 PM انا عندى حل تعالى مكانى فى الثانويه وانا اجى مكانك...............زتعيدى ايه بلا قرف انتى ناقصه يعنى هتخديها مرتين........الله يولع فى امها يا ريت الرد الى بعديا يكون فيه امييييييييييييييييييييييييييييين
:D:D
لما يبقى فى حلم فى حياتك ودى تبقى الحاجة الوحيده اللى هتوصلك ليه ساعتها هتبقى عاوزها
ربنا يخلصك منها على خير وتكون من المتفوقين بس انت شد حيلك وربنا معا
ولكل مجتهد نصيب
بتمنالك النجاح والتفوق
مجرد انسانة؛
مجرد انسانة 05-04-2008, 06:31 PM الاختيار هو ما حير الانسان
من اول الزمان الى ان يرث الله الارض
ومن عليها
ولكنى اقول لك
اذا واجهتك مشكله او اردتى ان تختارى شىء
فهل ستلجىء الى من هو افضل منك ام اقل ؟
ردك سوف يحدد اجابتى
هلجأ اكيد لمن هو افضل منى مش اقل منى
انا تقريبا فهمت حضرتك عاوز تقول ايه بس برضه منتظرة الاجابة
مس رانيا حسن 05-04-2008, 07:05 PM انصحك اختى العزيزة ان تكملى الماجستير
وتحققى طموحك فيه
وربنا يوفقك
لو حسيتى ان ده دافع قوى عندك خلاص صللى استخاره
وربنا يوفقك
Mr.Mahmoud 06-04-2008, 05:32 AM اجابتى على استفسارك
هى ان تستعينى بالله
وتطلبى منه ان ينير لكى طريقك
ويكون هوا وكيلك فى الاختيار
ومن يتخذ الله وكيل فلن يضيعه الله
والله المستعان
مجرد انسانة 06-04-2008, 12:05 PM انصحك اختى العزيزة ان تكملى الماجستير
وتحققى طموحك فيه
وربنا يوفقك
لو حسيتى ان ده دافع قوى عندك خلاص صللى استخاره
وربنا يوفقك
بشكرك على مشاركتك
وهو فعلا دافع قوى ان احقق حاجة معينه فى حياتى بس خطوة انا لسه خايفة منها
ربنا يقدم اللى فيه الخير بشكرك مرة تانية
وبتمنالك مزيد من النجاح والتقدم
مجرد انسانة؛
مجرد انسانة 06-04-2008, 12:06 PM اجابتى على استفسارك
هى ان تستعينى بالله
وتطلبى منه ان ينير لكى طريقك
ويكون هوا وكيلك فى الاختيار
ومن يتخذ الله وكيل فلن يضيعه الله
والله المستعان
بشكرك جدا على مشاركاتك واهتمامك وانا بصلى استخارة وان شاء الله ربنا يقدم اللى فيه الخير
جزاك الله كل خير
مع تمنياتى بمزيد من النجاح والتقدم
مجرد انسانة؛
ahmedshe7at 06-04-2008, 10:39 PM ان شـــــــــاء الله ربنا هيوفقك مجرد انسانه
مجرد انسانة 08-04-2008, 10:04 PM ان شـــــــــاء الله ربنا هيوفقك مجرد انسانه
شكرا يا احمد على مشاركتك ودعوتك
ربنا يوفقك ان شاء الله
وبتمنالك مزيد من النجاح والتفوق
ameer alwafaa 16-04-2008, 11:16 PM الثانوية صخرة تتحطم عليها أمواج الأمل
ameer alwafaa 17-04-2008, 01:19 PM انا عندى حل تعالى مكانى فى الثانويه وانا اجى مكانك..............تعيدى ايه بلا قرف انتى ناقصه يعنى هتخديها مرتين........الله يولع فى امها يا ريت الرد الى بعديا يكون فيه امييييييييييييييييييييييييييييين
آآآآآآآآآآآآآآآآآآآآآآآآآآآآآآآآآآآآآآآميييييييييي ييييييييييين
اسلام البغدادي 09-06-2008, 04:55 AM سبحان الله يا اختي انا كمان بفكر في نفس اللي انت بتفكري فيه
خلصت الكلية واشتغلت مدرس
كنت ادبي مجبور عليه انا كمان
لكن حبيت اعيد الثانوي العام وسالت كتير
في مصر مستحيل
جدا صعب الان انا بسال في السفارة السودانية او اي سفارة تانية تقبل انها تدخلني ثانوي علم من تاني
على فكرة انا كنت ممتاز جدا جدا لكن النصيب
