تعليمات هامة لكل من غير مسماه الوظيفي بالغربية

اليوم ذهبت الى الادارة التعليمية بكفر الزيات لقيت معظم الاسماء التي صدر لها قرار تغيير مسمى وظيفى مشطوب عليها بالقلم الرصاص لما سألت ليه الاسماء مشطوب عليها رد الاستاذ محمد لاشين وقال الاسماء اللي نفذت هيه اللي مشطوب عليها لكن لقيت ناس نفذت ومش مشطوب عليها

المهم قمت رايح على المديرية وطلعت انا و 3 زميلات للأستاذ يحيى للاستفسار عن الموضوع ولكن الاستاذ يحيى قال الاسماء المشطوب عليهم دول اللى الاكاديميه شطبت عليم علشان مش معاهم تربو ي قلت للاستاذ يحيي بس انا معايا تربوي وبردو مشطوب علي انا وكل زملائي اللي معاهم تربوي

الاستاذ يحي قال الخلاصة اننا هنراجع الاسماء من جديد بس لابد كل واحد اسمة نزل فى اي نشرة تغيير مسمي يروح الادارة علشان
1- يسلم صورة معتمدة من صحيفة الاحوال بالكمبيوتر0
2- اللي اسمة مشطوب علية يسلم صورة معتمدة من المؤهلات وخاصة الدبلوم التربوي
3- اللي لم يسلموا تقريرين او افادة يروح يسلمهم بس تكون الافادة مختومة بخم النسر

والكلام دا لازم يتم بأسرع ما يمكن علشان الاستاذ يحيى يلحق يراجع البيانات ويكتب قدام كل اسم مؤهلاته وتخصصة ورقم الكود الموجود بصحيفة الاحوال والرفم القومي وذلك لتسهل عملية التسجيل فى الاكاديمية

وياري كل واحد يكتب على الاوراق اللي هيسلمها فى الادارة
1- الاسم
2- رقم الكود
3- الرم القومي
4- رقم النشرة اللي فيها اسمة
5- رقم المسلسل بتاع اسمة في النشرة


وذلك تسهيلا غلى الاستاذ يحيى فى عمليةالمراجعة

محدش يتأخر في تسليم الحاجات المطلوبة علشان ندخل الاكاديمية في المرحلة الاولى

فعلا الكلام مظبوط انا كمان روحت المديرية النهارده والكلام اكيييييييد

حضرتك استفسار لو سمحت انا خريج تربية عام وطلعللي قرار تغيير مسي وظيفي مطلوب مني الأوراق دي بردة ولا ايه وحضرتك انا من ادارة شرق طنطا التعليمية ولم انفذالي الآن ارجوا توضيح طريقة التنفيذ وان كنت تعرف مدي التدريب لنا في الأكاديمية .

حضرتك روخ تنسيق الابتدائي بالادارة شوف اسمك مشطوب علية بالرصاص ولا لاء ولو مشطوب علية قدم الحاجات المطلوبة ولو مش مشطوب علية قدم صحيفة احوال بس اما بخصوص عدم التنفيذ فدا بايد الموجة القرر لمادة حضرتك لازم تتصل بية وتكلمة علشان يوزعك علي مدرسة اعدادي

طيب والمعلم المساعد اللى عاوز يحول لتخصصه موقفه ايه ياجماعة
هل تعرفوا حد غير
نرجو الافادة