الان عندي طموح وشايف انك كمان عندك طموح اوعي تتنازلي عن طموحك ده مش سخط لا ده طموح مشروع لا ي انسان مين الي قال ان الانسان ما يتعلم ويظل عند مرحلة معينة قال النبي الكريم محمد صلى الله عليه وسلم اطلبوا العلم من السند الى الهند وقال ايضا اطلبوا العلم ولو في الصين
والمسلم زمان كان عالما بكل فروع العلم العلم ليس حكرا على احد انما القوانين هي التي حددت ذلك
لذلك نرى التقدم المستمر في اوروبا بسبب ان كل منهم بسهولة جدا يتعلم ما يحب لانهم على دراية ان الذي يحب علم معين اكيد انه سينفع به الدولة
ارجو التواصل لان القضية واحدة
والله المستعان
سلام عليكم ورحمة الله وبركاته
احمد الفرحاتى 09-06-2008, 09:59 PM ربنا يوفقك ويكرمك
ملك@الشااااااااااااااااات
usamawadie 22-07-2008, 02:26 PM اريد ان اعرف كيف الحل لهذه المشكلة واريد ان اعرف ماهو تقدير الكلية ، اكيد هو جيد او اكثر ـ
Last Fantasy 24-07-2008, 02:30 AM معتقدش إن ده حيكون قرار صحيح يللا ربنا يوفقك
بجد انا اقدر اقولك ان الثانوية صعبة
بس لو انتى حابة تدخلى تانى بجد تبقى ممتازة جدا
وياريت اعرف اعمل زيك لما اخلص
fofaa 19-09-2008, 10:29 AM السلام عليكم\ سبحان الله نفس الللي بفكر فيه ارجوك لو وصللتي لحاجه ساعديني انا بجد محتاجه حد يساعدني وسمعت اننه ممككن تعيدي من اولي ثانوي لو اسلام وصل لحاجه يريت يساعدنا
fofaa 19-09-2008, 04:40 PM اووعييييي تتخلي عن حلمك
shouaeb 20-09-2008, 12:36 AM وهو دة الذى انا بابحث عنة بالضبط
يعنى احنا مشكلتنا واحدة
ياؤيت لو وصلتى لحل تعرفينى ارجوكى من فضلك
شكرا
اخوكم
fofaa 22-09-2008, 08:54 AM ااعتتققد الاخ اسلام يقدر يفيدنا عن موضوع السفارات ده
fofaa 22-09-2008, 09:00 AM لو حد يعرف عنن طرييق غير الثانويه زي الدبلومات لاانني عااييزه هندسه عماره
ماهينور 2 22-09-2008, 09:28 AM ربنا يوفقكم جميعا يارب
بس عندي توضيح انا لسه مخلصه تانوي علي فكره بس متسمعيش لاي حد يقولك انه الثانويه صعبه لا بالعكس دي سهله جدا بس للي عاوز فعلا يتعلم وبيذاكر مش عشان امتحان لا عشان يثقف نفسه
لكن الناس اللي في ثانويه بينظروا اليها علي انها مجرد ورق وملازم يتذاكروا وخلاص عشان يكتوه في الامتحان ويحصلوا علي اعلي الدرجات ويدخلوا الكليه اللي هما عاوزنها وبعد كده تلاقيهم فاشلين
ببساطه عشان نظام الكليه مختلف تماما عن الثانوي بيعتمد علي التوسع في العلم ومفيش دروس بقي
معلش طولت عليكي بس الهدف من اللي قولته انه الثانويه فعلا مش صعبه وانا شايفه انك عندك طموح ماشاء الله وان شاء الله ربنا هايوفقك
ولو مينفعش انك تعيدي الثانوي خدي منهج الثانويه علي انه علم وان شاء الله موفقه
في رعايه الله مجرد انسانه
تقبلي مروري
mrhamed 08-01-2009, 09:00 PM ارجو لو فيه رد ياجماعة مؤكد حول اعادة الثانوية العامة من عدمها
ارجو الافادة
Ayman_9 20-04-2009, 05:21 PM انا من بورسعيد وكنت عايز ادخل كليه هندسه وده كان طموحي من ساعه مفكرت ازاكر في اعداديه عشان ادخل ثانوي
وعلي فكره انا كنت متفوق علي طوول في المواد الهندسيه والرياضه في اولي ثانوي وتانيه تانوي
بس للاسف والدتي توفيت قبل امتحان تانيه ثانوي باسبوعين عشان كده مذاكرتش كويس ومجبتش مجموع يسمح اني اكمل علمي وعملت غلطه عمري الي بندم عليها دلوقتي الي هيا ان انا حولت ادبي
وكانت النتيجه ان انا دلوقتي في كليه مش حببها في الفرقه التانيه اينعم مش بسقط فيها بس بعدي كل تيرم بالعافيه
المذاكره قبل الامتحانات بي 4 5 تيام حاسس انها كليه ملهاش لازمه مع انها بتاخد كل سنه اكتر من 85 % بس حاسس ان انا فاشل في المجال ده
وللاسف في الايام الاخيره قرات المواضيع الهندسيه الموضوع كبر في دماغي وحسيت ان انا عايز ادخل الكليه دي باي شكل لان المواضيع والمواد والمناهج مشوقه بالنسبالي
ياريت لو وصلتي لاحاجه تقوليهالي عشان انا حاطط الموضوع ده في اولاوياتي يارب يكون ينفع يارب
ربنا يوفقنا
انا من بكره هنزل اسال في مديريه التربيه والتعليم الي عندنا في المحافظه عشان اعرف راسي من رجلي
وكويس اني لقيت حد يشجعني علي الموضوع ده
مش معقول هيرفضو حد بيطلب العلم
مفيش اي نظام ف العالم بيعمل كده
يارب يوفقنا يارب
maha10137 22-12-2009, 10:21 PM ازيكم ياجماعة انا كمان نفس مشكلت مجرد نسانة بالظبط وبرده معايا ماجستير وكنت ادبى وامنيت حياتى ادخل صيدلة ياريت نشجع بعض كلنا ونشوف هنعمل ايه نقدم شكوى فى مصر او نقدم فى اى سفارة مع بعض المهم نشجع بعض اننا نحقق حلمنا ومش هنخسر حاجة احنا ناس متعلمة مش لسه اول مرة نتعلم ونعتبره خطوة فى تحقيق حلمنا سواء نفعت او لا بس لازم نتكلم مع بعض كلنا وشوفوا اذاى نتواصل لو ينفع عبر الايميل لكل من عنده نفس المشكلة
startover 27-03-2010, 12:05 PM السلام عليكم أخوانى واخواتى
موضضوعكم عجبنى اوى ونفسى اعيد الثانوية .. على فكرة أنا سألت فى مدرسة هل ممكن اعيدها ولا لأ ؟ وقالوا اجيب ورقى واقدم من اول وجديد (يعنى من اول اولى ثانوى)
وياريت نشجع بعض فعلا ... وده اميلى .. وياريت ادارة المنتدى تبقيه كى يتم التواصل
startover.asap على الياهو
تحياتى
عطاوية 28-03-2010, 02:02 PM السلام عليكم أخوانى واخواتى
موضضوعكم عجبنى اوى ونفسى اعيد الثانوية .. على فكرة أنا سألت فى مدرسة هل ممكن اعيدها ولا لأ ؟ وقالوا اجيب ورقى واقدم من اول وجديد (يعنى من اول اولى ثانوى)
وياريت نشجع بعض فعلا ... وده اميلى .. وياريت ادارة المنتدى تبقيه كى يتم التواصل
startover.asap على الياهو
تحياتى
ممكن تعيد من أولى و يكشف الكمبيوتر أنك قد حصلت على الثانوية من قبل و ذللك عند كتابتك الاستمارات.
mora-x29 19-07-2010, 11:43 AM وانا عايزه اعيدهاااااااااااااااا ونفسي الحق اقدم السنهـ دي
بس مش عارفهـ هاجل من الكليهـ ولا ايييييي
انا رايحهـ تالتهـ
حد يساعدني بلييييييز وياريت نجمع معلومات من بعض عشان نستفيد كلنا
ونوصل لاجوبهـ علي اسئلتنا ..
maha10137 31-07-2010, 02:58 AM السلام عليكمازيكم الجماعة انتوا نسيتوا موضوع الاعادة لكل من مهتم بالاعادة السنة الجديدة هتبدا واحنا ماوصلناش لحل ياريت نتواصل مع بعض ونوصل لحل وياريت لو فى حد منكم من اسكندرية نشجع بعض كلنا وياريت كلنا نتكلم على الميل ونشوف هنعمل ايه وانا ميلى maha10137 على ياهو
saqr841 27-06-2011, 05:23 PM بالرغم من ان الموضوع ده بقاله 3 سنين
لكن الموضوع شدنى جدا وقررت اسجل في الموقع مخصوص عشان اعرف الناس عملت ايه
اللي كانت عايزة تعيد الثانوية عشان انا نفسي اعيد انا كمان وسمعت من واحد حاول يعيد قبل كده
ان شرطهم يكون عدي عليك خمس سنين يعني تكون مخلص تالثة ثانوي قبل خمس سنين ياريت حد يعرفنى انتو عملتو ايه
|